من قصائد شاعرات النبط البادية

[احمد السندى]

شاعرات من الباديه

نوره الهوشان الرشيديه

هذه القصيده المشهوره وكانت تسكن عين الصوينع ومرت على مزرعه طليقها
فوقفت تنظر الى زرعه ومعاويده :

ياعين هلي صافي الدمـع هليـه ** والى انتهى صافيه هاتي سريبـه
وياعين شوفي زرع خلك وراعيه ** شوفي معاويـده وشوفـي قليبـه
لو مرني في بالدرب ما قدر أحاكيه ** مصيبـة يـاوى والله مصيبه
اللي يبينا عيـت النفـس تبغيـه ** واللي نبيه عجز البخت لا يجيبـه

محاورة بين الفارس الشيخ عقاب بن سعدون العواجي وبين إحدى نسائهم كان لها زوج وحصل على غزو الشيخ عقاب معركة قتل فيها بعض من رجالهم وكانت هذه الفتاة تترقب الخبر وتتلهف على محبوبها عسى ان يكون سالم وتوجه السوال للشيخ عقاب :

ياعقاب ياحبس الضعن بالققاء الشين ** ياللي حريبك بالهزيمـة يمنا
عينت ذيب الخيل يوم الأكاوين ** نور العيون غيبته الشمس عنا
هو سالم ولا رموه المعادين ** ياعقاب خبرني تراي اتمـنـا


الشاعرة غزيل

من قبيلة تميم من سكان القصيم تتغزل في معشوقها بلعوس :

واتل قلبي علـى بلعـوس ** تلـة ركــاب المقفـيـن
أقفى بقلبي يدوسـه دوس ** ياليـت ماهلـه دياحيـن
اشرية لو ينشري بفلـوس ** لـو يزعلـون القريبيـن
يفدا عشيري عرب مدهوس ** وعويشـه والجداعـيـن
غليـم يكسـب النامـوس ** ويكثـر الهيـل بالصيـن

الدقيس الجميليه

كانت تسكن وقومها في جوار مانع بن سويط شيخ الظفير وعشقها اخاه فقام بطردها مانع
هى ومن معها من قومها فقالت :

يالله عسى ماتكره النفس خيره ** ياوالي القدره عليك التدابيـر
اللي فرق بين العشير وعشيره ** هو له وانا ليه ولي المقاديـر
وراك يامانـع تبتـن بجيـره ** زودن على تلطيخكم بمالعايير
انا صليبيـه ولانـي نحيـره ** وانتم نحايركم رقاب المناعير
حنا صليب ولاعلينا تحييـره ** عاداتنا ننزل خلاف الدواويـر
مانع اذا ركب الجواد الظهيره ** ماله مثيل يعلم الله سوى الزير
زير العراق اللي ربى بالجزيره ** شيخ كبير ووافي بالتشابيـر

الى ان قالت :

والله لا ابدل دارهم لي بديره ** نتبع مزون ماشيات المحادير

و حين رحلت عن الظفير ارقبت الرجم وقالت :

عند الضحى عديـت رأس عنقـور ** اشرف على راعي العلوم الدقاقـه
ياونتي ياما بصدري مـن الجور** ونـة ضعيـف ضاهدينـه رفاقـه
يايااه شفي واحدن من هل الهور ** هو عشقتي مـن ناقليـن التفاقـه
غديت له عوق وهو صار لي ثابور ** والكل منا صار شوفه يعوقـه

وسمعتها امها فرق فعذلتها بقولها:

برق مصد عنك لو كان بـه نـور ** بالك تخيله لو ربيعك شفاقـه
ترى الرجال ابهم تمازيح واغرور** ومن قبل بخصه لا يجي لك عشاقه

فردت عليها الدقيس بقولها :

من لا استشارك لاتبدي له الشور ** ومن لايودك نور عينـك فراقـه

وذهب هذا البيت مثلا مشهورا الى يومنا هذا .

الجازي السبيعيه

كانت يتيمه عند عمها رديني فزوجها من امير المجمعه ابن عسكر

على غير رضى منها فأكلت سما وماتت وكانت قد قالت قبل موتها :

لقيت بأكل السم ياعـم راحـه ** اخير من رجل بليتـنى بلامـاه
شفي سبيعـي بتالـي طياحـه ** اخير من قصر بن عسكر ومبناه
ان مت حطوني بوسط البياحـه ** قبري على درب المظاهير تاطاه

مويضي بنت زعيفر العتيبيه

عتيبه كانت تعشق رجلا فرفضت الزواج به لأنها تعتقد انه لايرغب الزواج بغيرها ولكنها فوجئيت في اخر الأمر بنبأ زواجه من فتاة غيرها فعابت عليه عدم وفائه وأنشدت الأبيات التاليه تلومه :

ياسعود يوم أنك لحق العزيـب ** لاوهنيـك يالمقاطـي هنـيـاه
انتـه تدورلـك بكـار ذهيـب ** ونا ذهيبي ضايع وين ابا القـاه
اعوي توالى الليل كني صويـب ** كني صويب يسهر الناس بعواه
عيني تخايل كـل نجـم يغيـب ** الليل كله بس اهوجس بطريـاه
قالواتطيب وقلت والله ماطيـب ** يافـري مولـع القلـب فريـاه
يفدى وليفي كـل قـرم تعيـب ** وشيوخ برقا كلهم مـن فدايـاه
ويفداه ابن هندي مجري الرعيب ** ولو كان شيخ والمراكيب تناصاه
ويفداه ابن سحمان سقم الحريب ** اللي نطالع ظلم مع درب شلفـاه
السود من عندي تنصا صحيـب ** اللي فهق حوضه وقدم ظمايـاه

هيا بنت عيادة الحربي

قالتها في مدح زوجها مبشر بن مرزوق المزيني الحربي الذي كان له من صفات الكرم والجود الشيء الكثير رغم حالته المادية الضيقة

يامل عين ٍ حاربت سوجة الميل ** على عشيرٍ بالحشا شب ضـوّه
عليك ياللي طبخته نصفها هيل ** اللي سعى بالطيب من غير قوّه
المال ما طيّب عفون الرجاجيل ** والقل ما يقصر براع المـروّه
يا عنك ما حس الرفاقة ولا قيل ** ذا مغثي ٍ ما ينزل حول جـوّه
له عادة ٍ ينطح وجيه المقابيـل ** هذي فعوله بالمراجـل تفـوّه
أجواد نسل جيـل ٍ ورا جيـل ** الطيب فيهم من قديـم ٍ وتـوّه

شده بنت هملان الشمري

أحبت الشاعره رجلا من بني عمها حبا شديدا حتى أثر غرامها به على صحتها فمرضت وهزل جسمها وأشرفت على الهلاك وراع أهلها ما أصابها فسألها أخوها عيد عن سبب انحطاط جسمها ومرضها الخفي فأجابته بقولها:

بي المرض الخفي ياعيـد ** اللي على الناس يدعابـه
ليا صار لك صاحب ٍ وبعيد ** وإلا عشيـر ٍ إيعيـا بـه
أنا هوايه ماهوب رعديـد ** قرم ٍ على القـوم يعدابـه

احدى بنات السلقا من العمارات من عنزه.
وهي مجهوله .... تتغزل بحمود بن رميزان التميمى ..

يـازول أبويـه هـلا ياحمـود ** وان جيت من أقصى العرب عاني
يفداك أخويـه وابويـه العـود ** واللي لنـا مـن العـرب دانـي
ويفداك مـن حـودروا للسـوق ** نجعـة هـيـازع وشمـلانـي
ويفـداك مـن علـق البـارود ** المـطـر فــي والمضيـانـي

وضحاء المشعان

وهذه الشاعرة من حرب عندما تتغزل بسعود البسيس وتجعل الناس فداء له ويقال ان حبهما استمر عشرين عاماً وكان بنو عمها قد منعوها من الزواج منه ... تقول :

يا ونتي ونة قعـود الضعينـه ** ليا زفة المعصير واللي يحـده
لا ركبته خطو الهنوف الحزينة ** وقالت حلال القوم ماشي ٍ مشده
ويفداه من حط العصا في يمينه ** ويفداه من يركب بوسق الاشده
ويفداه من باب الحسا للمدينـه ** وماحده البحرين لقصور جـده

وقد ندمت على ذلك بان جعلت كل من ذكرت فداء له و تراجعت وقالت هذه الابيات:

قاف بنيته يالنشامـى غبينـة ** عسر عليه بالحواضر مـرده
هذا الهوى اهل الهوى عارفينة ** دايم على درب الرزالة يحـده

ولها ايضا

ياهيه انتم اهل البكار الضمر ** دارو عليهن يا اهل العجلات
ردوا سلامي لو انتم من شمر ** ردوا سلامي لحامي الوندات
قولو عشيرك بالحديد يسمـر ** ونشهد انـه مـدرك مـوات
أنا اشهد انك ياسعود مقمـر ** تعطي هروج وتقفيـه زلات

وانشدت أيضا هذه القصيده في من تحب وهو من نفس القبيله ويدعى سعودالبسيس عندما تقدم لاهلها بالزواج منها ومنعوه عيال عمها بسبب عادات التحجير وتقول وضحاالمشعان لفايز الفراج الذى كان ينهاها بعدم القصيد بمعشوقها :

يافايز الفراج قلب العنا ماج ** وتبينت باقصى الضماير فجوعه
عيني بها هزم ولاج ولواج ** عيني تنثر يالسنافي دموعه
تشبه لها غرب على جال هداج ** يوم السواني يالحبيب تزوعه
أقنب كما ذيب على جالهم داج ** اليا رفع صوته تعاوت ضلوعه
على عشير ما مشى درب الأعواج ** ولا هو من اللي قاصرات بتوعه
ما حطني يا محتمي الحرد مسهاج ** قوله صحيح وعايزات طبوعه
و الله ما انسى صاحبي يا بن فراج ** لو الشجر كله تصرم جذوعه

نزيلة الشمريه

من عقب ماني صايمه بس اصلي ** اعرضت انا من حر شي جرالـي
تسعين لحية كلهـم دنـوة لـي ** عوجان الالسن ذبحوا هم قبالـى
مافيهـم اللـي ذل والا استذلـى ** ولافيهم اللـى يتقـي بالجبالـى
عيالنا بالشمـس ماهـم بظلـى ** وحريمنـا دجـن بليـا رجالـى

طفله بنت مشرف الجبلي الشمري

رغبت الشاعره بالزواج من أبن عمها شباط بن مرزل الجبلي ،فقالت هذه الأبيات تعبيرا عما تكنه له من محبه حيث تمكن حبه من قلبها وأصبحت لا ترى له مثيلا في البقاع التي تسكنها أو تنتقل إليها ولحبه العميق أحبت كل ما يمت إليه بصله

حبك بقلبي بنـى لـه سـور ** كان تفهـم العلـم وتطيعـي
وأمن الحسا إليا فريق اضمور ** معطـي بحبـك ولا بيـعـي
سمي خلي مضـى لـه دور ** قـبـل لـيـال المرابيـعـي

هناك شاعره شمريه لم استطع معرفة اسمها
قد عشقت الفارس والشيخ حمود الحميداني عشقا بريئا عفيفا فقالت :

الهجن غادن لهن جضّه ** يتلن حمود الحميدانـي
ياشوق غضروفه غضه ** ماهرجت كـل ديقانـي

وقالت بعد ان رحلوا عنهم

ياحلو مقطانكم يامطير ** مير البلا كان شديتـوا
مطير يامشبعين الطير ** في سهلة وان تناخيتوا

فأتهمها قومها بريبه وقال شاعرهم

يابنت عدك عليـه ورود ** عطن عليـه الحميدانـي
روى صراته غضي العود ** واقفى عن العد رويانـي

غضبت وقالت

شمر عسى حضكم مقرود ** والله وبالله مـاجـانـي
عساه يلحاكم بن سعـود ** بسيوف بيدين غلمانـي

وبعد مده جائها خاطب فقالت لأمها

يايوم (يا أمي) ماريد كود حمود ** اللـي ذبحنـي وانـا حـيـه
يفداه ابويـه واخـوي سعـود ** واللـي بعـد مـن دوانـيـه
ويفـداه مـن ينقـل البـارود ** واللـي تحـيـزم بشبـريـه
ويفـداه مـن يجـذب البالـود ** واللي وقف لـه علـى الطيـه

هدايه العطاويه

حين حالت المسافه بينهما وصعب عليها الوصول قالت:

قلبى كما شيهانةٍ بيضها فقش ** المحّ راح ولا بقى الا قفوشه
وآصاحبي صيده دقاق المها العكش ** وله عادةٍ في كل ليلٍ يحوشه
والله يالولا الدرب من دونهم عفش ** ودرب الخلا ما ينوطي في عفوشه
لا فزّ فزّة واحدٍ موحي ٍ وقش ** يخاف من مخلاب شيٍ ينوشه

ضحيَّه الحماد

من شاعرات (http://www.3bstv.com/vb/showthread.php?t=559) القصيم وبالتحديد رياض الخبرا تزوج زوجها
ابراهيم الدواس من امرأه اخرى ومال اليها كل الميل متناسيا عشرته مع زوجته الاولى ..

