النايفه
19-11-2005, 03:02 PM
الشاعر عبد الله بن عبد العزيز العليوي - رحمه الله
ولد في مدينة عنيزه عام 1373هـ
توفي يوم الخميس الموافق2/11/1424هـ
صدر له ديوان مطبوع جاء تحت عنوان (( بقايا شوق ))
ضم اكثر من 72 قصيده وقد طويت بموته صفحه تعتبر من
اهم الصفحات بتاريخ الشعر الحديث رحم الله الفقيد واليكم
من ديوانه هذه القصائد الجميله والجزءالسادس معها
يا ليتني ماشفت
ياليتني ماشفت زولك ولا جيـت=دربك ولا شافت عيوني عيونـك
ليتي معك بالمعرفة مـا تماديـت=ليت الظروف وسود الأيام دونـك
من قبل أشوفك ليتني عنك صديت=قبل تمكـن بالضمايـر طعونـك
الوقت ما جالي على مـا تمنيـت=خلن بحالي ما ترجيـت عونـك
يا زين من طول المشاوير مليـت=يا مشغل قلب شقا فيـك هونـك
وين أنت أنا لك تالي الليل ناديت=حتى السهر ماله حـلاة بدونـك
محاولة نسيان
محاولة نسيـان حبـك وطاريـك=أكبر خطاء فكرت به في حياتـي
حبك سطابي حطني بين أياديـك=صار إندفاعي لك من أبرز صفاتي
ابيع كل الناس يازيـن وأشريـك=وشوف في نظرة عيونك غناتـي
ليت الهموم تصيب قلبي وتخطيك=ما اقول قلي من يسوي سواتـي
يزداد حبـي لـك بزايـد تغليـك=حسيت إني فيـك حققـت ذاتـي
لو ترد ايام
لوترد أيام ضاعت في رجاك=ماسهرنا في غيابك نرتجيك
داري بالجرح جرحي ماخفاك=تدري إن الحل والله في يديك
خل جرح القلب يرفع مستواك=غيرتنا مثلك الدنيا عليك
بالجفاء والصد يوم الله بلاك=ليت ربي بالموده مبتليك
لاتعاتب والخطاء كله خطاك=بعت منهو في حياته مشتريك
أبتعد لو كان قلبي ما نساك=قلتها مجبور أبعد مانبيك
لاتزيد الجرح
لا تزيد الجرح ماقصـر زمانـي=شايلٍ بالقلب أحـزان السنيـن
لاتزيد الجـرح مافينـي كفانـي=لا تصير اليوم مع وقتي معيـن
ياحياة الروح ربي بـك بلانـي=بالحشاء لك جرح يالغالي مكيـن
في زمانٍ فات يالغالـي ترانـي=أخفي الأحزان والعبـرة تبيـن
مندفع لك جيت شوقي لك حداني=جيت أبي نظرات عطفك والحنين
عمري اللي ظاع باحلام وأماني=شوفتي لك يوم والفرقا سنيـن
وقف وقل لي
وقف وقل لي وش سبـب هالتحـدي=ابي الصراحة واقطع الشك باليـاس
انت وزمانـي والغرابيـل ضـدي=ياللي جرحت القلب وينك والإحساس
قلبي عليك ودمعتـي فـوق خـدي=منك اشتكي لك ياغناتي من النـاس
لولاك غالـي مـا تعديـت حـدي=ليتك بنيت الحب مثلي على سـاس
بكيت يوم اقفيـت وانبـاح سـدي=شربت منك المر كأسٍ بثـر كـأس
ليتك بنظـرة مـن عيونـك تلـدي=محبتي لك يالغضي ترفـع الـرأس
انا اشهد انك
انا اشهـد إنـك شاطـرٍ بالتحـدي=وانا اشهد انه غلطتي يا عشيـري
حطيت قلبي شمعـة لـك تعـدي=واحرقتني يومك عرفت المسيري
درب يـودي يالغضـي مايـردي=تلقى على طبعك من الناس غيري
حفظت أنا عهدك وضيعت عهدي=الشوك لي والورد كلـه لغيـري
أحرقت رسمك يوم يـدك بيـدي=واليوم ودي عن هواك استخيري
