فيحان المرزوق
30-05-2006, 09:54 AM
http://www.albwady.com/picss/bc/342.jpg
الأمير الفارس الشاعر عبيد علي الرشيد
ولد في 1834م - 1922م
أسس حكم دولة آل رشيد التي كانت عاصمتها حائل
آل رشيد عموما اسرة عرفت بمزايا كثيرة من بينها
على الجانب الادبي وجود العديد من الشعراء الكبار
وكان بيته محط رحال النجديين في حائل و مرجعهم
الأعلى وهو فارس من أبطال الفرسان و شاعر من
فحول الشعراء"
هذه القصيده التي قالها في معركة
بقعاء سنه 1257 هـ :-
يا مل قلبٍ فيـه تسعـة وتسعيـن = هجـسٍ وهاجـوسٍ وعـدلٍ ومايـل
يديرهـن دولاب الافكـار باللين = بالصـدر ينشـر دقهـن والجـلايـل
واصبحت منهن خالـيٍ كـود ثنتيـن= سعدى ومصقولٍ يداوي العلايل
وخماسيٍن غمقٍ صوابه وجوزين = إلى جذبوا شـروا بـروق المخايـل
يا دارنا مـن جـاك جينـاه عجليـن = بالليـل نسـري والصفـر والقوايـل
فإن كانهـم عنـا بالانشـاد محفيـن = من الراس مـا يحتـاج رد الرسايـل
حضر الجبل والبدو نـاسٍ صليبيـن = يتلننـا حمـلات ســود الجـدايـل
جينـا صبـاح وهـم لنـا مستكنيـن = وثار الدخن من حـر صلـو الفتايـل
وحصل لنا عقب المواصل وفا الديـن = وراعي السـف رده عليـه الجمايـل
ومن فضل رب العرش عدل الميوازين = صارت على القصمـان وأولاد وايـل
عجاجة ٍ تجلى صدى القلب يا حسيـن = دبيـلـة ٍ مــا مثلـهـا بالدبـايـل
كـم خيـر ٍ داجـه عليـه الغلاميـن = خلـوا دماغـه عـن علابيـه مايـل
ربعـي مرويـة السيـوف المسانيـن = خلو صفـا بقعـا مـن الـدم سايـل
واللي ذبحت بشذرة السيـف تسعيـن = ايضا ولانـي عـن طردهـم بسايـل
ذبحت أبو صالح صعـوط المجانيـن = واودعـت دم الشيـخ بالقـاع سايـل
واللـي وطينـا مـا تشوفـه محبيـن = والكـذب تنفـاه العلـوم الصمـايـل
جيته بمقدم سربة وقـم الالفيـن = كن الشهـر بـه ديدحـان الماسيـل
جونـا يبـون ديارنـا والبساتـيـن = يبغـون منزلـنـا قـفـارٍ وحـايـل
يقولون جده يوم صولـة هـل الديـن = قـادو عليهـم ذاهبـيـن الحمـايـل
ودلا على ربعه يسـوق الفراميـن= فيـد عمـاهـم تايهـيـن الـدلايـل
ويصيح مثل البارحه مـا هنـا شيـن = ولا حصل يا كـود قطـع الوصايـل
واليـوم يبغـونـا وحـنـا معيـيـن = نسند بحد السيـف مـن جـاه عايـل
ويلا عطوا حـق الديـار الهزازيـن= فحنا الـى عـدت رجـال الحمايـل
ربعي على حرب المعادي ضريريـن = هـم مـن قديـم كاسبيـن النفـايـل
أغـراه بالمكحـول خـرط الفراقيـن = وعرضاتهـم بمشـرفـات النثـايـل
أطـاع حكـي الذايـدي والسلاطيـن = كـم واحـدٍ قبلـه رمـي بالحبايـل
نـاسٍ يبـون العـز منهـم ذليليـن = وش قال مشعانٍ بهـم بالاوايـل
عند اهله اللي يلبسـون التواميـن = إلى اجذبوا شروى بـروق المخايـل
يتلون عيد الضيف ريـف المساكيـن = الشيخ أبو متعب عزيـز النزايـل
لا سلم راس الشيخ حنـا عزيزيـن = نرجيه من معطي العطايـا الجزايـل
اليا بغى أمـرٍ مـا يطيـع المشيريـن = الحيـد شيـال الحـمـول الثقـايـل
وصلوا على قنديل سكـن الحجازيـن = راعـي المقـام المعتلـى والرسايـل