فقالت له ناصحه:

لا تعاف العدِّ يجذبك الغديري ** والمطر مادام للي يشربونه

وكانت تقصد بذلك ان الغدير لا يوجد الا بموسم الامطار ولن يدوم لك كالعد وهو البئر دائما .

وحين حدث خلاف عائلي وكانت هي احد اطرافه قامت بأستشارة ابنائها
بهذه المشكله وكان لكل منهم رأيه فـقالت :

دوّاس ياجبرتي يامالي الغالـي ** ياما عيوني وراكم ماتردونـه
قال اصبري والزمن لا بد ميالي ** والنار تطفا الى قامو يرشونـه
والا عبيّد وقف في وجه عذالي ** حلف وحرّم على امي ماتطبونه

وقالت تخاطب ابنها محمد :

محمد متى تكبر وتبني لي البيت ** والا تنهّج مع طريق الربوعـي
ابوك يشناني وانـا ماتردَّيـت ** ولا ضهته يوم سوق الدفوعـي

ايضا هذه شاعره من بني لام حين توفي زوجها وكان شجاعا
لا يريح مطيته من كثرة الغزو ,,, واخذت اخوه بعد وفاته ......
ولـــكــن ....... قالت !!!!

ينلاع قلبي كل ما اوحيت طرياه ** كما يلوع الطير شبك الحبايل
أخذت اخوه ابغى عوض ذاك من ذاه ** البيت واحد من كبار الحمايل
الزول زوله والحلايا حلاياه ** والفعل ماهو فعل واف الخصايل

وهي اطول من ذلك .. واثبت زوجها لها العكس ثم مدحته بابيات اخرى

شاهة العبدالله العتيبيه

سكنت الزلفي و ألفت حياة الحضر فكرهت زوجها المطيري حسين الدويش
ورفضت ان ترجع معه للباديه فقالت تهجوه:

ياحسين مااحفينا عليك المراسيل ** ولا لك خطبنا يامروَّي السلايـل
ولابك على اولادالجريسي تنافيل ** وساع الصحون مشعلين الفتايل

شعاع الاسلمي

عندما زوَّجها ابوها لبدوي رحال وكانت لاتريده
فأخذت تتوسل لوالدها قائله

لا يا يبه يا بعد حيي مع الميت ** إصبر علي لو كسوتي بالديوني
يا بوي من كثر المراحيل مليت ** البرد والمجهام زود جنوني
يا بوي في عمري شقيت وتشقيت ** يا بوي ما قوى للرحيل ارحمونى

مويضي البرازيه المطيريه

اللي يتوه الليل يرجي النهارا ** واللي يتوه القايلة من يقديه

و كانت مويضي تغني فأرسل الحاكم من يوبخها لعدم العودة مجدداً للغناء:

ياسّعد عينك بالطرب يالحمامه ** ياللي على خضر الجرايد تغنين
عزي لعينك وان دراى بك سلامه ** خلاّك مثلي يا لحمامـه تونيـن
كسّر عظامي كسّـر الله عظامـه ** شوفي مضارب شوحطه بالجاجين
وأن كان ودك بالطرب والسلامـه ** عليك بالفرعه ديـار الوداعين

حصه العنزيه

تذكر جمال لحظات لقاء الحبيب في الخيال.... اما الواقع فلم يحدث

ياحلو رص الروح بالروح للروح ** متوالفيـنٍ كلـهـم لا بليـنـا
مالي بتفطين المحبين مصلـوح ** بالذكر والا عـن كـذا مادرينـا
قلته من نوع التماثيل ومـزوح ** مالى عشيـر ولالهـذا مشينـا
لوكان باب العشق للناس مفتوح ** نحمى شرفنا مع رجـال علينـا

بنت أبن رخيص من شمر

مات ابوها وباتت ترفض الزواج بحجة انها
لا تريد الا رجلا بمعنى الكلمة ويتحلى بالشجاعه
فـارسلت هذه الأبيات لعمها (( شفاقة )) تقول :

يا راكب فـوق لحّاقـه ** حمرًا تقل واشعة دمي
اسلم وسلم على اشفاقة ** واللاش لايرسله يمـي
حلفت انا ما اخذ العاقة ** لو آكل العمر عند أمي
إلا لمن يحتمي الساقة ** لا درهم الجيش وألتمي

الشاعره مداهن في رثاء زوجها

وهذه شاعرة اخرى مجهوله ترثي اهلها وتقول :

هنيكم يااهـل القلـوب المريحـه ** ماالوم عيني لو جرى دمعهـا دم
ابكي هلي أهل الدلال المليحه ** اخواني اللي اذا بغوا لازم تم
يالعبدهاذي من حكايا الفضيحه ** خل السهر لي وانت يالعبد قم نم
من أول نأمر تجي بالذبيحه ** واليوم ياعصر الندم صرت لي عم

وقالت شاعره مجهوله

كان أنت في دو الخلا تمتنيني ** فأنا تراني كل يوم أتمناك
وإن كان بالخافي تجر الونيني ** ونيني أكثر نعنبو بطنن أضناك
حبك حرم عن كثرة النوم عيني ** ريفي مراعاتك وشفي بطرياك
لا عاد عرف ٍ صار بينك وبيني ** أخاف حبك يوردنى حبل الإدراك

ولها ايضا

قصيده تتراجع فيها عن الحب بعد كبر سنها:

طرد الهوى عقّلت دونه ركابي ** لو كـان ماعلقتهـن ياصلنـه
ادور الغفران باتلـى شبابـي ** والاّ اوله قد فات مافيـه جنـه
الحب في ماضي شبابي سطابي ** لزوم تظهر شارته لـو نكنـه
يدري به اللي صايبه ماجرابي ** يابين شاراته على اللي مشنّـه

بويتله الروقيه

تتخيل منازل اهلها وتحن اليها:

عديت رأس(جويّ) وقت الغطاليس ** واشوف شوف مايشفونه الجـن
اشوف عفر حسين مثل المقابيس ** وهو يلاوي مهرته مابعـد عـن
واشوف في نجد طوال النسانيس ** واوحي الحوير يرضع امه بعد حن
واشوف جربوع تطقّـه قرانيـس ** عني على قدّ النويـع اذا اهـون

وشاعرة رأت من زوجها مالايعجبها فقالت:

ياشوق ماتطلقن واجـزاك ** عـدك بنـا عامـل طيبـى
يوم اني عيني تبي لامـاك ** ماطعت انـا كـل خطيّبـى
واليوم عيني تبـي فرقـاك ** دايم دموعي علـى جيبـي
تلقى العوض عاشقه تشهاك ** والقى عشيـر يهلـي بـي

كنه الشمريه

وتقول مخاطبة اهلها:

لعيون من قال لعيونـه ** يجري اخلاف الردّيّـات
هذاك يابـوي مادونـه ** لو المواشـي قليـلات
ليا درهم الجيش ينخونه ** يوم الركايـب حفيـات

نوره بنت هطيل الشمريه

نوره بنت هطيل بن خالد الزريقي من العطون من الجعفر من شمر ,,,,
كانت مع ابل والدها ومروا عليها اهل ركايب واسالوها عن اهلها وقالو يمكن صلبه فقالت هذه القصيده:-

يايبه أهل الركايـب نشدونـي ** حش قلبي يوم قالوا ياصلبيـه
لعن ابوكم بحرو وسم العطوني ** لعن ابوكم والله اني ضيغميـه
كانكم بالوسم واهله تجهلونـي ** نوخوهن عند حامـي الونيـه
يالركايب لاتهجـن بالعفونـي ** ياحسيف فدكن كـل ضحويـه
والله لنشد عنكم ياما تعرفوني ** ماركب ركابكـم كـود الدهيـه
كلمة الحقران علي ما تهونـي ** ماني من صليب واصلي شمريه
الضياغم عزوتي مايرحمونـي ** يوم جلب الروح باسواق المنيه

صالحه العيسانيه العتيبيه

رات أخاها (غازي) وقدبانت عليه امارات عشق احدى الفتيات وكان ينشد قائلا...

يامرحبا ياللي على بيتنـا مـر ** رد السلام ولامعي فيـه حيلـه
يامرحبا عدة حصى كشب واكثر ** وعدد جراد طاير مـن مقيلـه
ياحلو زوله يوم لبس المشجر ** ياطى بمصبوب القدم في شليله

فلامته أخته (صالحه) في هذه الأبيات....

انهاك ياغازي عن الحب الأقشـر ** انهاك عن درب الهوى وتغديلـه
خل الهوى يامال جـوع المجـدر ** ترى الهوى ماهو خطاة الحليلـه
ترى الهوى حسك الوبر حلوة الدر ** ليـا بركـن حيرانهـا بالسليلـه
ترى الهوى رمح على حارك اشقر ** اللي على الركاب يكسر شليلـه
ترى الهوى عزمة ركيب الى مر ** عن بيت خمع ماينشـط مقيلـه
خل الشحم والسمن للربـع يكثـر ** مع منسف داف عليهـم تشيلـه
من ضيننا والا فضيـن المتجـر ** عطهم ثمنهـا نقـد والا محيلـه
ماهيب بنت اللي نعوله لهـا كـر ** اللي على متنه مدافـق صميلـه

كنه الرماليه

عاد الغزو ولاكن لم ترى زوجها عبدالله؟

يهـل الركايـب ويـن عبـدالله ** لاو الله اللي غدا بالكون رجالـي
يبطي عليه الصحن والنجر والدله ** وتبكيه رملا عجوز مالها والـي
وتبكيه حمرا نهار الكون منتلـه ** يوم اشهب الملح غاد ٍ له تزلزالي
ياقلب اصبر على ماجا مـن الله ** كم واحد لاعته بقعا وهو غالـي

وقالت ايضا :

باقي العرب موتهم تخفيف ** مار البلا مـوت عبـدالله
مرحوم يا مهلي بالضيف ** يامكثـر الهيـل بالدلـه
إذا مسك زينة التوصيـف ** الدم من مضربـه شلـه
ياما صفقهن ووردن عيف ** وياما حمـى كـل منتلـه

هيـا الحربيه

هيّـابنت عياده الرشق من بني سالم من حرب متزوجة من رجل فقير وفي يوم تخاصم مع والدها وأخذها من زوجها دون رضاها وفي احدالأيام قالت هذه الأبيات فسمعها والدها فأعادها لزوجها

يا مل عين ما اهتنت نومة الليل ** على عشير ٍبالحشا شب ضـوه
عليك ياللي طبخته نصها هيـل ** اللي سعى بالطيب من غير قوه
المال ماطيّب عفون الرجاجيـل ** والقل مانقص بـراع المـروه
رجال ماحس الرفاقـه ولاقيـل ** ذا موذي ٍمايانّزل حـول جـوه
وله عادة ٍينطح وجيه المقابيـل ** هذي فعولـه بالمراجـل تفـوه
أجواد نسل أجواد جيل وراءجيل ** الطيب فيهم من قديـم ٍ وتـوه

في مساجلاة شعرية بين ( مويضي ) وأختها ( بنا ) تمدح زوجها وتنتقص زوج اختها مويضي :

