النايفه
17-11-2005, 05:20 PM
الشاعر عبد الله بن عبد العزيز العليوي - رحمه الله
ولد في مدينة عنيزه عام 1373هـ
توفي يوم الخميس الموافق2/11/1424هـ
صدر له ديوان مطبوع جاء تحت عنوان (( بقايا شوق ))
ضم اكثر من 72 قصيده وقد طويت بموته صفحه تعتبر من
اهم الصفحات بتاريخ الشعر الحديث رحم الله الفقيد واليكم
من ديوانه هذه القصائد الجميله والجزء الثاني معها
ما جيت دربك
ما جيت دربك راضـي باختيـاري=لك خطوتي تنقاد لا عنـي ابطيـت
ابعد عن اللي لك يجيبـون طـاري=وان زارني طيفك لزولـك تمنيـت
لا انته بعيد ولا طفت منـك نـاري=فيك الامل لا هو بحـيٍ ولا ميـت
تخطي واقدم عن خطاك اعتـذاري=حتى خطاك انساه ما كنك اخطيـت
بين الرجا والياس طـال انتظـاري=واليأس رحمه يا شقى مـن توليـت
اعلنت بالفرقى عليـك انتصـاري=بالقلب اشوفك مثل غيرك تساويـت
قلبي لقى غيركم شخصٍ يهلي بـي=يشفق علي وأنا بالحيل مبلـي بـه
أرجوك لا تعتذر يكفيني اللي بـي=والله يسامحك منك العذر مالي بـه
من واهجٍ بالحشا شقيت أنا جيبـي=ومن لامني بالهوى يصلى لواهيبه
لولاك للنـاس مابانـت عذاريبـي=يا ما تجاهلت حبي وأنـت تدريبـه
يوم أنت مرتاح في همي وتعذيبـي=ماقلت لك يوم ... تفقدني وتبكي به
يازين ماشوف لك عندي مطاليبـي=حبيت غيرك وحبك ويش أسوي به
لو طال صبري يا هوى البال له حد=ماودي إنك توصل الصبـر حـده
رسمت لك شكواي والدمع يشهـد=عقبك خطير القلـب ينبـاح سـده
كيف أحتمل ياعزوتي عيشة الصد=أعطيك روحي والشقاء لـي تمـده
حاولت كتم الشوق والشوق يشتـد=أرحم رحمـك الله ترانـي بشـده
لا تجرح المشتاق في قاسي الـرد=قلبي عن الفرحـه معـك لا تلـده
قلبي معك والله ماخنت لـك عهـد=ليت الحنان اللي مضى لـي تـرده
عفت أنا الدنيا إلا جـار الصديـق=كل واحد صار بالشكـوى يضيـق
من يدور لـه بـذا الغابـه رفيـق=ينقضي عمـره ولا يلحـق منـاه
دمعتي تجري ولا أحـدٍ لـي بكـى=عندهم شكـواي ماتلقـى صـدى
ياوجيه الغدر ويـن أهـل النـدى=أبعدوا عنـي تـرا عفـت الحيـاة
كم انا مخدوع فيكـم مـن سنيـن=عشت أنا المظلوم وأنتـم ظالميـن
لـي خفاياكـم ورا تـوه تبـيـن=يوم دار الوقت وأظهـر لـي رداه
كنت أشارك في هموم الكـل منكـم=كم تمنيت أحمل الضيقـات عنكـم
لو دريت أن الوفاء وهـم بنظركـم=ماقضى عمري وأنا أزرع في صفاة
أ
نا عرفتك بالهـوى ألـف خـداع=وأنا بنظرات الوفاء منك مخـدوع
لا واحسايف عمري اللي معك ضاع=لا صار لك قلبٍ على الغدر مطبوع
تركتني وحدي على الدرب ملتـاع=أخذت عمري والعطاء منك ممنوع
تبي السموحه وأنت لي صرت بياع=وما زال قلبي من سواياك مفجـوع
يا ما نهيت القلب لاشك مـا طـاع=وأنا أشهد إني مابعد شفت لك نوع
ما نيب لا عذار تجي منك سمـاع=يكفين ماعشتـه بدنيـاك مخـدوع
ياللي تناسيـت العهـود الوثيقـة=ماعاش من قبلك بدنيـاه مرتـاح
لابد من يـومٍ وتلقـى الحقيقـة=تشوف لوعات الزمن كيف تجتاح
وتعود لي طيـرٍ مضيـع فريقـة=وأقول يا غدار عهد الوفـاء راح
تغيرت حتـى الوجيـه الصديقـة=والقلب الأبيض أصبح اليوم سفاح
يا ما تحملـت الجـروح العميقـة=والشوق بعيوني الا أقفيت فضاح