القلـب يعطـي مـرةٍ مايـردي=حبك تحكـم واستقـر بضميـري
ذكرى سنين في دقايـق تعـدي=ويلاه من ضيم الحياة المريـري
لوتلتفت ياناوي
لو تلتفت يا ناوي الصد وتشـوف=تلقـى بـدال فراقنـا حـل ثانـي
يشدني حبـك ويبعدنـي الخـوف=ضيعت في رجوى حنانك زمانـي
حاولت أصور ماخفى عنك بحروف=لقيت حبـك فـوق كـل المعانـي
أنا على قربك شفـوقٍ وملهـوف=أقبل وتبعد خطوتك عـن مكانـي
اللي بقلبي لك من الـود معـروف=حسيبك اللي في هـواك ابتلانـي
ياقلب ماظنك علـى ذاك موقـوف=بليـت بالـي باعنـي ماشرانـي
حاولت اعزي
حاولت أعزي مثل غيري من الناس=لقيت نفسي أستحق العـزاء فيـه
يا موت مالك قلب ما عندك إحساس=ما شفت حال اللي فقد شوف غاليه
يا موت ما ترحم طوى حالي الياس=قلبي جريحٍ ما لقى مـن يواسيـه
يا موت لو تشرب من الهم لو كاس=ترحـم وحيـدٍ هـم قلبـه يباريـه
قالوا مقدر قلت يا نـاس لا بـاس=أصبر وهمي في حشا القلب مخفيه
أمرٍ قضاه الله على العين و الراس=خلوني أنسـا لا تجيبـون طاريـه
وداعك كيف
وداعك كيف أبتحمـل وداعـك=وداعك موت ياكـل الحبايـب
دخيلك لا تلـوح فـي ذراعـك=ترى قلبي بنار الشوق ذايـب
دخيلك قبل ماتطـوي شراعـك=منين الصبر قلي وأنت غايـب
على الفرقا وأنا أشوف اندفاعك=وأقـول الله يادنيـا العجايـب
شريت الزين ياقلبـي وباعـك=وراح اليوم وجروحك عطايـب
نهايتنـا بكلمـة قلتهـا لــك=وداعك موت ياكـل الحبايـب
ولد في مدينة عنيزه عام 1373هـ
توفي يوم الخميس الموافق2/11/1424هـ
صدر له ديوان مطبوع جاء تحت عنوان (( بقايا شوق ))
ضم اكثر من 72 قصيده وقد طويت بموته صفحه تعتبر من
اهم الصفحات بتاريخ الشعر الحديث رحم الله الفقيد واليكم
من ديوانه هذه القصائد الجميله والجزءالسادس معها
يا ليتني ماشفت
ياليتني ماشفت زولك ولا جيـت=دربك ولا شافت عيوني عيونـك
ليتي معك بالمعرفة مـا تماديـت=ليت الظروف وسود الأيام دونـك
من قبل أشوفك ليتني عنك صديت=قبل تمكـن بالضمايـر طعونـك
الوقت ما جالي على مـا تمنيـت=خلن بحالي ما ترجيـت عونـك
يا زين من طول المشاوير مليـت=يا مشغل قلب شقا فيـك هونـك
وين أنت أنا لك تالي الليل ناديت=حتى السهر ماله حـلاة بدونـك
محاولة نسيان
محاولة نسيـان حبـك وطاريـك=أكبر خطاء فكرت به في حياتـي
حبك سطابي حطني بين أياديـك=صار إندفاعي لك من أبرز صفاتي
ابيع كل الناس يازيـن وأشريـك=وشوف في نظرة عيونك غناتـي
ليت الهموم تصيب قلبي وتخطيك=ما اقول قلي من يسوي سواتـي
يزداد حبـي لـك بزايـد تغليـك=حسيت إني فيـك حققـت ذاتـي
لو ترد ايام
لوترد أيام ضاعت في رجاك=ماسهرنا في غيابك نرتجيك
داري بالجرح جرحي ماخفاك=تدري إن الحل والله في يديك
خل جرح القلب يرفع مستواك=غيرتنا مثلك الدنيا عليك
بالجفاء والصد يوم الله بلاك=ليت ربي بالموده مبتليك
