النابغة
11-11-2005, 02:02 PM
الشاعر الكبير محمد العبد الله القاضي
ولد في مدينة عنيزة عام 1224 هـ
وتوفي فيها سنة 1285 هـ
من كبار شعراء عصره وقد تفوق بشعره على
معاصريه من حيث تنوع أغراض شعره فــكان
ملما بمواضيع الشعر ابتداءا بالغزل إلى الشعر
الإجتماعي والنصائح والمدائح وأغراض أخرى
وانتهاء بشعر الحكمة الذي طغى على الأغراض
الأخرى هذه مجموعة من شعره رحمه الله وتغمده
الى ابصرت بالدنيا
الى ابصرت بالدنيا تكدر لي الصافي=تعذر زماني ماحصل صاحب صافي
أفيض عليه أسرار ما التج بالحشا=وكل شعيب له مفيضٍ الى طافي
ومن عاش ماله في زمانه منادم=تجرهم عمى رايه على جرف ميهافي
تخير من اجناسك رفيقٍ توده=وثيقٍ غميق الفهم للعلم صرَّافي
يتحمل زلاتك ويبصِّرك ماخفى=لقلبك دربيلٍ للابعاد كشافي
وراغم على الخل القديم ولو سها=واصرم الى بان الجفا لك والاجنافي
وترى ذهاب الذهن عشرتك احمق=يجوز طغى جهله على حلمك الوافي
وترى عذل من لايرعوي لك جهاله=كما وصف من ينفخ بكيرٍ وهو طافي
ومن اغتنى بأرياه عن شور ناصح=تندم ويكشف له الى شاف ماعافي
ومن خاطب الجاهل فهو مثل من كشف=وجهه وقابل شعف عاصوف الاصيافي
ومن لبس تاج الكبر ماصان عرضه=ولو مطر جوده على الخلق هتَّافي
ومن شال حمل الزوم كاد امتحانه=ولا حمَّل الله عاجزٍ حمل الاسرافي
ومن طاول اطول منه ما استر ساعه=يجاهد جنودٍ ينقسم رايه أنصافي
وتكلفك بأمرٍ ماعناك عذاله=وتبرِّيك عما كان يلزمك له قافي
ولا تسلك الا مسلك الدين والتقى=ولا تنزل الا في علا راس الاشرافي
ولا تصافي كود حيدٍ صميدع=غيورٍ على الصاحب نصوحٍ وميلافي
ولا تلوم النفس عن جاري القضا=مالك عن المقسوم يالعبد من لافي
وباشر هل المعروف منك بتواضع=وهل الشر باشرهم بشرٍ وتستافي
ترى اللئيم ان بان له منك جانب=توطاك ويورَّى انه يخيف ويخافي
فالعوشزه لو هي على النيل ما اثمرت=بوردٍ ويقوى الشوك والغصن غريافي
وكم جاهلٍ صوَّل على غيره القضا=ويجرم بفعله مسلمٍ غافلٍ غافي
وكم بخيلٍ فرش الخلق ماله=وهو منه محرومٍ على نفسه اتلافي
كوصف ابرة عريانة دب دهرها=وهي تكسي المخلوق من قمش الاصنافي
فالمال له حق حلاته مع الفتى=يضر به المجرم ويبذله للصافي
فمشيي على حد الصراد محسّر=لماقف بقعرٍ في لظى ماله اطرافي
ولا أقصد لئيمٍ طالبٍ منه حاجه=لوهي بكفه حال دونه جبل قافي
وترى الطبع ضلعٍ مايزول ولو نزل=زحل منزل المريخ ما افتر بعسافي
وجلوسك مع الفهم مما يفيدك=ومع البهم يطبع ران قلبك عمى خافي
ولا تبدي اسرارك لمن لايسرك=ترى أكثر نصاحك يريدون الاشرافي
ولا توري الرقه الى اوزمك همه=تِرْجفْ بها الصافي وتفرح بها الجافي
فالى رمت حالٍ فاكتم السر والتزم=قوي العزا والعزم والحزم لك رافي
