الأصيل
05-12-2005, 11:42 AM
http://www.albwady.com/picss/bc/508.jpg
هو عبدالله بن حمود بن سعد بن سبيل الباهلي
انتقلت اسرته مع بني عمهم آل عويويد وآل رشيد من مدينة المذنب
إلى (الأثلة) وعمروها واستقروا بها
ومن بلدة (الأثلة) انتقل آل سعد بن سبيل إلى (نفي) وعمروه واستقروا
فيه ومازالوا مقيمين فيه إلى هذا العهد .
وقد ولد شاعرنا عبد الله بن حمود في بلدة ( نفي ) ونشأ فيها وفيها
توفي عام 1352 هـ …
وكان طويل القامة أبيض وسيما بهي الطلعة وكان هادئا حييا ونضم
الشعر في وقت مبكر من شبابه وأحرز به شهرة واسعة
وش خانة المقطان لوقيل مااحلاه
وش خانة المقطان لوقيل مااحلاه = صيّور ماجا بالليالي غدت به
يامن لقلبٍ من شديد العرب باه = بوهة غريرٍ بالمظامي رمت به
لا والله الا صار للبدو نوناه = وثوّر عسام الجو مما عفت به
والبيت هدّن الخدم زين مبناه = طوّن ذراه وقينه الزمل جت به
وشالوا على اللي بالمبارك مثناه = ماحط فوق ظهورها زوعت به
مظهورهم كن الطماميع تشعاه = يتلى سلف خيال من قربت به
ياقرب مسراحه وماابعد معشاه = له شدةٍ راعي الغنم تشتمت به
لو صوت الرجال ماتسمع انداه = من لجة المرحول مايلتفت به
مقطانهم امست خلى (ن) ركاياه = تقنب سباعه والذوارى بنت به
وردوا على عدٍ حللهم بمنداه = لين ان كل من مديده لفت به
يوم استخالوا نوض برق بمنشاه = يذكرلهم من راح سيله بنتبه
ياعيني اللي في نظرها مشقاه = تاصل الى مشرافهم واشرفت به
والعين سبر القلب والرجل مغراه = والى ومر قلبي لرجلي مشت به
رجلي على كثر التراديد مشهاه = مامورة والا انها مستعتبة
قلبي ربيعه جية البدو ومناه = ولا احسب البيعات وش صرفت به
العصر يوم ان القصر مالت افياه = في سوقنا الثوب الحمر وقفت به
يجر ثوب الجز واعظم بلواه = لو كان قلبي ممحلٍ ربعت به
ياتل قلبي تلة الغرب لرشاه = على زعازع حايلٍ صدرت به
سواقها عبد ضربها بمحداه = اما امرست برشاه والاوطت به
كنك على سوقه تهمه وتنخاه = لا عود الله ساعةٍ عرفت به
لا اقفى بها كن الطماميع تنحاه = كن الدلو طيرٍ اليا نزعت به
لين أمَزع غربه على حد عرقاه = وجيلان بيره بالمسمْوحْ لعّبت به
وله
ياهن مما ينعش الروح شف لي = مادام أنا موجود والنفس حيه
أنا وجيع القلب ماينعرف لي = مانيب راعي العله الأ برحيه
ياربي انك قادرٍ تنتصف لى = من واحد ماغير زوله نحيه
غرو تسبب لي مرامه بقتلى = بجيده ومجدوله ونجله وغيه
يقفى ويقبل بين ولف وجفلّى = ياعد ويبعد نيته سدْ وريه
والى بغيت اعطي طريق لقف لى = وارخى المليثم لين تبدى شفيه
هرجٍ ودرجٍ بالخطا وزهمتلي = لين اسمعه لاسمع صيحة نبيّه
واليا بغيت اترك مجاله هنف لي = وعودتله والقلب ركب رد عيه
عزالله انه مامشى بالنصف لى = مكار سحارٍ عقوده رديه
يبغى يعسفْني وهو ماانعسف لى = خطيةٍ ياكبرها من خطيه
يبغيني امشى له طلي (ن) بكفلى= لالي كلام ولامعى مقدريه
والى شكيت الحال له ماصخف لي = يلعب بي الشطرنج لارحم حيه
والى بغيت اشرب ينف العذف لي = يبيني اشرب منه شربة ظميه
ماهوب مثلي يوم اسجّم واغفلي = يفز قلبي يوم يطرى سميه
وحرف وذرف معلقٍ بالطرف لي = ولا اوعف اوعاف ذبحة خويه
ياليتني ماعرف من لا ولف لي = اللي سلم من عرفهم واهنيه
يالله ياكاشف
يالله ياكاشف عن ايوب مابه = من الضر ياقابل مطاليب يعقوب
يارب يوسف يامصدق جوابه = يامظهره من ماقعٍ فيه مصلوب
