العودة   منتديات البوادي > الشعر والادب > درر القصيد


إضافة رد
 
أدوات الموضوع انواع عرض الموضوع
 
قديم 30-10-2008, 07:38 PM   #1
عضو شرف





سامي الابراهيم متواجد حالياً

افتراضي من روائع قصائد - الشاعر عبدالله حمود بن سبيل

[align=center][/align]

[align=justify]هو عبدالله بن حمود بن سعد بن سبيل الباهلي

انتقلت اسرته مع بني عمهم آل عويويد وآل رشيد من مدينة المذنب
إلى (الأثلة) وعمروها واستقروا بها
ومن بلدة (الأثلة) انتقل آل سعد بن سبيل إلى (نفي) وعمروه واستقروا
فيه ومازالوا مقيمين فيه إلى هذا العهد .
وقد ولد شاعرنا عبد الله بن حمود في بلدة ( نفي ) ونشأ فيها وفيها
توفي عام 1352 هـ …
وكان طويل القامة أبيض وسيما بهي الطلعة وكان هادئا حييا ونضم
الشعر في وقت مبكر من شبابه وأحرز به شهرة واسعة .



ومن روائع قصائده
اخترت لكم هذه المجموعة
وأتمنى أن تنال إعجابكم[/align]

[poem=font="Times New Roman,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
ياَ الله ياَ اللى تَسْجُدَ الناس ِلرْضَـاهْ=ياَوَامِـرٍ خَلْقُـه ْعَلـىَ حَـجّْ بَيتُـه
تَََفْرجْ لمن سده على الناس ما ابداه=راضى على مقسومك اللى عطيتـه
من شى يسل الحال والجسم يبـراه=والناس مـا يشفـون ان ماشفيتـه
قلـت اه واجرحـاه مـن خلتـى اه=وان حملونـى حمـل غـى قويتـه
قالو سفا بالحال ويش اللـى اغـواه=قلت اه ويش المنكر اللـى وطيتـه
قالوا جهلت وبـان علمـك لمنهـاه=قلت اه وعلمـى يامـلا مـا كميتـه
قالوا طلبنـا لـك مـن الله معافـاه=قلـت اه وحدتـه وعفـوه رجيتـه
قالوا هله واحباب عينـه نصحنـاه=قـلـت اه هــذا وارد مابغيـتـه
قالوا ندور لك مـن البيـض حليـاه=قلت اه لـو غيـره بكفـي رميتـه
قالوا انشاش العـود مالـك بلامـاه=قلت اه عود المـوز بيـدى لويتـه
قالوا تـزوج كـود تدلـه وتنسـاه=قلت اه لو خذيـت اربـع مانسيتـه
قالو امن اقصى الناس وين انت وياه=قلت اه ما انسى يوم جانـى وجيتـه
قالـوا نشوفـه عنـد هـذا وهـذاه=قلت اه عمره ماعقـب حـج بيتـه
قالـوا عليـل نـاقـل داه بــرداه=قلـت اه باقرابـى وروحـى فديتـه
قالـوا نشيـر ولانفـع ماحكيـنـاه=قلـت اه هـراج النمايـم عصيتـه
قالوا كثـر شيبـك وقلبـك بعميـاه=قلت اه لـو قلبـى غريـر نهيتـه
مطـاوع قلبـى بعجـفـاه وقــداه=والى عطـى منهـاج درب عطيتـه
ياناس خلـوا كـل وادى ومجـراه=قلتـوا كثيـر وقولـكـم مالقيـتـه[/poem]


[poem=font="Times New Roman,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
يالله ياعالـم خفيـات الاســرار=ياعالـم مـا يطـرق المودمـانـيِ
تفك حبل اللى مـن العـام بوسـار=وتمحى مودة صاحب كـد برانـى
غرو تسبب لـى بحبـس وتحيـار=علـى صـاغ ماتعـدى مكـانـى
ماعرفه الا يوم يطـرى بالاذكـار=لاعـود الله جيتـه يـوم جـانـى
ماشفت منه الا العزايـز والامـرار=وعيا قرانه ينطلـق مـن قرانـى
للعقـل سحـار وللشـوف قمـار=ولا ينعرف رطنه مـن المعربانـى
خِلّ وسرنى وسـرة القـد للطـار=مافيـه عقـل يقرعـه مطربانـى
الا ومـع ذلـك حجيـج ومـكـار=وازريـت أسنـع سبرتـه قلبانـى
خلا فـؤادى مـارد لـه ومصـدار=واضريت حالى والله هـالمستعـانِ
أبا أتصبـر ميـر مانـى بصبـار=نهيت قلبى عن هـواه وعصانـى
يقول هذى شمعة البيـض والجـار=يوم انطحتني تعتـرض بدرجانـى
كن القدم بالساق عصـب لخطـار=قبل النجاح وقبل فـرس الايمانـى
صفه ستاد صفـة لـه بهـا كـار=مافيه قصب ولا خلـط معـه ثانـى
عدل يشيل الثوب ردفه الـى ثـار=ماهى من اللـى كبرهـا بالمثانـى
هافى حشى كنه عن الزاد مختـار=وانهود مثـل امكفيـات الصيانـى
والعنق عنق ادمية ترعى الاقفـار=أوحت حسـاس ورزتـه بجفـلان
والخد قرطاس العجم مابه اسطـار=فى يد اخطيب وناشعـه زعفـران
راعى ثمان كنهن ضيـق الامطـار=ويلا عطانـى ريـع علـم قرانـى
خمر حديثه للجسـد نافـع ضـار=بغيت نفعـه ليـن ضـره سدانـى
والخشم سلة هندى صنـع بيطـار=يحفيـه لبسـة بخنقـه مايـدانـى
ومطلـق فيـه الزميـم بشنـكـار=هنـى مـن ورد الثمـان ابثمـان
والعين عين اللى تنهض ولا طـار=فى ماكر عسر علـى كـل جانـى
والراس ذيل اللى يشعشع الى غار=أشقر عليه اقروح ماهـوب وانـى
حصان الشيوخ اللى من البر مشكار=ماينقهرلـولا الرسـن والعـنـان
جملة وصوفه نظف جيبه من العار=ولايشتفـى بهروجـه المسنحـان
هذي وصوفه واعذروني ياالاخيـار=ومـن لاعـذر لاذاق بـر الجنـان
ما اللى على المتن الشمالى بعـذار=ويش انت شايف يارقيب الحسانـى
ان كان ما انت ابعاذر عقما صـار=بالله ويـش اللـى عليـه تهدانـى
قلت الشريعه قال نار ابـن عمـار=يبينـي الحسهـا تحـرق لسانـى[/poem]

