المساعد الشخصي الرقمي

مشاهدة النسخة كاملة : ردية - الشاعرين محمد الأحمد السديري والشاعر مرشد البذال


متعب الفرساني
23-06-2008, 10:34 PM
يقول الامير محمد الأحمد السديري




يالله انا من جود حسناك طالبك=عفوك ومدك حيث مانتب بخيلي
يالآدمي دنياك هذي تعذبك=لو طفت فيها مالقيت الدليلي
كل على مذهب امامه يخاطبك=يبيك من زايد ذنوبه تشيلي
اليا عصيت اهل المذاهب تعاتبك=كل يقول ابيك يمي تجي لي
لو انتحيت بعيد بالسو تطلبك= وكل بصاعه من ذنوبه يكيلي
احد ٍ يصحح لك حديثه ويرهبك=واحد يقول الحق عندي نزيلي
واحد ٍ يخيفك في كلامه ويدبك=ابليس يضحك له وهو مستشيلي
الناس عوجان المذاهب تكذبك=عن الصحيح الكذب معهم بديلي
ان مارضيت بقولهم نتف شاربك=تكبر ذنوبك لو غناك تهليلي
ناس على درب الفضيله تحاربك=وعلى دروب الشر تهذل هذيلي
دروبهم عسرات عوج وتتعبك=ماتستوي لك لا ولاتستوي لي
ينبيك عن دنياك ماضي تجاربك=وعزي لحلك كان عزمك قليلي
اتبع نبيك واترك اللي مجنبك=واقضب مماشي سنته لاتميلي
اللي بغير النور للرشد يندبك=وابو بكر عنده نديم وخليلي
نصاحيه للرشد حذرا تغايبك=هرجه صحيح وكل فعله جميلي
سنه نبي ٍ للفضيله تقربك=المصطفى ماله شبيه وعديلي
واحذرك عن نقالة السو تقربك=ومن يتبع العايل لزوم ٍ يعيلي
لو كان ماتغضب ترى الناس تغضبك=عقب المعزة يجعلونك ذليلي
واترك ردي العرف للعيب يجذبك=وتصير لدروب الردى له عميلي
وبنت الردي حذراك حذراك تعجبك=احذر تصير لمثل هذي حليلي
وعن مايعيب النسل عرب مناسبك=عليك في بنت الحصان الاصيلي
يجي ولدها تفتخربه قرايبك=ويقيف في وجه الخصيم القبيلي
وان كبرت القالات بالفعل يعجبك=ويبرد همومك كان قلبك غليلي
مثل القطامي في طياره يشببك=والدم من مضراب كفه يسيلي
ان كان ماصلبين الاريا مكاسبك=تراك بين الناس تبقى هزيلي
ترى دروب الخبث يالعبد تذهبك=يفوت عمرك ماتحصل حصيلي
ومعاشر الخايب مع الناس ينشبك=وتصبح قليل الميز عقلك هبيلي
ومعاشر الطيب على الطيب يجلبك=يرقيك للعليا بظل ٍ ظليلي
لاتقرب الاجرب بالامراض يعطبك=ويصير جسمك مثل جسمه عليلي
ممشى الخنا من صافي العقل يسلبك=ويصير لك يم الرذيله سبيلي
وعن مارد الأنذال نزه مشاربك=ارد النظيف ولو وراده طويلي
ولياك تنسى مع هل الجود واجبك=واللي يريد المجد حمله ثقيلي
يالادمي وان كان كثرت مصايبك=اعنز على محي الهشيم المحيلي
اعنز على رب ٍ بعرشه يراقبك=وناجه وبعد العسر يسرٍ جليلي
ناجه ولجل رضاه وجه ركايبك=وخلك لعلام السراير دخيلي
هو الذي ينجيك من كود صايبك=ويذريك من كربات هول مهيلي
يالعبد مكن عند ربك مقاضبك=فكر وقدر واحتزم للرحيلي
ماحد ٍ عن الخلاق يالعبد حاجبك=هو الذي مده وعفوه جزيلي
وهو الذي فيما فعلته يحاسبك=وهو الذي بارزاق عبده كفيلي
واحذر يابن حوى تطمن لحاجبك=الا لرب ٍ للخلايق يزيلي
اللي بعفوه عن عذابه يراقبك=وعينه لكل الخلق دايم تخيلي
في لوحه المحفوظ يالعبد مزهبك =نزل بحق وكل مابه فضيلي