ياداعي (ن) بنْداه موسى واجابه = ياجاعله غالب وفرعون مغلوب
يامخرجٍ ذا النون يوم اكترابه = عقب اربعين بغبة البحر مكسوب
وليّن لداود الحديد اكتسى به = ومصخرٍ لابنه من الريح مركوب
تفرج لممتحنٍ يبي منك ثابه = ضاق الفؤاد ودك به كل دالوب
يوم ان ختّال الزمان التوى به = مانحّر الشكوى محبٍ ومحبوب
وحدّك يوم انك خبيرٍ ترى به = مايرتجي لحذاك ياخير مطلوب
هاب الرفيق اللي عرض لي جنابه = بالطيب وأظنه من الطيب منتوب
يوم ايتضّح والا الزمان امتشابه = صارت مواعيده مواعيد عرقوب
وله
هني من قلبه دلوه(ن) وممنوح = حاله كما حال البغل من غذاها
بين الاظله كنه السدو مطروح = همه رقاده والروابع نساها
ولا شعف قلبه تعاجيب ومزوح = وعيني تزايد دمعها من عناها
قلبي كما وادٍ من الجند ممروح = ليال مابه قشعةٍ ما رعاها
كنى بغبات البحر راكبٍ لوح = تومى به رياحٍ زعوجٍ هواها
تيفاق زيران من الموج بنطوح = وتاه الدليلة والاناجر رماها
على الذى بعيونه الناس ذرنوح = مايبدى الغاية على من بغاها
وانا الى جيته غدا الصدر مشروح = يبديلي اسرارٍ على امه كماها
ولو ماهرج لي عارف ٍ كل منضوح = عندي طواريق الهوى ومْعناها
والله ياخلٍ صفط لي من الروح = لصْفط لها من روح روحي جزاها
ما انا الذي يركي رفيقه على صوح = معطي كراب يديه يبقى ملاها
ولا ياصل الحروه وقع كل ممدوح = وانا براى الله لعدّي وراها
من خاطرٍ ماعارضه كل ساموح = الى بغى له نيةٍ وانتواها
يفتي براى يجمع العزب وسروج = وتمسى جميعٍ يحتذر من عداها
وجزاه عند اقفاه بالزجل مكثوح = سبع كثحاتٍ يقتبس من حصاها
مايتبع المقفي حذا كل ينبوح = او ثور هورٍ مايثمن قفاها
عديت مرقابٍ
عديت مرقابٍ براسه رجومي = مرقاب طلاب الهوى يوم عداه
مرقاب من مثلي بقلبه هشومي = وعينه على بعض الازاويل مغداه
لولا الحيا لأرقى طويل الرجومي = واصيح صوتٍ كل من حولى اوحاه
لاجتنى الفزعه تريد العلومي = قلت آه ذا حب الحبيب وفرقاه
عليه قلبى بين الاضلاع يومي = او ماي صقارن لطيره ولاجاه
الطير عانق له طيور تحومي = ثم ارتفع يم الخضيرا وخلاه
واصاحبي عنه ارمسن العلومي = ولا ادرى شالله قال به عقب فرقاه
دار سكنها لاسقتها الغيومي = يقحط محله بالمحل لين تجفاه
علمى بهم بالقيظ حامي السمومي = واليوم عشب الوسم تشبع رعاياه
سقوى الى جو يتبعون الرسومي = وتطاولوا وادى الهيبشه ومجراه
من يمهم دبت علينا السلومي = ومن له عميل جايبٍ منه مقضاه
وجدي عليهم وجد راعى قحومي = تلحق ولا تلحق نهار المناراه
جزاه صياح السرق عقب نومي = قالوا عطونا مشعل الشيخ نقفاه
ولحق الطلب نقوة عيال قرومي = وشافوا سرقهم وادهم الحيش بشعاه
وتقايسوا بالكثر والكل دومي = وكل تحزم واحتزب للملاقاه
وبانت فعايل كل بتعن جزومي = وتنسلوا دهم الفرنج المخباه
وحول عليه مبختن بالسهومي = وطابق مبطّنها على ساق يمناه
وتكرسعت لعيون زاهي الرقومي = من كف قرمٍ راعى الكور ينخاه
وضالوا عليه وعض روس البهومي = وتشاينوا صبره ولجة يتاماه
http://www.tarb.net/song1/5alfeet/kobleeh(14).ram
هو عبدالله بن حمود بن سعد بن سبيل الباهلي
انتقلت اسرته مع بني عمهم آل عويويد وآل رشيد من مدينة المذنب
إلى (الأثلة) وعمروها واستقروا بها
ومن بلدة (الأثلة) انتقل آل سعد بن سبيل إلى (نفي) وعمروه واستقروا
فيه ومازالوا مقيمين فيه إلى هذا العهد .
