السيل الجارف
03-12-2005, 08:10 AM
أضع بين أيديكم هذه الرديّات الجميله عسى أن تنال
على بعض رضاكم جمعت بين
الشاعر ضيدان بن صبحان اللّزيزي العجمي(المسنّ)
الشاعر المرحوم سعد بن عبدالله بن حسين الهتلاني
العجمي(الشاب)
صداقة مميزة رغم فارق السن الكبير بينهما إذ كان
المرحوم سعد شاباً بعكس صديقه المسن ضيدان
وحصل بين الشاعرين رديات كثيرة تمتاز في الغالب
بالطرفة حيث يحاول كلاً منهم إغاضة الآخر في إطار
من المزح الودود.
ولم تحل دون هذه الرديات سوا وفات سعد (يرحمه الله)
عام 1991م اثر اصابة بمرض السرطان الذي عانا منه
طويلاً عن عمر يناهز 26 ربيعاً!
واطرح لكم بعض من محاورات الموقف التي جرت بينهم
التي تمتاز بالطرافه(وكانت في دوله الكويت) :-
في احدى المقاهي دار هذا الحوار
الذي بداه ضيدان معترضاً
ضيدان
تطلب لي الشاهي وتطلب لك الحليب=وانا على الحليب كبدي ذايبه
انا احمد الله يوم ما انت بلي نسيب=يقطـع صبيً ما يقـدر شايبـه
سعـد
قم واطلب لنفسك ترى مانت بغريب=ولاني بطالب لـك ولانـي جايبـه
تبغى الكفيا يوم طريـت المشيـب=واتعبتنـي مثـل الوزيـر ونايبـه
ضـيدان
في خوة الطيب انا مالي نصيب=ومن خوة الرديان نفسي طايبه
قد كان ظني فيك للعله طبيـب=والاريا بها مخطي وفيها صايبه
سعد
كل يبي يرمي رفيقه في القليـب=وابليس نـوخ عندنـا ركايبـه
علمته الممشى سبقني في الخبيب=اللي علومه كلبوها خايبه
باع ضيدان التاكسي الذي كان يملكه راى زبون واقفاً
في الطريق فقال لسعد الذي كان يقود السيارة طالباً منه
التوقف وتوصيل الزبون
ضيدان
اللي يلّوح لك على الخط السريـع=الظاهر انه يا سعـد مـن ربعنـا
وقف ترى المعروف عمره مايضيع=خلاّية الرجلي مهـي مـن طبعنـا
سعد
هذي سواتك قبل للتكسي تبيـع=من لا يعرفك يبتلش في وضعنا
صاحبك هذا وقفته وقفة خليـع=حنا على الشارع وريحه نشعنا
ضيدان
خله ونرجع له الى طاح الربيع=ذا عرضته يمكن تفرق جمعنـا
حنا ما صدقنا ان حن ناتي جميع=وشفنا تهاوشنا وهو مـا سمعنـا
سعد
طوفت لك هذي وحلم الله وسيع=ياللي تحاول للمشاكـل دفعنـا
لا تنفضح طعني وسرك لا يذيع=هذا وشكله مـا ينالـه نفعنـا
جاء ضيدان الى صديقه سعد وقد احس ان عنده
ثروة يخبئها في البنوك فباده قائلاً
ضيدان
عطنا من اللي ياسعد ربي عطـاك=عندك فلوس في البنـوك و نايمـه
وانا رفيقـك دايـمٍ و امشـي وراك=وما ادري متى تمطر سماك الغايمه؟
سعد
اللي عطاني خير بالشحذه بلاك=هذي عطايا الله وذي قسايمـه
يومك حسود وتو مابيـن رداك=ما عندنا لك ما يفطر صايمه!
