بنت عسير
22-04-2006, 11:39 PM
الشاعر
حبيب بن عواد العريمه الحربي
قالها يمتدح اصدقاءة من قبيلة مطير
يقـول مـن يشكـر المعـروف بالقـافـي=قافـن بنـاه العريمه مــن هناديـبـه
يا ذيب.. ما يدفـن المعـروف بالسافـي =يـا كـود عفـن(ن) رديـات مجاذيبـه
قالـوا لنـا : عِشـرة المطـران تنعافـي = واللـي عرفنـا مـن المطـران ياطيبـه
والله مـا اصـدق بعرفـي كـل عَرافـي= وانا مـن اللـي عرفهـم مـن تجاريبـه
زرنـا الشمـال ولقينـا مكـرم الـلافـي= الصاحب اللي عسـى الايـام تبطـي بـه
لي بين واصل وعلوى صاحـب صافـي = ومعارف ما بهم شـك(ن) ولاريبـة
علوى هل الصيت الابيض والمثل كافـي = وواصل من اطيب قبايـل نجـد ندريبـه
منهـم عشيـري سعـود الاول الـوافـي= وسعد وابوهم علـى وضـح النقـا شيبـه
وعبـدالله العيـد لـه بالجـود ميقـافـي = عشيري اللـي هـو الثانـي بترتيبـه
ربـع(ن) وفاهـم لنـا ملمـوس ويشافـي= ومن عز نفسـه وربعـه عـز اصاحيبـه
وحمـد عقيـل فـداه القـادر الخـافـي = ليا قال قول(ن) عريب الساس يافـي بـه
وعاشرت منهم رجـال مـا بهـم جافـي=مـا فيهـم اللـي تـردى عـن مواجيبـه
الكـل منهـم بعيـد شبـوح وسنـافـي = لو قالوا الناس ما آخذ به ولا اعطـي بـه
لمطيـر عنـدي شهـادة حـق وانصافـي=قـول علـى فعـل والعالـم تغنـي بــه
-كون العوارض فريد(ن) ما له اوصافـي=مع شيـخ شمـر ولا طاعـوا مناديبـه
-يوم الرقيبـة رقـى فـي راس مشرافـي=قال اعتـزوا يالعـوارض شفتلـي ريبـة
وفـازوا بيـوم فيـه الاريـاق نشـافـي=من طلعت الشمـس ليـن انحـت لتغريبـه
وسبع العبيـات منهـم شـاف مـا عافـي=علي الخليفـة وطشـوا مـن مراكيبـه
بمسلبـات لهـن فـي الـقـاع رجـافـي= من كل شبل(ن) عطيبـات(ن) مضاريبـه
وابـن معلـث شريـف السالفـة لافـي =اللي جلا مع ضيوفـه عـن معازيبـه
عقيد جيش(ن) يحوفـن حـمّ الاشعافـي = كم شيخ قـوم(ن) كِفـى مليـا مشاريبـه
يامطيـر يـا طيبكـم مااطيـع الاجحافـي=وهرج العرب ضدكم مااسمع به ولااوحي به
والنـاس فيهـم هلـل واربـاع وأنصافـي=وفيهم شبـه كامـل تقصتـن مطاليبـه
ياساتـر العيـب يالله سـتـرك الظـافـي=الله من اللـي يعيـب النـاس فـي عيبـه
لوفتشوا بـه لقـوا بـه حـدر الاظلافـي=عيب(ن) يجيبه جديد وعيـب مبطـي بـه
تمـت ورد الثنـاء مـن طبـع الاشرافـي=واللـي يـذم ويعـم الـنـاس والخيـبـة
حبيب بن عواد العريمه الحربي
قالها يمتدح اصدقاءة من قبيلة مطير
يقـول مـن يشكـر المعـروف بالقـافـي=قافـن بنـاه العريمه مــن هناديـبـه
يا ذيب.. ما يدفـن المعـروف بالسافـي =يـا كـود عفـن(ن) رديـات مجاذيبـه
قالـوا لنـا : عِشـرة المطـران تنعافـي = واللـي عرفنـا مـن المطـران ياطيبـه
والله مـا اصـدق بعرفـي كـل عَرافـي= وانا مـن اللـي عرفهـم مـن تجاريبـه
زرنـا الشمـال ولقينـا مكـرم الـلافـي= الصاحب اللي عسـى الايـام تبطـي بـه
لي بين واصل وعلوى صاحـب صافـي = ومعارف ما بهم شـك(ن) ولاريبـة
علوى هل الصيت الابيض والمثل كافـي = وواصل من اطيب قبايـل نجـد ندريبـه
منهـم عشيـري سعـود الاول الـوافـي= وسعد وابوهم علـى وضـح النقـا شيبـه
وعبـدالله العيـد لـه بالجـود ميقـافـي = عشيري اللـي هـو الثانـي بترتيبـه
ربـع(ن) وفاهـم لنـا ملمـوس ويشافـي= ومن عز نفسـه وربعـه عـز اصاحيبـه
وحمـد عقيـل فـداه القـادر الخـافـي = ليا قال قول(ن) عريب الساس يافـي بـه
وعاشرت منهم رجـال مـا بهـم جافـي=مـا فيهـم اللـي تـردى عـن مواجيبـه
الكـل منهـم بعيـد شبـوح وسنـافـي = لو قالوا الناس ما آخذ به ولا اعطـي بـه
لمطيـر عنـدي شهـادة حـق وانصافـي=قـول علـى فعـل والعالـم تغنـي بــه
-كون العوارض فريد(ن) ما له اوصافـي=مع شيـخ شمـر ولا طاعـوا مناديبـه
-يوم الرقيبـة رقـى فـي راس مشرافـي=قال اعتـزوا يالعـوارض شفتلـي ريبـة
وفـازوا بيـوم فيـه الاريـاق نشـافـي=من طلعت الشمـس ليـن انحـت لتغريبـه
وسبع العبيـات منهـم شـاف مـا عافـي=علي الخليفـة وطشـوا مـن مراكيبـه
بمسلبـات لهـن فـي الـقـاع رجـافـي= من كل شبل(ن) عطيبـات(ن) مضاريبـه
وابـن معلـث شريـف السالفـة لافـي =اللي جلا مع ضيوفـه عـن معازيبـه
عقيد جيش(ن) يحوفـن حـمّ الاشعافـي = كم شيخ قـوم(ن) كِفـى مليـا مشاريبـه
يامطيـر يـا طيبكـم مااطيـع الاجحافـي=وهرج العرب ضدكم مااسمع به ولااوحي به
والنـاس فيهـم هلـل واربـاع وأنصافـي=وفيهم شبـه كامـل تقصتـن مطاليبـه
ياساتـر العيـب يالله سـتـرك الظـافـي=الله من اللـي يعيـب النـاس فـي عيبـه
لوفتشوا بـه لقـوا بـه حـدر الاظلافـي=عيب(ن) يجيبه جديد وعيـب مبطـي بـه
تمـت ورد الثنـاء مـن طبـع الاشرافـي=واللـي يـذم ويعـم الـنـاس والخيـبـة