العودة   منتديات البوادي > الشعر والادب > المحاوره والرديه


إضافة رد
 
أدوات الموضوع انواع عرض الموضوع
 
قديم 23-06-2008, 10:34 PM   #1
عضو شرف





متعب الفرساني متواجد حالياً

افتراضي ردية - الشاعرين محمد الأحمد السديري والشاعر مرشد البذال

[align=center]يقول الامير محمد الأحمد السديري[/align]


[poem=font="times new roman,6,darkred,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]

يالله انا من جود حسناك طالبك=عفوك ومدك حيث مانتب بخيلي
يالآدمي دنياك هذي تعذبك=لو طفت فيها مالقيت الدليلي
كل على مذهب امامه يخاطبك=يبيك من زايد ذنوبه تشيلي
اليا عصيت اهل المذاهب تعاتبك=كل يقول ابيك يمي تجي لي
لو انتحيت بعيد بالسو تطلبك= وكل بصاعه من ذنوبه يكيلي
احد ٍ يصحح لك حديثه ويرهبك=واحد يقول الحق عندي نزيلي
واحد ٍ يخيفك في كلامه ويدبك=ابليس يضحك له وهو مستشيلي
الناس عوجان المذاهب تكذبك=عن الصحيح الكذب معهم بديلي
ان مارضيت بقولهم نتف شاربك=تكبر ذنوبك لو غناك تهليلي
ناس على درب الفضيله تحاربك=وعلى دروب الشر تهذل هذيلي
دروبهم عسرات عوج وتتعبك=ماتستوي لك لا ولاتستوي لي
ينبيك عن دنياك ماضي تجاربك=وعزي لحلك كان عزمك قليلي
اتبع نبيك واترك اللي مجنبك=واقضب مماشي سنته لاتميلي
اللي بغير النور للرشد يندبك=وابو بكر عنده نديم وخليلي
نصاحيه للرشد حذرا تغايبك=هرجه صحيح وكل فعله جميلي
سنه نبي ٍ للفضيله تقربك=المصطفى ماله شبيه وعديلي
واحذرك عن نقالة السو تقربك=ومن يتبع العايل لزوم ٍ يعيلي
لو كان ماتغضب ترى الناس تغضبك=عقب المعزة يجعلونك ذليلي
واترك ردي العرف للعيب يجذبك=وتصير لدروب الردى له عميلي
وبنت الردي حذراك حذراك تعجبك=احذر تصير لمثل هذي حليلي
وعن مايعيب النسل عرب مناسبك=عليك في بنت الحصان الاصيلي
يجي ولدها تفتخربه قرايبك=ويقيف في وجه الخصيم القبيلي
وان كبرت القالات بالفعل يعجبك=ويبرد همومك كان قلبك غليلي
مثل القطامي في طياره يشببك=والدم من مضراب كفه يسيلي
ان كان ماصلبين الاريا مكاسبك=تراك بين الناس تبقى هزيلي
ترى دروب الخبث يالعبد تذهبك=يفوت عمرك ماتحصل حصيلي
ومعاشر الخايب مع الناس ينشبك=وتصبح قليل الميز عقلك هبيلي
ومعاشر الطيب على الطيب يجلبك=يرقيك للعليا بظل ٍ ظليلي
لاتقرب الاجرب بالامراض يعطبك=ويصير جسمك مثل جسمه عليلي
ممشى الخنا من صافي العقل يسلبك=ويصير لك يم الرذيله سبيلي
وعن مارد الأنذال نزه مشاربك=ارد النظيف ولو وراده طويلي
ولياك تنسى مع هل الجود واجبك=واللي يريد المجد حمله ثقيلي
يالادمي وان كان كثرت مصايبك=اعنز على محي الهشيم المحيلي
اعنز على رب ٍ بعرشه يراقبك=وناجه وبعد العسر يسرٍ جليلي
ناجه ولجل رضاه وجه ركايبك=وخلك لعلام السراير دخيلي
هو الذي ينجيك من كود صايبك=ويذريك من كربات هول مهيلي
يالعبد مكن عند ربك مقاضبك=فكر وقدر واحتزم للرحيلي
ماحد ٍ عن الخلاق يالعبد حاجبك=هو الذي مده وعفوه جزيلي
وهو الذي فيما فعلته يحاسبك=وهو الذي بارزاق عبده كفيلي
واحذر يابن حوى تطمن لحاجبك=الا لرب ٍ للخلايق يزيلي
اللي بعفوه عن عذابه يراقبك=وعينه لكل الخلق دايم تخيلي
في لوحه المحفوظ يالعبد مزهبك =نزل بحق وكل مابه فضيلي [/poem]