وقد ولد شاعرنا عبد الله بن حمود في بلدة ( نفي ) ونشأ فيها وفيها
توفي عام 1352 هـ …
وكان طويل القامة أبيض وسيما بهي الطلعة وكان هادئا حييا ونضم
الشعر في وقت مبكر من شبابه وأحرز به شهرة واسعة
وش خانة المقطان لوقيل مااحلاه
وش خانة المقطان لوقيل مااحلاه = صيّور ماجا بالليالي غدت به
يامن لقلبٍ من شديد العرب باه = بوهة غريرٍ بالمظامي رمت به
لا والله الا صار للبدو نوناه = وثوّر عسام الجو مما عفت به
والبيت هدّن الخدم زين مبناه = طوّن ذراه وقينه الزمل جت به
وشالوا على اللي بالمبارك مثناه = ماحط فوق ظهورها زوعت به
مظهورهم كن الطماميع تشعاه = يتلى سلف خيال من قربت به
ياقرب مسراحه وماابعد معشاه = له شدةٍ راعي الغنم تشتمت به
لو صوت الرجال ماتسمع انداه = من لجة المرحول مايلتفت به
مقطانهم امست خلى (ن) ركاياه = تقنب سباعه والذوارى بنت به
وردوا على عدٍ حللهم بمنداه = لين ان كل من مديده لفت به
يوم استخالوا نوض برق بمنشاه = يذكرلهم من راح سيله بنتبه
ياعيني اللي في نظرها مشقاه = تاصل الى مشرافهم واشرفت به
والعين سبر القلب والرجل مغراه = والى ومر قلبي لرجلي مشت به
رجلي على كثر التراديد مشهاه = مامورة والا انها مستعتبة
قلبي ربيعه جية البدو ومناه = ولا احسب البيعات وش صرفت به
العصر يوم ان القصر مالت افياه = في سوقنا الثوب الحمر وقفت به
يجر ثوب الجز واعظم بلواه = لو كان قلبي ممحلٍ ربعت به
ياتل قلبي تلة الغرب لرشاه = على زعازع حايلٍ صدرت به
سواقها عبد ضربها بمحداه = اما امرست برشاه والاوطت به
كنك على سوقه تهمه وتنخاه = لا عود الله ساعةٍ عرفت به
لا اقفى بها كن الطماميع تنحاه = كن الدلو طيرٍ اليا نزعت به
لين أمَزع غربه على حد عرقاه = وجيلان بيره بالمسمْوحْ لعّبت به
وله
ياهن مما ينعش الروح شف لي = مادام أنا موجود والنفس حيه
أنا وجيع القلب ماينعرف لي = مانيب راعي العله الأ برحيه
ياربي انك قادرٍ تنتصف لى = من واحد ماغير زوله نحيه
غرو تسبب لي مرامه بقتلى = بجيده ومجدوله ونجله وغيه
يقفى ويقبل بين ولف وجفلّى = ياعد ويبعد نيته سدْ وريه
والى بغيت اعطي طريق لقف لى = وارخى المليثم لين تبدى شفيه
هرجٍ ودرجٍ بالخطا وزهمتلي = لين اسمعه لاسمع صيحة نبيّه
واليا بغيت اترك مجاله هنف لي = وعودتله والقلب ركب رد عيه
عزالله انه مامشى بالنصف لى = مكار سحارٍ عقوده رديه
يبغى يعسفْني وهو ماانعسف لى = خطيةٍ ياكبرها من خطيه
يبغيني امشى له طلي (ن) بكفلى= لالي كلام ولامعى مقدريه
والى شكيت الحال له ماصخف لي = يلعب بي الشطرنج لارحم حيه
والى بغيت اشرب ينف العذف لي = يبيني اشرب منه شربة ظميه
ماهوب مثلي يوم اسجّم واغفلي = يفز قلبي يوم يطرى سميه
وحرف وذرف معلقٍ بالطرف لي = ولا اوعف اوعاف ذبحة خويه
ياليتني ماعرف من لا ولف لي = اللي سلم من عرفهم واهنيه
يالله ياكاشف
يالله ياكاشف عن ايوب مابه = من الضر ياقابل مطاليب يعقوب
يارب يوسف يامصدق جوابه = يامظهره من ماقعٍ فيه مصلوب
