هشام القناعي
25-10-2009, 10:56 PM
قصيدة محمد الفوزان التي أرسلها
الى عبدالله الفرج وهو بالبصرة ولها مناسبة
انهم كانوا يستلذون بالرديات
لولا السبيل ولذعته تردع الجاش = خطر يتيه العقل من شد ما فيه
اشوا مرّكدني عن الزيغ واطياش = ويقوي عزومي عن السدّ لاضيه
غيري الى جا الليل يرقد على فراش = وانا على كالشّوك والنوم ما جيه
من ذا الزمان اللي مسوي بنا لاش = تجري علينا كل يوم بلاويه
امنين ما تلتاح فالرق حواش = والبلد حذفه ما يجديه راعيه
بعض الحوادث تبلش الخاطر ابلاش = يحتار في تسنيعها الراي ويتيه
ان شفتني قدّام بعض العرب باش = اللي مبكّيني عن الناس كافيه
حصّلت من وقتي تصاديع وأدهاش = والكايده ما من صديقٍ تشاكيه
حسبك عقول ما علق منهن اخراش = الا من أسباب الدهر مع بلاويه
كم ناصحٍ لك ظاهري باطني غاش = لا من تبخصته يتبين قواصيه
بالك ترابع واحدٍ قطّ ما ناش = طوله ونفسه للعلا ما تمنّيه
يزمط وكل الزمط منه على ماش = يعطيك حكي والحكي ما يمضيه
اسمع جواب كاليواقيت واقماش = ملفاه من يبخص خوافي معانيه
ابن فرج كسّاب الأمثال ببلاش = سهلٍ عليه الجيل يدعيه ويجيه
ما هو بمثلي عنه الأمثال تنحاش = لو كان يبغيها فلا هي بتبغيه
عساه يتحفني بردٍّ به إنعاش = للقلب كود انّّه بردّه يداويه
يا ليت من يطرِّش هالأيام مطراش = لو فارق اربوعه وفارق أهاليه
ينصي الغروس اللّي على كفت الطاش = اكودها من ضيم قلبه تسلّيه
فقال الفرج مجاوباً بن فوزان
بكل ما يملك من جزالة بالشعر
شعر النبط من سابقٍ نظمه الجاش = ما هو بطرب له ولا هو بهاويه
من لي بجاشٍ عن تعاطيه منحاش = ومنهنه عن لا يشيِّد مبانيه
لو فاه يسجع به كما قمري الطاش = من جاد بعروضه وحكَّم قوافيه
ما حرّكت منه البدايع لي رياش = لو رقّت ألفاظه ودقت معانيه
من يعتني به عقب ما بيع ببلاش = وأضحى كما العنقا بذا الجيل شاريه
خلته كما راس الظبي ما به عراش = مات الشعر وأهله وقلّت عوانيه
لولا جوابك يا محمد فلا جاش = بالردّ لي جاش وهم مفاجيه
تشكي زمانٍ ناعبه يدهش دهاش = وتقول ما به من صديق تشاكيه
حسبك عقول ما علقهنّ الأخراش = إلاّ من أسباب الدهر مع بلاويه
ناهيك منها بالجديدَين ما طاش = يوم ان دهتها بالليالي دهاويه
بانت وهل في مسقط الراس منهاش؟ = ما يرشد الساري ويهدي المتاييه
يعظم على غير الدهر فيه تنحاش = وأيدي المواضي شاهراتٍ مواضيه
ندت لقالات بها غرّد الواش = طرب كما حادي الظّعن في مساريه
أقطعك يا دهر لفيته على ماش = يعلي الوضيع ويخفض اللّي علا فيه
من يوم شفت البوجلي فيه مرتاش = والحرّ به متكسّرات هقاويه
وردّت كما الغرثا نواديه وعطاش = ذيك الحرار ولا تعدّت نواديه
من جات تهدي له كما قيل وتراش = من نفسها الدنيا فكلٍّ يراعيه
