السيل الجارف
20-11-2005, 07:19 AM
الامير محمد بن عبدالله بن علي الرشيد
يرجح ولادته بين عامي 1820 - 1822 م
توفي الأمير وهذا مؤكد في عام 1897م
خامس حكام دولة آل رشيد في حائل تولى الحكم
عام 1873م بعد أن قتل ابن أخيه بندر الطلال
لاختلافهما حول شؤون الدولة ولوجود تراكمات
خلاف بين الإثنين تأسست بعدما قتل بندر الطلال
عمه متعب العبدالله الأخ الشقيق لمحمد العبدالله
وتولى هو حكم حائل عام 1869م
قال هذه القصيدة مخاطبا بها
الامير الشاعر محمد أل سعود
أبدي بذكر الله على كل شاني = اللي رفع سبعٍ وسبعٍ بسطهن
ياراكب من فوق ستة وثماني = بين الحجر ومحقبه دوم يرعن
بنات حرٍ ضربوهن عماني = وجن البكار وكل أبوهن على سن
وعصيان أهلهن كلهن خيزراني =وكل الكلايف فوقهن ما يخطرن
تلقون محمد شوق صافي الثماني = ابن سعود ويفعل الزين له فن
دنياك هذي ما تجي بالتماني = كم خاب من له في رجاها غدا ظن
طاوعت شور مريشين الأذاني = إن جوك بيضان الغتر كنهن جن
سلاحنا المصقول والشيشخاني = وش مانعرف اجناسهن توهن حن
وحصان ترك من عريب المعاني = مايلحق العنان راسه إلى عن
رجل ٍ لطيف وبه طلاقة لساني = ادعى الزمول الصايجه لايهدرن
حنا غلى ورد على الجمع ثاني = اللي إلى نار المخاير وثمن
لابد ماتامن ساعةٍ بامتحاني = خيولنا تاتيك عرج باهلهن
والأمر بيد اللي إلي راد كاني = والعز بيده والسبب وارد من
رد الامير محمد أل سعود
بهذه القصيدة الرائعه
بديت بذكر الله على كل شاني = من وحّد الواحد على الرشد له فن
وخلاف ذا ياراكبين اسماني = أكواعهن لزوارهن ما ينوشن
بتر الفخوذ مورّدات المثاني = قطم الخفوف اذيالهن لونهن هن
ارقابهن مثل الجريد اللياني =مثل أداميٍ بالسهل يوم ينحن
مرّن بيان الصبح قبل الأذاني = قبل الطيور لرزاقهن لا يطيرن
مااحلى خبيط ارقابهن باليماني = من دار جدي يا سعد وين يلفن
يلفن شعيب سدير عند الشباني =قطاّع روس الخيل ومحرّق البن
الى ركبتوا فوق سبق المتاني = دوّروا رقاب أركابكم لا يخفن
عند الفهيد معزّبٍ مرحباني = كلٍّ يقول بجيرتي ما يشتتن
يعبالهن البن بين الأواني = وسوالفٍ يطرب له البال لا جن
لا روحن مع جال دوّ ٍ دواني = خوف الزمل ما لاج في قلوب اهلهن
ينصن اخو نوره زبون الحصاني=واليا لفنه وان بغن لا يردن
مومي الهشال اليا خلن بالرداني = لولاه طاوع بايع التبن والبن
لا تحسبني في بطاي متواني = اجيك بالثنتين لزمٍ بلا ظن
مثل صيام الصايم المفرحاني = اعرف ترى خمس الفرايض يصلّن
لو صرت في برزان زين المباني = مادام راسي والهبايب يهبن
والناس مثل الناس ما غيب باني = ومن قال انا طيب يعيبه ابن من
وان ساعفت لزمٍ يجيك الحصاني = ماهي بهرجه واحدٍ يخلف الظن
حياة ربّ البيت مغني البناني = جموعنا وجموعكم بي يتلاقن
نضرب بحد السيف هو والسناني = لين العذاري ياسعد لي يعذرن
بسيوف عند يقطعن المثاني = بسيوف هندٍ يا سعد ما ينضن
واليا اعتلينا اقطي بنت الحصاني =علّي ردت خيلكم لين يجفن
حتيش يانقالة الشيشخاني = معنا فرنجي للوايح يشفن
الزين ما يدقم شفاة السناني = والشين ما يقصر يدينٍ يطولن
إن اجتمع زينٍ وفعلٍ بياني =جنة نعيم بالحشا وان توافن
ياراس ياللي فيك دن دناني = مثل الشعق في ليل غدرٍ بصبن
وإن كان في راسك سوات النواني = في راس أخو نوره دلالٍ يفوحن
يهاب منه نادر الزعتراني = سنّ اللبن لا بد ما يقلعه سن
ذا قول من لاهو بولدة هداني = ولدة حرارٍ من حرارٍ على فن
هذا الجواب اللي ظهر من لساني = والأمر لله والسبب نفعله حن