ومني عدد ما شمّـع اللبـن بالطيـن = او مـا لبيـت الله تشـد الرحـايـل
هذه احد اروع قصائده واجملها
طلبـت ربـي عالـم السـر والغيـب = يقبل صلاتـي ولـه يقبـل صيامـي
ويجعل لنا عرض نزيـه عـن العيـب = ويفكنـا مـن شـر ســو الاثـامـي
ابـن ادم ملفـي الخطـا والعـذاريـب = لو مـا فعـل رميـت عليـه التهامـي
جليت عن نفسي شبـا الشـك والريـب = ولا حسب يلقون العـرب بـي كلامـي
وربعي لقوا بي عقب ما شبت انا عيـب = بتسطيـر كتـب مفسريـن الاحلامـي
قلت : اخبروني ويش مغضى هكا العيب = قالوا : علـى ساقـة رفيقـك تحامـي
قلت : ان هذا مـن قديـم لنـا عيـب = مستارثينـه مـن خـوال وعمـامـي
العيب تـرك المعرضـة بالمواجيـب = والا الرفيـق بفزعتـه مـا نـلامـي
رفيقنـا كنـه بــروس الشخانـيـب = فـي راس حيـد نايـف مـا يظامـي
رفيقنـا مـا نجدعـه للقصاصـيـب = يجبـر بنـا لـو مكسـره بالعظامـي
ورفيقنا لو هـو مـن الجـد بصليـب = متجـود مـنـا بــراس السنـامـي
والشـر مـا نسعـى لجـره بتقريـب = ونـذرا الـى هبـت لنـا بالـولامـي
هـذي قدايمنـا الا عــدوا الطـيـب = وكـل يريـع لفعـل اهلـه القـدامـي
ويوم الوغى مـا نستشيـر الزواريـب = لا طار عـن سـود العيـون اللثامـى
مرطاضنا يشبع بـه النسـر والذيـب = ونروي معاطيش السيـوف الظوامـي
نلحـق علـى سـرد يجنـك جناديـب = بمطارق مـع مثـل صـف النظامـي
يتلـون ابـو بنـدر ربيـع السعابيـب = اللـي علـى ميـره تعيـش اليتامـي
فان سلـم راس مبيـد الكنـس النيـب = حريبنـا مــا يهتـنـي بالمنـامـي
عنوا بهـا ركـاب عـوج المصاليـب = من مصـر الغربـي الـى دار يامـي
شارخ اخذنـا بـه زيـون المهاليـب = وش جاب سطوة مطلب وابـن سامـي
ومن قصائده الرائعه هذه
القصيدة
يالله ياللي للجزيلات وهاب = تعطي ولاجزل العطا منك ممنون
ياغافر الزلات يارب الأرباب=ياناصر موسى على قوم فرعون
تفتح لنا من باب نصرلنا باب=واصحاب بدر وأن فتحته يحضرون
آمين ياقاضي الحوايج والأنواب=يا وامر وامرك على الكاف والنون
ياراكب اللي لامشى يوثب أوثاب=لاشفت زوله يختفق تقل مجنون
عقب أربعٍ يلفي عزيزين الأقراب=اللي على الديره قديمٍ يحامون
قبل انت لي كزيت خط ونجاب=لابد ما نمسي وناصل على الهون
ان كان تشكي لي خليف وحطاب=فالله خبر بعهود اللي يبوقون
وان كان تنخاني فانا عوج الأطناب=ولا وسيفي لك على الضد مسنون
حنا هذولا مجهدين بالأطلاب=نتنا مراسيل من الهند يلفون
ان سهل الباري وجينا بالآطواب=السعر ما ينقص عن اللي تعرفون
آتيك بجموع يعيون الآداب=واويل من باشناف نزله يحلون
ضياغم ترخص حلاله والأرقاب=ودون الرفيق بمالهم ما يدارون
وهذه القصيدة له في فرسه
كروش عندما رفض بيعها
يابيه انا لكروش ماعطي ولا بيع= قبلك طلبها فيصل وابن هادي
يابيه لو كثرت بالقول ماطيع= ياحيف تبغيني اسلم جوادي
يابيه مايرهم هلى مثلها البيع=ولايجي مثله بقودة مهادي
ماجمع اصله بالقراطيس تجميع= اصله يعرفونه جميع البوادي
باغ الى من لقموها المصاريع= وصاح الصياح وثار عج الطرادي
