CaNdid
28-11-2005, 01:14 PM
http://www.albwady.com/picss/swr/albwady.1.jpg
هو مشعان بن مغيليث ابن هذال شيخ عنزة ومن فرسانها الأفذاذ
كما انه من أبرع شعراء عصره في الحماسة والاعتداء في النفس
يالله بتصريف الهبايب والأدوار = شانك عسى تصريف شانك لنا خير
يالله ياعالم خفيات الأسرار = يا معتني بالخلق والي المقادير
قلته ونوم العين عن جفنها طار = والقلب كنه فوق حامي المجامير
وهلت دموع العين من شوفها الدار=سكانها الأجناب هم والبقاقير
ومن عقب ماحنا بها مثل الأزوار= نامر وننهى نحمي الجار ونجير
حامينها في لابة تسقي الأمرار=عدوهم مايحتسب بالمخاسير
ولولا شفاتي فيك يانجد ماصار = انّادي نذيرات الهواجيس وانذير
وندير حيلات بالاريا وتيصار= وأرجي من الباري عساها مسافير
ولابد ماناتي لا بانات زوار= بأسلاف عجلات تعدى المظاهير
يهومن هومات بعيدات واعسار=وكم ذيرن من واحد ٍ مابعد ذير
كم فاجم العدوان غرات وجهار= وإلى انتون كم يسبقن من معامير
ضعاين ٍ حطن ملكٍ بسنجار= وبنن على الخابور زين الدواوير
تواهلن الزور حصن لهن كار= وامن البطين إلى الرهاء والمعابير
نامر وننهى مانداري بها أدوار= ونهدي العاصي بخسر ومخاسير
ومرن على الشنبل وحطن لهن كار =وخذن خضرات بسيف وتدبير
هم إنتون مع كفة الشط حدّار =هم إنتحن مع روس هاك العناقير
وأقفن وكالن من شثاثا بالأسعار= وحطن لملوم المسمى مصادير
واقطعن ينوون الخطايط بالأقفار= يطيرن جيشان الحباري المخامير
وخلن فوق الشيك عج الرمك طار= واصلو هاك اليوم خز المغاتير
وحطن على ورد الدجاني لهب نار= وغدوا بها الريلان مثل المداوير
وابا ذراع اصبح امقيم على الدار= وقطعن حلال المحره والمسامير
وشدن وحطن الثمامي بالايسار=وخلن على المطران مثل المعاصير
باغي عليهم جاري مثل ماصار= ربح الشفايا والغنم والمظاهير
كسيرة ماقط عدت بالأذكار= وابها القلايع كنهن الخنازير
وفهدن بالجبرا وداسن بالأشوار= وجاهن كتاب من زبون المقاصير
من ماجد ابن عريعر حر الأوكار=يقول وليت داركم يالمناعير
وجيناه مثل السيل طمام الأوعار= ليما غدو عنه البوادي شعاثير
رفاقته واللي حذانا لهم جار= وحنا عليهم نحمي الجار ونجير
وصحنا عليهم صيحة تجلي الأمرار= من ابواب للحير السبايا مقادير
أولاد عم وعندنا غيرهم جار=وشيخ لنا عنده جلال وتقدير
وحنا شبات الحرب وان شبت النار= وتفازعت بين الجموع المشاهير
وحنا هل الجمع المسمى إلى سار= مركاضانا يشبع به السبع والطير
وصلاة ربي عد ما بالهوى طار = وعداد ما وردن ظمايا على البير
وله ايضاً
ونيت ونة من سرا الليل حشاش = عقب الطرب ياطا على كل منقود
خلا اهدوم الجز والجوخ واقماش = ومجالس فيها من الزل ممدود
قم سوى فنجال ترا الراس منداش = لعيون من قرنه على المتن موجود
يابن امهاوش كب حمسات الادقاش = تاتيك حمسات الينابج بها سود
ودقه بنجر يسمعه كل طراش = أيضاّ إلى حرك على الهون به زود
وحطه ابدله مولع كنها الشاش = وابهارها إلى حرك على الهون به زود
الهيل حطه لاتدانا ولو جاش = وامن الرباد اقنع على شذرة العود
كنه ابعرض الصين ورس إلى ناش = او زعفران كلما علم اردود
ابيه رسم للنشاما عن الأش= والأش لافاقد ولاهو ابمفقود
