زايد الجبلي
24-06-2011, 11:01 PM
مساجله بين عمالقه من عمالقة الشعرالنبطي
الشاعر نجر فيصل العتيبي وصديقه الشاعر الكبير متعب مطيع الديري الحربي
معاني جزله وقيمه للمتذوق الحقيقي في زمن قل فيه ما نسمع مثل هذه القصايد
قصيدة نجر فيصل العتيبي
نفسي تبعدني عن الشك وإحمـاه=والشك في بعض المواقف جبرهـا
ان خصنا مكتوب الاجـواد نقـراه=والعوج من بعض الرجال إنهجرها
ومتعب اليا شـان الدهـر ما تعـداه=من دوحةٍ خضرا يـذري شجرهـا
ومتعب يعرف اسلوم دينه ودنيـاه=ويمناه لو تسـرق سريقـه بترهـا
ابى اشتكي له وادفق الحـوض وامـلاه=واختار من زين المعاني ادررهـا
يابوفهد يا كبرها الـيـوم كـبــراه=دعواًتحز بخـاطـري مـن قـدرهـا
رفيقك المخلص وصل صبره اقصاه=والسالفه مهيـب منـك معبرهـا
رميـة قفا مـن واحـداً ما رمينـاه=شلفاه في قلبـي وهـو ما شهرهـا
ما شفت له صوره وصوته سمعناه=وبين حروف من البيوت وقبرهـا
وانته معه باول كلامـه و بأتـلاه=دفن رسـومً بينـه واختصرهـا
واسألك باللي كـون الخلق واحيـاه=عطني خبرها كان عنـدك خبرهـا
تشابهت لـي مـع طريـقٍ عبرنـاه=وحطت سهيل وطلعته فـي نحرهـا
والرجل طيب والهـدف ما عرفنـاه=والسرعنـده والقفـول بضررهـا
يطـق وينجـم ويخفـي خفايـاه=يكوي بنـاره والدمـى ما نثرهـا
ان كان يقصدنا سمـح عنـه مـولاه=فيضة زعل من عاقـلٍ ما قهرهـا
وان كـان يقصد غيرنا ما أعترضنـاه=نبا نخـلي القافلـه فـي سفـرهـا
وسلـم عليـه وبلغـه لا عدمنـاه=عزيز لو عينـه ورانــا نظـرهـا
و قل له نجر ياخـذ كتابـه بيمنـاه=والميتة ما يحتفـظ فـي صورهـا
وليا بغى الطرقـه بعيد(ن)معشـاه=و أليا أنكشف عورات غيره سترهـا
والرجل ودك تنطحـه قـدم تقفـاه=وجهٍ بوجه ولا تقصـص جررهـا
اما أعترف واركز مقامك علـى مـاه=واشرب براسك لين يابس بحرهـا
وألا نفـى وابعد محطـك ومـرسـاه=لا تنشـده عـن قصةٍ ما نشـرهـا
وبليس بين الناس يشعب مطايـاه=فارقتـه الجنـه وفـارق ثمرهـا
نـاسً تعوذ مـن جنابـه وتجفـاه=وناس تقـاود للخبيـث ودمرهـا
وانـتـه وانا يا بوفهد ما تبـعـنـاه=الله يعدينـا الجحيـم وخطـرهـا
واللي على ربعه يوريـك حمـراه=وان شاف زلة جاهـلٍ ما طمرهـا
هذا ومثلـه يسعد القلـب فـرقـاه=جعلـه يطيـح بحفـرةٍ ما حفرهـا
جاك ا لصحيح وزبدة العلم عطنـاه=من موجزالاخبار والـي حضرهـا
وعسى العلوم الطيبـه والمفاجـاه=نورٍ على نـوراً يـزود سفرهـا
رد متعب مطيع الديري الحربي
نجر جحيـم الشـك بالشـك تصـلاه=تفيحـت عنـده وعجـز يحكـرهـا
وهوجس ونصاني كتابـه وشكـواه=وابرم ارشاه يليـن ركبـت وعرهـا
وفيهـا مقابيـس الفتايـل معـبـاه=وفيهـا صلابيـخٍ تقـادح شررهـا
وفيهـا اقفـولٍ والمفاتيـح مخفـاه=وفيها وبـر ما هـو مجانـس وبرهـا
سايف بهـا عنـي وعنـده مــراواه=واقفا بهـا واقبـل بهـا واعتبرهـا
ولاني بداري صاحبي نجر وش جاه=يضمرامـورً ضامـري ما ضمـرهـا
وانا حشا ما أرضى الهزيعـه للشـرواه=ومسؤل عن كسرالعصى من كسرهـا
يا نجر انا حساس والميـل مرضـاه=لا لـك ولا ليـه وانـا منـك ورهـا
والشك وش جابه ومن جاب طريـاه=ومن صف ليحان الشـداد و وسرهـا