انهج عليها وتعدي بالتراثيع= مثل الفحل لاصار وقت الهدادي
واصلها لعيون بيض مفاريع= فوق الحنايا والسبايا غوادي
هذاك بيعة والصبايا مفاريع=بين القنا ومخفرات الهنادي
هذاك بيعه كان ماتفهم البيع= لن منهن جلبن بسوق المزادي
يابيه انا لا اسمع جوابك ولا طيع=هرجك بمقلة ناظري والفوادي
ياسابقي مانرخصك بالمطاميع= حتمٍ ولو قيل ارفعه بالحدادي
ابغي الى ثار القضا بالزعازيع= وحطوا على عجلاتهن العدادي
بيوم يشيب من وحاه المراضيع= حدين حاديهن من الخوف حادي
انطح ورا ربعي وجيه المداريع=واقضي عليها دينهم والعيادي
وانشد عن افعاله بعاد المفازيع=هو هرجنا ذا كذب والا وكادي
من لابة بالحرب ماهم مطاويع=ولاتحسّب بالمداس العوادي
حلفت مايطري علينا بها البيع= للحشر مايفخت سواده سوادي
مادام راسي للرياح الذعاذيع=بالعون طالبها من الناس غادي
وديارنا حامينها بالمرابيع=واضدادنا عنها تجي بالحيادي
ألا ان بغاه الليث حنا مخاضيع=ولامره هو فوقه كما البدر بادي
هذاك انا وحداي لامره مطاويع= فرز الوغى صياد من لايصادي
حر يفدع بابرق الريش تفديع=ولا يفرس الا من كبار الثنادي
طير السعد يفرح قلوب المراضيع=تشتاق له معها وهو بالمهادي
يدرا وترجي من وراه المنافيع= الليث يرحي للعطايا الزيادي
اودع مصاعيب القبايل مراجيع=والخيل جاته من عمان تقادي
وصلوا عدد ماحيش مال ومابيع= على نبي للورى خير هادي
وهذه ايضا قالها رافضا بيع فرسه كروش
القلب مـن كثـر الهواجيـس قـزان = مايستريح من الدهر ربـع ساعـه
ياغافر الـزلات ياوالـي الأحسـان = تجعل من التقوى لنفسـي بضاعـه
أنـا علـى لانٍ وربعـي علـى لان = متخالفٍ رايي وراي الجماعـه
أنـا ولـد علـي سلايـل كحيـلان = الله خلقـنـي للسبـايـا وداعــه
ماني هتيمين يربـت علـى الضـان = ويعطي لطـلاب الجنايـا رتاعـه
أضرب على الكايد الا صرت بلشـان = عند الولي وصل الرشا لانقطاعـه
الناس ماترويك لا صـرت عطشـان = لاصار مافعل الفتـى فـي ذراعـه
عيبٍ على اللي ينثني عقب ما بـان = ويرضى بطمان النفس عقب أرتفاعه
أما نجيب عقـود حصنٍ ومرجـان = والا فهي لبليـس طـار بشعاعـه
وا طربة الدنيـا مـع الفجـر دخـان = وكرارةٍ بطراف خطو الصعاعه
وله هذه السامريه بالغزل
نــاح الحـمـام بعالـيـات المقـاصـيـر = واهل الهوى طربين مـا يسمعونـه
ذكرتنـي يـا الـورق لا ذكــرك خـيـر = غـرو كـمـا لــدن المـطـارق قـرونـه
عـلام مـا كـم ضـايـع يـاهـل الحـيـر = نـبــي نـعـدلـه كــــان ماتـعـدلـونـه
ما هي حميـة ساقنـي نيـة الخيـر = والشـرط مـا نبغيـه لـو تشرطـونـه
الا ان حصل راعي النهود المزابيـر = هــز ومــز وكـرعـة فــي سنـونـه
باكـر ضحـى العيـد لا طـقـوا الـزيـر = مـا عندهـم مــن غـالـي يلبسـونـه
انـــا وخـلــي فـرقـتـنـا الـمـقـاديـر = يا مـن خبـط بيديـه واعمـى عيونـه
يـا شاعقيـن النـار جـاكـم مسايـيـر = ضـو سناهـا يـجـذب الـلـي يجـونـه
يا مـال تفـاقٍ شفـوق علـى الطيـر = ومحـنـش مــن بـعــد ذا تـذكـرونـه