الطيب سنده والري ذاك من لاش = واللي يريد الطيب ماهو ابمردود
اذاذة الدنيا معاميل وافراش = وصينية يركب بها العبد مسعود
وصفر إلى جا العصر عند كل هباش = تطاوحن قلب المناخير بالعود
في ربعة يلغى بها كل هشاش = يفرح بها اللي من دناياه مضدود
يالله طالبك عند سرحات الادباش = ذود مفاتير ويبرالهن سود
مرباعها الصمان تبعد عن الطاش = ومقياضها دخنه إلى حرّم العود
ياما حلا وقت الضحى طق شوباش = وقامت تنازا بالمناعير جلعود
وأنا على مثل النداوي إلى حاش = تنزع كما ينزع من الكف بارود
ومن لا يروي شذرة السيف لاعاش = أصبح عليه امورد الجيب مقدود
قصة طريفة
كانت لمشعان ابن هذال شيخ مشايخ عنزة بنت على جانب عظيم من الجمال والرشاقة فسمع بها غنيم البسي شيخ البسيسات
وهم بطن من عنزة وكان في حال من الأيسار بحيث يستطيع أن يخطبها من والدها ويدفع من أجلها كل شيء على عكس ما عليه مشعان من ضيق
مالي بسبب الادهار فرآها غنيم فرصة ذهبية سانحة ليتقدم بها لخطبتها بإغراء والدها مشعان فتجهز هو ونفر من حاشيته وأخذ معه الصداق وهو
عبارة عن مائة من نقوة الإبل وعدد من الخيل وأموال لاتعد ولاتحصى ثم سار حتى قارب مضارب مشعان واستقبله مشعان استقبالاً لائقاً ولكنه عرف القصد
الذي من أجله جاء اغنيم فأمر مشعان بالذبائح لتذبح وأمر أيضاً أن تصنع القهوة فصنعت وبعد أن دارت القهوة على الضيوف طلب مشعان من أحد عبيده
أن يحضر له الربابة فأحضرت فغى قائلاً
ياربعنا جد حرمن الرعابيب =وركب المهار ونقلنا للسلاحي
من يوم ذكرغنيم بالنزل خطيب=متبجح يبغي اظبي البراحي
يبغي غزالٍٍ خالط المسك والطيب=والى مشا خطرٍ عليه الطياحي
هي قط مغويتك حرش العراجيب=عشايرٍٍ وابها سمين القاحي
ماذكرت الحصني يصيد الأشابيب = والبس بقنص للنعام المداحي (2)
دور حليك من ابريه الدياحيب=فتر ظهرها من اعراض الفطاحي
فلما سمع غنيم قول مشعان هذا انهارت آماله وتداعت أحلامه وقفل راجعاً من ساعته
لا يلوي على شيء ولم يأكل من هذه الذبائح .
وله ينصح أحدهم
يابع جوخ على غير اهاليه = مثل الذي ينزل بقصر خرابه
لو يدهجه وبل الثريا ويسقيه = ويمطر ابياقوت ومسك سحابه
ماينبت النوار له لو سال واديه = صبخا وجفجاف هيار جنابه
ولد الردي لو طاب لك لاتماشيه = يومين والثالث يبين الردى به
وله لما أصيب بالرمد
يا رب عجـل بالنظـر والعوافـي= وافـلك العين جد تدانى نظرهـا
تسعيـن ليلـة مـا تهنيـت غـافـي=كن الحمـاط ابمـوق عينـي جمرهـا
وخمسة عشر ليلة جـرالي هفافـي= ازريـت أميـز شمسـها من قمرهـا
يا حـظ أبو مـن قـام عـدل اوجافي = يمشـي يريضان تخالـف زهرهـا
صاح الصيـاح وقيـل ما من عوافـي=وقامت تـرادي سابحي من سكرهـا
وقعـدت أنا مـع لابسـات الغدافـي= ماكن جرالي ساعةٍ في ظهرهـا
واركب واخلي اذهيب مقافي = وفرحن بي اللي يرتجيني بأثرها
يوم يشيب الراس يبس الاشافي = شيط الخليع يشيب اللي حظرها
وإلى ركبنا الخيل جاها اهفافي = تاطا شخانيب الوعر من ذعرها
يا خيلنـا ياما وطت مـن فيافـي= تاطـا على كالـدوح ناعـم شجرهـا
إلى اقفا عشيق البني الهلافي = اقفا وخلا عورته ماسترها
