السيل الجارف
20-11-2005, 08:01 AM
القصيده
الإمام تركي بن عبد اللّه بن سعود بن عبد العزيز أل سعود
بعث بها لإبن عمّه مشاري في مصرعندما كان أسيرا لدى الباشاويّه
العثمانيّه في مصر مع من أسر من آل سعودو من معهم من كبار أنصار
الدعوه السلفيّه في نجد
الحمد للّه جت على حسن الاوفـاق=وتبدلّـت حـال العسـر بالتياسيـر
جتنا مـن المعبـود قسّـام الارزاق=رغم على الحسّاد هـم والطّوابيـر
هبّت هبوب النّصر من سبع الاطباق=للدّيـن عـزّ ونقمـة للخنـازيـر
زان الكلام ودنّلـي بعـض الاوراق=إكتب ثنا للّه علـى حسـن تدبيـر
من ماي عيني حيث ما دمعهـا راق=قام يتزايـد حـرّ وجـده بتزفيـر
من عظم خطب بين البّـار والعـاقّ=من لابة عرفت من فيه لـي خيـر
مفهوم قلبـي للرّعابيـب ماشتـاق=أيضـا ولا همـه لجمـع الدّنانيـر
لكنّ من قوم عليها الـرّدى سـاق=عقب الجمايل انكـروا نيّـة الخيـر
ماكولهم عنـدي عناقيـد واشنـاق=ومشروبهـم درّ البكـار الخواويـر
ملبوسهم من طيّب الجـوخ مـالاق=ونقّلتـهـم بمصـقّـلات بواتـيـر
مركوبهم عندي طويـلات الاعنـاق=من الخيل هيّ واليعملات المصاطير
قصري لهم عن لافح البرد مشـراق=وفالقيظ ظلّ من سمـوم الهواجيـر
كنّي لهم ابو(ن) من الاهل مشفـاق=وهم عيـال لـيّ صغـار مقاصيـر
ماني ببّاغيهم ليـا لتفّـت السّـاق=ياقوننـي مـن حادثـات المقاديـر
لكنّي أبغيهم ليـا خاطـري ضـاق=نخيتهـم جونـي حفـاة مشاهيـر
بـاروا بحقّـي ذا تنكـر وذا بـاق=وذا قاعـد عنّـي وذا لـه معاذيـر
وذا تبيّن فالـرّدى فـوق ماطـاق=وذا تبيّـن بالحكـايـا الخماكـيـر
وانا أحمد اللّي بالعقوبه لهم عـاق=وأنزل بهم باسه سريع لهـم زيـر
واطلب من اللّي له يصلّون الاشراق=واللّي تسطّر بالقراطيـس تسطيـر
عسى يشوفوني على حسن الاوفاق=بيوم اذكرهـم بمـا صـار تذكيـر
وانظر مجالسهم مع ذيك الاسـواق=يجي بوجهه "طالب العفـو ياميـر"
أحد أصافي له على الصّفح وإعتاق=وأحد أصافـي لـه بحـدّ البواتيـر
قولي لخير اللّه ترى المكر به حاق=وإخوانه اللّي أنكـروا شـرّ تنكيـر
جتكم عبيد اللّه تقفـا علـى سـاق=أختصّهـم واللّـه عليـه التّدابيـر
وزويد عـزّه علـى ألأثـر لحّـاق=بعوص النّضا ومعسكرات المسامير
حنّا حمينا نجـد عـن كـلّ فسّـاق=من حمر مصر والنّفوس المناكيـر
واليوم نجزاهم على حسن ألأخـلاق=فينـا وفيهـم لـه مقـال وتدبيـر
أوّل نراسلهـم بتسجـيـل وأوراق=واليوم باطراف الرّمـاح السماهيـر
أقـول ذا قولـي وبالـرّب وثّـاق=أمدح رجـال مـن تميـم مناعيـر
حاموا على الملّه وقاموا على ساق=دون المحارم والغـروس المباكيـر
وخلاف ذا ياراكـب فـوق سبّـاق=هميلـع مـربـاه دار المناصـيـر
بشّر هل العارض ترى حظّهم بـاق=وحميرهم حالـت عليهـا المقاديـر
مابيّـن حصـان ومابيـن تـفّـاق=راحت فوات بيـن ذيـك الدّعاثيـر
ناروا من الصّفره نشيفين الاريـاق=ولا لقوا عن نقمـة اللّـه مصاديـر
صمّ الرّزايا ساق مزن على سـاق=متحـدّر سيلـه وجولـه محاديـر
ياضبعة بالخرج مـن كـل قسّـاق=إكلي ونادي كـل عـوج المناقيـر
ضفتي على العارض وعشّوك بشناق=وأهل القرى عشّوك روس الطّوابير
كله لعينـا دعـوة اللّـه بالالحـاق=وغرايس خضـر وبيـض غناديـر
وصلاة ربّـي بالعشيّـة والاشـراق=على النّبي مظّهـر الحـقّ تظهيـر