وراع الرساله صاحبي نجر ما أطـراه=ولا جاب لي يا نجر سيـرةٍ سيرهـا
والغيب في وجيـه االمسافير ما اقـراه=ولا نشـر رسالـة واحدٍ ما نشـرهـا
ولالي لزوم ادخل يدي وسط مخبـاه=ولا بـادره فـي سالفـه ما بـدرهـا
وطقـه وتنجيمـه ونـاره ومكـواه=ما يمـه بيمـك ولا أنــت بـدورهـا
شاعر و له يا طيب العـرف مغـزاه=ولا أخطيـت حتـى رميتـه تنتظرهـا
وان كان به دعـوى عليـه مخفـاه=يشرب عصير الحنظله من عصرهـا
تبيني اوصـف لـك محلـه وتنصـاه=و ترد العـدود الـلي قـراحٍ مطرهـا
ويبرا الفواد اللي طنا الشـك يشعـاه=بنارالهجـوس الموجعـات وقشرهـا
هذا وعطتـي رايـك الـلي تـوراه=ولـك الخيـار ابوردها وبصـدرهـا
ولا تحط للموضوع صـره وجمهـاه=يا نجر بالمسرى تجّـلـيٍ قـمـرهـا
يانجر خـل الشـك لأهـل المحـابـاه=الـلي تولـع نـاره فـي اغتـرهـا
ولا تستمـع لهـروج فتـاح الافـواه=الـلي بتخميـش الاضافـر ضفرهـا
يشنون ذيك وذيـك تبقـى مخبـاه=ويعمون عميـان البصايـر بصرهـا
خلك معـي يامعـرب الجـد والجـاه=مـا ودي الرفقـه هذيـك تخسرهـا
تراك عنـدي لـك معـزه وملجـاه=وعنـدك خبـر برهانها وتخبـرهـا
ومن طاوع الشيطان خلـه ابمسـراه=عسى مطر سحبه تيبـس خضرهـا
خلـه لعلـه هفـت مقيـط وارشـاه=ان ساوقـة مطيتـه وان عقـرهـا
لا تعترض دربـه ولا تتبـع ارضـاه=وارجم ابليس بسبعةٍ مـن حجرهـا
وسبعه معي وارجم بها ابليس وارداه=واقرا َايـةً كـل الجنـون تحشرهـا
اقرا له الكرسي على ابليس واعصاه=والنفس عن بعض الامور نعسرهـا
وبعت وشريت وشرت والطيب ادراه=واشوم وشيمة صاحبـي ما غدرهـا
الشاعر نجر فيصل العتيبي وصديقه الشاعر الكبير متعب مطيع الديري الحربي
معاني جزله وقيمه للمتذوق الحقيقي في زمن قل فيه ما نسمع مثل هذه القصايد
قصيدة نجر فيصل العتيبي
نفسي تبعدني عن الشك وإحمـاه=والشك في بعض المواقف جبرهـا
ان خصنا مكتوب الاجـواد نقـراه=والعوج من بعض الرجال إنهجرها
ومتعب اليا شـان الدهـر ما تعـداه=من دوحةٍ خضرا يـذري شجرهـا
ومتعب يعرف اسلوم دينه ودنيـاه=ويمناه لو تسـرق سريقـه بترهـا
ابى اشتكي له وادفق الحـوض وامـلاه=واختار من زين المعاني ادررهـا
يابوفهد يا كبرها الـيـوم كـبــراه=دعواًتحز بخـاطـري مـن قـدرهـا
رفيقك المخلص وصل صبره اقصاه=والسالفه مهيـب منـك معبرهـا
رميـة قفا مـن واحـداً ما رمينـاه=شلفاه في قلبـي وهـو ما شهرهـا
ما شفت له صوره وصوته سمعناه=وبين حروف من البيوت وقبرهـا
وانته معه باول كلامـه و بأتـلاه=دفن رسـومً بينـه واختصرهـا
واسألك باللي كـون الخلق واحيـاه=عطني خبرها كان عنـدك خبرهـا
تشابهت لـي مـع طريـقٍ عبرنـاه=وحطت سهيل وطلعته فـي نحرهـا
والرجل طيب والهـدف ما عرفنـاه=والسرعنـده والقفـول بضررهـا
يطـق وينجـم ويخفـي خفايـاه=يكوي بنـاره والدمـى ما نثرهـا
ان كان يقصدنا سمـح عنـه مـولاه=فيضة زعل من عاقـلٍ ما قهرهـا
وان كـان يقصد غيرنا ما أعترضنـاه=نبا نخـلي القافلـه فـي سفـرهـا
وسلـم عليـه وبلغـه لا عدمنـاه=عزيز لو عينـه ورانــا نظـرهـا
و قل له نجر ياخـذ كتابـه بيمنـاه=والميتة ما يحتفـظ فـي صورهـا