فصحيب العيا والعجز ما أدرك مرامه=يفوته وهو يذرا على راسه السافي
ولا تِتِّبع راي السفيه من الملا=غضوبٍ على ادنى الدون للخل نكافي
ومن عاش يزرع بالأماني رياضه=يحصد الهوى وبوافي الغبن يستافي
ودمار العمار بدار ذلٍ مقامك=ولو تربة أرضه تنبت اللولو الصافي
وبالعز لو في راس حزمٍ ترومه=لكنك في جناتها مرغدٍ غافي
ومن شاف بالد\نيا قبولٍ كمت له=بخيلٍ مغاويرٍ وهجنٍ لها أردافي
ومن رامها عشقان وإغري بحبها=فسوف يرى منها تناكير وعيافي
ولا تكترب لأمرٍ تقدم همومه=ترى صعب الأشيا ما اعترض لك بالاصدافي
فالى اشتد حبل وسار سوٍّ ترى الفرج=قريب بألم نشرح دليلٍ وهو كافي
فبين افترار الصبح والليل كم حدث=يسرٍ بعد عسرٍ والايام زلافي
وابرم دواليبك بالاسباب ربما=توافق مفتاحٍ للآقفال ويكافي
فمن راس صعبات المشاكل برايه=أدرك بها أشيا ما ينوله بلا سيافي
بعزمٍ فراي العزم كم فك مشكل=ونجِّم فلا تدري الشهر وافي او هافي
وتزمَّل عقول اهل التجاريب واجتنب=بالاريا عمى رايٍ مع الخوف رجَّافي
وأنا عن معاني كل ماقلت عاجز=سراجٍ لغيري محرقٍ نفسي أنصافي
ركنت نفسي للهوى يوم لي به=مرامٍٍ وشفي فيه مياس الاعطافي
خدمت القلم والطرس للشوق مصخر=بعساف شرفات القوافي على القافي
فالى جزت نفس الغريم من الهوى=فلا ينفع المسنين تذكير الاريافي
سنين تولت يوم لي بالهوى هوى=حربت الكرى ما اذكر بها ساعة غافي
وصدَّرت ولا يغني الفتى ذكر مامضى=لا عاد عن طلب الهوى معطي قافي
كذا البدر يطغى في بروجه الى انتهى=ويكسف ويصحي صافي يوم الانصافي
صلاتي وتسليمي على شافع الورى=دعا المالك القدوس والروس كشافي
بالطيف طفلٍ
بالطيف طفلٍ زارني منه مشعوب=جنح الظلام وفزت بوصال الاحباب
هليت واستريت بوصال محبوب=بتنا نعل من الشهد بين الانياب
وانهل ثمانٍ في ثمانٍ لما جوب=من ما ثمانٍ فيه مشعوب شعَّاب
نابي بنابه سال من بينهن ذوب=ثلجٍ يداف به العسل بعدما ذاب
واعل وانهل من رحيقٍ ومذيوب=كاسٍ به الكوثر على جال عناب
من بيننا كاسٍ من الخمر مشروب=في كف خمَّارٍ تكلف بما جاب
يو ايتلفنا ولف يوسف ويعقوب=خرو سجودٍ بين نوحٍ وترحاب
كني من اغراي الفرح صرت مرهوب=قاضب عرى البيت المشرف بالالباب
مع ذا وكني حاكمٍ ماحوى الصوب=من شد زومات الفرح والترح غاب
يوم انتبهت الاي بالطيف مقلوب=أضحيت مثل الميت بالبيت مرتاب
لاميت لاحيٍ لي العقل مسلوب=حرجٍ ولا يحسب لي العمر بحساب
ياخوي انا من شدة الولف مصيوب=هيام وغرامٍ مع ريامٍ للاحباب
كني غريمٍ بالتواريخ منسوب=صابه غزالٍ تاه حمِّام منجاب
لمَّا ظفرْ بحضورها راح منعوب=واتلاه ذهل اسباب ماغلَّق الباب
فزيت ذَهْلٍ مذهب الذهن مرعوب=كني قريصٍ للحنش ناهشه ناب