وردتها حوظ من المـوت صافـي= وارويت أنا عـود القنـا من حمرهـا
قولـن بـلا فعل علينا ايشافي =يعطـي السانـه لسنـه مـن ذكرهـا
إن كنت أبو مشهور واحسب أسنافـي= إنـي لـورد سايحي فـي بحـرهـا
وله ايضاً
يا موقديـن النـار جوكـم مساييـر=ولهن على ضيانكم توقـدونـه
الله يطيب فالكم يالمناعير = بسلام احـلا مـن روايـح مزونـه
أبـو ثمـان واضحـات مفاتـيـر=غرو يغذي با لشمطـري اقرونـه
مـا كولهـا تمـر ا شثاثـاً وابا الجير = وشربه حليب امبرد فـي اصحونـه
ما وقفت تمشي بسـوق الحواظيـر= لبسـه طربـزون تخشع اردونـه (1)
بينـي وبينـه فرقتـنـا المقـاديـر= و كم واحد بيديـه يطرف عيونـه
وجدي عليها وجد من طاح بالبيـر= خم الرشا و حال ازرق الجم دونـه
أو وجد من صكوا عليه المشاهيـر= ازرو هل العادات لا يظهرونه
أو وجد راعي هجمة بـه خواويـر=حال الرمك و مسطر الغوش دونه
امس الضحي عندي بوسط المقاصير =و اليوم عنـي مبعـدات اضعونـه
علي اشقح خلف السلف والمظاهير= يتلا قطيـع مغتر مثـل لـونـه
علمي بهم ورد الشبيلي و ابا الجير= اقفي . مع الفدعـان تطـرخ اضعونـه
ا- طربزون : نوع من القماش الجيد وهو غالي الثمن .
2- البس : القط .
الشيخ مشعان بن هذال
هو مشعان بن مغيليث ابن هذال شيخ عنزة ومن فرسانها الأفذاذ
كما انه من أبرع شعراء عصره في الحماسة والاعتداء في النفس
يالله بتصريف الهبايب والأدوار = شانك عسى تصريف شانك لنا خير
يالله ياعالم خفيات الأسرار = يا معتني بالخلق والي المقادير
قلته ونوم العين عن جفنها طار = والقلب كنه فوق حامي المجامير
وهلت دموع العين من شوفها الدار=سكانها الأجناب هم والبقاقير
ومن عقب ماحنا بها مثل الأزوار= نامر وننهى نحمي الجار ونجير
حامينها في لابة تسقي الأمرار=عدوهم مايحتسب بالمخاسير
ولولا شفاتي فيك يانجد ماصار = انّادي نذيرات الهواجيس وانذير
وندير حيلات بالاريا وتيصار= وأرجي من الباري عساها مسافير
ولابد ماناتي لا بانات زوار= بأسلاف عجلات تعدى المظاهير
يهومن هومات بعيدات واعسار=وكم ذيرن من واحد ٍ مابعد ذير
كم فاجم العدوان غرات وجهار= وإلى انتون كم يسبقن من معامير
ضعاين ٍ حطن ملكٍ بسنجار= وبنن على الخابور زين الدواوير
تواهلن الزور حصن لهن كار= وامن البطين إلى الرهاء والمعابير
نامر وننهى مانداري بها أدوار= ونهدي العاصي بخسر ومخاسير
ومرن على الشنبل وحطن لهن كار =وخذن خضرات بسيف وتدبير
هم إنتون مع كفة الشط حدّار =هم إنتحن مع روس هاك العناقير
وأقفن وكالن من شثاثا بالأسعار= وحطن لملوم المسمى مصادير
واقطعن ينوون الخطايط بالأقفار= يطيرن جيشان الحباري المخامير
وخلن فوق الشيك عج الرمك طار= واصلو هاك اليوم خز المغاتير
وحطن على ورد الدجاني لهب نار= وغدوا بها الريلان مثل المداوير
وابا ذراع اصبح امقيم على الدار= وقطعن حلال المحره والمسامير
وشدن وحطن الثمامي بالايسار=وخلن على المطران مثل المعاصير
باغي عليهم جاري مثل ماصار= ربح الشفايا والغنم والمظاهير
كسيرة ماقط عدت بالأذكار= وابها القلايع كنهن الخنازير
وفهدن بالجبرا وداسن بالأشوار= وجاهن كتاب من زبون المقاصير
من ماجد ابن عريعر حر الأوكار=يقول وليت داركم يالمناعير