شوقي غلب شوقك على هبة الريح ** ومحصل فخر الكرم والشجاعه
ركاب شوقي كل يوم مشاويـح ** واذا لفى صكوا عليـه الجماعـه
ياالبيض شومن للرجال المفالـح ** لا تقربن راعي الردى والدناعـه

فأجابتها اختها مويضي تقول :

ماهو بخافينـي رجـال الشجاعه ** ودي بهم بس المنتاعيـر صلفين
أريـد منـدس بوسـط الجماعـه ** يرعى غنمهم والبهم والبعارين
واذا نزرتـه راح قلبـه رعاعه ** يقول ياهافي الحشا ويش تبغيـن
وأن قلت له هات الحطب قال طاعه ** وعجل يجي بالقدر هو والمواعين
لو اضربه مشتدة ٍ فـي كراعه ** ماهو بشاكي ولا الناس دارين

جوزة و سمرا .. بنات محمد القنيني

حوار جرى بين شقيقتين من أهل بادية بني عبدالله المهد ثم إنتقلن للسكن في مدينة جدة .. وجاش حنين البادية في" جوزة " فتمثلت قائلة الأبيات التالية :

يا بوي واوجدي على الصبح مطلاع ** وجد الطوايا أللي على الما حيامـي
داجن و راجن ثم راحن مع القـاع ** ما قدمهن غير الدرك و المظامـي

فأجابتها سمرا :

يا بنت حطي فوق شاهيك نعنـاع ** كبي البداوة و البلـش و الزيامـي
ترى البداوة ما تجي لك بالأسنـاع ** عسرة ولا تبني لأهلهـا سنامـي
رحتي تجيبين الحطب و البهم ضاع ** واليا الحمير إمـلاوذة بالظلامـي
وإليا رجعتي للعرب عقب مفـزاع ** وأليا ضيوفك مشتهيـن الطعامـي

موضي العبيدي

قصة موضي العبيدي شاعرة الكويت التي عاشت في النصف الثاني من القرن الماضي والنصف الاول من القرن الحالي في زمن الشيخ مبارك الكبير وحياة هذه الشاعره في حزن وبؤس دائم بسبب فقدانها لأبنيها، أحدهم أخذه البحر منها والثاني تكفلت به الصحراء.ابنها الأكبر عبدالعزيز فقد في رحلة الغوص حين غرق في قاع البحر أثناء بحثه عن اللؤلؤ ويوم رجوع السفن للكويت كانت تنتظر على الشاطئ حالها كحال كل اهالي الكويت لأستقبال البحاره تنتظر ابنها ولم يطل الانتظار فقد رأت النوخذه يوسف الفهد وعندما جاءت تسأله حتى بادرها أحد البحارة بالخبر المحزن وقالت ترثي ابنها بهذي الأبيات :

يابو سعد عزي لمن ضاعت أرياه ** قلبه حزين ودمع عينـه يهلـي
يسهر طوال الليل والنوم ماجـاه ** في مرقـده كنـه بنـاره يملـي
على وليف عذب الحـال فرقـاه ** الطيـب اللـي للرفاقـه يهلـي
مدري درادير أزرق المـوج ودّاه ** والا كلاه الحـوت ياكبـر غلـي
ياليتنـي دميـت بالهيـر ويـاه ** موج البحر فوقي وفوقـه يزلـي
الله يسود وجه يوسف وجـزواه ** ماذكر دمعي وسط حوشه يهلـي
جتني هدومه بعد عينه مطـواه ** لاوفق الله محمـل جابهـن لـي
ليته ورا سيلان والهنـد مربـاه ** وأرجي يجيبه لي شراع معلـي
البندق اللي عندنـا لـه مخبـاه ** نقّالهـا عقبـه عينـه يـولـي
وصلاة ربي عد ماحـل طريـاه ** وأعداد ماسار القلـم بالسجلـي

وبعد مرورخمس سنوات على فقدان ابنها الاول كان ابنها الثاني مع الشيخ مبارك في حرب الصريف وكانت تنتظر رجوع الأبن لكن قرينيس الرشيدى احد رجال الشيخ مبارك كان اول العائدين ونقل لها خبر مقتل الأبن واشتعلت النار مره ثانية ورثته بهذي القصيدة :

قلت آه من علم ٍ لفا بـه قرينيـس ** ياليت منهـو ميـت ما درابـه
علم لفا به مرس القلـب تمريـس ** والنار عجت في الضمير التهابـه
والنوم له عن موقع عيني حراريس ** والحنظـل الممـزوج زاد بشرابـه
علي الذي قفا علي ضمر العيـس ** واليوم ما أدري وين حد لفـا بـه
نصيت بيته قلـت لـه ياقرينيـس ** وين الحبيب وقـال ماعلمنـا بـه
اقفى مع البيرق بحرب السناعيـس ** وان سلمـه رب المخاليـق جابـه
رديت من كثر البكاء والهواجيـس ** دمعي كما وبل نشاء مـن سحابـه
يـاالله يافكـاك حبـل المحابيـس ** تفـك لـي محمـد مـن صوابـه
بجاه محمـد ويعقـوب وادريـس ** عسى طلبتي عنـد ربـي مجابـه
واعداد ماهبت هبـوب النسانيـس ** على النبي صليت هو والصحابـه

[احمد السندى]

مرسا العطاوية

وتقول الشاعرة عندما تزوجت برجل من الحاضرة
وفقدت نسيم الصحراء العليل وبيوت الشعر ومساريح الأبل
وشاهدت يوماً من الأيام أهل ركايب مروا بها في طريقهم إلى البادية

لاوهنيك بالهنا يابـو مـرداس ** مالوّعوك مدرهميـن المطيـه
القلب كنه يشرعونه بالأمواس ** من طين حضرٍ حوطوا به عليه
لاوهني من نط مزبور الأطعاس ** ومتع نظر عينه بنجد العذيـه

ولها ايضا :

ياجرقلبي جر غـرب علـى بيـر ** على ثـلاث ابكـار فيهـن زرقـا
ساعة يصبنه الـى هـن محاديـر ** تحرفـن ابسـرع والغـرب يرقـا
ويالجتي لجت ثلاث علـى ضيـر ** اكبودهن من حر الاخـلاج حرقـا
على ولدهن باختـلاف المقاهيـر ** لاعشو الروقه على سـرح برقـا
عليك يامطلق صخاف المعاشيـر ** يوم المناسر تالـي الليـل شرقـا
الى شبت النيران مثـل الفنانيـر ** يضوي عليهن يدرق البيت درقـا
هرجه على كبدي حليب المصاغير ** وهرج العرب غيره على الكبد عرقا

حجت الشاعرة مرسا وسمعت بائع اللبن بمكة ينادي بأعلى صوته ( لبن لبن ) وعلمت أنه يبيعه للناس فاستغربت أن يباع اللبن لأنها لم تعرف أنه يباع بل يعطى للطارق بلا ثمن لذلك سموا الإبل بعطايا الله فيعطون من لبنها لخلق الله ممن مر عليهم في بلادهم فقالت :

ياللي تنادي باللبن مـا لنـا فيـه ** عان اللبن في سد عبلـة مـلاوي
خشم الينوفي والحور بـارك فيـه ** مـرب خلفـات عليهـا العطـاوي
ومبهل وأبا الحيران كان أنت غاويه ** مرتاع بـدو مـا تلاهـم شـواوي
ووادي الجرير إلى حدر من علاويه ** وخشم الذنيبه والجذيب متسـاوي
ترى الدعيكـه والحفايـر حراويـه ** مربـاع خلفـات تـرب المطـاوي
تلقا مصلحة الدبـش كلهـم فيـه ** بالرجـع اللـي يذبحـن الهـواوي
وربعي ليا جاهـا المجنـي تلفيـه ** ريف الضيوف مزبنيـن الجـلاوي
كل جواده مع نحـي الـذود تتليـه ** علط الرقـاب معربـات العـلاوي

قمرا المرهوصه الدعجانيه

ياونتٍ ماسمعهـا النـاس وأهلـي ** ماسمعها غير الولـي يـوم ونيـت
على عشيرٍ يـوم مـد القـدح لـي ** بكا وقال إني على الهجـن شديـت
قفا ودمعـي فـوق خـدي يهلـي ** ماحدٍ يعوض عنه بالحـي والميـت
من عقبه امشي مل مشي الدبح لي ** وزرت رجولـي لاتودينـي البيـت
وزرا لساني عن محاكيـك يسلـي ** وزرت عيوني عن مراعاك واغضيت

وقالت ايضاً :

الفدغمي عني هل الجيـش ودوه ** أقفا ودمعي فوق خـدي سفايـح
عليه وجدي وجد شالح على أخوه ** يزعج عليه من البكـا والنوايـح
حطوه في قبرٍ وحيـشٍ وخلـوه ** تحت الثرا ركزت عليه الصفايـح
أو وجد من ربعه على الجال حدوه ** أونس من الربع القريبين جايـح
خلي بعيـد والمداويـر ماجـوه ** عسا على داره تهـل المراويـح
تسقي تراب اللي على الطيب ربوه ** أهل المـروه كاسبيـن المدايـح

ولها ايضا :

البارحة جفني سرا الليل مابات ** سهرت لين النجـوم احدبنـي
عقب الذي ودنه الصيعريـات ** متى علينـا ياهلـي ينكفنـي

ولها:

وجدي على شوف زبون المقاصير ** وجد المريض اللي علاجه تعصـا
راع الـدلال المتعبـات المباهيـر ** ريف الضيوف اللي لبيته تنصـا

ولها :

ياطير سلملي على متعب النيـب ** طلق الحجاج اللي يحفظ الوداعه
اللي ضيوفه وسط بيته محاضيب ** مارافق إلا كاسبيـن الشجاعـه

ولها:

يامن لقلبٍ كل ماجيـت اداريـه ** ويليه من بين الضماير يزوعـي
زوعة خفوق الطير لاعاف راعيه ** وعانق غرانيق غدن له اولوعي
ولـن مسباقـه جديـد مسويـه ** تله وراح السبق بيده امزوعـي

ولها :

يامرحبا فـي طـارشٍ سـاع ملفـا ** ترحيباً أحلى من لبـن حـم الأوراك
ابكار يرعاً من زهـر نبـت حلفـا ** يرعن من الحلفا ويرعن من الـراك
ودي عليك اشكي الجفا عقب ولفـا ** من غيرك اشكيله الى أونست عجفاك

ولها هذه القصيدة تخاطب ابن عمها :

إن كان قلبك بايـنٍ بـه رقومـي ** امسح على القصة وتبرا مكاويـه
وانظر لردف مل شـط الردومـي ** وثليل اشقر فوق الأمتان كاسيـه
مرخوص مني في جميع العلومي ** الا الجسد واللمس خلـه لراعيـه
خله لمن ينطـح كبيـر الزومـي ** اللي يعرف الحق والفرض يديـه
وإما أنت عندي غالياً ومحشومي ** وادرا حساب الرب عن شن اسويه

ولها هذه القصيده التاليه :

ياقلب ياللي كل ماقلت له أنا هاد ** عاده بلاه اللي من العام يقزيـه
يالعين وان زاد العنا والسهر كاد ** اللي بقا من تالي الدمع هاتيـه
على عشيرٍ شاف طلعه بالأبعـاد ** لاهوب زيراني وأنا مقدر أرجيه
ياليت ساعة بالنظر يمنـا عـاد ** أبادل الأفكار بالـراي وأعطيـه
صحيح ماقالوا قديمين الأجـواد ** كلٍ يدافع دون عرضه وعانيـه
لعل عنوانه على روس الأشهاد ** ومن موقف الحقران ربي ينجيه
ياونتي ونـة خفـا كونهـا زاد ** ماظن تبرا من فـؤادي مكاويـه
رضيت في نفعه على كيف ماراد ** لاشك حظـه قاصـراتٍ مداليـه
حظه ربوضٍ يوم كاسبات الأفواد ** طير السعد عيا نصيبه يباريـه
من لايزيده رازق الناس مـازاد ** عيا يوافقني عسـا الله يدنيـه

ولها هذه القصيدة التي اشتهرت بينالأوساط الشعبيه وقد سببت للشاعرة قصة ظريفه مع امير الجبل .

