بيتٌ // يتيم

[هــمسَ..آلـقّــوا‘فــيٌ..]

أخواني رواد هذا الصرح الكبير
هنا نضع في هذا البيت اليتيم
بيت أو أبيات من قلم الشاعروبوحه وليس منقول
ولكم حرية الأختيار من بيت الى خمس أبيات
فـ مرحباً بكم في هذا البيت اليتيم
اختـــكم:.
هــمسَ..آلـقّــوا‘فــيٌ..

[هــمسَ..آلـقّــوا‘فــيٌ..]

جيتك على درب الهوى شوق محتار
ابحـث عـن الـي لـه عيونـي بتشـتـاق
واسـامـرك خـلّـي بقنـديـل الاسـحـار
بيـنـي وبيـنـك زاده الـحـب بـاشـواق
واهمس لـك بهمسـي نبيّـح للاسـرار
قـصـة مـعـانـاة فـــلا ظـــن تـنـطـاق
ياما عذلت القلب ممـا جـرى وصـار
والقلب يجذبنـي علـى راعـي الاذواق


بقلم


هــمسَ..آلـقّــوا‘فــيٌ..

[فهاد صقر الملهوف]

همس القوافي
صح لسانك ولا هنتي
ولو انه الفكره حلوه ورائعه وسوف اخوضها معكم ولكن اعتقد ان مكانها ليس هنا بل في قسم اخر ..
هذا هو البيت اليتيم
شكلك اليا منك تمكنت تطغى = نوعك تبيع اليا تساومت بالبيع

[مسفر الصفا]

حضور اول


ولي عودة


واتفق معك يا ابو صقر

[ناصر احمد العبيد]

نفس الراءي واشكر اجتهادك يالعزيزة همس

[جارالله الحربي]

تسلمين ياهمس وفكرة طيبة ولكن مكانها مع الاعتذار لك ليس هنا

تم نقلها الى استراحة البوادي

[راضي الفيحاني]

صح لسانك ولا هنتي

تمنيت لو اهتموا الشعراء في هذا الامر

جميل ان تعرف عن الشاعر ابيات او قصيد لم يكمله مثلا

[المولع الغريب]

يسلمو همس فكره راااااائعه


نلوم الزمن في خيبت الحظ والآمآل=ونرمي على سود الليالي بلاوينـا
نسينا ان عمر الآدمي وقفه وترحال=ولا نأخذ الا ماكتـب مـن ليالينـا

[مبارك الرشيدي]

تسلم ياهمس وفكرة طيبة صح

[المولع الغريب]

مشيت اصعب طريق وجيت لعيونك واناولهان= وتحديت الظروف اللي على قربك تحداني
وصلت ومالقيت الا الجفاء والصد و النسيان= وانا اللي مفتكرت انه يجيلك يوم تنساني

[المولع الغريب]

في كبرياك وغرورك لاتعاندني = ماني على ماتضن اجيك متنآسي
بكحل عيوني بجرحً عنك يبعدني= ولوتخضع الشمس ما وطيت لك رآسي

[المولع الغريب]

اغمي عليه من تخيلت فرقاك= وشلون لوكان المفارق حقيقي
يمكن اموت بحسرتي ماتحراك=تشوفني بآخر لقاء يارفيقي

[المولع الغريب]

تذكريني كل ماهب نسناس= وان حل لك الفراق اذكريني
لاتنطوي ذكراي في صفحة اليآس=يمكن يجيلك يوم به تفهميني

[المولع الغريب]

ليت الزمان اللي للأقصين وداك = يبعدك عن دار المولع على خير
الموت ماهو هم بعدك وفرقاك= موتي قهر لاشفت زولك مع الغير

[السيل الجارف]

المولع الغريب
لله درك على هالدرر
صح لسانك ولا هنت
تحياتي

[هــمسَ..آلـقّــوا‘فــيٌ..]

مازلت هنا أرى أبداع المولع الغريب


لله درهم من أحرف خطها لنا

ولع المولع لـ أبياته اليتيمه

مازلت هنا للمتابعه


جل تقديري ياسيدي


ودي

[محمود الشاذلي]

جل تقديري ياسيدتي انتي من ابدعتي في هذه الفكرة

ولله درك يالمولع صح لسانننننننننننك


ودي

[المولع الغريب]

كان اقتلني سودٍ وساع نعاس= كلي لها فدوه فلا تندميني
غطي بقايا جثتي وارفعي الراس =وابكي علي يامنيتي واحضنيني
وانجادت عيونك من الدمع لاباس= ارجوك في دمع الجناة اغرقيني
تلقين فيدي خاتمن كلها الماس= تبقى بها ذكرى نهاية سنيني
مني خذيها قبل لاتاتي الناس = وسمي علي ياغاليه واتركيني