والا كما حر ما لـوى رجلـه السيـر = بالـوكـر طــلاب الـعـشـا يحـتـرونـه
يظهر عشيري كا لخلاصة من الكير = اعـيـذه بــرب الـنــاس لا ينحـتـونـه
تصبح عروق القلب عندي معاشيـر = ويزهر ثمـر قلبـي وتطـرخ غصونـه
هذه القصيدة يتذكر بها مجده ومجد قومه
نفسي تمنيني لرقي السنودي =من لابه توزي نفوسه على الكود
بحرابنا نرعى الحجر والنفودي =رغمٍ على الزعلان والخد ممدود
من فوق قحص كنهن الفهودي =وملبوسنا بظهورهن صنع داود
وبايماننا شغل العجم والهنودي =وشلف نرهمهن على ركبة العود
ومخيضنا دايم على الضد يودي =ونصبح على كبده مع الصبح بجرود
والضيف ليا جانا نرحب وزودي =ونحط له بالعسر من كل ماجود
مستارثينه من كرام الجدودي =طبع لنا من خلقة الحمد محمود
وأفعالنا عند العدالة شهودي =وقولٍ بلا فعل على الرجل منقود
كانت الفرس كروش ملكاً لإبن هادي شيخ قحطان اشتراها
منه الإمام فيصل بن تركي وأهداها للأمير عبيد العلي الرشيد
تعلق بها الأمير أيما تعلق كيف لا وهي من أعز أصائل الخيل
في شبة جزيرة العرب وهي هدية من صديقه المقرب "
ومن شدة اعتزازه بها قال
ما ذقت شي عنك يا طوعت الراس =لوهو من المطعوم شي قلايل
ولا درت من فرجك مثامين واكياس =اربع سنين فوق الأرباع حايل
باغ عليك ان فرعت كل مكياس =وذهلوا مصانيم الدروع الحلايل
انطح عليك وجيه شرابت الكاس =مع وجه مروين الغلب بالدبايل
حلفت ما تنصين حي من الناس =لابالثمن ولا برد الجمايل
وهم ويش لو كز المراسيل عباس=ماسلت عن راسٍ به الزوم طايل
ان ما بغى ماسلت عن باقي الناس =ولولا المعزة ما نزلنا بحايل
وحدث أن طالبه ابن هادي بحق المثنوي وهو أول بطن
تلده الفرس كروش هدية الإمام فيصل بن تركى وأرسل
هذه القصيدة موضحاً له بطلان حقوقه السابقة بالفـرس
كونها أتته هدية :
جانا جـوابك يا الشجاع ابن هادى=تقـول لك بكروش عندي مثاني
وكـروش جتني من نحاز المعادي=عـز العرب عند اختلاف الزماني
سلطان نجد حضرها والبوادي=محيى من الجـودة سمال المعـاني
ريف الضيـوف وتاج رأس السنادي=أنا وهى له إن بغاه أو بغاني
ريفٍ على غالى حلاله نفادي=عطـاه ما به يا ابن هادى مثـاني
هضيمة طلبتك مثاني جوادي =وأنا بكفي حبلها والعناني
ومخفرٍ من مرهفات الهنادي=وفعلي على الشدة يطاوع لساني
ثم الصلاة لمن بتلعة اجيادي=ينزل على قلبه حروف القرآنِ
جرت القصة هذه عندما كان عبيد الرشيد في طريقه للحج
بصحبة نفر على رأسهم أبنه حمود ولما دخل أطراف مكة
وبين طرقاتها فتح أحد الأبواب والا بفتاة جميلة المنظر تطل
من وراءه تسترق النظر للطريق لترى من يمر فرآها بنظره
فتحركت شاعريته وتحرك قلبه للصبا والجمال على الرغم
من نيته للحج.. وقال الأبيات التالية
يا حمود أنا عارضي شابي =طرد الهوى جزت أنا عنه
يا كــود وضــاح الأنيــــابي =هذاك مني وأنا منه
عسلوجة حشو الأثيــابي =وردوف للثوب شالنه
يا ما حلا جدع الأسـلابـي =وركاي سني على سنه
والزين لو هـو ورا البابي =لزمن عيوني يشوفنه
يا رب إغفر لمن تابي =العبد مطلوبه الجنه