[align=center]رد مرشد البذال[/align]


[poem=font="times new roman,6,darkred,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]
لاعدت يارجمٍ ضحى اليوم مرقبك=قعدت في راسك نديمي سبيلي
تنسف علي من الذواري هبايبك=وقامت خليات الفجوج تهوي لي
يارجم شوش خاطري واستهاض بك=يارجم من كثر الطواري بديلي
اسباب عد في شعيبك مطانبك=عدٍ واعرفه يوم طربات جيلي
ياعد ابا سيلك عن اللي خبرت بك=قد شفتهم بالعين ربي وكيلي
واليوم اشوفه داير ٍ جوك الشبك=خرب معاطينك سواق النخيلي
ياعد وين اللي نزل في مساهبك=وين الضعون النازله والرحيلي
وين الجهام اللي خلوجه تحن بك=ليا ضيعت مفرودها هود ليلي
وين النزيل اللي قطينه مقطبك=الفجر حس نجورهم له صهيلي
ووين المهار اللي فزعها يلج بك=ليا ناض صياح الضحى بالشليلي
ثم قال ياللي ماكر العود ناتبك=يوم ٍ به العريس عاف المقيلي
وركبوا على قب ٍ سطرهن يشاغبك=جنك لصياح الضحى بتعجيلي
وقال الزهوف ايصف لنا قبل نضربك=ابتقدم لين ربعي تجيلي
قال افهق الصايب خصيمك مقاضبك=قبل الفزع يكمل فلا تحتري لي
يوم ٍ طابور المشاهير حاطبك=ناباه امير الخيل قلبه وغيلي
ياراعي البل قلنا ويش مهربك=صبر على هالحال ماله ضويلي
قال العقيد فلان زارك وهازبك=يقول ذقها ياميبس صميلي
عندك حلايبنا واخذنا حلايبك=هذا بدال العام يوم تغزيلي
وتلاحظو كل ٍ يقول امش ويش ابك=وكل ٍ تقلد سيف ماص ٍ صقيلي
واقفن مثل جول القطا اللي معجبك=حجم عليه الوقت جلع محيلي
ياعزتي ياللي جوادك يجول بك=متعطل ٍ غلق عليه الشبيلي
لحقوا هل البل يامعزل كسايبك=كل يوده يام ديك اشبحي لي
عيناك يابوش ٍ جذبنا تحطبك=خلج ٍ تعزل للسهوم اتعزيلي
ياراعي الملعب حظر من يلاعبك=في ملعب صوت الفشق له عويلي
من بينهم شوف المعارك يشيبك=في ساعة ٍ ماكل من طاح ويلي
لاعدت يايومٍ عجاجك يطيربك=ياما هفابه من طريح دحيلي
وليا هرب خطو الوليده من الدبك=الصبح عنه العاشقة تستقيلي
تقول ودر يامدهن ذوايبك=لاوا خسارة كدني لك ثليلي
ان كان ربعك فاللقا ماتهوش بك=انا حليلة من نخاه التويلي
لحول ياسلم القديمين مااصعبك=من لاعرفهم شك في وزن قيلي
ياعد هذي كلها من سبايبك=ذكرتني واشقيت من يصطبي لي
مرحوم ياجيل ٍ رحل نستعز بك=ماظن يرجع دوركم مستحيلي
واليوم ياهالوقت ياوش نقول بك=قول بلا برهان لاينحكي لي
لولا البعض ياوقت طيبه مطيبك=مثل الرسوم اللي لمدحك دليلي
ومصارعين ٍ راعي الكذب والهبك=ناس ٍ طلبها السعسعه والنقيلي
عندك يحش بنا وعندي يحش بك=الله من شين العمل يقتضي لي
ليا حظر قدام وجهك يلب لبك=تقول هذا الحق منه يهفي لي
وليا ذهب علق سهومه بغاربك=وفهق زناد ٍ معلق ٍ بالفتيلي
من خان امانه بعده عن مناصبك=لو يمترح قدمك سوات الثعيلي
قله عداك الخير عقلي يشك بك=لو انت تجهد بالعمل وتعدي لي
تراك لو عييت ماهوب غاصبك=ليا قلت له تعبير بنت العليلي
لاتامن الغدار غدره يقول بك=يرميك وسط البير شين الدغيلي
وليا عرف في وسطها دق منكبك=وقف على راسك يهت النثيلي
ان كان ذربات النصايح تفيد بك=ابا انصحك كانك لمثلي تسيلي
رابع فهيم للفهامه يدربك=عراف حيال ٍ لمن كان حيلي
ليا عطيته غايتك مايخون بك=ويصير لك في مشكلاتك زميلي
ولا ردي العزم ماهوب ثايبك=لايعجبك لو كان جسمه جثيلي
ان كان زول النسر كبره مهيبك=تراه زوله مثل زول الرجيلي
والخبل وسط المحتضر لايداعبك=خل اللغا بينك وبينه كتيلي
عن كلمة قدام الاجناب تشذبك=تصير صبغ ٍ مامحاه الغسيلي
واختامها ياراحم ٍ نستجير بك=مولاي تغفر زلتي وتعفي لي [/poem]