ضيدان
أظن من زارك ببيتك ما نساك=ولا أظن مثلك تنسـي قدايمـه
يا رجل فكر زين والرب يهداك=عزم ترى الرجال من عزايمه
سعد
تعش عندي جعل ما تاكل عشاك=عسى تعشاك الطيور الحايمـه
واللي لنا جابك عسى يقلع مداك=واللي يبي فرقاك محـدٍ لايمـه
ضيدان
لا تحسب انا قاعدين في رجاك=وعاد الجمل يمشي على قوايمه
يالله يالمعبود جـارك ودخـلاك=راحت خسارة ذا الصبي تمايمه
أحلام تاجر
قصيده تحمل أماني جميله لضيدان وجمع معه صديقه سعد
ضـيـدان
ياليتني تاجر وبيتـي علـى الطـاش=ومساهم فـي نفـط بحـر الشمالـي
واشري من اللي تنطح السحب بالكاش=ماهمنـي لـو قالـو السعـر غالـي
واحجج اللي كـاده العسـر ببـلاش=وادفـع ملايـيـن زكــاة لمـالـي
وعندي سعد يعمل مقهـوي وفـراش=وليا بغيـت امشـي يطـرّف نعالـي
رجلٍ نعرفه زيـن ماهـو بغشـاش=وليـا طلبتـه حاجتـاً جابهـا لـي
سعد غاضباً
البارحه فكري من الهـم منـداش=من واحد طرّش كتابـه وجالـي
والله مالي خلق نمزح مع الـلاش=اللي تمنى الخير له والعنا.. لـي
وقد قلت له دعواك بترد بهـواش=وأرسل مكاتيبك على احد بدالـي
او اعتذر ما دام الاوضاع تنّـاش=والا..قلبـنـا الاولات التـوالـي
ياصعب فهّامك وتفهيـم الادبـاش=وبيّن عليك انك تكـتّ الدحالـي!
واليوم كثّرت التمني علـى مـاش=يازين ضربك بلعصـا والعقالـي
وربعك يعرفونك:كميّـخ وعمـاش=وجهك ماهوب إمن الوجيه الطوالي
يوم انت لاجوك المسايير تنحـاش=مثل الثعل من رافعـات الذيالـي
على بعض رضاكم جمعت بين
الشاعر ضيدان بن صبحان اللّزيزي العجمي(المسنّ)
الشاعر المرحوم سعد بن عبدالله بن حسين الهتلاني
العجمي(الشاب)
صداقة مميزة رغم فارق السن الكبير بينهما إذ كان
المرحوم سعد شاباً بعكس صديقه المسن ضيدان
وحصل بين الشاعرين رديات كثيرة تمتاز في الغالب
بالطرفة حيث يحاول كلاً منهم إغاضة الآخر في إطار
من المزح الودود.
ولم تحل دون هذه الرديات سوا وفات سعد (يرحمه الله)
عام 1991م اثر اصابة بمرض السرطان الذي عانا منه
طويلاً عن عمر يناهز 26 ربيعاً!