وبهذا اختتم هذه الصفحه
راجياً ان تحوز رضاكم
الأمير الفارس الشاعر عبيد علي الرشيد
ولد في 1834م - 1922م
أسس حكم دولة آل رشيد التي كانت عاصمتها حائل
آل رشيد عموما اسرة عرفت بمزايا كثيرة من بينها
على الجانب الادبي وجود العديد من الشعراء الكبار
وكان بيته محط رحال النجديين في حائل و مرجعهم
الأعلى وهو فارس من أبطال الفرسان و شاعر من
فحول الشعراء"
هذه القصيده التي قالها في معركة
بقعاء سنه 1257 هـ :-
يا مل قلبٍ فيـه تسعـة وتسعيـن = هجـسٍ وهاجـوسٍ وعـدلٍ ومايـل
يديرهـن دولاب الافكـار باللين = بالصـدر ينشـر دقهـن والجـلايـل
واصبحت منهن خالـيٍ كـود ثنتيـن= سعدى ومصقولٍ يداوي العلايل
وخماسيٍن غمقٍ صوابه وجوزين = إلى جذبوا شـروا بـروق المخايـل
يا دارنا مـن جـاك جينـاه عجليـن = بالليـل نسـري والصفـر والقوايـل
فإن كانهـم عنـا بالانشـاد محفيـن = من الراس مـا يحتـاج رد الرسايـل
حضر الجبل والبدو نـاسٍ صليبيـن = يتلننـا حمـلات ســود الجـدايـل
جينـا صبـاح وهـم لنـا مستكنيـن = وثار الدخن من حـر صلـو الفتايـل
وحصل لنا عقب المواصل وفا الديـن = وراعي السـف رده عليـه الجمايـل
ومن فضل رب العرش عدل الميوازين = صارت على القصمـان وأولاد وايـل
عجاجة ٍ تجلى صدى القلب يا حسيـن = دبيـلـة ٍ مــا مثلـهـا بالدبـايـل
كـم خيـر ٍ داجـه عليـه الغلاميـن = خلـوا دماغـه عـن علابيـه مايـل
ربعـي مرويـة السيـوف المسانيـن = خلو صفـا بقعـا مـن الـدم سايـل
واللي ذبحت بشذرة السيـف تسعيـن = ايضا ولانـي عـن طردهـم بسايـل
ذبحت أبو صالح صعـوط المجانيـن = واودعـت دم الشيـخ بالقـاع سايـل
واللـي وطينـا مـا تشوفـه محبيـن = والكـذب تنفـاه العلـوم الصمـايـل
جيته بمقدم سربة وقـم الالفيـن = كن الشهـر بـه ديدحـان الماسيـل
جونـا يبـون ديارنـا والبساتـيـن = يبغـون منزلـنـا قـفـارٍ وحـايـل
يقولون جده يوم صولـة هـل الديـن = قـادو عليهـم ذاهبـيـن الحمـايـل
ودلا على ربعه يسـوق الفراميـن= فيـد عمـاهـم تايهـيـن الـدلايـل
ويصيح مثل البارحه مـا هنـا شيـن = ولا حصل يا كـود قطـع الوصايـل
واليـوم يبغـونـا وحـنـا معيـيـن = نسند بحد السيـف مـن جـاه عايـل
ويلا عطوا حـق الديـار الهزازيـن= فحنا الـى عـدت رجـال الحمايـل
ربعي على حرب المعادي ضريريـن = هـم مـن قديـم كاسبيـن النفـايـل
أغـراه بالمكحـول خـرط الفراقيـن = وعرضاتهـم بمشـرفـات النثـايـل
أطـاع حكـي الذايـدي والسلاطيـن = كـم واحـدٍ قبلـه رمـي بالحبايـل
نـاسٍ يبـون العـز منهـم ذليليـن = وش قال مشعانٍ بهـم بالاوايـل
عند اهله اللي يلبسـون التواميـن = إلى اجذبوا شروى بـروق المخايـل
يتلون عيد الضيف ريـف المساكيـن = الشيخ أبو متعب عزيـز النزايـل
لا سلم راس الشيخ حنـا عزيزيـن = نرجيه من معطي العطايـا الجزايـل
اليا بغى أمـرٍ مـا يطيـع المشيريـن = الحيـد شيـال الحـمـول الثقـايـل
وصلوا على قنديل سكـن الحجازيـن = راعـي المقـام المعتلـى والرسايـل
