اليوم زان القاف

[محمد الجويسري]

اليوم زان القاف أبكتب على الكيف =وأبعطى الشعار كل ونصيبه

شاعر حكيم وعاقلن بالمواقــيف =رزين رائى ولا تجــيه الغلــيبه

شاعر كريم ولا يحسب التكاليف=يمناه تعطى ما تحسب الضريبه

شاعر شجاع ومروين للمراهيف=عقيد قوم وعصبــته تــعتزيبــه

واللى بقى شعار فيهم تخاريف=. مثل البقر أتعيش وسط الزريـبه


مــــــحــــــــــمـــــد الجــــــويـــــســــــرى

[معيض الفهيدي]

ياسلام ياسلام
صح لسانك يالجويسري

[فالح الفقيعي]

الجويسري صح السانك
ومدامك تبي تعطي الشعار كل ونصيبه اخذ نصيبك مني بعد
وابشر بالرد

[الأصيل]

مشكووووور الأخ الجويسرى .

[محمد الجويسري]

الفهيدى - الفقيعى -أصيل
على المرور ولكم منى كل محبه وأحترام

[حمود ابو عوينة]

صح السانك ولكن ما كان فيه داعي
اخوك حمود العازمي

[خالد ناصر المفرج]

واللى بقى شعار فيهم تخاريف.... . مثل البقر أتعيش وسط الزريبه

ههههههههههههه
لوني شاعر جان زعلت مير اشوا ماني شاعر :)

ابيات جميله يالجويسري بس لاتعطيها حد الدعسه

[بندر الزامل]

الحمد لله ماني شاعر

والا صرت في الزريبه

عموما صح لسانك

[خالد بن حطاب]

محمد الجويسري
صح لسانك
ولاهنت

قصيده تعبر عن رأيك
ورأيك له كل احترام وتقدير
ألا ان اختيار المعاني الجيده تعبر عن الشاعر الجيد
والعكس صحيح

وبالنسه للاخ الصامل اللذي قال :
الحمد لله ماني شاعر
والا صرت في الزريبه

========

اتمنى منك ان تقرأ القصيده بشكل جيد
فالاخ محمد الجويسري لم يقصد الشعراء كلهم بشكل العموم
بل قسمهم إلى اقسام محدده حسب رأيه

وهم كالتالي :

1 - شاعر حكيم وعاقلن بالمواقيف .... رزين رائى ولا تجيـه الغليبـه

2 - شاعر كريم ولا يحسب التكاليف.... يمناه تعطى ما تحسب الضريبه

3 - شاعر شجاع ومروين للمراهيف.... عقيد قوم وعصبتـه تعتزيبـه

4 - واللى بقى شعار فيهم تخاريف.... . مثل البقر أتعيش وسط الزريبه


وانت حمد الله انك لست شاعر وإلا لكنت في الزريبه
هذا رأيك في نفسك لو كنت شاعر
فلا تعمم نظرتك على غيرك
بارك الله فيك


للجميع
الاحترام والتقدير والتحيه

[محمد الجويسري]

حمودبوعوينه وضايق الصدر والصامل وخالد بن حطاب على الاطراء
ولكم منى كل محبه واحترام

[ابراهيم سعيد]

يعطيك العافيه يا شاعرنا

محمد الجويسري

صح لسانك وعلى شانك

ولك تحيه

:::::::::::::