محمد بن عمار
01-06-2011, 02:18 AM
محاورة فكاهية مع الشعراء / محمد بن عمار، الطائر المهاجر، فلاح الزهراني ، منصور المري .. وأتحدى واحد يقراها وما يضحك طول اليوم / ههههههههه
محمد بن عمار
معي فرتن احمر مدبرن بالصدأ مرشوق = موديل اربع وخمسين ضايعتن اوراقه
ابي من يخاويني بعفشه على الصندوق = ويرفق بصك الباب .. مكسورة الطاقة
بننحر به الصمان لأهل الغنم والنوق = ونترك ربوعن . في ردى الهرج نقّاقه
وقرص الجمر نآكل ونشرب عليه اغبوق = نفل الحجاج وخالق الطير رزاقه
واشوف الذي منها ستار الحشا مشقوق = نتمم فرحنا .. والمهر ندفع سياقه
ونهدي عربها بالتمر قلّتن واعذوق = وهيل ٍ يعشعش في قفا راس من ذاقه
الطائر= المهاجر
ابلحقك بالسيكل ولو مشيتي برفوق = وابسبقك قبل الفجر ما يعلن اشراقه
لأني اعرف انك تغديت بالمرقوق = الينه تفخ بطنك وتشكي من شهاقه
وبنصح من استناك لوكان لك معشوق = يدور بدالك فانت قدر وطرباقه
فمن شاف وجهك شاف جربوع فيه شقوق = دعسه التريلا قبل ياصل لْنطّاقه
وانا اللي وسيم من نظر له يشوف بروق = اصيد الأسد وابدا بحمسه واحراقه
جهازي ثمين آقدمه للظبي بشفوق = خلاخل وسمبوسه ولو كانت رقاقه
واخليك في الصمان ماتهتني بالسوق = سبقتك وخذت الظبي لو كنت تشتاقه
منصور= المري
اذا صوت ابن عمار يسمع بكل اطروق =يبي فزعة العربان من بُعد واشناقه
يبي اللي يساير موتره لاوطا الساروق = يخاف الرمل ويعود مشيه على ساقه
فانا جاهزٍ له بالسفر ناصل المعشوق = على اللي مع اللجه شغلها على الطاقه
نشيله ونشيل اللي معه لو بدون اسبوق = ونشيل المسمى للصلوات وارفاقه
ونشيل المواتر والسياكل مع المطبوق = ونشيل الحبيب وراية النصر خفاقه
ومعنا المضاد اللي على المعتدي ساحوق = ومعنا الموجَه ناره بحيل حراقه
انخوف به اللي ثوبه من اسفله مشقوق = شجاع على الادنى وهو باللقاء ناقه
فلاح = الزهراني
علامك يابن عمار صوتك تقل مخنوق = تعزْم العرب وتجي تناظر من الطاقه
على موترك شديت حملي وانا مشفوق =وراكب في الصندوق ماشفت سواقه
لقيت المهاجرعند موترك شايل بوق = يقول الحقونا بيننا افكار منساقه
وعاينت وجهه شفت وجهه تقل برقوق = وبشته مطوى في يده والهوى شاقه
معه سيكل مكسر وشايل معه صندوق = وشايل كلاشنكوف ماحلى تمنطاقه
تحيرت بالمخطي ومنهوالذي محقوق = وجاريتكم في ليل مابين افاقه
وعاينت بالصمان ماشفت لي مخلوق = ولا شفت غير العيس والشمس حراقه
محمد بن عمار = ( للطائر)
وش الراي في عودن يهاجم بدون حقوق = جميع الخلايق تشتكي .. لذعة اشداقه
يحارش جميع الناس ماخص له مخلوق = لسانه كما الرشاش .. في لحظة اطلاقه
معه سيكلن موذي به الخلق ذا المطفوق = عطوني إذا أحدن سيكله في الرمل ساقه
بزعمه باصدّ ق روحته زاير أم صفوق = يكد الشعر.. والكوت .. في جيبه مشاقه
روى لي حكايتها عقب ما كل الخازوق = وحلف . حلف مايدخل .. مع اثنين عشاقه
لقاها عجوزن . في الثمانين مدري فوق = عليها من الخلقان ... طولينن ... وطاقة
وتلاوين كشرتها .. من الديرم المدقوق = وفلقة جبينن ... تشبه ... لطار . طقاقه
وريحة عطورن تحرق العين هي والموق = وصوتن مثل صوت الجحش لحظة نهاقه
عقب ماتواست وانكشف راسها المحلوق = تمدد .. طريحن وانثنت ... عقبها ساقه
فلاح = الزهراني