الإمام تركي بن عبد اللّه بن سعود بن عبد العزيز أل سعود
بعث بها لإبن عمّه مشاري في مصرعندما كان أسيرا لدى الباشاويّه
العثمانيّه في مصر مع من أسر من آل سعودو من معهم من كبار أنصار
الدعوه السلفيّه في نجد
الحمد للّه جت على حسن الاوفـاق=وتبدلّـت حـال العسـر بالتياسيـر
جتنا مـن المعبـود قسّـام الارزاق=رغم على الحسّاد هـم والطّوابيـر
هبّت هبوب النّصر من سبع الاطباق=للدّيـن عـزّ ونقمـة للخنـازيـر
زان الكلام ودنّلـي بعـض الاوراق=إكتب ثنا للّه علـى حسـن تدبيـر
من ماي عيني حيث ما دمعهـا راق=قام يتزايـد حـرّ وجـده بتزفيـر
من عظم خطب بين البّـار والعـاقّ=من لابة عرفت من فيه لـي خيـر
مفهوم قلبـي للرّعابيـب ماشتـاق=أيضـا ولا همـه لجمـع الدّنانيـر
لكنّ من قوم عليها الـرّدى سـاق=عقب الجمايل انكـروا نيّـة الخيـر
ماكولهم عنـدي عناقيـد واشنـاق=ومشروبهـم درّ البكـار الخواويـر
ملبوسهم من طيّب الجـوخ مـالاق=ونقّلتـهـم بمصـقّـلات بواتـيـر
مركوبهم عندي طويـلات الاعنـاق=من الخيل هيّ واليعملات المصاطير
قصري لهم عن لافح البرد مشـراق=وفالقيظ ظلّ من سمـوم الهواجيـر
كنّي لهم ابو(ن) من الاهل مشفـاق=وهم عيـال لـيّ صغـار مقاصيـر
ماني ببّاغيهم ليـا لتفّـت السّـاق=ياقوننـي مـن حادثـات المقاديـر
لكنّي أبغيهم ليـا خاطـري ضـاق=نخيتهـم جونـي حفـاة مشاهيـر
بـاروا بحقّـي ذا تنكـر وذا بـاق=وذا قاعـد عنّـي وذا لـه معاذيـر
وذا تبيّن فالـرّدى فـوق ماطـاق=وذا تبيّـن بالحكـايـا الخماكـيـر
وانا أحمد اللّي بالعقوبه لهم عـاق=وأنزل بهم باسه سريع لهـم زيـر
واطلب من اللّي له يصلّون الاشراق=واللّي تسطّر بالقراطيـس تسطيـر
عسى يشوفوني على حسن الاوفاق=بيوم اذكرهـم بمـا صـار تذكيـر
وانظر مجالسهم مع ذيك الاسـواق=يجي بوجهه "طالب العفـو ياميـر"
أحد أصافي له على الصّفح وإعتاق=وأحد أصافـي لـه بحـدّ البواتيـر
قولي لخير اللّه ترى المكر به حاق=وإخوانه اللّي أنكـروا شـرّ تنكيـر
جتكم عبيد اللّه تقفـا علـى سـاق=أختصّهـم واللّـه عليـه التّدابيـر
وزويد عـزّه علـى ألأثـر لحّـاق=بعوص النّضا ومعسكرات المسامير
حنّا حمينا نجـد عـن كـلّ فسّـاق=من حمر مصر والنّفوس المناكيـر
واليوم نجزاهم على حسن ألأخـلاق=فينـا وفيهـم لـه مقـال وتدبيـر
أوّل نراسلهـم بتسجـيـل وأوراق=واليوم باطراف الرّمـاح السماهيـر
أقـول ذا قولـي وبالـرّب وثّـاق=أمدح رجـال مـن تميـم مناعيـر
حاموا على الملّه وقاموا على ساق=دون المحارم والغـروس المباكيـر
وخلاف ذا ياراكـب فـوق سبّـاق=هميلـع مـربـاه دار المناصـيـر
بشّر هل العارض ترى حظّهم بـاق=وحميرهم حالـت عليهـا المقاديـر
مابيّـن حصـان ومابيـن تـفّـاق=راحت فوات بيـن ذيـك الدّعاثيـر
ناروا من الصّفره نشيفين الاريـاق=ولا لقوا عن نقمـة اللّـه مصاديـر
صمّ الرّزايا ساق مزن على سـاق=متحـدّر سيلـه وجولـه محاديـر
ياضبعة بالخرج مـن كـل قسّـاق=إكلي ونادي كـل عـوج المناقيـر
ضفتي على العارض وعشّوك بشناق=وأهل القرى عشّوك روس الطّوابير
كله لعينـا دعـوة اللّـه بالالحـاق=وغرايس خضـر وبيـض غناديـر
وصلاة ربّـي بالعشيّـة والاشـراق=على النّبي مظّهـر الحـقّ تظهيـر