شهد السعد
13-11-2005, 05:31 AM
قصيده رائعه بكل معنى الكلمه
حبيت انقلها لكم
وهي لشاعره رائعه اسمها
نوف بنت شطيط العتيبي
إذا المراجل لبسة شماغ وعقال ؟ = قل للعذارى يلبسنّ العمايم
ماعاد نفرق زول حرمه ورجال=دام الفعايل تشبه البعض دايم
المرجله ما هي بكلمه وتنقال=وتروح ما راحت هبوب النسايم
وإلا خشونة صوت في رفع الأثقال=أو رزة صدور وفعل الزلايم
ولا هي بعد مفتاح موتر وجوال=وإلا ردى لسانٍ حديثه شتايم
المرجله شيمه عن القيل والقال=رفيع نفسنٍ حـر بالجو حايم
المرجله عقلٍ وزن وزنه جبال=ودون العقل وش فرقنا والبهايم
يا مسندي لو مايل الوقت بي مال=يا ولد أبويه يا عظيم العزايم
يا معرب الجدين من العم والخال=يا نخوة المفزوع وقت الهزايم
المرجله يا خوي هي طولة البال=هي العزم هي الصبر فالظلايم
فيها الكرم عزه دله وفنجال=فيها الكرامه عن ردى الطبع شايم
والدين لامنه خذا القلب منزال=يمشى طريق الحق وابليس نايم
ومن لا عرف ربه وهو طيب الحال=لا بد وقت الضيق بالهم هايم
حتى صلاتك مع جماعات وارجال=في خيرها يا خوي نعم الغنايم
ولامن نصف ليلك على صفيت البال=يا عظم أجرك بين ساجد وقايم
ولا من حفظت الله رفع منك الأعمال=حسن الذكر لا قالوا فلان صايم
وخلك شريف القصد يا طيب الفال=سوء المقاصد فالبيوت الهدايم
واحذر تبيع النفس في درب الأنذال=وتتبع خوي إبليس راع النمايم
النفس خيلٍ لك إذا كنت خيّال=ومن لا قوى نفسه قوته الهزايم
وان صرت ما تدري لا ويش أنت رجال=والله خسارة فيك ذبح التمايم
تحياتي لكم
حبيت انقلها لكم
وهي لشاعره رائعه اسمها
نوف بنت شطيط العتيبي
إذا المراجل لبسة شماغ وعقال ؟ = قل للعذارى يلبسنّ العمايم
ماعاد نفرق زول حرمه ورجال=دام الفعايل تشبه البعض دايم
المرجله ما هي بكلمه وتنقال=وتروح ما راحت هبوب النسايم
وإلا خشونة صوت في رفع الأثقال=أو رزة صدور وفعل الزلايم
ولا هي بعد مفتاح موتر وجوال=وإلا ردى لسانٍ حديثه شتايم
المرجله شيمه عن القيل والقال=رفيع نفسنٍ حـر بالجو حايم
المرجله عقلٍ وزن وزنه جبال=ودون العقل وش فرقنا والبهايم
يا مسندي لو مايل الوقت بي مال=يا ولد أبويه يا عظيم العزايم
يا معرب الجدين من العم والخال=يا نخوة المفزوع وقت الهزايم
المرجله يا خوي هي طولة البال=هي العزم هي الصبر فالظلايم
فيها الكرم عزه دله وفنجال=فيها الكرامه عن ردى الطبع شايم
والدين لامنه خذا القلب منزال=يمشى طريق الحق وابليس نايم
ومن لا عرف ربه وهو طيب الحال=لا بد وقت الضيق بالهم هايم
حتى صلاتك مع جماعات وارجال=في خيرها يا خوي نعم الغنايم
ولامن نصف ليلك على صفيت البال=يا عظم أجرك بين ساجد وقايم
ولا من حفظت الله رفع منك الأعمال=حسن الذكر لا قالوا فلان صايم
وخلك شريف القصد يا طيب الفال=سوء المقاصد فالبيوت الهدايم
واحذر تبيع النفس في درب الأنذال=وتتبع خوي إبليس راع النمايم
النفس خيلٍ لك إذا كنت خيّال=ومن لا قوى نفسه قوته الهزايم
وان صرت ما تدري لا ويش أنت رجال=والله خسارة فيك ذبح التمايم
تحياتي لكم