[المولع الغريب]

تعال قول اللي تريـــده وقرب= مقوى العتب عن بعد من سود الاهداب
ارسم على شفتــك بسمه وجرب = خلك حنون تكون ساحر وجذاب
وعمر على كيفك ودمر وخرب= بس الزعل مابي تخلي له اسباب

[فهاد صقر الملهوف]

نفسي تراودني على الحب ثاني = ما تابت النفس الشقيه عن الشوق

[فهاد صقر الملهوف]

الحب واحد لكن بعدة اشكال = واحلا شكل وألعن شكل حب ساره
ساره تبي تلعب على كل موال = تاره تحب وتكره الحب تاره
ساره هي اجمل ما خلق رب الاجيال = لاشفتوا اجمل بنت حطو اشاره
ساره لها غمازتن فوقها خال = ومن فوق كتف الترف توجد عباره
شعرن يقول الليل هو سر الآمال = شعرن تضيع بظلمته في نهاره

[المولع الغريب]

مابعد المشيب


ياجرح قلبي اذا شيبت = ان مرني غض الأنهادي

مايلتفت لي حسين النبت = وان التفت صد بعنادي

كاني على عادتي ماتبت = اموت من حر الابعادي

[المولع الغريب]

الآ ياوحشة الغربه و الآ ياعالم النسيان=انا تهت بنصف دربٍ بها الأحباب خلوني
وقفت بحيرتي صامت اعاني دمعة الحرمان= وبذكر من وفاي الهم غلاهم لوتناسوني

[المولع الغريب]

ضمني ضم الحنون لصدرها راس اليتيم= حين شآن الوقت والدنيا خذت منه هله
لاتحسب العمر يبقى ياحبيبي مستديم= ولاتضن آخــــــــره ياتي بالحلا مثل اوله

[المولع الغريب]

خذ من ايامي وعطني من نهر عطفك ا شوي = ضلني بأغصان حبك عن لواهيب الزمان
خلني باعيش لحظاتي معك مادمت حي = شيل حرماني وعطني من دفا صدرك حنان

[المولع الغريب]

من كثر ماني بالغلا ميتٍ فيك = حتى وانا حاضن يدك رحت اشوفك
كذبت انا يدي وعيني تراعيك= كنت احسب اني عائشاً وسط طيفك
ارجوك حسسني بلحظة تلاقيك= حرام يحرقني لهب شمس صيفك

[فالح الفقيعي]

بدون نقط

سلام عد الروم واعداد الامطار = واعداد ماروّس مروّس لمرواسه
العام الاول لك معه سر واسرار = وسر واحد سم حالك وحاسه

[هزاع النجدي]

صح لسان كل شاعر فيكم والله ابيات رائعه وفكرة اورع من الاخت همس مشكورة

[المولع الغريب]

تعال ما اصعب من الفرقى سوىالأنتظار= مليت في وقفتي وانا اتحرى لقاك
تعال ولعت في قلبي من الشوق نار = شفني تبعثرة كلى لمني في اشفاك
شف صادق الحب كيف أثر في الأنكسار= ماهو ضعف بس نساني حياتي غلاك

[عبدالعزيز الناصر]

المولع والله انك كنز لا يضاهىء بالذهب والملايين

صح لساااااااااااانك

[المولع الغريب]

اقبلت صوبي وهي تمشي وتقيف= حائره متحيره كيف الوصال
كنها برقٍ سرى نوره مخيف= خطر يشعل نار في روس الجبال
اقبلت تمتاز بالخصر النحيف= وين مامال الهوى بالعود مال
ضيعتني في ضياها يالطيف= مابعرف الغرب من وجه الشمال

[المولع الغريب]

تمكن غلاك بخافقي وانت لي مالنت= بحاول اسعادك وانت ناوي تشقيني

انا من عرفتك كن ماالله خلق غير انت=كأن الملا ماتو وانا وانت حييني

[بتول الشرقاوي]

اولا صح لسانك يالمولع الغريب على هذا الكم الهائل من الدرر

وياليت كملتهم والله كلها روائئئئع

[فهاد صقر الملهوف]

يستاهل المولع
وتشكر همس القوافي
والشكر موصول لكل من ساهم في هذه الفقره الجميله في فكرتها
والرائعه في طرحها
تقبلو شكري وعرفاني
تحياتي لكم

[شوق البوادي]

صح لسانك وتسلم يا شاعرنا

والشكر موصول للغربية على الفكرة الحلوه دمتم بود

[المولع الغريب]

نظرة عيونٍ تحكـي ومالهـا حـس=همسة رموشن عاشقـه ومعشوقـه
وقف يطالع واشغل اشفاه بالهمـس=كنه يقـول الوعـد حـذرى تبوقـه
اقبل بخـدٍ شـارقٍ كنـه الشمـس=وافقاء كمـا مـزنٍ تلامـع بروقـه
والقلب في نار الهوى ينحمس حمس=وكن السواني علقت فـي عروقـه