يامل قلب ٍمن هـوى زيـد مطـروق ** طـرق الحديـد ملـيـن بالضـويـا
أمسيت قلبي في وأصبحـت مسـروق ** وثـورت فـي قلبـي عميـلٍ وعيـا
يفدا عشيـري كـل برقـا مـع روق ** واللـي بعيـد الـدار واللـي هنـيـا
ويفداه من يمشي على الأرض من فوق ** واللـي يشوفـون القمـر والثـريـا
ويفداه حضرٍ لجـو العصـر بالسـوق ** وابن رشيد اللي علـى الحكـم عيـا

وقالوا لابن رشيد : سبتك اذبحها !!
قال : ماسبتنى مدحتنى!!

قرينيه بنت فاضل

وهنا الشاعره تتوجد على حبيبها في الاسر:

فريّت واشورف الضلعان ** فرّيت من بين خلق الله
انشد عن الارجح الدّيقان ** هو حـيّ والا نهـج لله
اللوم كلّه على دغيمـان ** وحمود ومدغم وعبدالله
خلّوه في ديرة الشجعان ** بنحور ربع لهـم غلّـه

ولها ايضا :

متى عل الله يهبّ الهيـف ** يومي بعشـب الزماليقـي
اذا نزلنا ليالـي الصيـف ** يملا النظر شوف عشّيقـي
لو يذبحوني هلي بالسيـف ** حلفت لاسقيه مـن ريقـي
على النقا مبسمي ماشيـف ** مافتّشـوه العشاشيـقـي
قلته على المزح والتوصيف ** تفضاة بال عـن الضيقـي

وشاعره اخرى تقول في رجل عشقته:

ماتهارجن كود بعيونـك ** اهرج وهرجك على بالي
ان كان اهيلك يعذلونـك ** انا ترى السيف يحنى لي
ياليت من جوّد ردونـك ** من قبل قصاف الاجالـى

مريفه السليطيه

ياهذب ودّعني ترى الموت جاني ** من مبسم كن العسل بين اشافيه
انا ذبحني واحـد مـن ادانـي ** العفو كيف الخال يذبح بناخيـه

عشيبه بنت دغيم السليطيه

واخانة القلـب ياعمّـي ** عن لذة النـوم قزانـي
ياعيد لو نقّعـوا دمـي ** مانساك كود انت تنساني

وضحا بنت السلات

لولا الحيا ياناس لالحف ذلوله ** الحف ذلوله عن ذواري الهبايب
من بعد سجّ البيد جات معلوله ** لكنهـا مسقـاة السّـم رايـب
زوله جميل وغير زوله فعولـه ** لاحلّ باطراف السرايا نهايـب

في قرية الجهراء التي تبعد عن العلا 130كم شرقاً على تقاطع طريق حائل العلا المدينة تبوك
هناك جبل يسمى ( برد):

تزوج شخص ابنة عمه وجميعهم شعراء، وحدث خلاف بينهم وطلبت الطلاق منه، فقال طيب ولكن حتى يصغر برد، فردت عليه بهذه القصيدة منها :

يا برد ما تسمّح النيـة ** لعاد أنا وأنت بجهادي
والشوق حطك وعد ليّه ** وأشوفك بالكبر مزدادي

تزوجت امرأءة في قبيلة غير قبيلتها وكان اخوها يريد سرقه قوم زوجها وجاء ليلة قرب الحي فعوى كما يعوي الذئب فعرفته اخته وقالت تدله على مكان الابل :

يا ذيب لا تبعدك عنا المخافـه ** وتطرد الغزلان في القفر يا ذيب
البل تراها يم قصـر النهابـه ** ما عندها الا لاعب الحل يا ذيب

فسمعتها عجوز وضنت ان الرجل صاحبها فقالت العجوز:

الذيب لا يعلق صوابـك بنابـه ** ترى صواب الذيب ماله تطابيب

فردت المرأة

وحياة ابويه ما بدا من شبابـه ** اني عذيّه ما دخل جيبي العيب
واني كما عدٍ غـذي ٍ شرابـه ** ما داهله بالقيظ حرش العراقيب

وهذه مساجله بين صمد بن نقا الروقي وزوجته منيره

يقول صمد:

تكفين يا بنت الأجاويد تكفيـن ** تعيّني للعـود عنـدك وسـاده
العود وده بالتطـرف نهاريـن ** لو انها ماهـي للعـود عـاده
والا اكتبيها في رقبتي تجي دين ** لين ان يأتينا ربيـع وسعـاده

فردت عليه زوجته منيره

العام تبغى لك من البيض ثنتيـن ** ايضا وتبغى لك عليهـن زيـاده
العود لا منه وصل سـن ستيـن ** يروح مخه مثـل مـخ الجـراده
لا يقضي الحاجه ولا يقضي الدين ** ولا عاد تقبل منه حتي الشهـاده

جُريّه بنت صويلح المحقنيه العتيبيه

سافر اخوها واشتاقت له وقالت :

الليله امس داخل القلب هوجاس ** هوجاس والهوجاس حرّق عليـه
يقوله اللي ما مشى درب الأدناس ** ولا قلبوه اهـل العمـال الرديّـه
واجر قلبي يا جمل جر الامـراس ** جر المرس من قاعـة العيلميـه
واخويه اللي حال من دونه اليأس ** ما عاد توصلنيـه صفـرا ثنيّـه
اقفوا به الحكام قطّاعـة الـراس ** يا جعلها للحي مـا هـي بِنِيًّـه

وضحا العبدالله

من بادية السر فى وسط نجد تتغزل فى معشوقها ابن دويرج فتقول:

البارحـة عديـت بالمستقـلـه ** في راس مزمومٍ طويل البياحـي
يايوه عزينـي بـدا فـيّ خلـه ** سدي على بعض المخاليق باحي
من يم قصر دويرج مدهـل لـه ** غليـمٍ ينقـل جديـد السلاحـي
اهلي مع اهله كلهـم فـدوةٍ لـه ** يفدونه الفرسان واهل المناحـي
والله يا لولا الخوف وادرى المذله ** لا حط له بين النواهـد مراحـي

هيا الطلال

السد باح وبان ما اخفيت كلـه ** ما ينجحد شيٍ على الناس باحي
على الذي ياخذ على الخيل عله ** تكسرت عنده طويل الرماحـي
والله يا لولا اللوم وادرى المذله ** لاحط لي بين النصايب مراحـي
وابني عليه البيت كله رضاً له ** واذبح على قبره ردوم اللقاحـي
الفٍ صباح الخير والفٍ مساً له ** والفين ما بين المسا والصباحي
لعل من هو لامنـي فـدوةٍ لـه ** ولعلهم ذلفة هبـوب الرياحـي

وضحا الجنفاوي

انحت رحاك وخل عنك القهـاوي ** شبابها بـا يسـر سنـام دفنـاه
اللـي لدقـة نجرهـا مايـداوي ** من حيث ضامين الشواريب تنصاه
اللي ليا جو مضمريـن ومقـاوي ** يلقونهـا قبـل يجونـه مسـواه
ماهو على كيف النشاما غـلاوي ** بشريه لو هو بالثمن زاد مشـراه

نفلا المسرديه القحطانيه

ابا ارفع صميل القرم حامي عقاب القود ** اربـه إذا مـاراح يذكـر معازيـبـه
من خوفتي يظمى ليا درهـم الجلعـود ** ليا عرضوهن تختـخ عـاوي ٍ ذيبـه
وحالي عليهم مثل حال ازرق مضهـود ** وزادوا على حمله وكثـرت شواذيبـه
الله علـى مـاراك ياصاحبـي وتعـود ** متى عوض الانضا من جنوب تلفي به

الاميره نوره الرشيد

ابكي هلي اهل العلـوم المليحـه ** ولا لوم عيني لو جرا دمعهـا دم
اخواني ابكي والقصور الفليحـه ** اخواني اللي لا بغوا لازمـن تـم
ياما انتخوا باسمي ليا حل صيحه ** اليا انتخوا بي كافر الجن يسلـم
اسمي كما نجم ضرب قاع بيحـه ** او الصواقع يوم للضلـع ترجـم
نوره انا اخت الشيوخ الفليحـه ** ابوي حاكم واخوتي صفوة الجم
ياحيف حايل فارقن ريح شيحـه ** بذيك الشفايا تقل ماقيللـي سـم

صيتة التميميه

صيتة وكانت معجبة بأشعار سرور الاطرش فعشقته قبل أن تراه وصارت تنظم في حبه الاشعار ومن ذلك قولها:

تقول صيتة واعيوني سهيـرة ** أنا عيوني عن كرى النوم شرّاد
شفّي سرور ولا تمنيت غيـره ** على النقا ما يلحقن كـل نقّـاد
قلبي كما بيـر ٍتزايـد حفيـره ** ذولي مصادير ٍ وذوليـك ورّاد
يا ما حلا شوف العشير لعشيره ** لا صار ما جا بين الاثنين ميعاد

وقالت فيه أيضا:

انا بـوادي الـرس داري ظليلـة ** وصويحبي يتلي المها بالصواهيد
ليته الا صاد المها عنـه اشيلـه ** أشيل انا عن صاحبي جملة الصيد
شفي سـرور ولا اتمنـى بديلـه ** عليه ضيّعـت الحيـا والمناقيـد
من لامني يلهـم دقـاق النثيلـة ** والا يطقّ بهامته نايـف الحَيـد

غزية العنزية

يحكي ان بنت عقاب العواجي العنزي وتدعى ( غزية ) فقدت أهلها ولجأت الى عمها وكان له أبن أحبته ، فسافر في طلب الرزق مع صاحبه يدعى( عيـد ) فتغيبا قرابة الثلاث سنوات ثم رجع عيـد وحده وكان بالحي رجل غريب يريد الزواج من هذي الفتاة غزية لكنه يعلم انها سترفض طلبه لحبها لأبن عمها . وقابل عيـد وقال له لك عندي جمل ان اشعت ان ابن عم غزية قد توفي .. لعلها تتزوجني بعد ان تأيس منه فلبى طلبه وأشاع الخبر فلما سمعت بالخبر غزية أنشدت الابيات التاليه :

تعززوا للـي عشيـره تنـوى ** يم الشمال وحط حوران دونـه
أقفى وخـلا لـه يتيـم يلـوى ** واليه عمام ليتهـم يرحمونـه
فات الربيع وعشب الاجراد لوى ** واخانة الطرشـان مايذكرونـه
ياعيد اسالك با لولي كيف سوى ** هو ميت وألا اهلـه يرتجونـه

فأجابها عيـد :

يابنت شوقك خابره ويش سـوى ** بالموس قصوا لك قصايب قرونه
أتلى الخبر به يوم قبـره يسـوى ** وخـام جديـد بينهـم يذرعونـه
وعلمي برواي العرب يـوم روى ** بايسر ( نوى ) علمي بهم يدفنونه

وقيل أنها ماتت حزناً على ابن عمها بعد سماع شعر عيــد ولما عاد أبن عمها وسمع بالخبر وبما فعل عيــد بأشاعته وماتت غزية بسببه قتل عيـــد جزاء بفعلته .