تبي الراي يامحمد في الطائر المرهوق = ورميك يشابه رميته او يكن فاقه
انا خابرالطائر في المزح مابه بوق = يحب الفكاهه ماتخبى في انفاقه
يجاري القوافي بين روعاتها وطروق = وماظن شايل للردى شي باعماقه
يسوق الحطيئيات لاهل المعاني سوق = ولاصاد حصني جود العود بخناقه
ومادام جاك بسيكله مختبي بالنوق = وناوي على الفلات وابدى لك اشواقه
يبي يسبقك ويفوز بالجادل المبهوق = واثارك تسويها مطبات لاغراقه
عجوزن من الصمان ووريعها مشدوق = تخطط لصيد العود بعيون براقه
ترى العود غره مكيجتها من المسحوق = من البعد عاينها وماعندها بطاقه
عشقها يفكرها جميله من اهل الذوق = ويومه صحى من نومته شافها شاقه
تخلى ووصاني وقال الحق الموشوق = وجيتك على رسلي بخيلين سباقه
اذا انته مصمم يامحمد على ام الزوق = فجهز لها شقه وعكاز وبناقه
الطائر= المهاجر
اركبك في الصندوق عقب مانمر السوق = وانا في الغماره امسك الخط سواقه
واركب معك عنزين الى شفتهن كالنوق = ولوجعت لاتحلب وتشرب على سراقه
ولا نبغي الصمان ننحر بليا عوق = ديار تفل حجاج من حس بالضاقه
تشوف البحروالشط وناس عليها ذوق = وتطعم حليب قبلك الجد ما ذاقه
وعلى الشرع تاخذ ماتبي من وسيع الموق = وتنسى هموم تثقل القلب حراقه
محمد بن عمار= ( للطائر )
أشوفك قلبت السالفه من تحت لافوق = وشطت بك الأفكار والنفس حماقه
بغيت الحزام وعود المحتزم مخنوق =وضعنا مع ( السيّاق ) والعنزوالناقه
ترفق وكل مطرود ياصاحبي ملحوق = طريق البحر. والشط . له ناس عشّاقه
أيا الحوقلة ياللي براس الغصن مشنوق = تدحرج من أعلى العش يوم القدر ساقه
فداك العناق اللي طرف أذنها مشقوق = وفداك الصميل اللي مكسرتن حلاقه
مودتي لتواصلكم
محمد بن عمار
محمد بن عمار
معي فرتن احمر مدبرن بالصدأ مرشوق = موديل اربع وخمسين ضايعتن اوراقه
ابي من يخاويني بعفشه على الصندوق = ويرفق بصك الباب .. مكسورة الطاقة
بننحر به الصمان لأهل الغنم والنوق = ونترك ربوعن . في ردى الهرج نقّاقه
وقرص الجمر نآكل ونشرب عليه اغبوق = نفل الحجاج وخالق الطير رزاقه
واشوف الذي منها ستار الحشا مشقوق = نتمم فرحنا .. والمهر ندفع سياقه
ونهدي عربها بالتمر قلّتن واعذوق = وهيل ٍ يعشعش في قفا راس من ذاقه
الطائر= المهاجر
ابلحقك بالسيكل ولو مشيتي برفوق = وابسبقك قبل الفجر ما يعلن اشراقه
لأني اعرف انك تغديت بالمرقوق = الينه تفخ بطنك وتشكي من شهاقه
وبنصح من استناك لوكان لك معشوق = يدور بدالك فانت قدر وطرباقه
فمن شاف وجهك شاف جربوع فيه شقوق = دعسه التريلا قبل ياصل لْنطّاقه
وانا اللي وسيم من نظر له يشوف بروق = اصيد الأسد وابدا بحمسه واحراقه
جهازي ثمين آقدمه للظبي بشفوق = خلاخل وسمبوسه ولو كانت رقاقه
واخليك في الصمان ماتهتني بالسوق = سبقتك وخذت الظبي لو كنت تشتاقه
منصور= المري
اذا صوت ابن عمار يسمع بكل اطروق =يبي فزعة العربان من بُعد واشناقه
يبي اللي يساير موتره لاوطا الساروق = يخاف الرمل ويعود مشيه على ساقه
فانا جاهزٍ له بالسفر ناصل المعشوق = على اللي مع اللجه شغلها على الطاقه
نشيله ونشيل اللي معه لو بدون اسبوق = ونشيل المسمى للصلوات وارفاقه
ونشيل المواتر والسياكل مع المطبوق = ونشيل الحبيب وراية النصر خفاقه