واطرح لكم بعض من محاورات الموقف التي جرت بينهم
التي تمتاز بالطرافه(وكانت في دوله الكويت) :-
في احدى المقاهي دار هذا الحوار
الذي بداه ضيدان معترضاً
ضيدان
تطلب لي الشاهي وتطلب لك الحليب=وانا على الحليب كبدي ذايبه
انا احمد الله يوم ما انت بلي نسيب=يقطـع صبيً ما يقـدر شايبـه
سعـد
قم واطلب لنفسك ترى مانت بغريب=ولاني بطالب لـك ولانـي جايبـه
تبغى الكفيا يوم طريـت المشيـب=واتعبتنـي مثـل الوزيـر ونايبـه
ضـيدان
في خوة الطيب انا مالي نصيب=ومن خوة الرديان نفسي طايبه
قد كان ظني فيك للعله طبيـب=والاريا بها مخطي وفيها صايبه
سعد
كل يبي يرمي رفيقه في القليـب=وابليس نـوخ عندنـا ركايبـه
علمته الممشى سبقني في الخبيب=اللي علومه كلبوها خايبه
باع ضيدان التاكسي الذي كان يملكه راى زبون واقفاً
في الطريق فقال لسعد الذي كان يقود السيارة طالباً منه
التوقف وتوصيل الزبون
ضيدان
اللي يلّوح لك على الخط السريـع=الظاهر انه يا سعـد مـن ربعنـا
وقف ترى المعروف عمره مايضيع=خلاّية الرجلي مهـي مـن طبعنـا
سعد
هذي سواتك قبل للتكسي تبيـع=من لا يعرفك يبتلش في وضعنا
صاحبك هذا وقفته وقفة خليـع=حنا على الشارع وريحه نشعنا
ضيدان
خله ونرجع له الى طاح الربيع=ذا عرضته يمكن تفرق جمعنـا
حنا ما صدقنا ان حن ناتي جميع=وشفنا تهاوشنا وهو مـا سمعنـا
سعد
طوفت لك هذي وحلم الله وسيع=ياللي تحاول للمشاكـل دفعنـا
لا تنفضح طعني وسرك لا يذيع=هذا وشكله مـا ينالـه نفعنـا
جاء ضيدان الى صديقه سعد وقد احس ان عنده
ثروة يخبئها في البنوك فباده قائلاً
ضيدان
عطنا من اللي ياسعد ربي عطـاك=عندك فلوس في البنـوك و نايمـه
وانا رفيقـك دايـمٍ و امشـي وراك=وما ادري متى تمطر سماك الغايمه؟
سعد
اللي عطاني خير بالشحذه بلاك=هذي عطايا الله وذي قسايمـه
يومك حسود وتو مابيـن رداك=ما عندنا لك ما يفطر صايمه!
ضيدان
أظن من زارك ببيتك ما نساك=ولا أظن مثلك تنسـي قدايمـه
يا رجل فكر زين والرب يهداك=عزم ترى الرجال من عزايمه
سعد
تعش عندي جعل ما تاكل عشاك=عسى تعشاك الطيور الحايمـه
واللي لنا جابك عسى يقلع مداك=واللي يبي فرقاك محـدٍ لايمـه
ضيدان
لا تحسب انا قاعدين في رجاك=وعاد الجمل يمشي على قوايمه
يالله يالمعبود جـارك ودخـلاك=راحت خسارة ذا الصبي تمايمه
أحلام تاجر
قصيده تحمل أماني جميله لضيدان وجمع معه صديقه سعد
ضـيـدان
ياليتني تاجر وبيتـي علـى الطـاش=ومساهم فـي نفـط بحـر الشمالـي
واشري من اللي تنطح السحب بالكاش=ماهمنـي لـو قالـو السعـر غالـي
واحجج اللي كـاده العسـر ببـلاش=وادفـع ملايـيـن زكــاة لمـالـي
وعندي سعد يعمل مقهـوي وفـراش=وليا بغيـت امشـي يطـرّف نعالـي
رجلٍ نعرفه زيـن ماهـو بغشـاش=وليـا طلبتـه حاجتـاً جابهـا لـي
سعد غاضباً
البارحه فكري من الهـم منـداش=من واحد طرّش كتابـه وجالـي
والله مالي خلق نمزح مع الـلاش=اللي تمنى الخير له والعنا.. لـي
وقد قلت له دعواك بترد بهـواش=وأرسل مكاتيبك على احد بدالـي
او اعتذر ما دام الاوضاع تنّـاش=والا..قلبـنـا الاولات التـوالـي
ياصعب فهّامك وتفهيـم الادبـاش=وبيّن عليك انك تكـتّ الدحالـي!
واليوم كثّرت التمني علـى مـاش=يازين ضربك بلعصـا والعقالـي
وربعك يعرفونك:كميّـخ وعمـاش=وجهك ماهوب إمن الوجيه الطوالي
يوم انت لاجوك المسايير تنحـاش=مثل الثعل من رافعـات الذيالـي