وتقبلوا تحياتي لكم
يرجح ولادته بين عامي 1820 - 1822 م
توفي الأمير وهذا مؤكد في عام 1897م
خامس حكام دولة آل رشيد في حائل تولى الحكم
عام 1873م بعد أن قتل ابن أخيه بندر الطلال
لاختلافهما حول شؤون الدولة ولوجود تراكمات
خلاف بين الإثنين تأسست بعدما قتل بندر الطلال
عمه متعب العبدالله الأخ الشقيق لمحمد العبدالله
وتولى هو حكم حائل عام 1869م
قال هذه القصيدة مخاطبا بها
الامير الشاعر محمد أل سعود
أبدي بذكر الله على كل شاني = اللي رفع سبعٍ وسبعٍ بسطهن
ياراكب من فوق ستة وثماني = بين الحجر ومحقبه دوم يرعن
بنات حرٍ ضربوهن عماني = وجن البكار وكل أبوهن على سن
وعصيان أهلهن كلهن خيزراني =وكل الكلايف فوقهن ما يخطرن
تلقون محمد شوق صافي الثماني = ابن سعود ويفعل الزين له فن
دنياك هذي ما تجي بالتماني = كم خاب من له في رجاها غدا ظن
طاوعت شور مريشين الأذاني = إن جوك بيضان الغتر كنهن جن
سلاحنا المصقول والشيشخاني = وش مانعرف اجناسهن توهن حن
وحصان ترك من عريب المعاني = مايلحق العنان راسه إلى عن
رجل ٍ لطيف وبه طلاقة لساني = ادعى الزمول الصايجه لايهدرن
حنا غلى ورد على الجمع ثاني = اللي إلى نار المخاير وثمن
لابد ماتامن ساعةٍ بامتحاني = خيولنا تاتيك عرج باهلهن
والأمر بيد اللي إلي راد كاني = والعز بيده والسبب وارد من
رد الامير محمد أل سعود
بهذه القصيدة الرائعه
بديت بذكر الله على كل شاني = من وحّد الواحد على الرشد له فن
وخلاف ذا ياراكبين اسماني = أكواعهن لزوارهن ما ينوشن
بتر الفخوذ مورّدات المثاني = قطم الخفوف اذيالهن لونهن هن
ارقابهن مثل الجريد اللياني =مثل أداميٍ بالسهل يوم ينحن
مرّن بيان الصبح قبل الأذاني = قبل الطيور لرزاقهن لا يطيرن
مااحلى خبيط ارقابهن باليماني = من دار جدي يا سعد وين يلفن
يلفن شعيب سدير عند الشباني =قطاّع روس الخيل ومحرّق البن
الى ركبتوا فوق سبق المتاني = دوّروا رقاب أركابكم لا يخفن
عند الفهيد معزّبٍ مرحباني = كلٍّ يقول بجيرتي ما يشتتن
يعبالهن البن بين الأواني = وسوالفٍ يطرب له البال لا جن
لا روحن مع جال دوّ ٍ دواني = خوف الزمل ما لاج في قلوب اهلهن
ينصن اخو نوره زبون الحصاني=واليا لفنه وان بغن لا يردن
مومي الهشال اليا خلن بالرداني = لولاه طاوع بايع التبن والبن
لا تحسبني في بطاي متواني = اجيك بالثنتين لزمٍ بلا ظن
مثل صيام الصايم المفرحاني = اعرف ترى خمس الفرايض يصلّن
لو صرت في برزان زين المباني = مادام راسي والهبايب يهبن
والناس مثل الناس ما غيب باني = ومن قال انا طيب يعيبه ابن من
وان ساعفت لزمٍ يجيك الحصاني = ماهي بهرجه واحدٍ يخلف الظن
حياة ربّ البيت مغني البناني = جموعنا وجموعكم بي يتلاقن
نضرب بحد السيف هو والسناني = لين العذاري ياسعد لي يعذرن
بسيوف عند يقطعن المثاني = بسيوف هندٍ يا سعد ما ينضن
واليا اعتلينا اقطي بنت الحصاني =علّي ردت خيلكم لين يجفن
حتيش يانقالة الشيشخاني = معنا فرنجي للوايح يشفن
الزين ما يدقم شفاة السناني = والشين ما يقصر يدينٍ يطولن
إن اجتمع زينٍ وفعلٍ بياني =جنة نعيم بالحشا وان توافن
ياراس ياللي فيك دن دناني = مثل الشعق في ليل غدرٍ بصبن
وإن كان في راسك سوات النواني = في راس أخو نوره دلالٍ يفوحن
يهاب منه نادر الزعتراني = سنّ اللبن لا بد ما يقلعه سن
ذا قول من لاهو بولدة هداني = ولدة حرارٍ من حرارٍ على فن
هذا الجواب اللي ظهر من لساني = والأمر لله والسبب نفعله حن
وتقبلوا تحياتي لكم