ومني عدد ما شمّـع اللبـن بالطيـن = او مـا لبيـت الله تشـد الرحـايـل
هذه احد اروع قصائده واجملها
طلبـت ربـي عالـم السـر والغيـب = يقبل صلاتـي ولـه يقبـل صيامـي
ويجعل لنا عرض نزيـه عـن العيـب = ويفكنـا مـن شـر ســو الاثـامـي
ابـن ادم ملفـي الخطـا والعـذاريـب = لو مـا فعـل رميـت عليـه التهامـي
جليت عن نفسي شبـا الشـك والريـب = ولا حسب يلقون العـرب بـي كلامـي
وربعي لقوا بي عقب ما شبت انا عيـب = بتسطيـر كتـب مفسريـن الاحلامـي
قلت : اخبروني ويش مغضى هكا العيب = قالوا : علـى ساقـة رفيقـك تحامـي
قلت : ان هذا مـن قديـم لنـا عيـب = مستارثينـه مـن خـوال وعمـامـي
العيب تـرك المعرضـة بالمواجيـب = والا الرفيـق بفزعتـه مـا نـلامـي
رفيقنـا كنـه بــروس الشخانـيـب = فـي راس حيـد نايـف مـا يظامـي
رفيقنـا مـا نجدعـه للقصاصـيـب = يجبـر بنـا لـو مكسـره بالعظامـي
ورفيقنا لو هـو مـن الجـد بصليـب = متجـود مـنـا بــراس السنـامـي
والشـر مـا نسعـى لجـره بتقريـب = ونـذرا الـى هبـت لنـا بالـولامـي
هـذي قدايمنـا الا عــدوا الطـيـب = وكـل يريـع لفعـل اهلـه القـدامـي
ويوم الوغى مـا نستشيـر الزواريـب = لا طار عـن سـود العيـون اللثامـى
مرطاضنا يشبع بـه النسـر والذيـب = ونروي معاطيش السيـوف الظوامـي
نلحـق علـى سـرد يجنـك جناديـب = بمطارق مـع مثـل صـف النظامـي
يتلـون ابـو بنـدر ربيـع السعابيـب = اللـي علـى ميـره تعيـش اليتامـي
فان سلـم راس مبيـد الكنـس النيـب = حريبنـا مــا يهتـنـي بالمنـامـي
عنوا بهـا ركـاب عـوج المصاليـب = من مصـر الغربـي الـى دار يامـي
شارخ اخذنـا بـه زيـون المهاليـب = وش جاب سطوة مطلب وابـن سامـي
ومن قصائده الرائعه هذه
القصيدة
يالله ياللي للجزيلات وهاب = تعطي ولاجزل العطا منك ممنون
ياغافر الزلات يارب الأرباب=ياناصر موسى على قوم فرعون
تفتح لنا من باب نصرلنا باب=واصحاب بدر وأن فتحته يحضرون
آمين ياقاضي الحوايج والأنواب=يا وامر وامرك على الكاف والنون
ياراكب اللي لامشى يوثب أوثاب=لاشفت زوله يختفق تقل مجنون
عقب أربعٍ يلفي عزيزين الأقراب=اللي على الديره قديمٍ يحامون
قبل انت لي كزيت خط ونجاب=لابد ما نمسي وناصل على الهون
ان كان تشكي لي خليف وحطاب=فالله خبر بعهود اللي يبوقون
وان كان تنخاني فانا عوج الأطناب=ولا وسيفي لك على الضد مسنون
حنا هذولا مجهدين بالأطلاب=نتنا مراسيل من الهند يلفون
ان سهل الباري وجينا بالآطواب=السعر ما ينقص عن اللي تعرفون
آتيك بجموع يعيون الآداب=واويل من باشناف نزله يحلون
ضياغم ترخص حلاله والأرقاب=ودون الرفيق بمالهم ما يدارون
وهذه القصيدة له في فرسه
كروش عندما رفض بيعها
يابيه انا لكروش ماعطي ولا بيع= قبلك طلبها فيصل وابن هادي
يابيه لو كثرت بالقول ماطيع= ياحيف تبغيني اسلم جوادي
يابيه مايرهم هلى مثلها البيع=ولايجي مثله بقودة مهادي
ماجمع اصله بالقراطيس تجميع= اصله يعرفونه جميع البوادي
باغ الى من لقموها المصاريع= وصاح الصياح وثار عج الطرادي
