الأصيل
09-01-2006, 10:54 PM
http://www.albwady.com/picss/bc/508.jpg
هو عبدالله بن حمود بن سعد بن سبيل الباهلي
انتقلت اسرته مع بني عمهم آل عويويد وآل رشيد
من مدينة المذنب إلى (الأثلة) وعمروها واستقروا بها
ومن بلدة (الأثلة) انتقل آل سعد بن سبيل إلى (نفي)
وعمروه واستقروا فيه ومازالوا مقيمين فيه إلى هذا العهد .
وقد ولد شاعرنا عبد الله بن حمود في بلدة ( نفي ) ونشأ فيها
وفيها توفي عام 1352 هـ …وكان طويل القامة أبيض وسيما
بهي الطلعة وكان هادئا حييا ونضم الشعر في وقت مبكر من شبابه
وأحرز به شهرة واسعة
الله من دمعٍ
الله من دمعٍ تهله عبارى = يشبه هماليل السحاب اندفاقه
على الذى بيني وبينه مدارى = والهرج منه ان بغيته شفاقه
والهرج ما ينفع ولاهوب قاري = ولا ينبغي حب بليا لباقه
للحب في وجه المقابل موارى = ضحك الحجاج ورفعته وانطلاقه
خصٍ الى لقاك وجهه نحارى = واشرف على غاية غلاه ونفاقه
والا من المبغض تشوف النكارى = يوله فراقك وانت توله فراقه
والهرج ياتي له دروب ومجاري = لا شك ما يفهم خطاة الهقاقه
عند المحاضر كل يومٍ يمارى = يقول لي مع كل زولٍ عشاقه
راعى الهوى المعتاد يخفى الاثارى = اليا بغى له رمسة بانسراقه
ولاهو بزهافٍ اذا حل طاري = يفرق على غيره بعقل ووثاقه
لاتمحنون القلب
لا تمحنون القلب يا عاذلينه=الأمر لله والحكي ما يثيبي
لاخِبِر عن باسه ولا عالمينه=يعلم به اللي للدعا يستجيبي
عامين أكنه يوم أنا مستهينه=ولا ودي أبدي للعرب ويش عيبي
واليوم يوم إنه تبيح كنينه=فأنا محب ووجعتي من حبيبي
قالوا مرض هاتوا طبيب المدينه=قلت الشفا بشفا طبيب قريبي
لعقة عسل بين الزرار وجبينه=وحرف القران إلى تلاه الخطيبي
كانه يخاف الله والاسلام دينه= له في نهار البعث حظ ونصيبي
يرش قلبي قبل ذوبه بحينه=عن ميتتي من سبته وش يبي بي
ما هو بيرحم لا رحم مخلفينه =كيه صبر يا ربي إنك حسيبي
لا هو نصف كي الضنين لضنينه=بالماقع اللي ما كواه الطبيبي
عرقى على كبدي وسيمة مزينه=وأركى على قلبي ثلاث المغيبي
كان الجروح قصاص واشيب عينه=كويت قلبه كية ما تطيبي
لا عاد عرف صار بيني وبينه=أبي المروفة منه وأذهب ذهيبي
وأنا له ألجا من حدا والدينه=وأطوع من العبد المليك الأديب
ياصاحبي دونك
ياصاحبى دونك عدوٍ ليا جيت = يلبس على جلده لبسة عباته
اقفى الى شكيت وابعد الى اقفيت = ابغى لعل السو تمرح وشاته
ابعاد حوم دون حذف ومشاخيت= والا فلا قلب سلى عن شفاته
اليا توسع خاطرى واسفهليت = وتبعت هويات القدم وشهواته
اما سمعت وشفت والا تحريت = فتـق بقلبى فزته والتفاته
خفيت ما يطرى ليالى ولا ابديت = جا هاجسٍ ما بين وده وهاته
بي ولعة الصقار عدى وتصاويت = والا رضيع الديد يذكر لباته
ورعٍ صغير وراحت امه عن البيت = مصطوم ملطوم قليلٍ سكاته
ما غير هرجه من فواده تناهيت = تنهت المضيوم عند شرهاته
قالوا جهلت وقلت بالجهل قريت = الجاهل اللى ما تذكر طراته
كم ليلةٍ جا لى على ما تمنيت = الله يجهر لايمي بجهراته
عساه مايوحى يقع يوحى الميت = وابكم صديقك ما يسوى سواته
يلومني خبلٍ هروجه سفاريت = ما ذاق طربات الهوى وسفهاته
انا الذى لو قالوا الناس سجيت = ما اسج لين القبر تركز حصاته