 

 

 

    رد مع اقتباس

 

 
قديم 25-06-2008, 01:39 AM   #2
شاعر البوادي





ناصر احمد العبيد متواجد حالياً

افتراضي

الله الله

قصيدة تحفة ورد وافي وجزل

رحم الله الامير والشاعر

وتقبل مروري

 

 

 

    رد مع اقتباس

 

 
قديم 27-06-2008, 12:27 AM   #3
عضو شرف





متعب الفرساني متواجد حالياً

افتراضي

تسلمون على مرورك والله يحييك ويبقيك

تحياتي لك

 

 

 

    رد مع اقتباس

 

 
قديم 28-06-2008, 10:56 PM   #4
عضو شرف





ماجد الكربي متواجد حالياً

افتراضي

رحم الله الامير والشاعر

وصح لسانك

تقبل مروري

 

 

 

 

 

التوقيع :
[align=center]almalak85[/align]
    رد مع اقتباس

 

 
قديم 01-07-2008, 08:34 PM   #5
مشرف الشعر والأدب





فهد محمد العازمي غير متواجد حالياً

افتراضي

هنا الشعر والنظم الصحيح
رحم الله الشاعريين رحمة واسعه ولاهنت للنقل

 

 

 

    رد مع اقتباس

 

 
قديم 10-07-2008, 01:52 AM   #6
عضو شرف





ابن عروة متواجد حالياً

افتراضي

الله يعطيك الف عافيه على النقل

ردية جزله جزله ومن شاعرين اشهر من نار على علم

 

 

 

    رد مع اقتباس

 

 
قديم 13-07-2008, 01:39 AM   #7
شاعر البوادي





حمد بوضريس العازمى غير متواجد حالياً

افتراضي

الله يرحمهم ولاهنت يامتعب على النقل والله يعطيك الف عافيه

تقبل مرورى وتقبل تحياتى وحترامى

 

 

 

 

 

التوقيع :
[poem=font=",6,black,bold,normal" bkcolor="transparent" bkimage="http://www.albwady.com/vb/mwaextraedit4/backgrounds/12.gif" border="solid,4," type=2 line=0 align=center use=ex num="0,black""]
أنا ليامن غبت غيبه طويله=أرجع معي شعرن يعوض غيابي
[/poem]
    رد مع اقتباس

 

 
قديم 15-07-2008, 04:09 AM   #8
مشرف القسم العام





بندر الزامل متواجد حالياً

افتراضي

رحم الله الامير والشاعر

وصح لسانك

تقبل مروري

 

 

 

    رد مع اقتباس

 

 
قديم 16-07-2008, 11:15 PM   #9
عضو شرف





هزاع النجدي متواجد حالياً

افتراضي

قصيدة تحفة ورد وافي وجزل رحم الله الامير والشاعر وصح لسانك

 

 

 

    رد مع اقتباس

 

 
قديم 19-07-2008, 12:12 AM   #10
عضو شرف





فيحان المرزوق متواجد حالياً

افتراضي

صح لسانك

معاني وصيغه تدل شاعريين لهم باع طويل

رحمهم الله

لاهنت وعلا شانك

 

 

 

    رد مع اقتباس

 

إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ردية بين الشاعر عبدالله سعد المسند والشاعر مرشد سعد البذال راضي الفيحاني المحاوره والرديه 68 22-09-2012 09:40 PM
ردية - الشاعر مرشد البذال والشاعر رجا الفزير رحمهم الله نزف المشاعر المحاوره والرديه 82 20-04-2012 02:41 AM
ردية - الشاعر خالد الوزان والشاعر مرشد البذال رائد السهلي المحاوره والرديه 77 10-03-2012 11:39 AM
مرشد البذالي في ضيافة الأمير / محمد الأحمد السديري زايد الجبلي المحاوره والرديه 28 30-11-2010 11:24 PM
انا من نجد يكفيني هواها - للشاعر محمد الأحمد السديري - صوتية هزاع النجدي الصوتيه والمرئيه 52 27-09-2010 12:33 AM


الساعة الآن 06:32 AM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
 

شبكة البوادي الثقافية