وجيناه مثل السيل طمام الأوعار= ليما غدو عنه البوادي شعاثير
رفاقته واللي حذانا لهم جار= وحنا عليهم نحمي الجار ونجير
وصحنا عليهم صيحة تجلي الأمرار= من ابواب للحير السبايا مقادير
أولاد عم وعندنا غيرهم جار=وشيخ لنا عنده جلال وتقدير
وحنا شبات الحرب وان شبت النار= وتفازعت بين الجموع المشاهير
وحنا هل الجمع المسمى إلى سار= مركاضانا يشبع به السبع والطير
وصلاة ربي عد ما بالهوى طار = وعداد ما وردن ظمايا على البير
وله ايضاً
ونيت ونة من سرا الليل حشاش = عقب الطرب ياطا على كل منقود
خلا اهدوم الجز والجوخ واقماش = ومجالس فيها من الزل ممدود
قم سوى فنجال ترا الراس منداش = لعيون من قرنه على المتن موجود
يابن امهاوش كب حمسات الادقاش = تاتيك حمسات الينابج بها سود
ودقه بنجر يسمعه كل طراش = أيضاّ إلى حرك على الهون به زود
وحطه ابدله مولع كنها الشاش = وابهارها إلى حرك على الهون به زود
الهيل حطه لاتدانا ولو جاش = وامن الرباد اقنع على شذرة العود
كنه ابعرض الصين ورس إلى ناش = او زعفران كلما علم اردود
ابيه رسم للنشاما عن الأش= والأش لافاقد ولاهو ابمفقود
الطيب سنده والري ذاك من لاش = واللي يريد الطيب ماهو ابمردود
اذاذة الدنيا معاميل وافراش = وصينية يركب بها العبد مسعود
وصفر إلى جا العصر عند كل هباش = تطاوحن قلب المناخير بالعود
في ربعة يلغى بها كل هشاش = يفرح بها اللي من دناياه مضدود
يالله طالبك عند سرحات الادباش = ذود مفاتير ويبرالهن سود
مرباعها الصمان تبعد عن الطاش = ومقياضها دخنه إلى حرّم العود
ياما حلا وقت الضحى طق شوباش = وقامت تنازا بالمناعير جلعود
وأنا على مثل النداوي إلى حاش = تنزع كما ينزع من الكف بارود
ومن لا يروي شذرة السيف لاعاش = أصبح عليه امورد الجيب مقدود
قصة طريفة
كانت لمشعان ابن هذال شيخ مشايخ عنزة بنت على جانب عظيم من الجمال والرشاقة فسمع بها غنيم البسي شيخ البسيسات
وهم بطن من عنزة وكان في حال من الأيسار بحيث يستطيع أن يخطبها من والدها ويدفع من أجلها كل شيء على عكس ما عليه مشعان من ضيق
مالي بسبب الادهار فرآها غنيم فرصة ذهبية سانحة ليتقدم بها لخطبتها بإغراء والدها مشعان فتجهز هو ونفر من حاشيته وأخذ معه الصداق وهو
عبارة عن مائة من نقوة الإبل وعدد من الخيل وأموال لاتعد ولاتحصى ثم سار حتى قارب مضارب مشعان واستقبله مشعان استقبالاً لائقاً ولكنه عرف القصد
الذي من أجله جاء اغنيم فأمر مشعان بالذبائح لتذبح وأمر أيضاً أن تصنع القهوة فصنعت وبعد أن دارت القهوة على الضيوف طلب مشعان من أحد عبيده
أن يحضر له الربابة فأحضرت فغى قائلاً
ياربعنا جد حرمن الرعابيب =وركب المهار ونقلنا للسلاحي
من يوم ذكرغنيم بالنزل خطيب=متبجح يبغي اظبي البراحي
يبغي غزالٍٍ خالط المسك والطيب=والى مشا خطرٍ عليه الطياحي
هي قط مغويتك حرش العراجيب=عشايرٍٍ وابها سمين القاحي
ماذكرت الحصني يصيد الأشابيب = والبس بقنص للنعام المداحي (2)
دور حليك من ابريه الدياحيب=فتر ظهرها من اعراض الفطاحي
فلما سمع غنيم قول مشعان هذا انهارت آماله وتداعت أحلامه وقفل راجعاً من ساعته
لا يلوي على شيء ولم يأكل من هذه الذبائح .