وليا بغى الطرقـه بعيد(ن)معشـاه=و أليا أنكشف عورات غيره سترهـا
والرجل ودك تنطحـه قـدم تقفـاه=وجهٍ بوجه ولا تقصـص جررهـا
اما أعترف واركز مقامك علـى مـاه=واشرب براسك لين يابس بحرهـا
وألا نفـى وابعد محطـك ومـرسـاه=لا تنشـده عـن قصةٍ ما نشـرهـا
وبليس بين الناس يشعب مطايـاه=فارقتـه الجنـه وفـارق ثمرهـا
نـاسً تعوذ مـن جنابـه وتجفـاه=وناس تقـاود للخبيـث ودمرهـا
وانـتـه وانا يا بوفهد ما تبـعـنـاه=الله يعدينـا الجحيـم وخطـرهـا
واللي على ربعه يوريـك حمـراه=وان شاف زلة جاهـلٍ ما طمرهـا
هذا ومثلـه يسعد القلـب فـرقـاه=جعلـه يطيـح بحفـرةٍ ما حفرهـا
جاك ا لصحيح وزبدة العلم عطنـاه=من موجزالاخبار والـي حضرهـا
وعسى العلوم الطيبـه والمفاجـاه=نورٍ على نـوراً يـزود سفرهـا
رد متعب مطيع الديري الحربي
نجر جحيـم الشـك بالشـك تصـلاه=تفيحـت عنـده وعجـز يحكـرهـا
وهوجس ونصاني كتابـه وشكـواه=وابرم ارشاه يليـن ركبـت وعرهـا
وفيهـا مقابيـس الفتايـل معـبـاه=وفيهـا صلابيـخٍ تقـادح شررهـا
وفيهـا اقفـولٍ والمفاتيـح مخفـاه=وفيها وبـر ما هـو مجانـس وبرهـا
سايف بهـا عنـي وعنـده مــراواه=واقفا بهـا واقبـل بهـا واعتبرهـا
ولاني بداري صاحبي نجر وش جاه=يضمرامـورً ضامـري ما ضمـرهـا
وانا حشا ما أرضى الهزيعـه للشـرواه=ومسؤل عن كسرالعصى من كسرهـا
يا نجر انا حساس والميـل مرضـاه=لا لـك ولا ليـه وانـا منـك ورهـا
والشك وش جابه ومن جاب طريـاه=ومن صف ليحان الشـداد و وسرهـا
وراع الرساله صاحبي نجر ما أطـراه=ولا جاب لي يا نجر سيـرةٍ سيرهـا
والغيب في وجيـه االمسافير ما اقـراه=ولا نشـر رسالـة واحدٍ ما نشـرهـا
ولالي لزوم ادخل يدي وسط مخبـاه=ولا بـادره فـي سالفـه ما بـدرهـا
وطقـه وتنجيمـه ونـاره ومكـواه=ما يمـه بيمـك ولا أنــت بـدورهـا
شاعر و له يا طيب العـرف مغـزاه=ولا أخطيـت حتـى رميتـه تنتظرهـا
وان كان به دعـوى عليـه مخفـاه=يشرب عصير الحنظله من عصرهـا
تبيني اوصـف لـك محلـه وتنصـاه=و ترد العـدود الـلي قـراحٍ مطرهـا
ويبرا الفواد اللي طنا الشـك يشعـاه=بنارالهجـوس الموجعـات وقشرهـا
هذا وعطتـي رايـك الـلي تـوراه=ولـك الخيـار ابوردها وبصـدرهـا
ولا تحط للموضوع صـره وجمهـاه=يا نجر بالمسرى تجّـلـيٍ قـمـرهـا
يانجر خـل الشـك لأهـل المحـابـاه=الـلي تولـع نـاره فـي اغتـرهـا
ولا تستمـع لهـروج فتـاح الافـواه=الـلي بتخميـش الاضافـر ضفرهـا
يشنون ذيك وذيـك تبقـى مخبـاه=ويعمون عميـان البصايـر بصرهـا
خلك معـي يامعـرب الجـد والجـاه=مـا ودي الرفقـه هذيـك تخسرهـا
تراك عنـدي لـك معـزه وملجـاه=وعنـدك خبـر برهانها وتخبـرهـا
ومن طاوع الشيطان خلـه ابمسـراه=عسى مطر سحبه تيبـس خضرهـا
خلـه لعلـه هفـت مقيـط وارشـاه=ان ساوقـة مطيتـه وان عقـرهـا
لا تعترض دربـه ولا تتبـع ارضـاه=وارجم ابليس بسبعةٍ مـن حجرهـا
وسبعه معي وارجم بها ابليس وارداه=واقرا َايـةً كـل الجنـون تحشرهـا
اقرا له الكرسي على ابليس واعصاه=والنفس عن بعض الامور نعسرهـا
وبعت وشريت وشرت والطيب ادراه=واشوم وشيمة صاحبـي ما غدرهـا