فيما مضى روحي بحبك غريقـة=مثل السفينة بالبحـر دون مـلاح
واليوم أنا قلبـي تغيـر طريقـة=مايرجع الماضي بالأعذار يا صاح
في خاطري عبرات هـمٍ وضيقـة=وشلون مات الحب في عز الأفراح
مابك رجاء ... من حبكم طابت النفس=ماشفت بك زودٍ علـى باقـي النـاس
جمالك الفتـان ماشفـت لـه جنـس=وش فايده ... ليتك بنيته على سـاس
قلبي عليك اليوم ماهوب مثـل أمـس=دور وتلقى اللي يشده لـك احسـاس
ليلـك طويـل ماتبينـت لـه شمـس=عمري قضى بين الرجاء فيك واليـاس
حاولت اجاهد عبرتي والخبـر همـس=اضحك واكذب مـن يقولـون لابـاس
متى ... تعاني لوعت الحـب وتحـس=في حالتي ... ولا أنت معدوم الاحساس
وين أنت يا مشكاي عيني مشقـاة=في حب خـلٍ دمعتـي يـوم عيـده
ودي بنسيانـه ونسيـان مـافـات=وابدا من أول فـي حيـاة جديـدة
وأقول ياقلب الشقـاء حبنـا مـات=ميـر الله أقـوى ذكرياتـه عنيـده
يخطي واسامح وأذرف الدمع بسكات=نفس الخطا فـي كـل يـوم يعيـده
أدري لقلبه في هوى الغير نوهـات=وما كل نفس تأخـذ اللـي تريـده
ما تبعد الغالين ... طول المسافـات=جسمي بعيدٍ عنـه والقلـب بيـده
من ليالـي زمانـي واثـقٍ ماهقيـت=تخلـف الظـن وتبـدل هنـاي بشقـا
ابتسم واحسب إنـك غافـلٍ مادريـت=والنـدم فـي عيونـي بيـن ماخفـا
يوم شافتك عيني في هـواك ابتليـت=ليتني ياعلـي ماشفـت ظبـي الشفـا
من زماني وحبـك والفـراق انتهيـت=هد حيلي غيابـك نـور عينـي طفـا
من جروحٍ بقلبـي صابـرٍ ماشكيـت=عن هوى الغير قلبي في هواك اكتفـا
في وداعك -حقيقة- غصب عني بكيت=كيف لابعدت عني وين ابى لقـى الوفـا
وتقبلوا كل التقدير
وسوف يتبعه جزء ثالث
ولد في مدينة عنيزه عام 1373هـ
توفي يوم الخميس الموافق2/11/1424هـ
صدر له ديوان مطبوع جاء تحت عنوان (( بقايا شوق ))
ضم اكثر من 72 قصيده وقد طويت بموته صفحه تعتبر من
اهم الصفحات بتاريخ الشعر الحديث رحم الله الفقيد واليكم
من ديوانه هذه القصائد الجميله والجزء الثاني معها
ما جيت دربك
ما جيت دربك راضـي باختيـاري=لك خطوتي تنقاد لا عنـي ابطيـت
ابعد عن اللي لك يجيبـون طـاري=وان زارني طيفك لزولـك تمنيـت
لا انته بعيد ولا طفت منـك نـاري=فيك الامل لا هو بحـيٍ ولا ميـت
تخطي واقدم عن خطاك اعتـذاري=حتى خطاك انساه ما كنك اخطيـت
بين الرجا والياس طـال انتظـاري=واليأس رحمه يا شقى مـن توليـت
اعلنت بالفرقى عليـك انتصـاري=بالقلب اشوفك مثل غيرك تساويـت
قلبي لقى غيركم شخصٍ يهلي بـي=يشفق علي وأنا بالحيل مبلـي بـه
أرجوك لا تعتذر يكفيني اللي بـي=والله يسامحك منك العذر مالي بـه
من واهجٍ بالحشا شقيت أنا جيبـي=ومن لامني بالهوى يصلى لواهيبه
لولاك للنـاس مابانـت عذاريبـي=يا ما تجاهلت حبي وأنـت تدريبـه
يوم أنت مرتاح في همي وتعذيبـي=ماقلت لك يوم ... تفقدني وتبكي به
يازين ماشوف لك عندي مطاليبـي=حبيت غيرك وحبك ويش أسوي به
لو طال صبري يا هوى البال له حد=ماودي إنك توصل الصبـر حـده
رسمت لك شكواي والدمع يشهـد=عقبك خطير القلـب ينبـاح سـده
كيف أحتمل ياعزوتي عيشة الصد=أعطيك روحي والشقاء لـي تمـده
حاولت كتم الشوق والشوق يشتـد=أرحم رحمـك الله ترانـي بشـده
