http://albwady.com/articles-action-listarticles-id-6.htm مقالات ar-sa Copyright 2012 - albwady.com Sun, 20 May 2012 08:41:43 +0300 Thu, 18 Dec 2008 21:43:21 +0300 الشاعر متعب فهد الفقيعي INFINITY RSS Feed Generator 1440 لو اني ابعد عنك يالمحبوب قلبي مـا قـوا***اصبر نهار ويوم ثمٍ ضيقتي ترجـع علـي لو ان عظمك من صخر ما دام قلبك ما ارتوا***يالله تعيـن المبتلـي يالله تعيـن المبتلـي يصبح سواة الورد فوق الغصن لا هب الهوا***اخف من ريش النعام ادق من عظم الطلـي اغصونها مالت سوا والا تبى تكسـر سـوا***هبت هبوبك يا شمال و يـا زلازل زلزلـي ياللي تقولون الدوا ما احدٍ يـدور لـي دوا***ولا نصيت الشافعـي ولا نصيـت الحنبلـي اعرف مريضٍ فكه الله عقب ربطه وانكـوا***واعرف مريضٍ فالعلاج يذوق مرٍ حنظلـي واعرف مريضٍ بالقريه زان حاله واستـوا***وانا ليا هالحين حالي فوق جمـرٍ يصطلـي عزالله ان القلب من كثر البهاذيـل انطـوا***يا شيخ يا دكتور شف لي حاجةٍ يا صيدلـي الوقت ما به خير ذل الذيب والحصني عـوا***يا ذيبنا مـوتٍ بعـز ولا مـذل فـي خلـي ياللي تعذبني ترى الله في عذابي مـا نـوا***واليا نوى بأمره رضينا والله الوالـي ولـي حظي ليا منـه تعـدل يـوم عـود والتـوا***احيانٍ ارجع فالغنايم نـوبٍ اسلـم بجملـي جيته بقلبٍ فالهوى دارس معي رتبـة لـوا***جاني بقلبٍ فالملاقا سيف ابو طالـب علـى اثريك ابو مره وتستخدم كما بطاقتـه سـوا***ماني بشارح وضعها والعقل يكمل ما يلـي عرفه ما عاد يهمني وليا سرح والا ضـوا***مير الخلا ماانته ولد عمي ولاانته من هلـى انا اشهد اللي قالها تالي زمانـه مـا غـوا***هذا تلفونـي علـى رقمـه وهـذا منزلـي

]]> http://albwady.com/articles-action-show-id-38.htm Thu, 18 Dec 2008 21:43:21 +0300 كل ما سج قلبي عـن هـواه استـراح***ولا استراح وهدى حبـه عليـه طـرى صورته في خيالـي ليـل والا صبـاح***جرح فرقاه مزمن فالحشـا مـا بـرى ما لقي لي علاج ولا لقي لـي صـلاح***كل يـومٍ يزيـد الجـرح عمقـه ورى له عيونٍ على العشـاق مثـل الرمـاح***رمح قرمٍ قلـط فـي يـوم رد البـرى لو يرد الزمان اللي مضى لـي صيـاح***صحت صيحة تصحي من لذيـذ الكـرى كل ما قلـت قـام الحـظ ويـاك طـاح***وانت مثلك ما تربح به حظـوظ افقـرا عقب ما راح نور القلـب والحـظ راح***يا وجودي وجود اللـي بهمـه سـرى انت تجرح وتذبـح دايـم بـلا سـلاح***تطعن العاشـق بقلبـه وهـو مـا درى ليت علمتني مـن قبـل وقـت النـزاح***وش جرى من رفيقك يالقضي وش جرى رحـت كنـك نـداويٍ يـرف الجنـاح***كامـلٍ فالوصـوف وغالـي المشتـرى