انهج عليها وتعدي بالتراثيع= مثل الفحل لاصار وقت الهدادي
واصلها لعيون بيض مفاريع= فوق الحنايا والسبايا غوادي
هذاك بيعة والصبايا مفاريع=بين القنا ومخفرات الهنادي
هذاك بيعه كان ماتفهم البيع= لن منهن جلبن بسوق المزادي
يابيه انا لا اسمع جوابك ولا طيع=هرجك بمقلة ناظري والفوادي
ياسابقي مانرخصك بالمطاميع= حتمٍ ولو قيل ارفعه بالحدادي
ابغي الى ثار القضا بالزعازيع= وحطوا على عجلاتهن العدادي
بيوم يشيب من وحاه المراضيع= حدين حاديهن من الخوف حادي
انطح ورا ربعي وجيه المداريع=واقضي عليها دينهم والعيادي
وانشد عن افعاله بعاد المفازيع=هو هرجنا ذا كذب والا وكادي
من لابة بالحرب ماهم مطاويع=ولاتحسّب بالمداس العوادي
حلفت مايطري علينا بها البيع= للحشر مايفخت سواده سوادي
مادام راسي للرياح الذعاذيع=بالعون طالبها من الناس غادي
وديارنا حامينها بالمرابيع=واضدادنا عنها تجي بالحيادي
ألا ان بغاه الليث حنا مخاضيع=ولامره هو فوقه كما البدر بادي
هذاك انا وحداي لامره مطاويع= فرز الوغى صياد من لايصادي
حر يفدع بابرق الريش تفديع=ولا يفرس الا من كبار الثنادي
طير السعد يفرح قلوب المراضيع=تشتاق له معها وهو بالمهادي
يدرا وترجي من وراه المنافيع= الليث يرحي للعطايا الزيادي
اودع مصاعيب القبايل مراجيع=والخيل جاته من عمان تقادي
وصلوا عدد ماحيش مال ومابيع= على نبي للورى خير هادي
وهذه ايضا قالها رافضا بيع فرسه كروش
القلب مـن كثـر الهواجيـس قـزان = مايستريح من الدهر ربـع ساعـه
ياغافر الـزلات ياوالـي الأحسـان = تجعل من التقوى لنفسـي بضاعـه
أنـا علـى لانٍ وربعـي علـى لان = متخالفٍ رايي وراي الجماعـه
أنـا ولـد علـي سلايـل كحيـلان = الله خلقـنـي للسبـايـا وداعــه
ماني هتيمين يربـت علـى الضـان = ويعطي لطـلاب الجنايـا رتاعـه
أضرب على الكايد الا صرت بلشـان = عند الولي وصل الرشا لانقطاعـه
الناس ماترويك لا صـرت عطشـان = لاصار مافعل الفتـى فـي ذراعـه
عيبٍ على اللي ينثني عقب ما بـان = ويرضى بطمان النفس عقب أرتفاعه
أما نجيب عقـود حصنٍ ومرجـان = والا فهي لبليـس طـار بشعاعـه
وا طربة الدنيـا مـع الفجـر دخـان = وكرارةٍ بطراف خطو الصعاعه
وله هذه السامريه بالغزل
نــاح الحـمـام بعالـيـات المقـاصـيـر = واهل الهوى طربين مـا يسمعونـه
ذكرتنـي يـا الـورق لا ذكــرك خـيـر = غـرو كـمـا لــدن المـطـارق قـرونـه
عـلام مـا كـم ضـايـع يـاهـل الحـيـر = نـبــي نـعـدلـه كــــان ماتـعـدلـونـه
ما هي حميـة ساقنـي نيـة الخيـر = والشـرط مـا نبغيـه لـو تشرطـونـه
الا ان حصل راعي النهود المزابيـر = هــز ومــز وكـرعـة فــي سنـونـه
باكـر ضحـى العيـد لا طـقـوا الـزيـر = مـا عندهـم مــن غـالـي يلبسـونـه
انـــا وخـلــي فـرقـتـنـا الـمـقـاديـر = يا مـن خبـط بيديـه واعمـى عيونـه
يـا شاعقيـن النـار جـاكـم مسايـيـر = ضـو سناهـا يـجـذب الـلـي يجـونـه
يا مـال تفـاقٍ شفـوق علـى الطيـر = ومحـنـش مــن بـعــد ذا تـذكـرونـه
والا كما حر ما لـوى رجلـه السيـر = بالـوكـر طــلاب الـعـشـا يحـتـرونـه