ياداعي (ن) بنْداه موسى واجابه = ياجاعله غالب وفرعون مغلوب
يامخرجٍ ذا النون يوم اكترابه = عقب اربعين بغبة البحر مكسوب
وليّن لداود الحديد اكتسى به = ومصخرٍ لابنه من الريح مركوب
تفرج لممتحنٍ يبي منك ثابه = ضاق الفؤاد ودك به كل دالوب
يوم ان ختّال الزمان التوى به = مانحّر الشكوى محبٍ ومحبوب
وحدّك يوم انك خبيرٍ ترى به = مايرتجي لحذاك ياخير مطلوب
هاب الرفيق اللي عرض لي جنابه = بالطيب وأظنه من الطيب منتوب
يوم ايتضّح والا الزمان امتشابه = صارت مواعيده مواعيد عرقوب
وله
هني من قلبه دلوه(ن) وممنوح = حاله كما حال البغل من غذاها
بين الاظله كنه السدو مطروح = همه رقاده والروابع نساها
ولا شعف قلبه تعاجيب ومزوح = وعيني تزايد دمعها من عناها
قلبي كما وادٍ من الجند ممروح = ليال مابه قشعةٍ ما رعاها
كنى بغبات البحر راكبٍ لوح = تومى به رياحٍ زعوجٍ هواها
تيفاق زيران من الموج بنطوح = وتاه الدليلة والاناجر رماها
على الذى بعيونه الناس ذرنوح = مايبدى الغاية على من بغاها
وانا الى جيته غدا الصدر مشروح = يبديلي اسرارٍ على امه كماها
ولو ماهرج لي عارف ٍ كل منضوح = عندي طواريق الهوى ومْعناها
والله ياخلٍ صفط لي من الروح = لصْفط لها من روح روحي جزاها
ما انا الذي يركي رفيقه على صوح = معطي كراب يديه يبقى ملاها
ولا ياصل الحروه وقع كل ممدوح = وانا براى الله لعدّي وراها
من خاطرٍ ماعارضه كل ساموح = الى بغى له نيةٍ وانتواها
يفتي براى يجمع العزب وسروج = وتمسى جميعٍ يحتذر من عداها
وجزاه عند اقفاه بالزجل مكثوح = سبع كثحاتٍ يقتبس من حصاها
مايتبع المقفي حذا كل ينبوح = او ثور هورٍ مايثمن قفاها
عديت مرقابٍ
عديت مرقابٍ براسه رجومي = مرقاب طلاب الهوى يوم عداه
مرقاب من مثلي بقلبه هشومي = وعينه على بعض الازاويل مغداه
لولا الحيا لأرقى طويل الرجومي = واصيح صوتٍ كل من حولى اوحاه
لاجتنى الفزعه تريد العلومي = قلت آه ذا حب الحبيب وفرقاه
عليه قلبى بين الاضلاع يومي = او ماي صقارن لطيره ولاجاه
الطير عانق له طيور تحومي = ثم ارتفع يم الخضيرا وخلاه
واصاحبي عنه ارمسن العلومي = ولا ادرى شالله قال به عقب فرقاه
دار سكنها لاسقتها الغيومي = يقحط محله بالمحل لين تجفاه
علمى بهم بالقيظ حامي السمومي = واليوم عشب الوسم تشبع رعاياه
سقوى الى جو يتبعون الرسومي = وتطاولوا وادى الهيبشه ومجراه
من يمهم دبت علينا السلومي = ومن له عميل جايبٍ منه مقضاه
وجدي عليهم وجد راعى قحومي = تلحق ولا تلحق نهار المناراه
جزاه صياح السرق عقب نومي = قالوا عطونا مشعل الشيخ نقفاه
ولحق الطلب نقوة عيال قرومي = وشافوا سرقهم وادهم الحيش بشعاه
وتقايسوا بالكثر والكل دومي = وكل تحزم واحتزب للملاقاه
وبانت فعايل كل بتعن جزومي = وتنسلوا دهم الفرنج المخباه
وحول عليه مبختن بالسهومي = وطابق مبطّنها على ساق يمناه
وتكرسعت لعيون زاهي الرقومي = من كف قرمٍ راعى الكور ينخاه
وضالوا عليه وعض روس البهومي = وتشاينوا صبره ولجة يتاماه
http://www.tarb.net/song1/5alfeet/kobleeh(14).ram