قلبي يشل من المعاليق مجذوب=سل الشريط يسل دابٍ على داب
وانهل من طرفي على الجيب مسكوب=دمعٍ كما صفق المرازيم سكَّاب
شفقٍ ومشغوفٍ على لام خرعوب=عجَّاب لعَّابٍ للالباب سلاَّب
الى طرى طار الكرى عنْ بعزوب=وافتر لولب مهجتي له بدولاب
غروٍ يسلي لاانهصر تقل نبنوب=موزٍ تعبَّث به نسيم الهوى الهاب
سهم الهوى والغي بالخد مكتوب=به سحر به صرفٍ شعب كل طلاَّب
الى اقبل ودار خدار خديه منصوب=شعَّت فنارٍ في منارٍ له اسباب
لانوض لانضناض لابدر لا هو ب=شمسٍ ترجَّل في بروج الضحى التاب
لاصبح لانور الشفق حزة غروب=شمس وبه نور القمر تلع الارقاب
مالي على فرقاك ياعين الاشبوب=هجر الفراق احرق فؤادي والالباب
ماهو بحقٍ تعطي الهرج مقلوب=من التمني لك والاوعاد ما ثاب
قلبي حسير من الهوى حسرة أيوب=غِربل واجاب لدعوته رب الارباب
الى قلت ابا اسلى واترك الغي واتوب=واسج وانسى طاري الغي بجناب
واقول مالي في هوى البيض مطلوب=يردني له صيغة تعجب اعجاب
يغرني بممازح الغي وعجوب=الى ان ما يِنْهَجْ لي بالهوى باب
يازين لو تغفر وترحم لمصيوب=خف من نهارٍ يحشر الخلق لحساب
بريت حالي بامتحاني وانا الوب=في بحر غيك مذهب الذهن منصاب
وضليت مسحورٍ هبيلٍ ومنهوب=ذهني ذهيبٍ بين غضات الاشباب
ادوج في بحر الحبايب على الدوب=وعذاب هاروت وماروت لي ذاب
مالي بحالي عقب ماشفت مطلوب=وانعون يامن لي مشافيق واحباب
لكن ذا شيٍ بالالواح مكتوب=يجري وما سوّد على العبد ماغاب
ختم القوافي في صلاةٍ لمنيوب=أشرف نبيٍ بين الحق بكتاب
لطيف رحبٍ
لطيف رَحْبٍ وتسليمٍ عدد ماهل=وبلٍ على الخد همَّالٍ وهطَّالي
أو عد ماسل من روحٍ وما سلسل=آدم وحوَّا من الأول إلى التالي
أو عد ما احرم وما بين المشاعر حل=أو شد للبيت رحَّالٍ ونزَّالي
ياحي طيفٍ عنا لي بالوصال وهل=بدره عقب ما اختفى ببروجه وضالي
بتحيِّةٍ من حشا روحي تبي تنسل=وجسمي يسلَّه على فرقاك سلاَّلي
يوم انعطف لي وضم الكل بالكلكل=طحنا سكارى دهشنا بالهوى تالي
تلٍ ودلٍ وترياقٍ الى انهل عل=من ثغر خلٍ عطوفٍ ماصفا الا لي
وعطفٍ ولطفٍ جرى مابيننا ما حل=مثله حذا يوسف ويعقوب كامثالي
ومزيت عشرٍ وبلبل مهجتي وابهل=قلبٍ جنا من جنى جنَّاته اشكالي
بخدٍ وقدٍ الى منه تمايل هل=روايح المسك هو والعنبر الغالي
علي عرفه تتلتل والمعزَّل زل=عنه الحداير نظيم اللولو العالي
العرف والجيد بعيون المؤجل جل=صبحٍ تنفس يسوق الليل جلجالي
الى بدا لي بطل سحري كما يُبطِل=موسى الى القى العصا فالسحر ينجالي
يوم إيتلفنا بطيفٍ بالهوى معزل=واشفيت بوصال من زارن ومن جالي
واسقيت واحييت بستان الحشا وابتل=غصني وعلَّه من الكاسات سلسالي
وابرض رياض الحشا عقب المحل وابدل=واروى فؤادي وعله عقب الانهالي