يظهر عشيري كا لخلاصة من الكير = اعـيـذه بــرب الـنــاس لا ينحـتـونـه
تصبح عروق القلب عندي معاشيـر = ويزهر ثمـر قلبـي وتطـرخ غصونـه
هذه القصيدة يتذكر بها مجده ومجد قومه
نفسي تمنيني لرقي السنودي =من لابه توزي نفوسه على الكود
بحرابنا نرعى الحجر والنفودي =رغمٍ على الزعلان والخد ممدود
من فوق قحص كنهن الفهودي =وملبوسنا بظهورهن صنع داود
وبايماننا شغل العجم والهنودي =وشلف نرهمهن على ركبة العود
ومخيضنا دايم على الضد يودي =ونصبح على كبده مع الصبح بجرود
والضيف ليا جانا نرحب وزودي =ونحط له بالعسر من كل ماجود
مستارثينه من كرام الجدودي =طبع لنا من خلقة الحمد محمود
وأفعالنا عند العدالة شهودي =وقولٍ بلا فعل على الرجل منقود
كانت الفرس كروش ملكاً لإبن هادي شيخ قحطان اشتراها
منه الإمام فيصل بن تركي وأهداها للأمير عبيد العلي الرشيد
تعلق بها الأمير أيما تعلق كيف لا وهي من أعز أصائل الخيل
في شبة جزيرة العرب وهي هدية من صديقه المقرب "
ومن شدة اعتزازه بها قال
ما ذقت شي عنك يا طوعت الراس =لوهو من المطعوم شي قلايل
ولا درت من فرجك مثامين واكياس =اربع سنين فوق الأرباع حايل
باغ عليك ان فرعت كل مكياس =وذهلوا مصانيم الدروع الحلايل
انطح عليك وجيه شرابت الكاس =مع وجه مروين الغلب بالدبايل
حلفت ما تنصين حي من الناس =لابالثمن ولا برد الجمايل
وهم ويش لو كز المراسيل عباس=ماسلت عن راسٍ به الزوم طايل
ان ما بغى ماسلت عن باقي الناس =ولولا المعزة ما نزلنا بحايل
وحدث أن طالبه ابن هادي بحق المثنوي وهو أول بطن
تلده الفرس كروش هدية الإمام فيصل بن تركى وأرسل
هذه القصيدة موضحاً له بطلان حقوقه السابقة بالفـرس
كونها أتته هدية :
جانا جـوابك يا الشجاع ابن هادى=تقـول لك بكروش عندي مثاني
وكـروش جتني من نحاز المعادي=عـز العرب عند اختلاف الزماني
سلطان نجد حضرها والبوادي=محيى من الجـودة سمال المعـاني
ريف الضيـوف وتاج رأس السنادي=أنا وهى له إن بغاه أو بغاني
ريفٍ على غالى حلاله نفادي=عطـاه ما به يا ابن هادى مثـاني
هضيمة طلبتك مثاني جوادي =وأنا بكفي حبلها والعناني
ومخفرٍ من مرهفات الهنادي=وفعلي على الشدة يطاوع لساني
ثم الصلاة لمن بتلعة اجيادي=ينزل على قلبه حروف القرآنِ
جرت القصة هذه عندما كان عبيد الرشيد في طريقه للحج
بصحبة نفر على رأسهم أبنه حمود ولما دخل أطراف مكة
وبين طرقاتها فتح أحد الأبواب والا بفتاة جميلة المنظر تطل
من وراءه تسترق النظر للطريق لترى من يمر فرآها بنظره
فتحركت شاعريته وتحرك قلبه للصبا والجمال على الرغم
من نيته للحج.. وقال الأبيات التالية
يا حمود أنا عارضي شابي =طرد الهوى جزت أنا عنه
يا كــود وضــاح الأنيــــابي =هذاك مني وأنا منه
عسلوجة حشو الأثيــابي =وردوف للثوب شالنه
يا ما حلا جدع الأسـلابـي =وركاي سني على سنه
والزين لو هـو ورا البابي =لزمن عيوني يشوفنه
يا رب إغفر لمن تابي =العبد مطلوبه الجنه
وبهذا اختتم هذه الصفحه
راجياً ان تحوز رضاكم