كل النهار معبر المشى خريت = والليل كله نسهره ما نباته
كني خلو ج تنهض الصوت وتهيت = وحوارها الراعى تعشى شواته
لو صكه اللحاق واستحلق بخيت = تنكس عليهم لين تاصل مماته
كنه ينقزها عن الرعى عفريت = والشرب منه تنقزه من صراته
حل الفراق
حل الفراق وحن رايم لمريوم = وقوى الريام اللى كبار رفوفه
امسيت انا عيني حريب لها النوم = كن الاداوي بالنظير محذوفه
ابكى بكا ورعٍ عن الديد مفطوم = عاجاه غير أمه وكثرت صدوفه
غديت مثل اللى بمسراه منجوم = منى معاليق الضمير مخطوفه
ونفسى غدت لاهيب مني ولا سوم = وجسمى نحل كن السعاير بجوفه
والقلب جار له سواميح وهموم = ومن القرادة كل طارى يلوفه
على الذى جا منه لي رد واعلوم = شرهٍ علي اللى جميلٍ اوصوفه
وله الشره لو كان ما جيت مثلوم =اصبر على عجفاه لأجل معروفه
لو بين الغيظة فانا عنه ما شوم = لين أتعذر منه واجلى الحسوفه
حقٍ على رادع شفاياه بأرقوم = يروف بي وانا بحال المروفه
وحقه على اليا هرجت أبعد الحوم = اغضى ولا كني مع الناس اشوفه
أنا الذى ياما تمناه من يوم = وهو الذى نفسه لغيرى عيوفه
ان مت قبله قال لي زيد مرحوم = وان مات قبلي ماهي الحياه مخلوفه
كن اللوالو بين أشافيه منظوم = او ضيق وبل ملتحم في قنوفه
والعين عين اللى على راس ملموم = ما جيب له من كل نسرٍ علوفه
حرش المناكب لأبرق الريش صيروم = حرٍ ملك موت الحبارى كفوفه
ابو نهيدٍ في حشى الصدر مزموم = بيض الحمام اللى رفاعٍ قيوفه
هافى حشى كنه عن الزاد محروم = والثوب يشكى ما نبا من ردوفه
والزين في مقرن حجاجيه مرشوم = رشمة مهر شيخ شبع في ضيوفه
يا جاعلٍ موت المخاليق محتوم = قرب مداهيل العنود الهنوفه
هو عبدالله بن حمود بن سعد بن سبيل الباهلي
انتقلت اسرته مع بني عمهم آل عويويد وآل رشيد
من مدينة المذنب إلى (الأثلة) وعمروها واستقروا بها
ومن بلدة (الأثلة) انتقل آل سعد بن سبيل إلى (نفي)
وعمروه واستقروا فيه ومازالوا مقيمين فيه إلى هذا العهد .
وقد ولد شاعرنا عبد الله بن حمود في بلدة ( نفي ) ونشأ فيها
وفيها توفي عام 1352 هـ …وكان طويل القامة أبيض وسيما
بهي الطلعة وكان هادئا حييا ونضم الشعر في وقت مبكر من شبابه
وأحرز به شهرة واسعة
الله من دمعٍ
الله من دمعٍ تهله عبارى = يشبه هماليل السحاب اندفاقه
على الذى بيني وبينه مدارى = والهرج منه ان بغيته شفاقه
والهرج ما ينفع ولاهوب قاري = ولا ينبغي حب بليا لباقه
للحب في وجه المقابل موارى = ضحك الحجاج ورفعته وانطلاقه
خصٍ الى لقاك وجهه نحارى = واشرف على غاية غلاه ونفاقه
والا من المبغض تشوف النكارى = يوله فراقك وانت توله فراقه
والهرج ياتي له دروب ومجاري = لا شك ما يفهم خطاة الهقاقه
عند المحاضر كل يومٍ يمارى = يقول لي مع كل زولٍ عشاقه
راعى الهوى المعتاد يخفى الاثارى = اليا بغى له رمسة بانسراقه
ولاهو بزهافٍ اذا حل طاري = يفرق على غيره بعقل ووثاقه
لاتمحنون القلب
لا تمحنون القلب يا عاذلينه=الأمر لله والحكي ما يثيبي
لاخِبِر عن باسه ولا عالمينه=يعلم به اللي للدعا يستجيبي
عامين أكنه يوم أنا مستهينه=ولا ودي أبدي للعرب ويش عيبي
واليوم يوم إنه تبيح كنينه=فأنا محب ووجعتي من حبيبي
قالوا مرض هاتوا طبيب المدينه=قلت الشفا بشفا طبيب قريبي