رد مرشد البذال



لاعدت يارجمٍ ضحى اليوم مرقبك=قعدت في راسك نديمي سبيلي
تنسف علي من الذواري هبايبك=وقامت خليات الفجوج تهوي لي
يارجم شوش خاطري واستهاض بك=يارجم من كثر الطواري بديلي
اسباب عد في شعيبك مطانبك=عدٍ واعرفه يوم طربات جيلي
ياعد ابا سيلك عن اللي خبرت بك=قد شفتهم بالعين ربي وكيلي
واليوم اشوفه داير ٍ جوك الشبك=خرب معاطينك سواق النخيلي
ياعد وين اللي نزل في مساهبك=وين الضعون النازله والرحيلي
وين الجهام اللي خلوجه تحن بك=ليا ضيعت مفرودها هود ليلي
وين النزيل اللي قطينه مقطبك=الفجر حس نجورهم له صهيلي
ووين المهار اللي فزعها يلج بك=ليا ناض صياح الضحى بالشليلي
ثم قال ياللي ماكر العود ناتبك=يوم ٍ به العريس عاف المقيلي
وركبوا على قب ٍ سطرهن يشاغبك=جنك لصياح الضحى بتعجيلي
وقال الزهوف ايصف لنا قبل نضربك=ابتقدم لين ربعي تجيلي
قال افهق الصايب خصيمك مقاضبك=قبل الفزع يكمل فلا تحتري لي
يوم ٍ طابور المشاهير حاطبك=ناباه امير الخيل قلبه وغيلي
ياراعي البل قلنا ويش مهربك=صبر على هالحال ماله ضويلي
قال العقيد فلان زارك وهازبك=يقول ذقها ياميبس صميلي
عندك حلايبنا واخذنا حلايبك=هذا بدال العام يوم تغزيلي
وتلاحظو كل ٍ يقول امش ويش ابك=وكل ٍ تقلد سيف ماص ٍ صقيلي
واقفن مثل جول القطا اللي معجبك=حجم عليه الوقت جلع محيلي
ياعزتي ياللي جوادك يجول بك=متعطل ٍ غلق عليه الشبيلي
لحقوا هل البل يامعزل كسايبك=كل يوده يام ديك اشبحي لي
عيناك يابوش ٍ جذبنا تحطبك=خلج ٍ تعزل للسهوم اتعزيلي
ياراعي الملعب حظر من يلاعبك=في ملعب صوت الفشق له عويلي
من بينهم شوف المعارك يشيبك=في ساعة ٍ ماكل من طاح ويلي
لاعدت يايومٍ عجاجك يطيربك=ياما هفابه من طريح دحيلي
وليا هرب خطو الوليده من الدبك=الصبح عنه العاشقة تستقيلي
تقول ودر يامدهن ذوايبك=لاوا خسارة كدني لك ثليلي
ان كان ربعك فاللقا ماتهوش بك=انا حليلة من نخاه التويلي
لحول ياسلم القديمين مااصعبك=من لاعرفهم شك في وزن قيلي
ياعد هذي كلها من سبايبك=ذكرتني واشقيت من يصطبي لي
مرحوم ياجيل ٍ رحل نستعز بك=ماظن يرجع دوركم مستحيلي
واليوم ياهالوقت ياوش نقول بك=قول بلا برهان لاينحكي لي
لولا البعض ياوقت طيبه مطيبك=مثل الرسوم اللي لمدحك دليلي
ومصارعين ٍ راعي الكذب والهبك=ناس ٍ طلبها السعسعه والنقيلي
عندك يحش بنا وعندي يحش بك=الله من شين العمل يقتضي لي
ليا حظر قدام وجهك يلب لبك=تقول هذا الحق منه يهفي لي
وليا ذهب علق سهومه بغاربك=وفهق زناد ٍ معلق ٍ بالفتيلي
من خان امانه بعده عن مناصبك=لو يمترح قدمك سوات الثعيلي
قله عداك الخير عقلي يشك بك=لو انت تجهد بالعمل وتعدي لي
تراك لو عييت ماهوب غاصبك=ليا قلت له تعبير بنت العليلي
لاتامن الغدار غدره يقول بك=يرميك وسط البير شين الدغيلي
وليا عرف في وسطها دق منكبك=وقف على راسك يهت النثيلي
ان كان ذربات النصايح تفيد بك=ابا انصحك كانك لمثلي تسيلي
رابع فهيم للفهامه يدربك=عراف حيال ٍ لمن كان حيلي
ليا عطيته غايتك مايخون بك=ويصير لك في مشكلاتك زميلي
ولا ردي العزم ماهوب ثايبك=لايعجبك لو كان جسمه جثيلي
ان كان زول النسر كبره مهيبك=تراه زوله مثل زول الرجيلي
والخبل وسط المحتضر لايداعبك=خل اللغا بينك وبينه كتيلي
عن كلمة قدام الاجناب تشذبك=تصير صبغ ٍ مامحاه الغسيلي
واختامها ياراحم ٍ نستجير بك=مولاي تغفر زلتي وتعفي لي