[المولع الغريب]

العيد عيد اللي يعايـد حبيبـه=مهوب عيد اللي حبيبه مع الغير
حبه ولاكن ماكتب من نصيبـه=رغم الوفأ عيت عليه المقاديـر

[اسيرة الظلام]

صح لسانك وتسلم المولع انت رائع

ابيات عذبه لا ينسجها الا شاعر

الف تحيه وود

[المولع الغريب]

ياليل ياليل العناء والغرابيل= لك وحشةً منها تبيح الخوافي
ومال المولع كود عزف المواويل= يداعب النسمه بعذب القوافي
ماهمني نقالت القال والقيل= لوشاع في بعض الذنوب اعترافي
ماغير ربي يعلم العدل والميل= في لحظةً منها الخلايق تأخافي

[المولع الغريب]

تعلمت منك الصد والهجر والحرمان = وأنا تـَوني يامعلمي بأول اسنيني
تجاهلت بسلوبك معي عادة الخلان =وتعديت كل حدود وضع المحبيني
تكابر وشايف حالك أشطر من الشيطان =على ماتريده ناوي انك تمشيني
ولكن عنادي زاد يااغلى حبايب كان =خضوعاً لغير الله ماهو بمرضيني
نويت أدخلك عالم من الوهم والنسيان=بخليك لافاكر ولا أنته بناسيني
ولا همني وأن قلت هاك المولع خان=فقل ماتقوله والزمن بينك وبيني

[المولع الغريب]

والله اني قبل اعرفه وانا عزمي شديد=بس مدري كيف وصّل لقلبي وأحرقه
والذي قد قلّد الموت بأرقاب العبيد= كن روحي في حبال الوصال معلقه

[عبدالله العدواني]

الله يبيض وجهك وجه من طرح هذه الفكرة الراقيه

تحياتي لشخصك وبوحك

[حسين الميزاني]

تحياتي لشخصك وبوحك الرائع دائما

[المولع الغريب]

ملايين الشكر لكل من مر من هناء

لاعدمنا مروركم المشرف

ارق التحيا واحلى الأمنيات

[محمد الرشدان]

تسلمون على هذا الطرح بس انا عندي سؤال

بيتين يتيمين لم اعرف من هو شاعرها ولم اعرف تكملتها اتمنى افادتي

يصد عني كأنه لم يراني // كأن الله لم يخلق سواه
فسبحان الذي اغناه عني // فلا فقري يدوما ولا غناه

يا ليت اللي يعف القائل او القصيدة كاملة يفيديني وتقبلوا تحياتي

[بنت الكويت]

ملايين الشكر لك شاعرنا المولع الغريب رااااااااااااائع

[غزال المها]

الشاعر المولع صراحه ررررررررررررائع

تسلم اياديك على هذه الابيات
وتسلم الاخت همس على هذا الطرح الرائع

ودمت بود

[المولع الغريب]

كل الشكر والتقدير

لكل من مر من هنا

مروركم يشرفنا ويسعدنا

لاعدمنا تواصلكم الرائع


خالص تحياتي للجميع

[المولع الغريب]

تعال بعلمك في خاطري شي = تبي مع الزحمه او اقول لك خاص
ماهي غريبه قلت اخلاصك معي = بس الغريب ان شفت من وجهك اخلاص

[هــمسَ..آلـقّــوا‘فــيٌ..]

تعال بعلمك في خاطري شي = تبي مع الزحمه او اقول لك خاص
ماهي غريبه قلت اخلاصك معي = بس الغريب ان شفت من وجهك اخلاص



/


صــح لسانـــك

مازلـــت هنــا

:)

[سامي الابراهيم]

شاعر عبقري يسلموا على هذه الابيات المتفردة والله رااااااااائعه

[المولع الغريب]

ليامني تذكرت الذنوب وفاضت العبرات=لطمت بكفي لخدٍ عليه تسيل دمعاتي..
انا من ضيع الفرصه وانا من عاش في غفلات=ليا مني تخيلت الحساب اعاف من ذآتي..
انا الجاني على نفسي وانا من تابع اللذآت=وانا الظالم وانا المظلوم واستاهل معاناتي,,
الآيارب تغفر زلتي ياغافر الزلات=انا كلي نــدم جيتك بصمتي وانفعالآتي






المولع الغريب

[عبير الزهور]

غاية بالروعة
سلمت أفكارك على آلمعنى آلمميز ..
تحياتي لسموـو شخصكـ

[الأصيل]

مصافحة راقيه
كـ رقي شخصك تسلم اياديـك
لك تقديري