وعليت وانهل علي بكاسه السلسل=من بين أشافيه ذوب الشهد الى سالي
لا خمر ريقه الى من مبسمه ينتل=ولا رحيقٍ على مشمول مشمالي
لا حص لا جوهرٍ من عقد فاه انحل=زمرد الدر نوره يشعل اشعالي
طربٍ الى ماسنا نور الصباح انفل=شملٍ كما فل شمل ايوب والمالي
أصبحت كني صريعٍ مِذهبٍ مِذهل=ان قلت ويلاه زاد الويل ولوالي
محمل غرامي طبع في غبةٍ به زل=كسَّر لياحه وجاه الموج من عالي
لا شِرع لابيص لابه فر من بدقل=دمَّت عقب ما صفقه الموج بالجالي
ياشوق مثلي ومثلك مانحمل الكل=لا حمَّل الله من لاطاق ماشالي
لو شيَّلوني بحملينٍ من الكندل=لو شِلت نصفه فلا الثاني بمنشالي
أشوف بان الجفا والود في معزل=في شارة البعد هو والصد من تالي
كم بِت شاكي غريمٍ في هواك وكل=ما اعزي النفس واطوي الياس يبدالي
ياسيدي لك تكسَّر ذل قلبي ذل=وخضعت لك خضعة المملوك للوالي
والله والله وبحق الذي نَزَّل=صحايف الكتب والفرقان للتالي
ان لك بقلبي محلٍ حل ماينحل=لو حل بالقاع رجافٍ وزلزالي
إلا ولا اذكر من الساعات وقتٍ زل=إلا وطيفك يورَّى لي ويبرى لي
بالحلم والعلم وفروض الصلاة الكل=تطري طواريك ياسيدي على بالي
أحَمِّل الريح تسليمٍ لكم واسأل=ياسيدي وانت ماسايلت عن حالي
جاملت بالصبر لين ان العسر ينحل=ويبدل الله من حالٍ الى حالي
مني صلاةٍ عدد ماقيل عز وجل=على نبي الهدى والصصحب والآلي
تحياتي لكم اخوكم النابغة
ولد في مدينة عنيزة عام 1224 هـ
وتوفي فيها سنة 1285 هـ
من كبار شعراء عصره وقد تفوق بشعره على
معاصريه من حيث تنوع أغراض شعره فــكان
ملما بمواضيع الشعر ابتداءا بالغزل إلى الشعر
الإجتماعي والنصائح والمدائح وأغراض أخرى
وانتهاء بشعر الحكمة الذي طغى على الأغراض
الأخرى هذه مجموعة من شعره رحمه الله وتغمده
الى ابصرت بالدنيا
الى ابصرت بالدنيا تكدر لي الصافي=تعذر زماني ماحصل صاحب صافي
أفيض عليه أسرار ما التج بالحشا=وكل شعيب له مفيضٍ الى طافي
ومن عاش ماله في زمانه منادم=تجرهم عمى رايه على جرف ميهافي
تخير من اجناسك رفيقٍ توده=وثيقٍ غميق الفهم للعلم صرَّافي
يتحمل زلاتك ويبصِّرك ماخفى=لقلبك دربيلٍ للابعاد كشافي
وراغم على الخل القديم ولو سها=واصرم الى بان الجفا لك والاجنافي
وترى ذهاب الذهن عشرتك احمق=يجوز طغى جهله على حلمك الوافي
وترى عذل من لايرعوي لك جهاله=كما وصف من ينفخ بكيرٍ وهو طافي
ومن اغتنى بأرياه عن شور ناصح=تندم ويكشف له الى شاف ماعافي
ومن خاطب الجاهل فهو مثل من كشف=وجهه وقابل شعف عاصوف الاصيافي
ومن لبس تاج الكبر ماصان عرضه=ولو مطر جوده على الخلق هتَّافي
ومن شال حمل الزوم كاد امتحانه=ولا حمَّل الله عاجزٍ حمل الاسرافي
ومن طاول اطول منه ما استر ساعه=يجاهد جنودٍ ينقسم رايه أنصافي