ناصر احمد العبيد
25-06-2008, 01:39 AM
الله الله

قصيدة تحفة ورد وافي وجزل

رحم الله الامير والشاعر

وتقبل مروري

متعب الفرساني
27-06-2008, 12:27 AM
تسلمون على مرورك والله يحييك ويبقيك

تحياتي لك

ماجد الكربي
28-06-2008, 10:56 PM
رحم الله الامير والشاعر

وصح لسانك

تقبل مروري

فهد محمد العازمي
01-07-2008, 08:34 PM
هنا الشعر والنظم الصحيح
رحم الله الشاعريين رحمة واسعه ولاهنت للنقل

ابن عروة
10-07-2008, 01:52 AM
الله يعطيك الف عافيه على النقل

ردية جزله جزله ومن شاعرين اشهر من نار على علم

حمد بوضريس العازمى
13-07-2008, 01:39 AM
الله يرحمهم ولاهنت يامتعب على النقل والله يعطيك الف عافيه

تقبل مرورى وتقبل تحياتى وحترامى

بندر الزامل
15-07-2008, 04:09 AM
رحم الله الامير والشاعر

وصح لسانك

تقبل مروري

هزاع النجدي
16-07-2008, 11:15 PM
قصيدة تحفة ورد وافي وجزل رحم الله الامير والشاعر وصح لسانك

فيحان المرزوق
19-07-2008, 12:12 AM
صح لسانك

معاني وصيغه تدل شاعريين لهم باع طويل

رحمهم الله

لاهنت وعلا شانك

عبدالله العدواني
25-07-2008, 01:22 AM
قصيدة تحفة ورد وافي وجزل

رحم الله الامير والشاعر

عبدالعزيز الغنيم
26-07-2008, 02:57 AM
اجزل الرديات اللي قريتها صح لسانك والله يرحم الشاعريين

خليفة الشلواني
12-08-2008, 11:12 PM
الله يبيض وجهك ويرحم الشاعريين العلمين

الاجودية
14-08-2008, 03:26 AM
معاني وصيغه تدل شاعريين لهم باع طويل

رحمهم الله

حسين الميزاني
17-08-2008, 01:25 AM
متعب

محلك العليا يابعد حالي

روعه لاهنت نقل واختيار

قصيدة ورد جزل

رحمهم الله

مبارك الرشيدي
20-10-2008, 12:18 AM
صح لسانك على النقل

قصيدة وافيه ورد وافي


ورحم الاشعار القدير مرشد البذال والامير محمد السديري

شوق البوادي
03-11-2008, 07:18 PM
معاني وصيغه تدل شاعريين لهم باع طويل

نقل موفق

عبدالسلام العصيمي
10-11-2008, 11:44 PM
تسلم يمناك ولا عدمناك

وافيه ورد وافي

عبدالعزيز الناصر
24-11-2008, 10:07 PM
تسلم على اختيارك الجزل

صحت جوارحك وغفر الله لهم

تسلم ياغالي نتظر جديدك

عبدالله دحام العنزي
07-12-2008, 10:02 PM
معنى جزل ورد اجزل لله درهم ورحمهم رحمة واسعه