وله ينصح أحدهم
يابع جوخ على غير اهاليه = مثل الذي ينزل بقصر خرابه
لو يدهجه وبل الثريا ويسقيه = ويمطر ابياقوت ومسك سحابه
ماينبت النوار له لو سال واديه = صبخا وجفجاف هيار جنابه
ولد الردي لو طاب لك لاتماشيه = يومين والثالث يبين الردى به
وله لما أصيب بالرمد
يا رب عجـل بالنظـر والعوافـي= وافـلك العين جد تدانى نظرهـا
تسعيـن ليلـة مـا تهنيـت غـافـي=كن الحمـاط ابمـوق عينـي جمرهـا
وخمسة عشر ليلة جـرالي هفافـي= ازريـت أميـز شمسـها من قمرهـا
يا حـظ أبو مـن قـام عـدل اوجافي = يمشـي يريضان تخالـف زهرهـا
صاح الصيـاح وقيـل ما من عوافـي=وقامت تـرادي سابحي من سكرهـا
وقعـدت أنا مـع لابسـات الغدافـي= ماكن جرالي ساعةٍ في ظهرهـا
واركب واخلي اذهيب مقافي = وفرحن بي اللي يرتجيني بأثرها
يوم يشيب الراس يبس الاشافي = شيط الخليع يشيب اللي حظرها
وإلى ركبنا الخيل جاها اهفافي = تاطا شخانيب الوعر من ذعرها
يا خيلنـا ياما وطت مـن فيافـي= تاطـا على كالـدوح ناعـم شجرهـا
إلى اقفا عشيق البني الهلافي = اقفا وخلا عورته ماسترها
وردتها حوظ من المـوت صافـي= وارويت أنا عـود القنـا من حمرهـا
قولـن بـلا فعل علينا ايشافي =يعطـي السانـه لسنـه مـن ذكرهـا
إن كنت أبو مشهور واحسب أسنافـي= إنـي لـورد سايحي فـي بحـرهـا
وله ايضاً
يا موقديـن النـار جوكـم مساييـر=ولهن على ضيانكم توقـدونـه
الله يطيب فالكم يالمناعير = بسلام احـلا مـن روايـح مزونـه
أبـو ثمـان واضحـات مفاتـيـر=غرو يغذي با لشمطـري اقرونـه
مـا كولهـا تمـر ا شثاثـاً وابا الجير = وشربه حليب امبرد فـي اصحونـه
ما وقفت تمشي بسـوق الحواظيـر= لبسـه طربـزون تخشع اردونـه (1)
بينـي وبينـه فرقتـنـا المقـاديـر= و كم واحد بيديـه يطرف عيونـه
وجدي عليها وجد من طاح بالبيـر= خم الرشا و حال ازرق الجم دونـه
أو وجد من صكوا عليه المشاهيـر= ازرو هل العادات لا يظهرونه
أو وجد راعي هجمة بـه خواويـر=حال الرمك و مسطر الغوش دونه
امس الضحي عندي بوسط المقاصير =و اليوم عنـي مبعـدات اضعونـه
علي اشقح خلف السلف والمظاهير= يتلا قطيـع مغتر مثـل لـونـه
علمي بهم ورد الشبيلي و ابا الجير= اقفي . مع الفدعـان تطـرخ اضعونـه
ا- طربزون : نوع من القماش الجيد وهو غالي الثمن .
2- البس : القط .
الشيخ مشعان بن هذال