لاتعاتب والخطاء كله خطاك=بعت منهو في حياته مشتريك
أبتعد لو كان قلبي ما نساك=قلتها مجبور أبعد مانبيك
لاتزيد الجرح
لا تزيد الجرح ماقصـر زمانـي=شايلٍ بالقلب أحـزان السنيـن
لاتزيد الجـرح مافينـي كفانـي=لا تصير اليوم مع وقتي معيـن
ياحياة الروح ربي بـك بلانـي=بالحشاء لك جرح يالغالي مكيـن
في زمانٍ فات يالغالـي ترانـي=أخفي الأحزان والعبـرة تبيـن
مندفع لك جيت شوقي لك حداني=جيت أبي نظرات عطفك والحنين
عمري اللي ظاع باحلام وأماني=شوفتي لك يوم والفرقا سنيـن
وقف وقل لي
وقف وقل لي وش سبـب هالتحـدي=ابي الصراحة واقطع الشك باليـاس
انت وزمانـي والغرابيـل ضـدي=ياللي جرحت القلب وينك والإحساس
قلبي عليك ودمعتـي فـوق خـدي=منك اشتكي لك ياغناتي من النـاس
لولاك غالـي مـا تعديـت حـدي=ليتك بنيت الحب مثلي على سـاس
بكيت يوم اقفيـت وانبـاح سـدي=شربت منك المر كأسٍ بثـر كـأس
ليتك بنظـرة مـن عيونـك تلـدي=محبتي لك يالغضي ترفـع الـرأس
انا اشهد انك
انا اشهـد إنـك شاطـرٍ بالتحـدي=وانا اشهد انه غلطتي يا عشيـري
حطيت قلبي شمعـة لـك تعـدي=واحرقتني يومك عرفت المسيري
درب يـودي يالغضـي مايـردي=تلقى على طبعك من الناس غيري
حفظت أنا عهدك وضيعت عهدي=الشوك لي والورد كلـه لغيـري
أحرقت رسمك يوم يـدك بيـدي=واليوم ودي عن هواك استخيري
القلـب يعطـي مـرةٍ مايـردي=حبك تحكـم واستقـر بضميـري
ذكرى سنين في دقايـق تعـدي=ويلاه من ضيم الحياة المريـري
لوتلتفت ياناوي
لو تلتفت يا ناوي الصد وتشـوف=تلقـى بـدال فراقنـا حـل ثانـي
يشدني حبـك ويبعدنـي الخـوف=ضيعت في رجوى حنانك زمانـي
حاولت أصور ماخفى عنك بحروف=لقيت حبـك فـوق كـل المعانـي
أنا على قربك شفـوقٍ وملهـوف=أقبل وتبعد خطوتك عـن مكانـي
اللي بقلبي لك من الـود معـروف=حسيبك اللي في هـواك ابتلانـي
ياقلب ماظنك علـى ذاك موقـوف=بليـت بالـي باعنـي ماشرانـي
حاولت اعزي
حاولت أعزي مثل غيري من الناس=لقيت نفسي أستحق العـزاء فيـه
يا موت مالك قلب ما عندك إحساس=ما شفت حال اللي فقد شوف غاليه
يا موت ما ترحم طوى حالي الياس=قلبي جريحٍ ما لقى مـن يواسيـه
يا موت لو تشرب من الهم لو كاس=ترحـم وحيـدٍ هـم قلبـه يباريـه
قالوا مقدر قلت يا نـاس لا بـاس=أصبر وهمي في حشا القلب مخفيه
أمرٍ قضاه الله على العين و الراس=خلوني أنسـا لا تجيبـون طاريـه
وداعك كيف
وداعك كيف أبتحمـل وداعـك=وداعك موت ياكـل الحبايـب
دخيلك لا تلـوح فـي ذراعـك=ترى قلبي بنار الشوق ذايـب
دخيلك قبل ماتطـوي شراعـك=منين الصبر قلي وأنت غايـب
على الفرقا وأنا أشوف اندفاعك=وأقـول الله يادنيـا العجايـب
شريت الزين ياقلبـي وباعـك=وراح اليوم وجروحك عطايـب
نهايتنـا بكلمـة قلتهـا لــك=وداعك موت ياكـل الحبايـب