ومعنا المضاد اللي على المعتدي ساحوق = ومعنا الموجَه ناره بحيل حراقه
انخوف به اللي ثوبه من اسفله مشقوق = شجاع على الادنى وهو باللقاء ناقه
فلاح = الزهراني
علامك يابن عمار صوتك تقل مخنوق = تعزْم العرب وتجي تناظر من الطاقه
على موترك شديت حملي وانا مشفوق =وراكب في الصندوق ماشفت سواقه
لقيت المهاجرعند موترك شايل بوق = يقول الحقونا بيننا افكار منساقه
وعاينت وجهه شفت وجهه تقل برقوق = وبشته مطوى في يده والهوى شاقه
معه سيكل مكسر وشايل معه صندوق = وشايل كلاشنكوف ماحلى تمنطاقه
تحيرت بالمخطي ومنهوالذي محقوق = وجاريتكم في ليل مابين افاقه
وعاينت بالصمان ماشفت لي مخلوق = ولا شفت غير العيس والشمس حراقه
محمد بن عمار = ( للطائر)
وش الراي في عودن يهاجم بدون حقوق = جميع الخلايق تشتكي .. لذعة اشداقه
يحارش جميع الناس ماخص له مخلوق = لسانه كما الرشاش .. في لحظة اطلاقه
معه سيكلن موذي به الخلق ذا المطفوق = عطوني إذا أحدن سيكله في الرمل ساقه
بزعمه باصدّ ق روحته زاير أم صفوق = يكد الشعر.. والكوت .. في جيبه مشاقه
روى لي حكايتها عقب ما كل الخازوق = وحلف . حلف مايدخل .. مع اثنين عشاقه
لقاها عجوزن . في الثمانين مدري فوق = عليها من الخلقان ... طولينن ... وطاقة
وتلاوين كشرتها .. من الديرم المدقوق = وفلقة جبينن ... تشبه ... لطار . طقاقه
وريحة عطورن تحرق العين هي والموق = وصوتن مثل صوت الجحش لحظة نهاقه
عقب ماتواست وانكشف راسها المحلوق = تمدد .. طريحن وانثنت ... عقبها ساقه
فلاح = الزهراني
تبي الراي يامحمد في الطائر المرهوق = ورميك يشابه رميته او يكن فاقه
انا خابرالطائر في المزح مابه بوق = يحب الفكاهه ماتخبى في انفاقه
يجاري القوافي بين روعاتها وطروق = وماظن شايل للردى شي باعماقه
يسوق الحطيئيات لاهل المعاني سوق = ولاصاد حصني جود العود بخناقه
ومادام جاك بسيكله مختبي بالنوق = وناوي على الفلات وابدى لك اشواقه
يبي يسبقك ويفوز بالجادل المبهوق = واثارك تسويها مطبات لاغراقه
عجوزن من الصمان ووريعها مشدوق = تخطط لصيد العود بعيون براقه
ترى العود غره مكيجتها من المسحوق = من البعد عاينها وماعندها بطاقه
عشقها يفكرها جميله من اهل الذوق = ويومه صحى من نومته شافها شاقه
تخلى ووصاني وقال الحق الموشوق = وجيتك على رسلي بخيلين سباقه
اذا انته مصمم يامحمد على ام الزوق = فجهز لها شقه وعكاز وبناقه
الطائر= المهاجر
اركبك في الصندوق عقب مانمر السوق = وانا في الغماره امسك الخط سواقه
واركب معك عنزين الى شفتهن كالنوق = ولوجعت لاتحلب وتشرب على سراقه
ولا نبغي الصمان ننحر بليا عوق = ديار تفل حجاج من حس بالضاقه
تشوف البحروالشط وناس عليها ذوق = وتطعم حليب قبلك الجد ما ذاقه
وعلى الشرع تاخذ ماتبي من وسيع الموق = وتنسى هموم تثقل القلب حراقه
محمد بن عمار= ( للطائر )
أشوفك قلبت السالفه من تحت لافوق = وشطت بك الأفكار والنفس حماقه
بغيت الحزام وعود المحتزم مخنوق =وضعنا مع ( السيّاق ) والعنزوالناقه
ترفق وكل مطرود ياصاحبي ملحوق = طريق البحر. والشط . له ناس عشّاقه
أيا الحوقلة ياللي براس الغصن مشنوق = تدحرج من أعلى العش يوم القدر ساقه
فداك العناق اللي طرف أذنها مشقوق = وفداك الصميل اللي مكسرتن حلاقه
مودتي لتواصلكم
محمد بن عمار