قصيدة الشاعر ناصر الحجرف ومجاراة الشاعره مهى مرضي

[خالد الجري]

السلام عليكم

قصيده مميزه
فوددت نقلها لكم فهي
للشاعر
ناصر الحجرف العجمي
ومعها مجاراة

للشاعره مهى مرضي
اتمنى ان ترضي ذوقكم


أنا الذي يابنت وده على ارضاش =وإن مارضيتي لعنبو امش على ابيش

اهديت لش قلبي غلا فيش واطغاش =حتى كساش من الغلا حد رجليش

يابنت قلبي من العرب بس نقاش =لاشاف زولش قال ( لبيش لبيش )

منهو الذي علمني الحب مالاش =حتى عيوني برقي قالت تغليش

ماتذكرين أول قصيده بها اعتاش =يومن كسرت البيت حتاه يرضيش

أنشهد ان حبش ينوش الغلا ناش =ناشن على نيشان حبش ومغليش

يابنت روقي لاتجيني من اقصاش =وإلا ترى فيني الخساره وهي فيش

تدرين عن شي هاتي العلم لي كاش =ابي جواب واضح وضح خديش

أما غلا اهتني فيه ويهناش =وأغلا بعد من غلا اختش مع اخيش

وإلا يابنت فضي كلامش مع حكاش =يابنت أنا مابيش مابيش



وهذه قصيدة الشاعره مهى



جتني قصيده وصلت قلبي الانعاش =يامن يوصل ناصر العلم يعني ايش

يابنت ناصر يبغي العلم له كاش =يبغى جواب يطّيب القلب ويزهيش

يا بنت روقي وشوفي الحب يزهاش =ويزهى عيونش ثم يزهى مماشيش

قولي أنا ياولد الأجواد ماارضاش =الا بواحد يملك القلب ويفديش

يفديش بعيونه وقلبه ويفداش =ويغلي فؤادش وحيل بالقلب يغلييش

قولي له ان ابيش على الطيب رباش =بنت تعرف الطيب والحب يطغيش

هلي علومك له يابنت ماازهاش =وازهي بعطرش له حتى انه يزهيش

يزهاش ناصر وانتي الحب يزهاش =وقولي ياناصر ابشر ودوم لبيش

تحياتي

[محمد الجويسري]

رائعه بحضورك

وتسلم على القصيدة والمجاراة

وصح ألسان قايلها

وتسلم يد ناقلها

[سمو الحب]

سلمت يمينك

على النقل الطيب

في انتظار جديدك


تقبل تحياتي
سمو الحب

[فالح الفقيعي]

صح لسان الشاعر والشاعره

وتسلم يمينك لاعدمناك يالقرم

مشاركة رائعه

تحياتي

[العطاوي]

صح لسانك ولاهنت

[شهد السعد]

مشاركه الجميله ,

وصح لسان من قالها ,


ويسلم من نقلها لنا ,

تقبل تحياتي

[جارالله الحربي]

قصيد جزله وشاعر جزل وشاعره جزله

لله درهـــــمـ

وصح لسانه ولسانها

وتسلم لنا يمناك اللي نقلت

[متعب الفرساني]

رائعه بحضورك

وتسلم على القصيدة والمجاراة

وصح ألسان قايلها واللي ناقلها

[ناصر احمد العبيد]

سلمت يمناك وانفاسك على هذه المصافحة


سجاااال راااااائع