صح لسانك ونقلت فابدعت

غيوم
22-12-2008, 11:47 PM
شكرا و بيض الله وجهك على النقل الراقي

محاورة رائعه

عائشة الفزاري
24-12-2008, 07:59 PM
إختيار ونقل رائعين
شكرا لكل الجمال هنا

تقديري

النابغة
29-12-2008, 09:37 AM
انتقاء جميل

ونقل اجمل يدل على ذوق رفيع

تحياتي وبانتظار الجديد

متعب الفرساني
06-01-2009, 11:42 PM
صحت ابدانكم جميعا

شكرا اخواني على المرور وتعليقكم الرائع

جارالله الحربي
10-01-2009, 11:47 AM
رحم الله الشعاااار وصح السانك

ردية جزله وتسلم يمناك على النقل

لاعدمتك

زيد الوسمي
06-07-2009, 04:58 AM
سلمت يمينك ,, اكثر من رائع يامتعب

فيصل الغامدي
09-07-2009, 12:07 AM
اخي متعب الفرساني رائعه

سلمت يدك
ابدعت بالاختيار والنقل

تقبل مروري

فيصل الغامدي
09-07-2009, 12:39 AM
اخي متعب الفرساني رائعه

سلمت يدك
ابدعت بالاختيار والنقل

تقبل مروري

متعب الفرساني
11-07-2009, 12:50 PM
تسلمون على مرورك والله يحييك ويبقيك

تحياتي لك

راشد الوبدان
11-07-2009, 01:34 PM
وفيت وكفيت

نقل مميز وردية جزله ووافيه

تحياتي

محمد الرشدان
13-08-2009, 03:53 PM
صح لسانك والله يرحم شاعرينا على هالجزله والرد الجزل

دمت بالود

تركي الشريف
07-10-2009, 11:56 AM
هنا الشعر والنظم الصحيح رحم الله الشاعريين رحمة واسعه ولاهنت للنقل

متعب الفرساني
26-10-2009, 06:05 AM
لاهنتم جميعآ على المرور والله ويعطيكم العافيه

بتول الشرقاوي
09-08-2010, 07:49 PM
صـح لسـآنك مليـآر

وسلمت اياديك

من اجزل الشعراء رحم الله الشاعرين

تقبل ودي وآحتـرآمـي

رائد السهلي
12-08-2010, 02:50 AM
مصافحة ثرية بالابداع صح لسانك ولاهنت ولاعدمت تواصلك

عاشق الليل
16-08-2010, 12:18 AM
الله يحييك على النقل وتسلم يمينك الله يرحمهم برحمته

سامي الابراهيم
17-08-2010, 02:45 AM
صح لسانك ع النقل بهذا المدد مساجلة راقيه

وشاعريين لا يشق لهم غبار

طبت ودمت

سالم العرجاني
20-08-2010, 03:06 AM
مساجلة طيبة وصح لسانك الف

رحم الله الشاعرين

ولاخلا ولاعدم على هالنقل

حمد ابداح الهاجرى
24-08-2010, 01:08 AM
صح لسانك ملايين وسلم قلبك على إمتاعنا بهذه الرائعة الفريدة

هشام القناعي
08-09-2010, 04:50 AM
سلمت اياديك على هذه الجواهر ونقلك الثري شاعريين قمتين تحياتي

عبدالرحمن البدري
12-09-2010, 03:56 AM
تسلم روحك على هذه المصافحة وصح السانك مــــــــــــلايين

الأصيل
19-09-2010, 07:33 PM
مصافحة قيمة ورائعه

ثراء ممتع و لا حدود له

رحم الله الشاعر مرشد البذال والسديري

شكرا و تسلم اياديــــــــــــــك

مساعد الطويل
20-09-2010, 07:06 PM
صح لسانـــك نقلا رائع ودمت ذخرا وبحر عطاء لا ينقطع

زايد الجبلي
22-09-2010, 09:53 PM
صح لسانك على هذه المساجلة والنقل الطيب تقبل مروري