عجايب الخريشا الصخريه

هذه القصيده للشاعره عجايب الخريشا وقالت هذه القصيده عندما حضر اشخاص لخطبتها واختارت ولد عمها سليمان حنيف الخريشا

قالت عجايب بنت مروي شبا الزان ** حيث ان ابوي ناشدن عـن خوالـي
ابوي فكاك الضعـن يـوم الاكـوان ** واخـوي حمـاي البكـار المتالـي
ما أريد انا باشا حلب وابن شعـلان ** مانـي حليلتهـم ولاهـم ارجالـي
ولااريد انا الجربا ولو ساق الاضعان ** ولو جاب غرسات الحسا للشمالـي
أريد انـا ولـد الخريشـا سليمـان ** ذبـاح طوابيـر العساكـر أقبالـي

شاعره من المحينات من عنزه

شاعره من المحينات من عنزه كانت ترعى ابل اهلها فتعبت
وتمنت لو اغار عليها (دبي النجباني الشمري) وياخد الحلال
لكي ترتاح من رعي الابل فتقول :

يا شين ما تويق يادبـي ** على المحينات لك نوبـه
يا دبـي الزمـل عذبـي ** هايج ٍ والهجـر عيوبـه
خل المخابيـط تشتبـي ** والخيل والجيش له شوبه

وفعلا اغار دبي على اب المحينات فقتل دبي عند المحينات
فقال واحد من المحينات :

يا شين لا تويق يا دبي ** على المحينات بالنوبه
الشمري طاح وانكبـي ** بالمعرقه علقوا ثوبـه

الشاعره ذكر العنزيه

ذكر العنزيه تنخى اخوها لفعل المكارم وتقول له :

توي لقيت الهجن باكوارهن كيـف ** باكورهن ينسى هـوى كـل غالـي
ياراكبيـن اكـوار حيـل مواجيـف ** حرايـر يزهـن جديـد الـدلالـي
حزة طلوع سهيل دنـوا شواحيـف ** يا اهل النضا خوذا سواهيـج بالـي
لاطالت الفرجه يجيهـن زعانيـف ** حيـل يجفلهـن سمـار الظلالـي
لاصدرن من مـارد عدهـن عيـف ** بوسوطهن ما احلا وسوم الحبالـي
يجفلن من قمع الحجار المشاريـف ** مثل النعـام اللـي حـداه الجفالـي
يلفن رباع اللي يهلـون بالضيـف ** مقلطة للضيـف مـن كـل غالـي
دلال كما الغربـان سـود مهاديـف ** من كثر ماهـي للسعايـر تصالـي
يا خوي وش ملهيك عن ديرة الريف ** والختـم تاكلبـه عفـون الرجالـي
عوايدك تروي بها شـذرة السيـف ** يا زين حسك في عقـاب التوالـي

نفلا الشعلان

تزوجت نفلا بنت ابن شعلان الامير محمد بن احمد السديري

يا محمد عقب الغلا وش جاك ** وش غير المذهـب الزينـي
كان انت زعل ٍ علي ارضاك ** من شانك امشي على عينـي
يوم ان قلبـي بغـى لامـاك ** حرمـت كـل الشعاليـنـي
واليوم بينـت لـي جفـواك ** تمرنـي مــا تحاكيـنـي

وتقول ايضا :

يا محمد صبري على شانك ** ومقابل الحضر يـا خلـي
ينفعنـي اقفـاك واقبالـك ** حيث ان شوفك ربيع ٍ لـي
واشوف ماني على بالـك ** من عقب يومين تفطن لي

فضه الحمود العنزيه

الشاعره فضه الحمود العنزيه سمعت ان شاعر يقال له ابو حمود المطيري
قال قصيدة هجاء في احدى النساء فقالت تدافع عنها :

يا ابو حمود ادمح الزلات ** واللي بقا يـا الله التوبـه
حنا بها علينـا مـدارات ** والا الرجل ينقـل عيوبـه
تراك ابو غوش وبنيـات ** وادر المناقيـد وعقوبـه
عرضتهن هرجة الشينات ** شبن على الكبـد لاهوبـه
ما اثني كلامي عقب مافات ** هرج القضا ويش ماجوبه

رحلت فضه الحمود مع زوجها الى مدينة طريف فلم يطيب لها المقام

فقالت :

لا عاد يومٍ نزلـت طريـف ** زود همومـي وغربـالـي
اطلب عسى ديرتي للريـف ** وديـار شوقـي للامحالـي
لوكان هم يكرمون الضيـف ** ما ديار خلي علـى بالـي
القلب به مثل مسطى السيف ** ما اجرح شفيقٍ على بالـي

حصه العنزيه

الشاعره حصه العنزيه تهجو فتياناً من قومها لم يتحملو المشقه
والتعب في كسب الرزق فتقول :

يا عيال يا طول عنوتكم ** نصف الشهر ما تمضونه
خسارةٍ بـس روحتكـم ** مع راعي (الفرت) تتلونه
جيتوا وهـي ماتحرتكـم ** ترجي الفوايد تجيبونـه
حصيلكم بـس كروتكـم ** والزود للشوق صابونـه

زوجة عمعوم الرويلي

زوجة عمعوم الرويلي تنصحه عن شرب الدخان وتقول :

عمعوم لا تشرب من التتن مـره ** احذر ترى شربك من التتن يدمرك
عندك مجاهيم تقـل لـون حـره ** وبيتٍ كبير وضامر البطن ينحرك
ومهيـرةٍ بنـت العبيـه نـبـره ** ومشلشلٍ عود البلنزا على ظهرك
وخطو الولد لو جاك مابه مسـره ** اللي اليا كبرت علابيـه وخـرك
ان كان ربي ناويـن لـك مسـره ** انزل لك اسباب الأقـدر واظهـرك
وان كان ربي ناوين لـك مضـره ** لو كنت في عالي الشخانيب حدرك

نوره الحمود الظفيريه

يالله ياعـالـم ماقـلـت ** تفـرج لحـال الظفيريـه
ليا قيل هل العمر حزنـت ** هاذي سواة العمـر فيـه
انا بطرد الهوى غربلـت ** غربال يوسف وانـا حـه
لولا معي من عشيري بنت ** عانقت من هو ضرب نيه
دام اللحد ما حفر ودفنـت ** انـا بخـلـي رجـاويـه
البلد سالت وانا ما سلـت ** دايـم عيونـي شقاويـه

هذه القصة اختلف الرواة فيها فمن الرواة من نسبها للشيخ مشعان بن هذال ومنهم من نسبها للشيخ عبدالله بن هذال
وتتلخص في أنه كان يشرب الدخان (التنباك) وكانت زوجته تتضايق من رائحة التبغ وذات مرة وهي جالسة لوحدها عبرت عن رأيها في الدخان بقولها هذا البيت الذي بدأت تترنم به في بيتها وهي لا تدري معتقدةً أن لا أحد يسمعها حيث قالت:

يا شارب التنباك شاربك لا طال ** اياك وإيـا واحـدٍ جـاز دونـه
مادام به نقصٍ على الحال والمال ** ايضا وشرّابـه يدمّـر سنونـه

فوقع هذا البيت على أسماع زوجها فنهرها والغضب يتقـد في عينيه بقوله: ماذا تقولين ؟
فاستدركت ذلك وأردفت قائلة :

شرّابة التنباك فيهم سعة بال ** واللي طويلٍ شاربه يقصرونه
يستاهل التنباك مثل ابن هذال ** اللي يصرّه في مثاني ردونه

لولوه العبدالرحمن الفهيد

شاعرة من اهل العين تحث زوجها بالمشاركه بالمعركه مع قومها وبمساعده جيرانهم قبيله مطير ضد سند الربع الذى غزاهم واخذ حلاهم فتعذر بالمرض فهجته قائله :

صاح الصياح ومن على السطح طليت ** واشوف شوقي مع جلوس العـذارى
أشوف شوقي جالس بأوسط البيـت ** مامـرة يفـزع عـطـاه الكـسـارا
النفس شامت عنه واقسمـت واليـت ** رزقي على المعبـود مغنـي الفقـارا
شفي مع المطران كسابـة الصيـت ** عيال الفهود أهـل المهـار السكـارا
فكـوا قصيرتهـم قـرارا بتثبـيـت ** بعريـق بلعـوم ارخصـوا للعمـارا
سند وقع مـن بينهـم طايـح ميـت ** واللي سلم منهم على الوجـه نـارا

ساره الهليل

ساره الهليل تزوجت رجلا مكثت عنده مده ثم نشزت عنه كارهه له
وقالت تهجوه :

خطو الولد يزعـل اذا ماتعشـى ** ويضحك اذاان ملا بطنـه الـزاد
ماتلتلنـه مبـعـداة المعـشـى ** ماجرب الغربـه ولامـرة ٍ فـاد
لاواحسايف جيبى اللـى تنشـى ** وارخصت له فيما مضى كل ماراد

سوده من بنى رشيد

كان لها زوج يسمى بن ملهاب وكانت تحبه كثيرا ولكن اخاها يكرهه
اقسم عليها بان تقاطعه فأطاعت امر اخيها كارهه مجبوره وذات يوم مر بها زوجها وسلم عليها فقالت له :

ياصاحبي جنّب عن الدرب لاهنت ** ترى ماهي بعلومك الماضياتـي
اقسمت لك بالله ماقط لك خنـت ** عليك ريقـي مايبـل الشفاتـي
لاشك اخويه قال عيفيه يابنـت ** وحرم على ملايمك فـى حياتـى

وعندما طلقها قالت :

ياصرخ قلبى صريخ الباب ** لاحركه واحـد ٍ عجلـى
عليك ياولد بـن ملهـاب ** لا واحـلالاه يارجـلـى

ظاهره الشراريه

ممايحكي ان امراه من الشرارات تدعي (ظاهره)سكنت في جوار رجل يقال له (خليف) من اعيان اهل الجوف وذات يوم باعت شاة على جماعه يقال لهم (السبيله)ورفضوا ان يدفعوالها الثمن فما كان منها لاان استنجدت بجارها(خليف) تحثه على استرجاع حقها بهذه الابيات :

ياخليف عيوا لايجـون السبيلـه ** عيوا معي للشرع يا خليف يمشون
الحـق ظلمـا والمصقـل دليلـه ** ولاتنقضي حاجات من يتبع الهون

لما سمع خليف كلامها نهض من فوره وحمى جارته واستقاد لها حقها .

وللشاعره ظاهرةايضا عندما طلب عبيد بن رشيد من اهل الجوف الغزو معه باسم الجهاد وقد رقت لحالهم لعدم قدرتهم على تحمل مشقة الغزوفقالت :

ياعبيد راع الجوف سوى الاشـده ** واقرد عينـه ويـن ودك توديـه
ياعبيد راع الجوف راعـي مكـده ** وان حارب العربان ضاعت سوانيه


ولها ايضا في ابنتها المسماه (واجده)وقد نبغت في الشعر واخذت تفد على الامراء فغارت منها امها وقالت :

ياعبيد وحده من بناتي كوتنـي ** كوي المريض اللي تجدد مكاويه
عرفتها الحكام ليـن اغلبتنـي ** العفو كيف الكلب ياكل مربيـه
لاواحسايف نقلها فـوق متنـي ** غير الرضاع اللي لجسمه يغذيه

وضحا الدخيل العواد

رأت في يوم من الأيام أن الدلة مركات على النار إلى جانب قدر الطعام فقالت تحاور الدلة :

الدلة :

عقب ماهو مركبي قدم الرجالي ** قمت انقّل من محل اليا محلـي
صرت من حسبة قدورك عزتالي ** ول ياعصر الفلس جعلك تولـي

وضحا :

اصبري في صبرنا والعمر بالـي ** آه واويلاه ياعصور مضـىً لـي
ما جرى لك يادلالي قـد جرالـي ** والليال اللي مضن لك قد جرىً لي

الدلة :

يوم انا محشومةٍ قِدمِي مزالي ** ونجر ماوٍ يدعي الغادي يدلي
ما حلا الفنجال بايمان العيالي ** بين شيبانٍ وشبـانٍ تسلـي

وضحا :

ياعزيز الشان يا منشي الخيالي ** ارحم اللي دمعته دلـت تهلـي
كيف هيضتي جروحي يا دلالي ** اسمعـي يادلتـي والا فولـي

الدلة :

ما سمعنا لك وعندي لـك نكالـي ** باشتكيكم والمحاكـم لـي تحلـي
كيف يام حسين ما ترضينهـا لـي ** كيف اشوف الغبن واسكت واستهلي

وضحا :

الشرايع ما تقول الا العدالـي ** وكل ما قالت بشرعه جايزٍ لي
وان شكيتيني هجرناكم ليالي ** من ابريق بالترامس نانزلي

الدلة :

الترامس ذوقها ما هوب حالـي ** واعسى كل الترامس فدوةٍ لـي
إشري الرسلان لو هو كان غالي ** واركي الدله وبالرسـلان زلـي