لعقة عسل بين الزرار وجبينه=وحرف القران إلى تلاه الخطيبي
كانه يخاف الله والاسلام دينه= له في نهار البعث حظ ونصيبي
يرش قلبي قبل ذوبه بحينه=عن ميتتي من سبته وش يبي بي
ما هو بيرحم لا رحم مخلفينه =كيه صبر يا ربي إنك حسيبي
لا هو نصف كي الضنين لضنينه=بالماقع اللي ما كواه الطبيبي
عرقى على كبدي وسيمة مزينه=وأركى على قلبي ثلاث المغيبي
كان الجروح قصاص واشيب عينه=كويت قلبه كية ما تطيبي
لا عاد عرف صار بيني وبينه=أبي المروفة منه وأذهب ذهيبي
وأنا له ألجا من حدا والدينه=وأطوع من العبد المليك الأديب
ياصاحبي دونك
ياصاحبى دونك عدوٍ ليا جيت = يلبس على جلده لبسة عباته
اقفى الى شكيت وابعد الى اقفيت = ابغى لعل السو تمرح وشاته
ابعاد حوم دون حذف ومشاخيت= والا فلا قلب سلى عن شفاته
اليا توسع خاطرى واسفهليت = وتبعت هويات القدم وشهواته
اما سمعت وشفت والا تحريت = فتـق بقلبى فزته والتفاته
خفيت ما يطرى ليالى ولا ابديت = جا هاجسٍ ما بين وده وهاته
بي ولعة الصقار عدى وتصاويت = والا رضيع الديد يذكر لباته
ورعٍ صغير وراحت امه عن البيت = مصطوم ملطوم قليلٍ سكاته
ما غير هرجه من فواده تناهيت = تنهت المضيوم عند شرهاته
قالوا جهلت وقلت بالجهل قريت = الجاهل اللى ما تذكر طراته
كم ليلةٍ جا لى على ما تمنيت = الله يجهر لايمي بجهراته
عساه مايوحى يقع يوحى الميت = وابكم صديقك ما يسوى سواته
يلومني خبلٍ هروجه سفاريت = ما ذاق طربات الهوى وسفهاته
انا الذى لو قالوا الناس سجيت = ما اسج لين القبر تركز حصاته
كل النهار معبر المشى خريت = والليل كله نسهره ما نباته
كني خلو ج تنهض الصوت وتهيت = وحوارها الراعى تعشى شواته
لو صكه اللحاق واستحلق بخيت = تنكس عليهم لين تاصل مماته
كنه ينقزها عن الرعى عفريت = والشرب منه تنقزه من صراته
حل الفراق
حل الفراق وحن رايم لمريوم = وقوى الريام اللى كبار رفوفه
امسيت انا عيني حريب لها النوم = كن الاداوي بالنظير محذوفه
ابكى بكا ورعٍ عن الديد مفطوم = عاجاه غير أمه وكثرت صدوفه
غديت مثل اللى بمسراه منجوم = منى معاليق الضمير مخطوفه
ونفسى غدت لاهيب مني ولا سوم = وجسمى نحل كن السعاير بجوفه
والقلب جار له سواميح وهموم = ومن القرادة كل طارى يلوفه
على الذى جا منه لي رد واعلوم = شرهٍ علي اللى جميلٍ اوصوفه
وله الشره لو كان ما جيت مثلوم =اصبر على عجفاه لأجل معروفه
لو بين الغيظة فانا عنه ما شوم = لين أتعذر منه واجلى الحسوفه
حقٍ على رادع شفاياه بأرقوم = يروف بي وانا بحال المروفه
وحقه على اليا هرجت أبعد الحوم = اغضى ولا كني مع الناس اشوفه
أنا الذى ياما تمناه من يوم = وهو الذى نفسه لغيرى عيوفه
ان مت قبله قال لي زيد مرحوم = وان مات قبلي ماهي الحياه مخلوفه
كن اللوالو بين أشافيه منظوم = او ضيق وبل ملتحم في قنوفه
والعين عين اللى على راس ملموم = ما جيب له من كل نسرٍ علوفه
حرش المناكب لأبرق الريش صيروم = حرٍ ملك موت الحبارى كفوفه
ابو نهيدٍ في حشى الصدر مزموم = بيض الحمام اللى رفاعٍ قيوفه
هافى حشى كنه عن الزاد محروم = والثوب يشكى ما نبا من ردوفه
والزين في مقرن حجاجيه مرشوم = رشمة مهر شيخ شبع في ضيوفه
يا جاعلٍ موت المخاليق محتوم = قرب مداهيل العنود الهنوفه