محسن المري
23-09-2010, 11:59 PM
صح لسانك مددا بلا عددا هطول يعانق الشواهق وفيت وكفيت

بدر الشطي
25-09-2010, 08:00 PM
مساجلة جزلة وراقية
سلمت اياديك على هذه المنقولة
تميز راقي .. ألف شكر لكَـ

راضي الفيحاني
26-09-2010, 11:03 PM
شاعر وافي وسندها على جبل لله رحمهم الله وصح لسااااااااانك مليون المليون اثريت اوراقنا

بدر الجلال
25-10-2010, 08:39 PM
صح لسانك لين ترضى وبيـّض الله وجهك على النقل الشامخ ردية جزله لله درهم

سعود البرقاوي
26-10-2010, 08:32 PM
رحم الله الامير والشاعر وصح لسانك

تقبل مروري

السيل الجارف
11-01-2011, 12:00 AM
رحم الله الشاعريين
أبدعت بما خطت اناملك
نقل واختيار ثري
صح لسانك مليون
لك التحية ...

خالد ناصر المفرج
12-01-2011, 11:49 AM
اختياراً رائع ونقلاً راقي
ردية جزله رحم الله شاعرينا
دمت بِكُلِ مَوَدَةٍ

جريح الضماير
15-01-2011, 09:43 PM
أجزل وأفضل الشعراء
الله يرحمهم رحمة واسعة
دمت بعطائكـ وفي حضوركـ ..
نقل راقي لاهنت ولاهان نقلك
تقبل مروري المتواضع

شهد السعد
18-01-2011, 10:59 PM
مصافحة في قمة العطاء والابداع سلمت انفاسك وتقبل تقديري

ابو علياء
01-02-2011, 09:03 PM
رحم الله الشاعريين
دام نبضك المتميز و دام حظـــورك المميـــز
جد سجال رائع ومفعم بالابـــــــداع


تحياتي

غالب الجهراني
03-02-2011, 09:39 PM
نقل وافي تسلم يمينك

من اروع الرديات والمحاورات

وصح السانك ودام ابداعك

ولك مني اجل تحية

جراح العازمي
03-02-2011, 09:54 PM
صح لسانك والسانك مددا بلا عددا ونقل طيب لاهنت

ردية وافيه ولاهنت بالنقل الجدير بالاشادة

خالد رجعان
06-02-2011, 06:10 PM
لاعدمتك



ردية جزلة ورائعه كــ تواجدك
فــ صح لسانك مليار و تسلم يمينك على النقل
/

تقبل مروري

نايف العبدالله
08-02-2011, 09:48 PM
طاروق جزل لاهنت وصح لساااااانك

قاضي شبيب العواد
15-02-2011, 12:32 AM
ردية وافيه في كل معانيها رحم الله الشاعريين وصح لساااااانك ملاااااييين

ضاري الموينع
01-10-2011, 10:09 PM
سلمت أناملك / وصح لسانك
مصافحة رائعه .. كن بخيـــر
ولك ياسمينة نقية كـ قلبك
وباقَة ورد لـِ شخصكَ

عبدالكريم الغزالي
03-10-2011, 10:25 PM
خير ابداع وحضور ونقل..
متصفحاً رائع .. بالشعر الجزل
شكــراً لك ..

بنت عسير
06-10-2011, 10:04 PM
رحم الله البذال والسديري مصافحة راقيه بك وباطلالتك ومحتوى رائع شكرا لك على النقل المميز

نزف المشاعر
07-10-2011, 06:44 PM
صح لسانك وكلك روعة
اجــدت في بيانك ونقلك
وبقي التمـــيز عنوانك
وأعلى الله شــــــأنك

أحمد التميمي
12-10-2011, 09:14 PM
الله يبيض محياك
وسلمت اناملك وصح لسانك
على هذه المصافحة الرائعه
وحضوراً رآئع وعسى الله يرحمهم
لآهنت
..~ ...

محمد صباح
25-04-2012, 02:16 AM
....
مصافحة راقيه .
سلمت أناملك على هذا النقل الممتع
تحياتي أخي الفاضل..

دمت بخير .