وتكلفك بأمرٍ ماعناك عذاله=وتبرِّيك عما كان يلزمك له قافي
ولا تسلك الا مسلك الدين والتقى=ولا تنزل الا في علا راس الاشرافي
ولا تصافي كود حيدٍ صميدع=غيورٍ على الصاحب نصوحٍ وميلافي
ولا تلوم النفس عن جاري القضا=مالك عن المقسوم يالعبد من لافي
وباشر هل المعروف منك بتواضع=وهل الشر باشرهم بشرٍ وتستافي
ترى اللئيم ان بان له منك جانب=توطاك ويورَّى انه يخيف ويخافي
فالعوشزه لو هي على النيل ما اثمرت=بوردٍ ويقوى الشوك والغصن غريافي
وكم جاهلٍ صوَّل على غيره القضا=ويجرم بفعله مسلمٍ غافلٍ غافي
وكم بخيلٍ فرش الخلق ماله=وهو منه محرومٍ على نفسه اتلافي
كوصف ابرة عريانة دب دهرها=وهي تكسي المخلوق من قمش الاصنافي
فالمال له حق حلاته مع الفتى=يضر به المجرم ويبذله للصافي
فمشيي على حد الصراد محسّر=لماقف بقعرٍ في لظى ماله اطرافي
ولا أقصد لئيمٍ طالبٍ منه حاجه=لوهي بكفه حال دونه جبل قافي
وترى الطبع ضلعٍ مايزول ولو نزل=زحل منزل المريخ ما افتر بعسافي
وجلوسك مع الفهم مما يفيدك=ومع البهم يطبع ران قلبك عمى خافي
ولا تبدي اسرارك لمن لايسرك=ترى أكثر نصاحك يريدون الاشرافي
ولا توري الرقه الى اوزمك همه=تِرْجفْ بها الصافي وتفرح بها الجافي
فالى رمت حالٍ فاكتم السر والتزم=قوي العزا والعزم والحزم لك رافي
فصحيب العيا والعجز ما أدرك مرامه=يفوته وهو يذرا على راسه السافي
ولا تِتِّبع راي السفيه من الملا=غضوبٍ على ادنى الدون للخل نكافي
ومن عاش يزرع بالأماني رياضه=يحصد الهوى وبوافي الغبن يستافي
ودمار العمار بدار ذلٍ مقامك=ولو تربة أرضه تنبت اللولو الصافي
وبالعز لو في راس حزمٍ ترومه=لكنك في جناتها مرغدٍ غافي
ومن شاف بالد\نيا قبولٍ كمت له=بخيلٍ مغاويرٍ وهجنٍ لها أردافي
ومن رامها عشقان وإغري بحبها=فسوف يرى منها تناكير وعيافي
ولا تكترب لأمرٍ تقدم همومه=ترى صعب الأشيا ما اعترض لك بالاصدافي
فالى اشتد حبل وسار سوٍّ ترى الفرج=قريب بألم نشرح دليلٍ وهو كافي
فبين افترار الصبح والليل كم حدث=يسرٍ بعد عسرٍ والايام زلافي
وابرم دواليبك بالاسباب ربما=توافق مفتاحٍ للآقفال ويكافي
فمن راس صعبات المشاكل برايه=أدرك بها أشيا ما ينوله بلا سيافي
بعزمٍ فراي العزم كم فك مشكل=ونجِّم فلا تدري الشهر وافي او هافي
وتزمَّل عقول اهل التجاريب واجتنب=بالاريا عمى رايٍ مع الخوف رجَّافي
وأنا عن معاني كل ماقلت عاجز=سراجٍ لغيري محرقٍ نفسي أنصافي
ركنت نفسي للهوى يوم لي به=مرامٍٍ وشفي فيه مياس الاعطافي
خدمت القلم والطرس للشوق مصخر=بعساف شرفات القوافي على القافي
فالى جزت نفس الغريم من الهوى=فلا ينفع المسنين تذكير الاريافي
سنين تولت يوم لي بالهوى هوى=حربت الكرى ما اذكر بها ساعة غافي