لا تجرح المشتاق في قاسي الـرد=قلبي عن الفرحـه معـك لا تلـده
قلبي معك والله ماخنت لـك عهـد=ليت الحنان اللي مضى لـي تـرده
عفت أنا الدنيا إلا جـار الصديـق=كل واحد صار بالشكـوى يضيـق
من يدور لـه بـذا الغابـه رفيـق=ينقضي عمـره ولا يلحـق منـاه
دمعتي تجري ولا أحـدٍ لـي بكـى=عندهم شكـواي ماتلقـى صـدى
ياوجيه الغدر ويـن أهـل النـدى=أبعدوا عنـي تـرا عفـت الحيـاة
كم انا مخدوع فيكـم مـن سنيـن=عشت أنا المظلوم وأنتـم ظالميـن
لـي خفاياكـم ورا تـوه تبـيـن=يوم دار الوقت وأظهـر لـي رداه
كنت أشارك في هموم الكـل منكـم=كم تمنيت أحمل الضيقـات عنكـم
لو دريت أن الوفاء وهـم بنظركـم=ماقضى عمري وأنا أزرع في صفاة
أ
نا عرفتك بالهـوى ألـف خـداع=وأنا بنظرات الوفاء منك مخـدوع
لا واحسايف عمري اللي معك ضاع=لا صار لك قلبٍ على الغدر مطبوع
تركتني وحدي على الدرب ملتـاع=أخذت عمري والعطاء منك ممنوع
تبي السموحه وأنت لي صرت بياع=وما زال قلبي من سواياك مفجـوع
يا ما نهيت القلب لاشك مـا طـاع=وأنا أشهد إني مابعد شفت لك نوع
ما نيب لا عذار تجي منك سمـاع=يكفين ماعشتـه بدنيـاك مخـدوع
ياللي تناسيـت العهـود الوثيقـة=ماعاش من قبلك بدنيـاه مرتـاح
لابد من يـومٍ وتلقـى الحقيقـة=تشوف لوعات الزمن كيف تجتاح
وتعود لي طيـرٍ مضيـع فريقـة=وأقول يا غدار عهد الوفـاء راح
تغيرت حتـى الوجيـه الصديقـة=والقلب الأبيض أصبح اليوم سفاح
يا ما تحملـت الجـروح العميقـة=والشوق بعيوني الا أقفيت فضاح
فيما مضى روحي بحبك غريقـة=مثل السفينة بالبحـر دون مـلاح
واليوم أنا قلبـي تغيـر طريقـة=مايرجع الماضي بالأعذار يا صاح
في خاطري عبرات هـمٍ وضيقـة=وشلون مات الحب في عز الأفراح
مابك رجاء ... من حبكم طابت النفس=ماشفت بك زودٍ علـى باقـي النـاس
جمالك الفتـان ماشفـت لـه جنـس=وش فايده ... ليتك بنيته على سـاس
قلبي عليك اليوم ماهوب مثـل أمـس=دور وتلقى اللي يشده لـك احسـاس
ليلـك طويـل ماتبينـت لـه شمـس=عمري قضى بين الرجاء فيك واليـاس
حاولت اجاهد عبرتي والخبـر همـس=اضحك واكذب مـن يقولـون لابـاس
متى ... تعاني لوعت الحـب وتحـس=في حالتي ... ولا أنت معدوم الاحساس
وين أنت يا مشكاي عيني مشقـاة=في حب خـلٍ دمعتـي يـوم عيـده
ودي بنسيانـه ونسيـان مـافـات=وابدا من أول فـي حيـاة جديـدة
وأقول ياقلب الشقـاء حبنـا مـات=ميـر الله أقـوى ذكرياتـه عنيـده
يخطي واسامح وأذرف الدمع بسكات=نفس الخطا فـي كـل يـوم يعيـده
أدري لقلبه في هوى الغير نوهـات=وما كل نفس تأخـذ اللـي تريـده
ما تبعد الغالين ... طول المسافـات=جسمي بعيدٍ عنـه والقلـب بيـده
من ليالـي زمانـي واثـقٍ ماهقيـت=تخلـف الظـن وتبـدل هنـاي بشقـا
ابتسم واحسب إنـك غافـلٍ مادريـت=والنـدم فـي عيونـي بيـن ماخفـا
يوم شافتك عيني في هـواك ابتليـت=ليتني ياعلـي ماشفـت ظبـي الشفـا
من زماني وحبـك والفـراق انتهيـت=هد حيلي غيابـك نـور عينـي طفـا
من جروحٍ بقلبـي صابـرٍ ماشكيـت=عن هوى الغير قلبي في هواك اكتفـا
في وداعك -حقيقة- غصب عني بكيت=كيف لابعدت عني وين ابى لقـى الوفـا
وتقبلوا كل التقدير
وسوف يتبعه جزء ثالث