 

 

 

    رد مع اقتباس

 

 
قديم 04-11-2008, 11:27 PM   #2
عضو شرف





متعب الفرساني متواجد حالياً

افتراضي

سلمت ودمت بالابراهيم

نقل رائع وتقبل التقدير

والاحترام

تحياتي

 

 

 

    رد مع اقتباس

 

 
قديم 06-11-2008, 08:58 PM   #3
عضو شرف





عبدالسلام العصيمي متواجد حالياً

افتراضي

سلمت يمينك مبدع

وفي انتظار جديدك

تقديري لك ومحبتي

 

 

 

    رد مع اقتباس

 

 
قديم 14-11-2008, 03:34 PM   #4
عضو شرف





فيصل الغامدي متواجد حالياً

افتراضي

فديتك والله يبقيك

رحمه الله ابن سبيل وصح لسانك


تحياتي

 

 

 

    رد مع اقتباس

 

 
قديم 07-01-2009, 12:15 AM   #5
عضو شرف





سامي الابراهيم متواجد حالياً

افتراضي

أسرني مروركم و مشاركتكم بالموضوع

يعطيكم العافيه

 

 

 

    رد مع اقتباس

 

 
قديم 09-01-2009, 12:34 AM   #6
عضو شرف





عبدالعزيز الناصر متواجد حالياً

افتراضي

نقلت وكنت مبدعا ورحم الله بن سبيل

شاعرا كل قصيدة منه تعتبر اسطورة لا تنافسها اختها الله يسلم قلبك

 

 

 

    رد مع اقتباس

 

 
قديم 15-01-2009, 12:19 AM   #7
مشرف القسم العام





بندر الزامل متواجد حالياً

افتراضي

قصيد جزل لشاعر غني عن التعريف سلمت يمينك تحياتي

 

 

 

    رد مع اقتباس

 

 
قديم 15-01-2009, 10:54 PM   #8
الشاعر سايل لافي





المولع الغريب غير متواجد حالياً

افتراضي

نقل راااااائع واختيار موفق لاعدمنا طرحك الرااااقي

 

 

 

 

 

التوقيع :
للتواصل

mm789mm@hotmail.com
    رد مع اقتباس

 

 
قديم 16-01-2009, 04:49 PM   #9
عضو شرف





راضي الفيحاني متواجد حالياً

افتراضي

صفحة رائعه تجلت بها جواهر القصيد

لاعدمتك وتقبل مروري

 

 

 

    رد مع اقتباس

 

 
قديم 16-01-2009, 04:54 PM   #10
عضو شرف





بنت عسير متواجد حالياً

افتراضي

شاعر مرموق

سجل اسمه بروعة ما سطر من جمال الشعر وابجدياته

تسلم اياديك على النقل وصح لسانك

 

 

 

    رد مع اقتباس

 

إضافة رد


الذين يشاهدون محتوى الموضوع الآن : 9 ( الأعضاء 0 والزوار 9)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روائع قصائد - الشاعر سليمان بن شريم ناصر احمد العبيد درر القصيد 58 06-09-2012 09:50 PM
من درر القصيد - الشاعر عبدالله بن بن سبيل - ج 3 الأصيل درر القصيد 40 03-09-2012 08:07 PM
من درر قصيد - الشاعر عبدالله بن سبيل - ج 1 الأصيل درر القصيد 50 03-09-2012 07:46 PM
درر القصيد - للشاعر عبدالله حمود بن سبيل - ج 2 الأصيل درر القصيد 40 03-09-2012 07:35 PM
من قصائد - الشاعرة عابرة سبيل - رحمها الله بتول الشرقاوي قصائد منقوله 20 12-05-2010 10:24 PM


الساعة الآن 03:39 AM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
 

شبكة البوادي الثقافية