وصدَّرت ولا يغني الفتى ذكر مامضى=لا عاد عن طلب الهوى معطي قافي
كذا البدر يطغى في بروجه الى انتهى=ويكسف ويصحي صافي يوم الانصافي
صلاتي وتسليمي على شافع الورى=دعا المالك القدوس والروس كشافي
بالطيف طفلٍ
بالطيف طفلٍ زارني منه مشعوب=جنح الظلام وفزت بوصال الاحباب
هليت واستريت بوصال محبوب=بتنا نعل من الشهد بين الانياب
وانهل ثمانٍ في ثمانٍ لما جوب=من ما ثمانٍ فيه مشعوب شعَّاب
نابي بنابه سال من بينهن ذوب=ثلجٍ يداف به العسل بعدما ذاب
واعل وانهل من رحيقٍ ومذيوب=كاسٍ به الكوثر على جال عناب
من بيننا كاسٍ من الخمر مشروب=في كف خمَّارٍ تكلف بما جاب
يو ايتلفنا ولف يوسف ويعقوب=خرو سجودٍ بين نوحٍ وترحاب
كني من اغراي الفرح صرت مرهوب=قاضب عرى البيت المشرف بالالباب
مع ذا وكني حاكمٍ ماحوى الصوب=من شد زومات الفرح والترح غاب
يوم انتبهت الاي بالطيف مقلوب=أضحيت مثل الميت بالبيت مرتاب
لاميت لاحيٍ لي العقل مسلوب=حرجٍ ولا يحسب لي العمر بحساب
ياخوي انا من شدة الولف مصيوب=هيام وغرامٍ مع ريامٍ للاحباب
كني غريمٍ بالتواريخ منسوب=صابه غزالٍ تاه حمِّام منجاب
لمَّا ظفرْ بحضورها راح منعوب=واتلاه ذهل اسباب ماغلَّق الباب
فزيت ذَهْلٍ مذهب الذهن مرعوب=كني قريصٍ للحنش ناهشه ناب
قلبي يشل من المعاليق مجذوب=سل الشريط يسل دابٍ على داب
وانهل من طرفي على الجيب مسكوب=دمعٍ كما صفق المرازيم سكَّاب
شفقٍ ومشغوفٍ على لام خرعوب=عجَّاب لعَّابٍ للالباب سلاَّب
الى طرى طار الكرى عنْ بعزوب=وافتر لولب مهجتي له بدولاب
غروٍ يسلي لاانهصر تقل نبنوب=موزٍ تعبَّث به نسيم الهوى الهاب
سهم الهوى والغي بالخد مكتوب=به سحر به صرفٍ شعب كل طلاَّب
الى اقبل ودار خدار خديه منصوب=شعَّت فنارٍ في منارٍ له اسباب
لانوض لانضناض لابدر لا هو ب=شمسٍ ترجَّل في بروج الضحى التاب
لاصبح لانور الشفق حزة غروب=شمس وبه نور القمر تلع الارقاب
مالي على فرقاك ياعين الاشبوب=هجر الفراق احرق فؤادي والالباب
ماهو بحقٍ تعطي الهرج مقلوب=من التمني لك والاوعاد ما ثاب
قلبي حسير من الهوى حسرة أيوب=غِربل واجاب لدعوته رب الارباب
الى قلت ابا اسلى واترك الغي واتوب=واسج وانسى طاري الغي بجناب
واقول مالي في هوى البيض مطلوب=يردني له صيغة تعجب اعجاب
يغرني بممازح الغي وعجوب=الى ان ما يِنْهَجْ لي بالهوى باب
يازين لو تغفر وترحم لمصيوب=خف من نهارٍ يحشر الخلق لحساب
بريت حالي بامتحاني وانا الوب=في بحر غيك مذهب الذهن منصاب
وضليت مسحورٍ هبيلٍ ومنهوب=ذهني ذهيبٍ بين غضات الاشباب
ادوج في بحر الحبايب على الدوب=وعذاب هاروت وماروت لي ذاب
مالي بحالي عقب ماشفت مطلوب=وانعون يامن لي مشافيق واحباب