شاعرة مجهولة

تناشد زوجها إصلاح أمره في كثرة الأسفار والغياب بحثاً عن الرزق :

إلى متى راحت حياتي وانا ارجيـك ** الله لا يقطـع رجـاً بـك رجيتـه
لو شفت دمع عيوني اللي تراعيـك ** هلت على المكتوب ساعـة قريتـه
إن كان جا مستقبلك مثل ماضيـك ** أقول يـا خـلاف سعـيٍ سعيتـه
وان كان تبغيني مثل ماني ابغيـك ** لزوم تاطـا بالوعـر مـا وطيتـه
وان كان حال الياس دون الرجا فيك ** أقـول ذا ذنـبٍ لنفسـي جنيـتـه

الشاعره ذكر بنت شويحط الشمريه

قصيدة في ابنها دهش تأخر وطال غيابه في سفره وصارت تتحسس اخباره من المارين المسافرين :

نطيـت انـا راس ملمومـه ** وادمـوع عينـي ذواريفـي
ارقب على اللي ورى الحومه ** اقفـا ولا مـن مصاريفـي
قمت اتنشد عـن اعلومـه ** راع البكـار المواجيـفـي
والنجر عقبه علـى نومـه ** هـو والـدلال المهاديفـي

وايضاً لها توجد على ابنها دهش عندما طول غيابه :

لايادهش علمي بكم بالضحيه ** واليوم هذا التوم بيـن هلالـه
ودموع عيني سيلن الشغيـه ** مثل صبيب السحب سود خياله
البارحة عيني عن النوم عيـه ** حتى ضحى اليوم مما جرالـه
عقلا وربعه لارمتهـم بسيـه ** حين اركبوني يوم طول محاله
هو راعي اللزمه وراع الحميه ** امزبن المضيوم واللي عنالـه

حصة المحمد الفوزان

وتنتمي الى قبيلة عتيبة نشأت في قرية الخضيرا القريبة من بريدة لها قصيدة مشهورة عبرت فيها عن معاناتها من سفر ابنها مع العقيلات تقوله فيها.

يامحمد روحت في الزمـل ملحـاق ** وبعـدت عنـا يـا ظنينـة فـؤادي
من اول ترجـي تجينـا مـن اوراق ** واحسـب الأيـام عـدد عــدادى
لولا الحيا صبيت صوتي بالأشـواق ** اكالمـك واصيـح ثــم انــادي
طلبت انا من المسبور سماك الاطباق ** حيـثـه رب وفــوق العـبـادى
يلطف بحالي اللي ضعيف ومشتـاق ** ويطير من قيلـه سـواة الجـرادى
بقـر عينـي بـك ولابيـك تنعـاق ** عسـاي اشوفـك لافـي بالبـلادى

زينب المحمد

ولدت في الرس واشتهرت بكنية والدها "مخراق" أي شديد الكرم فكان يطلق عليها مخراقة..
وهي تفتخر بهذا اللقب فتقول:

ان قيل مخراقـة فلابـه معيـره ** عمهوجة تزهي جديد المياديـج
الى اقبلت مع ناسمات الجديلـة ** ماهيب من خثل البطون الجوابيج

برعت زينب في قول الشعر وكانت غزيرة الانتاج لها قدرة على تصوير احاسيس المرأة في مواقف حياتها المختلفة وحين تزوج زوجها عليها قالت:

سيرت ابنشـد سالـم كيـف ودي ** الطارش اللي غايب لـه زمانيـن
قال إن شوفك عن علومك يصـدي ** من يمكم ماهوب طلق الحجاجيـن
تـزوج لـه وحـدة لـه يكـدي ** وانتي يبيك الى رسـة المعاطيـن
تهت الطريق وجيت انا سوق سدي ** غديت ما اميز طريقي من البيـن



المصادر :
1- شاعرات من الباديه – عبدالله بن محمد بن رداس
2- مصادر اخرى متفرقه

[بدر الجلال]

صح لسانك الف مليون المليون ياالقرم
نقل فايق ورايق جدا سلمت لنا أناملك
على كل رائعة تقدمها

ولكن عندي مداخله بالنسبة للشاعرة نوره الهوشان والاصح (الحوشان)
والدليل زوجها ابن عمها هوعبود بن علي بن سويلم الشلواني العازمي
ورزقت منه بولد اسمته حوشان فهي بالاصل من قبيلة العوازم
وليست من قبيلة الرشايدة هذا حسب ما ذكر والله اعلم

[احمد السندى]

الاخ العزيز بدر الجلال شكرا على المرور والمشاهده والمداخله

الشاعرة نورة بنت هوشان بن علي بن دخيل الله الرشيدي
وزوجها عبود بن علي بن سويلم
الشلواني العازمي عاشت في الفترة مابين اواخر 1800 ميلادي -
الى أوائل 1900 ميلادي
وقد كانت تسكن معه في قرية السر من قرى نجد .
ذكرها الأديب الباحث عبدالله بن رداس في كتابه
شاعرات من البادية الجزء الاول وقال أنها رشيدية
من قبيلة الرشايده ولم يذكر عن حياتها شيئاً .
ووقع خلاف بين الشاعرة وزوجها أدى إلى طلاقها طلاقا لارجعة فيه
وبعد طلاقها رفضت الكثير من
الراغبين الزواج منها، وكانت امرأة تتمتع بالجمال والأخلاق
ومن عائلة معروفة ومحافظة،
لكنها رفضت جميع من تقدم لها. وذات يوم كانت تسير
بصحبة أولادها (حوشان، وسارة)
ومرت على طريق يمر بمزرعة مطلقها ورأته فوقفت
على ناصية المزرعة وانطلق الأولاد للسلام
على ابيهم وبقيت تنتظرهم حتى رجعوا ثم واصلت مسيرها..
وقد تذكرت ايامها وكيف كان الحال وماوصل اليه ثم
صورت ذلك في القصيدة الخالدة .
ونوره رشيديه لكن عيالها عوازم وهم عائله مشهوره
بالكويت يسموون الحوشان .
وهذا مالدى من معلومات ..... وشكرا .

[هزاع النجدي]

موسوعة رائعه احتوت على ارقى الشعر واجزله سلمت ودمت
ولاغبار على الاختلاف في نسب الشاعره نورة فان كان كذا او كذا
فهي شاعرة جزله وقد اعتلت قصيدتها الشهرة على مرور السنين
شكرا لك على هذا النقل

[راضي الفيحاني]

اثريت صفحاتنا بنقل جميل واختيار رائع,, ننتظر جديدك ,,

تقبل تحياتي,,

[عبدالعزيز الناصر]

تسلم يمينك يالسندي نقل رائع ومتميز
ابدعت فما نقلت في اوراقك

واضيف لك شاعرتين لم اجدهم بما نشرت


1- الشاعرة عمشاء بنت مشعان العتيبية
قالت هذه الأبيات عندما طال غياب ابنائها عنها
واشتاقت إلى رؤيتهم:

لا والله إلا هوجس القلب واختب=واطني اركب فوق خطو الهجيني
يا عيني اللي كن في جفنها شـب=تهل دمعٍ مثـل وبـل الغشينـي
يمكن اترك الشوق من كثر ما حب=والزوج ما يدخل بحب الجنينـي
يا خال يا مشكاي يا حامي القـب=إذا اعتزوا بظهورهن محتسينـي
الله على عوصاً تجي بالخبر غب=من دار ابويه خبرتنـي بحينـي


2- الشاعرة مويضي بنت ابو حنايا البرازية
وهي شاعرة مجيدة ومتمكنة ولها العديد من القصائد الرائعة..
كان يقيم بجوارهم الفارس علي بن رمان
وكان علي يرسل شعر رأسه اعتزازا مثل أبناء البادية
قبض عليه الإخوان (عندما استقروا في الهجر)
وحلقوا شعر رأسه .. فغضب ورغب في النزوح عنهم وفي طريقه
استاق إبلا لعرنان البرازي وحاولوا أن يدركوه لتخليص الإبل منه فلم يقدروا على ذلك
اُعجبت الشاعرة مويضي به لعدم تحمله الضيم وبجراءته
وشجاعته فقالت تمتدحه:


يا ونـتــي ونــة مفـاريد عــــرنـان=تاه الـمــدور والمــوارد عــــدنـه
غدا بها الشغـموم علي بن رمـان=اللي عــلى الصبيان يطـول فـــنه
اختار جال الله على جال الاخوان=والــرزق فـي يد واحــد ما يمــنه
حر شهر من دار غبن وحــقــران=وبعض النفوس الضيم ما يقـبلنه
الله يعــديه ازرها عـالي الشـــان=عــسى عــجـوز جابته بالف جـنه
أخذت اباعر طيب الذكـــر عـرنان=وبـاتن حــريمه زادهــن ما كـلـنه

[احمد السندى]

الاخ العزيز هزاع النجدى شكرا على المرور والمشاهده

[محمود الشاذلي]

صح لسانك مليون ومشاركة اتحفتنا بها وبروعة القصيد فيها تسلم يمناك

[رائد السهلي]

صفحة راقية تسلم اعماق اعماق نبضاتك المرهفة على هذا الطرح

[عبدالرحمن البدري]

قصيد جزل ووافي لاهنت على ما نقلت تحيااااااااتي

[زيد الوسمي]

نقل ومجهود طيب ويستحق الاشاادة

تحيااتي

[متعب الفرساني]

جزل في كل ما اخترته بيض الله وجهك ولاهنت

[احمد السندى]

الاخ العزيز راضى الفيحانى شكرا على المرور

[احمد السندى]

الاخ العزيز عبدالعزيز الناصر شكرا على المرور والاضافه

[احمد السندى]

الاخ العزيز محمود الشاذلى شكرا على المرور

[ناصر أحمد الشراري]

اخي العزيز أحمد السنيدي لانه لا يمكني الاقتباس الابعد تجاوز ثلاثين مشاركة سوف اوضح لك معلومات واضيف معلومات ولو انك ناقل للموضوع لا اكثر ولا اثل ولكن للناقل ان يعرف ما ينقل فلذلك وجب التنوية ......
في الفقرة التي تكلمت بها عن الشاعرة ظاهرة الشرارية بصفتي احد ابناء هذه القبيلة وجدت ان هناك خطأ في قصيدة لها وهي
القصيدة الاولى التي اضيف لها اسم خليف ولا ادري من أين اتى أما الاسم الاساسي للقصيدة فهو عبيد وهي تقصد الشيخ عبيد ابن رشيد
والقصيدة لها علاقه بالقصيدة التي تليها ولكن الاولى ان تكون القصيدة الثانية هي الاولى والاولى هي الثانية لتصبح هكذا

ياعبيد راع الجوف سوى الاشده=واقرد عينه ويـن ودك تغزيـه
ياعبيد راع الجوف راعي مكده=لو حارب البدوان ماتت سوانيه

وكانوا اي السبيلة طلبوا منها كتابة قصيدة للشيخ لكي لا يأخذهم معه للحروب وهم حضرا أستقروا في منازلهم ووضعوا لها شرطا ان أقنعت بعدم أصطحابه لهم .. وفعلا نجحت بذلك ولكنهم نقضوا العهد فذهب للشيخ عبيد بن رشيد وافهمته الامر وكتبت قائلا :
ياعبيـد عيـو لايجـون السبيلـه
متظلمين كيـف للحـق يمشـون
الحـق ظلمـا والمصقـل دليلـه
ولا تنقضي حاجات من يتبع الهون

وذهب الشيخ وأجبرهم على أن يعطوها ما أتفقوا معها عليها رغما عنهم
وكان العهد بينهم - جنو تمر - يعطزنها اياه كل رأس سنه لما اشتهرت به منطقة الجوف من التمر وحلوه الجوف .
اتمنى اني قد افدتك
وهذه بعض من مقتطفات للشاعرة ظاهرة الشرارية من مجالس قبيلة الشرارات ولولا احترام شروط المنتدى لأضفت لك الرابط