والمال لو حازه من الناس قرّاش = أعياك ما تلقى الذي هو يعاديه
يهجا الزمان اللي رفع جمع الأوباش = وأنحت بدولات النشامى تلاحيه
ما لوم قلبي لو غدا ينهش نهاش = خطب الطنابه من همومٍ تفاجيه
عاش الملوسن والردي فيه واللاّش = اللّي عن الطولات تقصر أياديه
أو واحدٍ كالذّيخ للوجه خمّاش = تصدر على غير المصمت دعاويه
وإلاّ طويل الباع والحرّ ما عاش = إلا على صكّات غارة لياليه
كم ثور هورٍ ساعفت له كَلاباش = منه الليالي ونال منهن مناريه
ومهذَّبٍ لفظه كما الدرّ وقماش = يرضي العقول ويعجب اللّي يحاكيه
ما نال منها في زمانه ولا ناش = إلاّ عنا الضيعة وخيبة مساعيه
لا شك ما تبقى الشدايد ولو راش = منها السهم له كل خطب يوافيه
لا بد ما تذري نسانيس الانعاش = ويدور دوّارٍ للفلك بأمر واليه
والحرّ لو ببحور الأفكار ما قاش = يصبر ومرجوع الليالي تصافيه
فان كان حاشه للدهر فيه ما حاش = ما هو ببدع والدهر مَنْ يعاديه
وإن كان هاشه بالعنا منه ما هاش = ما شاهد إلاّ بالصبر من يداويه
مَن يطلب العالي فيصبر على الراش = هذا وما كاد اوّله هان تاليه
وإلاّ العسر لو مدّ له ليل فراش = خير اليسر صبحه بالأنوار جاليه
هذا وبصروف المقادير ما جاش = الا وسابقه القضا بأمر واليه
واسلم رخيص العرض لا شفت الاحراش = من كل لومٍ ما دعا الله داعيه
واطلب عسى يهيّا لنا اليوم مطراش = ويحوشنا ويّاك طيب اللّقا فيه
وسلامتكم ..
______
وتقبلو تحياتي
الى عبدالله الفرج وهو بالبصرة ولها مناسبة
انهم كانوا يستلذون بالرديات
لولا السبيل ولذعته تردع الجاش = خطر يتيه العقل من شد ما فيه
اشوا مرّكدني عن الزيغ واطياش = ويقوي عزومي عن السدّ لاضيه
غيري الى جا الليل يرقد على فراش = وانا على كالشّوك والنوم ما جيه
من ذا الزمان اللي مسوي بنا لاش = تجري علينا كل يوم بلاويه
امنين ما تلتاح فالرق حواش = والبلد حذفه ما يجديه راعيه
بعض الحوادث تبلش الخاطر ابلاش = يحتار في تسنيعها الراي ويتيه
ان شفتني قدّام بعض العرب باش = اللي مبكّيني عن الناس كافيه
حصّلت من وقتي تصاديع وأدهاش = والكايده ما من صديقٍ تشاكيه
حسبك عقول ما علق منهن اخراش = الا من أسباب الدهر مع بلاويه
كم ناصحٍ لك ظاهري باطني غاش = لا من تبخصته يتبين قواصيه
بالك ترابع واحدٍ قطّ ما ناش = طوله ونفسه للعلا ما تمنّيه
يزمط وكل الزمط منه على ماش = يعطيك حكي والحكي ما يمضيه
اسمع جواب كاليواقيت واقماش = ملفاه من يبخص خوافي معانيه
ابن فرج كسّاب الأمثال ببلاش = سهلٍ عليه الجيل يدعيه ويجيه
ما هو بمثلي عنه الأمثال تنحاش = لو كان يبغيها فلا هي بتبغيه
عساه يتحفني بردٍّ به إنعاش = للقلب كود انّّه بردّه يداويه
يا ليت من يطرِّش هالأيام مطراش = لو فارق اربوعه وفارق أهاليه
ينصي الغروس اللّي على كفت الطاش = اكودها من ضيم قلبه تسلّيه