]]> http://albwady.com/articles-action-show-id-37.htm Thu, 18 Dec 2008 21:41:04 +0300 يالله اني طالبك يا سميـع ويـا مجيـب***من طلوع النور وقت الشروق لمغربـه يالله اني طالبك مـن مرديـت النصيـب***العزيـز أتحشمـه والمنافـق تنكـبـه المخيله بالسماء والمسيل مـع الشعيـب***والجماله للجمل سمـح غـارب وارقبـه والله أنا بلسمٍ يدهـك الجـرح ويطيـب***والله أنـا أفـةٍ مثـل سـم العقـربـه والله أنا طبعنا نجـزي الطيـب بطيـب***والخسيس يروح منتوف دقنـه وشنبـه والله أنـا عـزوةٍ مابنـا شـكٍ وريـب***والصـدوق نصدقـه والكـذوب نكذبـه نذبح الحايل ونوفي ولا نهين الصحيـب***ننصر المظلوم والجـار يـوم المكربـه والدخيل اليا دخل مـا يجـوّده الطليـب***نبـذل الارواح دونـه مـا والله يقربـه ما يهان وروسنا بالهواء ترقـى رقيـب***نخطم خشـوم المطايـا عليـه ونطلبـه لو يجي في موقفٍ منه الجاهـل يشيـب***المنايـا حوضهـا فالمعـارك معْـذبـه ورعنا وسط المهد لا غدا وجهه غضيب***يقتضي من دون حقـه وعمـره يجلبـه كم ذبحنا شيخ قومٍ على الغـارة شبيـب***كم شجاعٍ ناخذ حصانـه اللـي يركبـه كم هنوفٍ عقب فرقا الحليل تشق جيـب***كم حلوقٍ يابسه عقـب طـرشٍ تحلبـه كم عجوزٍ تشهق بصوتها من عقب صيب***اطرحوه اعيـال عمـي بشلـفٍ تعطبـه وان بغانا خصمنا فالمعـارك مـا نغيـب***نذبحـه وليـا لقينـا حلالـه نكسـبـه والشريف معاقبينه وله جـرحٍ صويـب***كم شجاعٍ قص راسه وهو في منصبـه من طلوع الشمس يالين مايبدى المغيـب***البنـادق ثايـره والجيـوش مكـربـه والسيوف الي تفرق حبيبن مـن حبيـب***المنايـا تحتـري والسيـوف مجـربـه يالعوازم عزوتـي لعـوى ذيـبٍ لذيـب***يالقلـوب القاسيـه والوجيـه المرعبـه يا سلاطينٍ تعلـوا علـى راس الجديـب***عزهـم عنـد الثريـا واعلـى مرتبـه ذاخريـن سيوفنـا للمفـلا والجلـيـب***وهني من يتركه ما اقشر اللـي يقربـه الله الله لعنبوا مـن يحـوف ام الحليـب***والله انـه فـدوة لعينهـا مـا نرغبـه ناقةٍ من ساس طرشٍ نسوقـه بالحديـب --- يتبع

]]> http://albwady.com/articles-action-show-id-36.htm Thu, 18 Dec 2008 21:37:50 +0300 صبرت صبرٍ صبـره ايـوب***ثم بـاح سـدي مـع المـده الصبر بين العـرب مرغـوب***لا يفضح الرجـل فـي سـده يا ضعف صبري مع المسحوب***يـوم الصبـر واصـلٍ حـده دخلتني فـي ثـلاث حـروب***الهـم والبـعـد والـصـده انا علـى بعدكـم مغصـوب***لا صـار مـا عنـدك مـوده انا اشهد انـه عليـك ذنـوب***وابليـس لارحـم ابـو جـده غـرك وخـلاك يالمحبـوب***تنسـى عشيـرٍ عـلـى وده أنا احسب أنه مزوح أسلـوب***وأثريّه صامـل ومـن جـده يالابس مـن الخطايـا ثـوب***عـد الخطـا بيننـا عــده ياليتـك مسـوي المطـلـوب***يوم الهوى جـا علـى نـده انا احسب انه يسـد النـوب***واثريـه بحـرٍ علـى مـده ورسالتـي جابهـا المنـدوب***ياصـاحـبٍ وقتـنـا لــده اليـا نسيتـه ذكـرتـه دوب***بالشامـه اللـي علـى خـده اللـي جـرى بيننـا ملعـوب***والوقـت لا بــد لا بــده يخبـرك يالجـادل الرعبـوب***وانـا كلامـي علـى قــده رح روحة مقفـي العرقـوب***لاراح روحــة بـــلا رده واخر كلامي تـرى محسـوب***لا خيـر فـي ساعـة الـرده

]]> http://albwady.com/articles-action-show-id-35.htm Thu, 18 Dec 2008 21:33:38 +0300 تهيض ياهجوسي يوم هبتلك هبوب النود***على لحناً يشيل الطرق في هجسي وبلساني يوردني رشاتن دلوها فوق الهموم اورود***واجيب الشعر واروى مير اعود منه عطشاني على صدك سهرة الليل كله والعباد رقود***ومن سبتك قمت اسامره والنوم ماجاني شكينا من تهاويل البلاوي والليال السود***ويوم انك بتالي الوقت تذكرني وتنساني عسى راسن يخوّن في عشيره جثته للدود***ومن بعد الصداقه ياحبيبي صرت قوماني حلفنا الله وبسم الله تعاهدنا بخمس اعهود***علامك ياحبيب القلب بعت العهد مجّاني بغيت اذكرك ياصاحبي يوم الليال ردود***هذاك اليوم يومه ساد شيطانك وشيطاني سهرنا في ليالن جعلها والله علينا تعود***وانا والله مبى المزيون لاكنه تبلاني اقول انك ماتدري بالخطا واثر الخطا مقصود***تعمد بالخطا يابلشه المجني من الجاني انا من اول واقول سهود في حب القضي ومهود***واثر حبه مثل حكم المريكي والبريطاني بعد ماحط في رجلي حديد وفي يدي قيود***يقول اصلح خطاك اللي فعلته وانت غلطاني وانا من حر مابي وسط قلبي مثل صوت ارعود***تحن بوسط قلبي ثم يضخ الدم شرياني ترى سلم الهوى جاز الحبيب اللي يخون صدود***هذا قانونهم ياصاحبي من ماض الازماني

]]> http://albwady.com/articles-action-show-id-34.htm Thu, 18 Dec 2008 21:28:52 +0300