ياعلي واقلبي من الموت خايف=ماله عني ياعلي لو صحت واوميت

اثر العجايز ماعليهن حسايف=ياعلـي انـا لاول شبـابي تمنيــت

وين الثمان اللي من اول رهايف=وين القرون اللي عـن الوجه كفيت

لابــد ماتنهج علــوم طـرايف=الا ولاكـني علـى الــدار مــريت





ولظاهره قولهــــا :



ياغبون والله ماتشوفينه غير مافات=ميــر تعوضــي رب المقادير عنــه

العلم جابنــه اركاب الشرارات=وتقنعــوا بالســود راكبـينـهـنه

خـلوا محيسن في ادحيه المغيرات= وبوجـه منـاع الصقيري وطنـــه



ولظاهره الشراريه قولهـــا :



ياعبيد راع الجوف سوى الاشده=واقــرد عينه ويــن ودك تغزيه

ياعبيد راع الجوف راعي مكده=لو حارب البدوان ماتت سوانيه



ولظاهره قولهـــا :



ياعبيد عيو لايجون السبيــله=متظلمين كيــف للحــق يمشــون

الحق ظلمــا والمصقل دليــله=ولا تنقضي حاجات من يتبع الهون



ولظاهره الشراريه :



هجهوج جاكم يالشرارات عادي=مع كل خرم قيل هجهوج مشيوف

هجهوج هجهج مقرشات التوادي=بعيال زوبع يتبعه كـل غطروف



ولظاهره الشراريه قولها :





ياراكب الثنتين وصـف المحالي=مدن من النقره الحايل محيلات

عرماستين امصفيــات الجمالي=عليهن اللي يسهر العين مابات

قل لبنات لابسين الدروع الثقالي=بـنــات زبــن هـيل الرديــات

عز الله انــي ماقضــيت الحوالي=قولـو لهـن ياراكبين المشيحات

بلشت واستبلشت مــني الحالي=ياروزهم روز الهضاب الثقيلات



ولظاهره تقول :



وابن عمي مارضى لـه مهونه=ولاقلتها الا يوم قـفن مطايــاه

ماقلتها الا يوم طاحن اسنونه=والشيب لاح بجذلتي واحسوفاه



ولظاهره تقول مسنده على / عبيد بن رشيد :





ياعبيد (ناهي ) من اطيور الفلاحي=شفي الى انه جاك زعلان ترضيه

يستاهل هجمــة ملــي المراحــي=وقبــا قحوم دب الايام تتلـيه



ولظاهر الشراريه قولها :



الجوف الاجرب لو تقولون بريان=عمال راع البوق تطحن رحيه

ماطاعني راع الجبل وابن شعلان=وتــدور الدنيا عســير عليه

لو انك تحط اكبارهم وسط برزان=لازم يثور الرمـي بـين التليه

صرتو علف للصيد منقور عقبان=بكتوفكم كــلا يــدور شويه



مع عبيد بن رشيد في مجلسه :





حظي كما سمح تنثر بطاحي=يامن يلم السمح والربل غاشيه

فردت فورا :





يجيه من نو الثريا طياحي=ينبت وحنا داير الحول نجنيه



ولاحد الشعراء في ذكر ظاهره :

قاف جذبته من ظميري غمنطيس=اودعــه لاهـل الركايب اذاعه

قاف الشغيويه طويلا الى قيس=الحق ظلما والقصايد اوداعه

[ناصر أحمد الشراري]

اما الشاعرة التي اود اضافتها للمتصفح الكريم

هنا اقدم لكم الشاعره : مغيضه الدليمان



الشاعره / مغيضه الدليمان :

هي مغيضه بنت دليمان من المسند من العزام من قبيلة الشرارات

تكنى بام مبارك عاشت في اوائل القرن الثالث عشر الهــجري

واشتهرت مغيضه بوصفها للابل وهي تسوس الجيش وخبيره

بالركاب الاصيله للمغزى الطويل كذلك لها معرفه كبــــيره في

تحديد الشباب الصغار الذين فيهم صفات الفروسـيه والرجوله

اشتهرت مغيضه بمتابعة الغزوات من عشـــــيرتها حيث تقوم

بسقيا الجرحى ومداوتهم 0



مغيضه تسوس ذلول شراريه (صغيره في بداية عسفها) :





نطري الله والنبي مبدأ الكلام=نطري الرحمن بيهن والفلاح

ان خبطته واستذارت للجفيل=مع مجاذيب الوعر لون السماح



ولها ايضا



رف يدها رف يد بنت لعوب=تشتغل بقراء المناعير الجلاس



وتقول ايضا :





هذى تورد الى نهض لها العود=تورد الى ان قريبتك نش ماهــا

مغيضه الدليمان جاورت فاضل عايد العشيشان من قبيلة الشرارات حيث تقول وصفا لكرمه :





ياليت عايد واق حولا وحولين=ويشوف بيت طافحا في ظلالــه

ويشوف له صينية تفرح العيــن=صينية ماتلحق الايد جالــه

من غير قدر التمن بيها قعودين=ومن غيرها سمن يصبه الحالــه

ماهو خلاوي عند بيته فريقين=وكلا عن العازات يازا بجالــه



ولها ايضا :





ان روحن كنهــن سفسوف=وكلا تهرج على امناهـــا

يوم ان خطو النضا ماتشوف=والعج مع رشها اعماهــا

يـوم المزاهـب بهـن لفلـوف=ماكن عمر الحيا جاهـــا

يـوم اعتصـر عكـته غطروف=نسيت لاحــل موكاهــا

ولها ايضا في الغزو بعد رجوعهم :







يازين الى جن من عنـد رايات=عقيدهن ماطب عينه نــوادي

عقيدهن ذيب الرعايا مخفــات=مشخل ماهو من اكبار الفنادي

لها ايضا تصف معركة وقعت على عشيرتها في (جرف باير) تقول :





سوالف بالجرف يبرن الاوجـاع=يفضن بـيـبـال الصديق القرابــه

جتنا اخيول عجها سـد الارياع=وادعى لنــا رب المقاديــر ثابـــه

ارع الحصان مع اول الخيل فزاع=يازيــن مليــة منخره مـن اترابــه

ياكم قحوما تجمح الجرف مطواع=ذبحـــت وراعيها فضــخ في ثيابـه

ينذر على روحه من الضان مرياع= ووضحاء عليها لون وصف السحابه

بيجرف باير صار للضبع مربــاع=بالجـرف يامكـثر سبيب الربابــه

تشامرت الخـيل مـع كل مقطـاع=والجرف شافن به اشعرت الذيابــه

مغيضه الدليمان تصف اراضي احال اليها اهلها بقصد الربيع وبعد انتهاء فترة الربيع عادوا الى مواردهم حيث تقول :







وصلت ديـرة جــدنا ماعمدها=غير الركاب اللي اخفاف معانيــه

نزالتـه تظــل يجشـل وهدهـا=خطارها يرجــى وزلت محاريـــه

ومن الزاوية اقبلت بيجهدهـا=والعرف زين ومقدي الشوف يهديه

وانا حسب قلبي عطيته جهدها=وراس فجــر والقليبـه معاشــيه

وجيت العقيله هذي ادنى بلدها=يامرحبـا ياديرتـي هـي واهاليـه

ولمغيضه الدليمان :





ياعيال ياللي راكبينن امشيحات=ياعزهــن بالمنحــدر والسنــادي

ان جيتو قبري بالديار البعيدات =غدوا ارعوها كشـاف البــــلادي

وعدوا علي من العلوم المليحات=اسمـع برايني تحــت البــــلادي

قولوا غشنك بذودن ماهن كثيرات=غبايشن واسمع عليكم اغلاطــي

عقيدكـم ذيـب الرعايـا الغرات=وخلا لكم حتى انيـاق الشدادي

وادعوا على خزيزته ضول عركات=ولاجض غير انه تجض البــلادي




مغيضه الدليمان تصف الجيش بعد العوده من الغزو :



ان جـن شرقية نسمها فــات=بوجوههم ترعى شهاب السمادي

ان صفقوهن نوخن بين الابيات=وازوارهن يالله تطـب البلادي

متمشلحات من ورى قدم نبهات=تهبهبن احبالهــن بالشــدادي

واكوعهن للزور ماهـن قريبات=واثفانهن مربض قطات الحمادي



وفي هذه القصيده لمغيضه الدليمان تصف فيها اخوها وتذكر احدي عادات

الباديه بعد الضيافه انهم يحنون الركائب (ركاب الضيوف ) بدم الذبيحــه

التي تكون مذبوحة اكراما لهم حيث تقول :





ياراكب اللي بهيـت بالعناسي=تقرط مذارف بولـها عـن حماياه

ترضع هجال وداخلت بالرماسي=وحل الفطام وذارف النفس ماجاه

ان هزتها بالعود والعود قاسي=بيها زمق لو هـو عكاش تخطراه

ان هبهب الغربي بوقت الدماسي=يابعـد مصباحه للــي تــحراه

تلفي على اللي ماعلومه طفاسي=اخو مغيضه تخضب الفيح يمـناه

اخـوي لاهمـاط ولاهو بـلاسي=ولاهو من اللي باهتات حكاياه

ان جن هجفا وان طواهن اتعاسي=يازيـن على ارقابهن صنع يمنـاه



مرثيه ترثي فيها مغيضه اخوانها الذين قتلوا في معركه وفيهــــم

اخوها الفارس محمد الدليمان الذي تصف فيها (ذلوله العيوب)

ومغازيه عليها :





واخواني اللي عقبهم مابي الفود=وانفسي اللي قصــرت عـن هواها

ان مت لاتتعب على القبر ياحمود=راس الطويلـه حطنـي فــي نباها

وان كان تبيضت مايلحقك سود=حاذور لايرجــد علـيه حصــاها

دنولـي عوصـا من الفطـر القـود=عن الهـم تركب بيعــوالي ذراها

تلفي على عرنان واخشومه السود=وخشم السطيحه اشرفت من وراها

هذي تنود وهذي براسهـا زود=وهــذي يشختر دمهــا من حفاها

وهذي الى ركابها قلقل العـود=تورد ولو كل القرب نـش ماهـا

وان صار بالتالين ناشد ومنشود=وكلا تشتل سابقــه في غيــاها

يردهــا قدام حضار وشهــود=وتعلقوا مــن غــير ملي قراها

وان صار بالتالين طارد ومطرود= تطلع وهو يذخر بها ما نخاها



مما قالته مغيضه ايضا :





ياراكب اللــي حارسينن بحــده=الـو وبعها ريش قلت انهــا طير

ان استمع مغارهــا واستمــده=يزقــح نظــر ركابهــا للمغاتير

غدو بهن (العزام ) زينن مهـده=على احيال وشايطات معـاشير

ولحقوا هل البل يخلف الفعل عده=امطابقات بــالحذي والمســامير

ولاتسمع انـدا اعيالنا غــير رده=تسابقــوا المتراس عــز الخواوير

ان عقلوهــن نوخوهــن بخــده=تطايحت خيل العـدا بالمشاهير

سلموا عليهـن راكبين الاشــده=والخيـل راعـت كنهـا الدواوير

وخيـيلت لحقــت حـلا ماتوده=شوف لها وسط النضا والمغاتير

وعقب الضحى معهن ردوما امصده=سنامها وسط اللهب له شخاتير

تقاطعوهــا بـيـحبال الاشـــده=من جوعهم ماضل مايعلف الطير

كــلا يقول اقضــب وراك شــده=ماحضروا خفرات ربــع مناعير



مما قالته الشاعره معيضه الدليمان :





ياعيد غشيني مع الصبح حواش= بارودته خضراء حديده ارباعي

يسمع بقلط الصيد ويقلط على ماش=وزودا على راسه تحلا الكراعي

بارودته تبكــي علــى كـل هـواش=فكاك ربعه بينهار الفداعي

ياكـل مـن البـايت وهـذاك دواش=والينهن مازرفلن به وزاعي

صيادهن اللي مشرف الراس وغداش=اظليم عن محابل الحبل زاعي

يرعى رزاريز الحلــم عقب الالواش=مدش رذاذ العدف بالرياعي



مما قالته مغيضه الدليمان :