لكن ذا شيٍ بالالواح مكتوب=يجري وما سوّد على العبد ماغاب
ختم القوافي في صلاةٍ لمنيوب=أشرف نبيٍ بين الحق بكتاب
لطيف رحبٍ
لطيف رَحْبٍ وتسليمٍ عدد ماهل=وبلٍ على الخد همَّالٍ وهطَّالي
أو عد ماسل من روحٍ وما سلسل=آدم وحوَّا من الأول إلى التالي
أو عد ما احرم وما بين المشاعر حل=أو شد للبيت رحَّالٍ ونزَّالي
ياحي طيفٍ عنا لي بالوصال وهل=بدره عقب ما اختفى ببروجه وضالي
بتحيِّةٍ من حشا روحي تبي تنسل=وجسمي يسلَّه على فرقاك سلاَّلي
يوم انعطف لي وضم الكل بالكلكل=طحنا سكارى دهشنا بالهوى تالي
تلٍ ودلٍ وترياقٍ الى انهل عل=من ثغر خلٍ عطوفٍ ماصفا الا لي
وعطفٍ ولطفٍ جرى مابيننا ما حل=مثله حذا يوسف ويعقوب كامثالي
ومزيت عشرٍ وبلبل مهجتي وابهل=قلبٍ جنا من جنى جنَّاته اشكالي
بخدٍ وقدٍ الى منه تمايل هل=روايح المسك هو والعنبر الغالي
علي عرفه تتلتل والمعزَّل زل=عنه الحداير نظيم اللولو العالي
العرف والجيد بعيون المؤجل جل=صبحٍ تنفس يسوق الليل جلجالي
الى بدا لي بطل سحري كما يُبطِل=موسى الى القى العصا فالسحر ينجالي
يوم إيتلفنا بطيفٍ بالهوى معزل=واشفيت بوصال من زارن ومن جالي
واسقيت واحييت بستان الحشا وابتل=غصني وعلَّه من الكاسات سلسالي
وابرض رياض الحشا عقب المحل وابدل=واروى فؤادي وعله عقب الانهالي
وعليت وانهل علي بكاسه السلسل=من بين أشافيه ذوب الشهد الى سالي
لا خمر ريقه الى من مبسمه ينتل=ولا رحيقٍ على مشمول مشمالي
لا حص لا جوهرٍ من عقد فاه انحل=زمرد الدر نوره يشعل اشعالي
طربٍ الى ماسنا نور الصباح انفل=شملٍ كما فل شمل ايوب والمالي
أصبحت كني صريعٍ مِذهبٍ مِذهل=ان قلت ويلاه زاد الويل ولوالي
محمل غرامي طبع في غبةٍ به زل=كسَّر لياحه وجاه الموج من عالي
لا شِرع لابيص لابه فر من بدقل=دمَّت عقب ما صفقه الموج بالجالي
ياشوق مثلي ومثلك مانحمل الكل=لا حمَّل الله من لاطاق ماشالي
لو شيَّلوني بحملينٍ من الكندل=لو شِلت نصفه فلا الثاني بمنشالي
أشوف بان الجفا والود في معزل=في شارة البعد هو والصد من تالي
كم بِت شاكي غريمٍ في هواك وكل=ما اعزي النفس واطوي الياس يبدالي
ياسيدي لك تكسَّر ذل قلبي ذل=وخضعت لك خضعة المملوك للوالي
والله والله وبحق الذي نَزَّل=صحايف الكتب والفرقان للتالي
ان لك بقلبي محلٍ حل ماينحل=لو حل بالقاع رجافٍ وزلزالي
إلا ولا اذكر من الساعات وقتٍ زل=إلا وطيفك يورَّى لي ويبرى لي
بالحلم والعلم وفروض الصلاة الكل=تطري طواريك ياسيدي على بالي
أحَمِّل الريح تسليمٍ لكم واسأل=ياسيدي وانت ماسايلت عن حالي
جاملت بالصبر لين ان العسر ينحل=ويبدل الله من حالٍ الى حالي
مني صلاةٍ عدد ماقيل عز وجل=على نبي الهدى والصصحب والآلي
تحياتي لكم اخوكم النابغة