فقال الفرج مجاوباً بن فوزان
بكل ما يملك من جزالة بالشعر
شعر النبط من سابقٍ نظمه الجاش = ما هو بطرب له ولا هو بهاويه
من لي بجاشٍ عن تعاطيه منحاش = ومنهنه عن لا يشيِّد مبانيه
لو فاه يسجع به كما قمري الطاش = من جاد بعروضه وحكَّم قوافيه
ما حرّكت منه البدايع لي رياش = لو رقّت ألفاظه ودقت معانيه
من يعتني به عقب ما بيع ببلاش = وأضحى كما العنقا بذا الجيل شاريه
خلته كما راس الظبي ما به عراش = مات الشعر وأهله وقلّت عوانيه
لولا جوابك يا محمد فلا جاش = بالردّ لي جاش وهم مفاجيه
تشكي زمانٍ ناعبه يدهش دهاش = وتقول ما به من صديق تشاكيه
حسبك عقول ما علقهنّ الأخراش = إلاّ من أسباب الدهر مع بلاويه
ناهيك منها بالجديدَين ما طاش = يوم ان دهتها بالليالي دهاويه
بانت وهل في مسقط الراس منهاش؟ = ما يرشد الساري ويهدي المتاييه
يعظم على غير الدهر فيه تنحاش = وأيدي المواضي شاهراتٍ مواضيه
ندت لقالات بها غرّد الواش = طرب كما حادي الظّعن في مساريه
أقطعك يا دهر لفيته على ماش = يعلي الوضيع ويخفض اللّي علا فيه
من يوم شفت البوجلي فيه مرتاش = والحرّ به متكسّرات هقاويه
وردّت كما الغرثا نواديه وعطاش = ذيك الحرار ولا تعدّت نواديه
من جات تهدي له كما قيل وتراش = من نفسها الدنيا فكلٍّ يراعيه
والمال لو حازه من الناس قرّاش = أعياك ما تلقى الذي هو يعاديه
يهجا الزمان اللي رفع جمع الأوباش = وأنحت بدولات النشامى تلاحيه
ما لوم قلبي لو غدا ينهش نهاش = خطب الطنابه من همومٍ تفاجيه
عاش الملوسن والردي فيه واللاّش = اللّي عن الطولات تقصر أياديه
أو واحدٍ كالذّيخ للوجه خمّاش = تصدر على غير المصمت دعاويه
وإلاّ طويل الباع والحرّ ما عاش = إلا على صكّات غارة لياليه
كم ثور هورٍ ساعفت له كَلاباش = منه الليالي ونال منهن مناريه
ومهذَّبٍ لفظه كما الدرّ وقماش = يرضي العقول ويعجب اللّي يحاكيه
ما نال منها في زمانه ولا ناش = إلاّ عنا الضيعة وخيبة مساعيه
لا شك ما تبقى الشدايد ولو راش = منها السهم له كل خطب يوافيه
لا بد ما تذري نسانيس الانعاش = ويدور دوّارٍ للفلك بأمر واليه
والحرّ لو ببحور الأفكار ما قاش = يصبر ومرجوع الليالي تصافيه
فان كان حاشه للدهر فيه ما حاش = ما هو ببدع والدهر مَنْ يعاديه
وإن كان هاشه بالعنا منه ما هاش = ما شاهد إلاّ بالصبر من يداويه
مَن يطلب العالي فيصبر على الراش = هذا وما كاد اوّله هان تاليه
وإلاّ العسر لو مدّ له ليل فراش = خير اليسر صبحه بالأنوار جاليه
هذا وبصروف المقادير ما جاش = الا وسابقه القضا بأمر واليه
واسلم رخيص العرض لا شفت الاحراش = من كل لومٍ ما دعا الله داعيه
واطلب عسى يهيّا لنا اليوم مطراش = ويحوشنا ويّاك طيب اللّقا فيه
وسلامتكم ..
______
وتقبلو تحياتي