انشدكم بالله يالرجال الفهيمين=أي الفلـس وجيبكـم للبكارا

انشدكم بديــن تقفــاه دينين=أي الدعاع وكيل قمح الشكارا

ايه واخيذك بنت ربع مساكيــن=ايـه واخيذك بنت ربع نمــارا

انشدكم بسواس الشوف بالعين=ايات اركوب الخيل والا الحمارا

حمراء حماره واصلا مقرن العين=خزيزة النادر عقــاب السمارا

راجت عليه القوم روجا وروجين=ولا اخلفه عنها كثــير المـثارا

جابه خلوج وكل خيالها زين=وباعت بلدها بيغريب الديارا

وان جت على الماء عارضا له عمودين=كنهـا قلعة عمرت صوب قارا

والى احلبوها ولموا له بسعنين=يروون اهلها والقعود الحضارا



مما قالته الشاعره مغيضه الدليمان :





ياونتي ونــة خطـاة المغــاتير=توحي سنا جمر الغضا مع حشاها

ان اطلقت قامت تعوم الدواوير=وان ثنيت قــام يتزاود بــلاها

على اخواني كل يـوم معــايير=اركابهــم مــاقط يــبري حفاها

اخوي ناصر ماربى بالدواوير=مماشيه كود على اللي بغــاها

ان لحقت السلفان خيل ودعاثير=كم سابقا يدعي عوضها احذاها

ان حطها بين السفيفه وحبلين= تسمع من ورى عطب الضرايب اعواها



مما قالته مغيضه الدليمان :



ياركب حمراء مليحه فديدي=متسنده يلزم اضلوعه شعـــاله

حمراء اذانه بيض هن والوريدي=واللي اروست غدا عليها اضلاله

ماقال عسى ليت عقبه سعيدي=وقت الهداد مجــودينن اشمالـه

يدها تشاور بالربع والفديدي=لما اطلعتهم من غباش القــتاله

يرمي لـها المنــع قــرم وليدي=يـوم الحمــو واقرشــن مــع حاله

حول لهــا عليا نهاره بعيدي=وتكــورت قفوا النضــا بيدلاله

لحق يذومل عشت حيله فديدي=ولـوح عليها واقرشت باجتواله

تفرط جديلتها وهي حشو الايدي=اقصر جديلتهــا بغربــة غــزاله

ظل يشمر كنه اعيال العبيدي=ان استجفلت قامن عليها اجماله

ماهمها الهامل لو هو بعيدي=تقل قصيما قاصرات احبــاله

احرجه على مهلها فديدي=تقل ربدا صوتوا لــه اعيــاله

ماتسمع ارغاها وانته بالايدي=وكلا هزعهن على صوب جـاله

وذخيرتي عندي مكانه صميدي=من ذاقته تذوق لوعة اعيــاله

وسويت لهم وشوف عوسي على ايدي=اشراك يضفي من ورى الصاج جاله

ولفت ذبيحة من لفى من بعيدي=ويوم اصبحن كلا عليها اهلاله

ومما قالته مغيضه الدليمان :





ياراكب اللي ماصفقها الصلوحي=ولا عمر جناب العرب جاء وراها

وللريع ماجيبت ولاهي مسوحي=من خوف لايخلى مفاصل قراها

مـع كـل مسيوقا حقبها يلوحي=ياكـثر مانــز الفرنجــي وراها



المصدر مجالس قبيلة الشرارات

[تركي الشريف]

الله يبيض وجيهكم كفيتوا ووفيتوا على هذه الصفحة الغزيرة بالاشعار والتاريخ

[حسين الميزاني]

مصافحة طيبة ونقل اطيب وقصيد جزل لافض فوهكم

[احمد السندى]

الاخ العزيز رائد السهلى شكرا على المرور والمشاهده

[عبدالله العدواني]

نقل راقي وموضوع راقي تسلم استمتعت في قراءته

[احمد السندى]

الاخ العزيز عبدالرحمن البدرى شكرا على المرور والمشاهده

[ناصر احمد العبيد]

وافيه وظافيه ياسنايدي صح لسانك ومبداء معانيك

[احمد السندى]

الاخ العزيز زيد الوسمى شكرا على المرور

[بنت الكويت]

مصافحة تستاهل المرور مئات المرات لي عودة وتسلم اياديك

[احمد السندى]

الاخ العزيز متعب الفرسانى شكرا على المرور

[احمد السندى]

الاخ العزيز احمد الشرارى شكرا على المرور والاضافه

[سامي الابراهيم]

روعه كلك صح فكرك ودام نزف قلمك تحياتي

[احمد السندى]

الاخ العزيز تركى الشريف شكرا على المرور

[عاشق الليل]

رائعة واختيارات مميزه
سلمت يداك على الانتقاء الجميل
يعطيك العافية

[راشد الوبدان]

اوراق شعرية فاخرة نعتز بمثلك وتواجدك وساما نزهو به

[احمد السندى]

الاخ العزيز حسين الميزانى شكرا على المرور

[احمد السندى]

الاخ العزيز عبدالله العدوانى شكرا على المرور

[نايف العبدالله]

نعم النقل والاختيار الراقي بكل انواع الابداع من شاعرات وقصائد

تحياتي لك ولنزف قلمك

[عبدالله دحام العنزي]

مشكور ع النقل الراااااااائع

بارك الله فيك احسنت الأختيار

لاعدمنا طرحك الجميل

تحياتي لك

[عبدالعزيز الغنيم]

مرحبا بالشعر واللي نقله روووعه لاخلا ولاعدم

[احمد السندى]

الاخ العزيز ناصر احمد العبيد شكرا على المرور

[الأصيل]

لا عدمتك على هالنقل الراقي والمصافحة الجزله تحياتي

جهد مبذول بصدق وتوثيق محكم بالدلائل

[احمد السندى]

الاخت العزيزه بنت الكويت شكرا على المرور

[محسن المري]

صفحات من الشعر الابداعي

ارتقيت باوراقك روعة المعاني والطرح

تحيأأأأأأأتي

[السيل الجارف]

كتبت وابدعت بما خطت اناملك ونقلت

صح لسانك مليون

[احمد السندى]

الاخ العزيز سامى الابراهيم شكرا على المرور

[جارالله الحربي]

أمتعتنا بهذا النقل المميّز
موضوع قيم واوراق ممتازه
والفائده كانت كبيره
شكرا لك
دمت

[شوق البوادي]

تسلم يدينك يارائع
احسنت الاختيار والنقل الراقي
تقبل مروري المتواضع

[بتول الشرقاوي]

أسعدتنا في هذه المصافحة الرائعه تسلم يمينك

[هشام القناعي]

صحفة مميزة بارك الله فيك على النقل وتقبل مروري

[مساعد الطويل]

اسعد الله صباحك ومساءك
على هذه المثرية والمصافحة الراقيه
وهنيئا لنا بشخصك وعطائك

[فيحان المرزوق]

تسلم على هذا المتصفح الراقي

ولاهنت فكرا وحضورا

[حمد ابداح الهاجرى]

صح لسانك على نقل هذه التحفه الممهورة لا فض قلمك دمت بخير

[مبارك الرشيدي]

طاب لي البقاء هنــــــــــــأ

سلمت اناملك بما خطت من سطور

صح لسانك ولك كل التقدير

[احمد السندى]

الاخ العزيز عاشق الليل شكرا على المرور

[سالم العرجاني]

لا فض فوهك و لا شلت يمينك مصافحة رائعه جل مقامك واحترامك

[خليفة الشلواني]

وافي ومجمـــل جزاله وقمة الجزاله صح لســـانك يالقرم على هالنقل

[خالد ناصر المفرج]

سلمت يمينك على هالنقل وافيه وسالفة طيبة لاهنت

[نزف المشاعر]

نقل راقي واجــدت في أختيارك
يبقي التمـــيز والاقتـــدار عنوانك
وأعلى الله شــــــأنك
كل الود

[شهد السعد]

صح كلك ولاهنت فاضلي
مصافحة في قمة العطاء والابداع سلمت انفاسك
وتقبل تقديري

[خالد رجعان]

جزل لاعدمتك


ورائعه كــ تواجدك
فــ صح لسانك مليار ودمت راقيا /

تقبل مروري

[بندر الزامل]

راااااائعه
سلمت اناملك وسلم بيانك
على هذه الاوراق الرائعه

[زايد الجبلي]

صح لسانك واعتلا شانك والله يعافيك على هالمعاني الطيبة ننتظر جديدك

[عبدالكريم الغزالي]

خير ابداع وحضور ونقل..
متصفحاً رائع .. بالشعر الجزل
شكــراً لك ..

[محمد الرشدان]

صح لسانك ملايين

مصافحة فاقت الابداع حضورا وزهوا

[عبدالسلام العصيمي]

مصااافحة ممتعه وراقيه بكل زواياها
صح لسانك مليون على هالنقل
لاعدمتك وتقبل مروري

[بنت عسير]

مصافحة راقيه بك وباطلالتك ومحتوى رائع شكرا لك على النقل المميز

[فيصل الغامدي]

صح لسانك واعتلى شانك
مصافحة جزلة ومعاني وافيه
نقلــــــت وابدعــــــــــت

[احمد الحارثي]

صح لسانك ملايين
مصافحة عالية المستوى والمعنى الراقي
دمت بهذا التواجد تحياتي وتقديري

[ماجد الكربي]

مصافحة تستاهل الاشاده صح لسانك الف مليون ودمت بود

[ضاري الموينع]

صحّ لسانكْ /
مصافحة رائعه .. كن بخيـــر
ولك ياسمينة نقية كـ قلبك
وباقَة ورد لـِ شخصكَ

[ابن عروة]

صح لسان ك
ولا شلت يــدك ٌ اللتي خطـــــت
درر لا فض فاهك
دمـــُت بنــــقاء

[محمد صباح]

رآئِعه , ,

صحّ لسآنِك وعلآ شآنّك , على هالنقل

بإنتظآر الجديد الجميّلْ ,

[شجاع عمر الأكلبي]

عسى يمناك مايجيها العطب

لاهنت

[أحمد التميمي]

سلمت اناملك
صح لسانك على نقل هذه الرائعه
لآهنت
..~ ...

[غالب الجهراني]

سلمت يداك على هذه المصافحة الجميلة تحياتي لك

[احمد السندى]

الاخ العزيز راشد الوبدان شكرا على المرور

[جريح الضماير]

دمت بعطائكـ وفي حضوركـ ..
راقي لاهنت ولاهان نقلك
تقبل مروري المتواضع

[العدملي]

صح لسانك
رائعه ولا اروع
تحياتي لسموـو شخصكـ
وتقبل كل التقدير

[سعود البرقاوي]

نقل راقي صح لسانك لاخلا ولاعدم تقبل مني كل الاحترام والتقدير

[حنان ابراهيم المبارك]

نقل جديرا بالاحترام
مصافحة غاية بالروعه ابدعت وسلمت

[جراح العازمي]

متصفح راقي * * *
وحي هالوجه وابقاك الله لاعدمتك
صح لسانك وسلمت جوارحك على النقل

[عبير الزهور]

غاية بالروعة ونقل شمل العجب والأبداع
سلمت أناملك على آلنـقـل آلمميز ..
تحياتي لسموـو شخصكـ

[اسيرة الظلام]

سلمت أقلامك مصافحة رائعة
على شانـكـ وغاب شيطانــكـ
طبت وطاب فالك

[قاضي شبيب العواد]

راق لي المرور

راقية كــ رقييك

لروحك ود لاينتهي ولك خالص الأمنيات وأرقها

[احمد السندى]

الاخ نايف العبدالله شكرا على المرور

[طلال محمد العامر]

غاية في الجمال والروعه

اختيار موفق
ونقل طيب سلمت يمناك

ولا هانوا الأخوة على الاضافات


تقبل خالص تحياتي

[القاسية]

مصافحه اكثر من رائعه تسلم أناملك.. ودمت وطاب مقامك معنا .. لك كل الود والتقدير

[بدر الشطي]

صح لسانكـ على هذه المنقولة
أرويتني شعرا ً وأدبـا .. ألف شكر لكَـ

[النابغة]

تسلم يدينك على النقل الجميل والمتفاني
لاتـحـرمنا جـــديدك
مودتي لك