سالم العرجاني
22-02-2006, 04:57 AM
هذه قصيده نادره
علها ان تحوز رضاكم
حنت وقالت ماضيـات القصيـدي=تبغى هل القيفـان تكتبهـا أشعـار
وش عاد ينفع يالغـزال الفريـدي=ولا تحسب الوقت يرجـع وينـدار
يوم إنهـا سهـود ومهـود بيـدي=وانته تكابر في رجى ذيـك الأدوار
واليـوم آسـف يامـلا يالبعيـدي=مافات مـات ولا يفيـدن الأعـذار
ريمن بريـم ن والمعـادن نريـدي=ومن عاف خلانه فلا فيـه تعبـار
وهذي صروف الوقت مابه جديدي=ياما على الديران خلت هـل الكـار
واللي تبي يا صاح مـاضٍ تليـدي=والحـر هقواتـه بعيـدات وكبـار
وسحاب شعري لأمطرن بالقصيدي=بالفيض أجوالن غناديـر وأبكـار
مزنن دهيـم ن مدلهـم ن ركيـدي=ترهش متونه لابرق صـف محـار
نون تراكب وارتكب مـن بعيـدي=معتم جنوبه فـي ثنايـاه الأخطـار
متواليـن متشابكـن لـه هديـدي=ويسوقه الغربي على غب الأمطـار
رزيـز نـوه متصـل بالرعيـدي=يهتـز منـه كـل خايـن وخـوار
شوفه يهولك والصبى لـه حديـدي=تركده لين إرتكـز كنـه إعصـار
وإنصب وبل ٍ بالسهل لـه خديـدي=سيل ن عرمرم منهمر سيل جـرار
مع كل شعب ٍ حادرن لـه زبيـدي=لين إمتلت منه الخباري والأغـدار
وربع شعيبه والسهـل والزبيـدي=بركيانهـا متفتقـن بيـن الأزبـار
بأبيات شعر ن موجتـه بالوريـدي=ترسم على قلبـي تعابيـر وأفكـار
سهل عفيـف وبالمعانـي أكيـدي=وأسري بقيفانه على ضوء الأقمـار
بدروب هاجوسي وهمـي وحيـدي=أسير باشعاري على كيف ماصـار
وأنوح نوح الورق بيـن الجريـدي=على زمانن فات له بالحشـى نـار
والعمر فانـي والمصابـر كويـدي=على المراجل يابعيديـن الأنضـار
ولايغرين بالقـاف قـدن وجيـدي=وشوف الغواني حايراتن على الدار
والشعر لوعه واختصـاره مفيـدي=وننقاله الطيب كما نقـي الأثمـار
وعدي أنا ماجـف فيـه المزيـدي=لكن نحسب إحسابها قبـل الأدبـار
والقصد واضـح يامـلا للمريـدي=لاتركي الصابر على الكف محتـار
هاجر وودعنـي ودمعـه بديـدي=من فوق صفحات الورق يطلب الثار
وروح وقفى وانتهى من رصيـدي=وأتلا خبرنا فيـه يذكـر بالأخبـار
وشـئ تركتـه للالـه المجيـدي=ماعاد نرجع لـه ولا عـاد ننـدار
والحمـدلله عاضنـي بالمـريـدي=فكاك خلقه من صواريـف الأقـدار
ريم ن غنوج ن من ربوعي مصيدي=الجـادل اللـي بالمواثيـق مابـار
اللي لهـا بالقلـب حـب وقيـدي=على النقى مبناه في عال الأوكـار
وبالروح مرتاعه ولاهـو لهيـدي=وللجول قايد في مراتيـع الأقفـار
بين النفل هو والخزامـى مديـدي=زملوق نويره كسى كـل الأزهـار
وبإختامها منـي لخلـن سديـدي=بالراي والهقوات طـاروق تذكـار
تحياتي
علها ان تحوز رضاكم
حنت وقالت ماضيـات القصيـدي=تبغى هل القيفـان تكتبهـا أشعـار
وش عاد ينفع يالغـزال الفريـدي=ولا تحسب الوقت يرجـع وينـدار
يوم إنهـا سهـود ومهـود بيـدي=وانته تكابر في رجى ذيـك الأدوار
واليـوم آسـف يامـلا يالبعيـدي=مافات مـات ولا يفيـدن الأعـذار
ريمن بريـم ن والمعـادن نريـدي=ومن عاف خلانه فلا فيـه تعبـار
وهذي صروف الوقت مابه جديدي=ياما على الديران خلت هـل الكـار
واللي تبي يا صاح مـاضٍ تليـدي=والحـر هقواتـه بعيـدات وكبـار
وسحاب شعري لأمطرن بالقصيدي=بالفيض أجوالن غناديـر وأبكـار
مزنن دهيـم ن مدلهـم ن ركيـدي=ترهش متونه لابرق صـف محـار
نون تراكب وارتكب مـن بعيـدي=معتم جنوبه فـي ثنايـاه الأخطـار
متواليـن متشابكـن لـه هديـدي=ويسوقه الغربي على غب الأمطـار
رزيـز نـوه متصـل بالرعيـدي=يهتـز منـه كـل خايـن وخـوار
شوفه يهولك والصبى لـه حديـدي=تركده لين إرتكـز كنـه إعصـار
وإنصب وبل ٍ بالسهل لـه خديـدي=سيل ن عرمرم منهمر سيل جـرار
مع كل شعب ٍ حادرن لـه زبيـدي=لين إمتلت منه الخباري والأغـدار
وربع شعيبه والسهـل والزبيـدي=بركيانهـا متفتقـن بيـن الأزبـار
بأبيات شعر ن موجتـه بالوريـدي=ترسم على قلبـي تعابيـر وأفكـار
سهل عفيـف وبالمعانـي أكيـدي=وأسري بقيفانه على ضوء الأقمـار
بدروب هاجوسي وهمـي وحيـدي=أسير باشعاري على كيف ماصـار
وأنوح نوح الورق بيـن الجريـدي=على زمانن فات له بالحشـى نـار
والعمر فانـي والمصابـر كويـدي=على المراجل يابعيديـن الأنضـار
ولايغرين بالقـاف قـدن وجيـدي=وشوف الغواني حايراتن على الدار
والشعر لوعه واختصـاره مفيـدي=وننقاله الطيب كما نقـي الأثمـار
وعدي أنا ماجـف فيـه المزيـدي=لكن نحسب إحسابها قبـل الأدبـار
والقصد واضـح يامـلا للمريـدي=لاتركي الصابر على الكف محتـار
هاجر وودعنـي ودمعـه بديـدي=من فوق صفحات الورق يطلب الثار
وروح وقفى وانتهى من رصيـدي=وأتلا خبرنا فيـه يذكـر بالأخبـار
وشـئ تركتـه للالـه المجيـدي=ماعاد نرجع لـه ولا عـاد ننـدار
والحمـدلله عاضنـي بالمـريـدي=فكاك خلقه من صواريـف الأقـدار
ريم ن غنوج ن من ربوعي مصيدي=الجـادل اللـي بالمواثيـق مابـار
اللي لهـا بالقلـب حـب وقيـدي=على النقى مبناه في عال الأوكـار
وبالروح مرتاعه ولاهـو لهيـدي=وللجول قايد في مراتيـع الأقفـار
بين النفل هو والخزامـى مديـدي=زملوق نويره كسى كـل الأزهـار
وبإختامها منـي لخلـن سديـدي=بالراي والهقوات طـاروق تذكـار
تحياتي