[align=right]الشاعر / عبد الخالق صياح الشراري
من منطقة الجوف محافظة القريات فالمملكة العربية السعودية
هذا الشاعر الكبير في كلماته وفي معانيه وتحليقه في سما الشعر الشعبي
يتميز بالنظم الذي يشد قارئيه هنا لا اريد ان اطيل عليكم واترككم
مع هذه القصيده الجميله[/align]
[poem=font=",6,darkred,bold,normal" bkcolor="transparent" bkimage="" border="groove,3,darkred" type=2 line=0 align=center use=ex num="0,black""]
يقـول من هـو حـارب النـوم موقه=يسهر طـوال الليـل والنـوم عازيـه
والقلـب مايرجـف ووقفـت عروقـه=من هاجس(ن) يسحب عروقه ويطويـه
يشـد يجـذب مابقـى مـن علـوقـه=جر الظمايـر والحشـى جـاب تاليـه
والنفـس صامـت زادهـا ماتـذوقـه=الشـرب والمأكـول عيـت تدانـيـه
لاوالله ان الـروح مـاهـي معتـوقـه=وموتي تبيًـن لـي بجسمـي مواريـه
يالله ياللـي فـوق ماحـد(ن) يفـوقـه=الوالـي المعطـي والأقسـام بيـديـه
رب المـلا والكـون راعـي خلوقـه=مـن لـه توجـه مايخيـب مساعيـه
الظـال والمسكيـن يـاخـذ حقـوقـه=ولو ظل عن درب الهدى وضاع يقديـه
على النصيـب وماكتـب لـه يسوقـه=وكل(ن) على أعمالـه يثيبـه ويجزيـه
رجـاي بـه ليلـي يعجـل شـروقـه=ينور علـي والقلـب تسلـك مواطيـه
ويفـرج لقلـب(ن) ماتهنـى بشـوقـه=الوقـت ضيـع بعـد قربـه محاريـه
خل(ن) أتعبنـي فـي مكـدة طروقـه=لا قـال ذا الفرقـى ولا قـال نرجيـه
اقفى وانـا بـدرب(ن) تشابـه فروقـه=مادلنـي بالـدرب يمـه وانـا امشيـه
اقفى بقلبي وصـرت انـا لـه لحوقـه=مطوع(ن) جسمـي بـلا قلـب يتليـه
اقفـى اخـذ قلبـي يوسـع شقـوقـه=وانا احسبـه لاشـاف جرحـه يداويـه
ليتـه يـرده لجـل اعـالـج فتـوقـه=ولا طاب جرحه قلـت مافـات عيديـه
لو بـاق بـي ماشافـت العيـن بوقـه=انا اشهد اني من غـلا الـروح مغليـه
له مبسـم(ن) زاد الحـلا فـي نطوقـه=لامن حكى قول(ن) مرتب لـه اغديـه
والخد مزن(ن) يـوم تضـوي بروقـه=لاطاح غيثـه ميـت العشـب يحييـه
والزول غصن(ن) والندى في وروقـه=يعطـي ليونـه لابـدا فــي تثنـيـه
والعين عين اللي زهـق مـن سبوقـه=لولاه مبرقع مـات مـن حـر مابيـه
والسبـق عـن رفـة جناحـه يعوقـه=وإلـى اعتـلا بالجـو ينـوي مرابيـه
اوكاره بطـور(ن) توحـش صفوقـه=عشه علـى عسـر المنـاول مسويـه
مايوضـح الدربيـل ضيحـة ذروقـه=من موقع(ن) ملـواج متـلاوذ(ن) فيـه
طير(ن) على المليـون نـادر بسوقـه=وكـل البشـر تبحـل بشكلـة مباديـه
عديـم ومثنـدى وسـاع(ن) شـدوقـه=غريـب لـون ويعجبنـك مـواريـه
جول الحبـاري عـن طيـاره يعوقـه=شره على خرب(ن) عرض في شواصيه
لمشمـر الساقيـن إلـى اقفـى لحوقـه=يعجلـه لا يزبـن علـى اللـي يواليـه
الارض تحته واشهـب المـوت فوقـه=ياقـف لموتـه مايـقـدي مواطـيـه
حر(ن) إلى شفته قلـت ظنـي نشوقـه=الملـح والبـارود والالمـاس بيـديـه
خلي شبيـه الطيـر ريـم(ن) بطوقـه=طوق الذهـب بالعنـق والنهـد حاديـه
صدر الحبيًـب يعطـي الطـوق لوقـه=لايـق ومنحـر نـور عينـي مزهيـه
والخـل عـن غيـره كثيـره فروقـه=واخاف انا ان وصفت تبهـت محاليـه
عينـي علـى شوفـة بـلاده شفوقـه=وقلبـي علـى شوفـه عيونـي تمنيـه[/poem]
جرالضماير - للشاعر عبدالخالق صياح الشراري
العرض العادي
