http://albwady.com/articles-action-listarticles-id-13.htm مقالات ar-sa Copyright 2012 - albwady.com Sun, 20 May 2012 08:26:58 +0300 Sat, 20 Dec 2008 07:06:32 +0300 الشاعر ابراهيم المهنا INFINITY RSS Feed Generator 1440 أنا من البارح وانا احاول الطّرْق*** لكنْ طيفك حال من دون طرْقي يحول في صدر القوافي على أرْق*** وانا أحاول عجزها عند أرْقي الين تاهت عن عناونيي الطِّرق***من وين ما وجّهت تنصاك طِرْقي يوم انت في عيني من الغرب للشرْق***اجنبت والا اشملت بلقاك شرْقي ماعاد لي حيلة وانا الاحي الورْق***الا انثر ادموعي على نوح ورْقي واعوّد الحدب المحاني على الزرْق***وامدّ لك صدري علشان زرْقي واجمع لك انفاسي من العرق للعرْق*** واعلّمك وشلون يضماك عرْقي على احتمال الضيم والصدّ والحرْق***ما جيت اسولف لك عن احزان حرْقي جيت انكسر في غيمتينك كما البرْق***واشحذ عيونك لا تلقاك برْقي واعلّمك وشلون عايش وبك غرْق***ويا كيف ما مديت كفّك لـ غرْقي وياكيف أنا بين العشاشيق لي فرْق***واعلّمك وشلون فرقك وفرْقي انت اتحايليني تبي مهجتي سرْق*** وانا عطيتك وش يحدّك لـ سرْقي .؟! ياسيّدي لو الهوى ما يجي درْق*** ولوني حسبت حسابها قبل درْقي ما كنتْ من ليلي وانا احاول الطرْق*** وما كان طيفك حال من دون طرْقي

]]> http://albwady.com/articles-action-show-id-56.htm Sat, 20 Dec 2008 07:06:32 +0300 يقول من عينه من الدمع ساربه***عقب انهصر وسط الظهر من مضاربه ودلا يجاذب ونّته من غبونها***والجور يركي بالقدم فوق غاربه تفلّتت من وسط كفي مقاضبي***وزرت عليّه لحيتي مع شواربه عقب الدخون وعاطر الهيل والنبا***خلّيتها من صادق الدمع شاربه هنيّت من لا لاعه الشوق والهوى***ولا وطا ديبانها مع عقاربه وهنيت من هو لا دنا الليل مهتني***وهنيت من نفسه مع الوقت طاربه ماهوب مثلي حزة الضيق تبتدي *** اليا اخفقت شمس الضعيفين غاربه أجرها واجرها ثمّ اجرها *** وادنّها من كاربه فوق كاربه يروح ليلي بين دمعي وحسرتي***والعين للنّوم المسمّى محاربه ياوجد حالي منك يا خشف يالذي***على الحشا والعين والقلب داربه ياوجد حالي منك وانته تسومني***وانا يديني عن مواصلك تاربه ياوجد حالي منك يالريم يالمها*** ياللي عن الرمّاي والقنص هاربه أن جيت ابيّح ما بسدي لسدّها *** اشفاي ما ادري ياملا ويش صاربه أخاف ياخذها على الطيش ردّها *** والا تشدّ بزمْلها من مضاربه ياوجد حالي ضاع مني دليلها *** وهي على الحالين لا شك خاربه تقبل وتشمخ مهجة الروح لاجلها***وتدبر وقلبي لاهب الشوق ثاربه لا نادمتني بالمحبة اوْصلها *** ولا نهتني يوم لزّيت قاربه ضاعت بي الحيلة وانا من قرومها***يقوله اللي وافيات(ن) تجاربه منيب حيالله من القوم يافتى***الا عريب وراضع(ن) طَرْح عاربه ضاقت وياربي تعجّل فروجها***أقولها والعين بالدمع ساربه

]]> http://albwady.com/articles-action-show-id-55.htm Sat, 20 Dec 2008 07:03:54 +0300 أسند اليّ الشاعر الكبير / بد الدخيل قصيدة بعنوان (( بارخص ثمن )) هــنا وابو سلطان شاعر ما ينلحق / لكن / هذا ردي عليه : ذهابها يا وجد روحي ذهابها***علم(ن) لفاها في مزرّف كتابها حرّم علىّ الزاد والشرب والكرى*** واسرف على روحي وزاد اكترابها غديت مثل اللي غدت به رواحله***ما بين هايعها وطامن شعابها وحول عليه الموت من لاهاب الضما***يركض ورى الماء وارتوى من سرابها يا جعلني للموت من دون صاحبي *** أن كان ما افرقها خطأ من صوابها قم لعنبوا حيّك وجهّزْ محابري *** مثايل(ن) ما كل من قال جابها لك يا عديل الروح يا صاطي القدم***يا مضرّي(ن) رجله على اكبر صعابها بدر الدخيل وما يشابه لهامتك *** ياكود شاهقها وعالي هضابها كم هيّة(ن) وقفت فيها وسقتها *** اليا احتمى الموقف حشا ما تهابها انشد يمينك عن نوادر فعولها *** تروي عطش من لاذ بك من سحابها أن كان سار القوم فـ انته عقيدها *** فعل السيوف اليا اعتزت في نصابها وان كان لديت النظر يمّ لابتك *** يا حيّ طاريها وحيّ انتسابها شمّر صعوط الموت لاجاء نهارها***زبن الدخيل وعون من هو لاجا بها واللي هقا يرخصك يالضيغمي هبا***لا والله الا خابها ثمّ خابها وان كان حسّك يوم طشت سمومها*** هذاك سلمك يالعقارب ودابها ما كل من عدّ النواميس جابها***خطو الثّعلْ يقْصر اليا جت ذيابها كم طير يرقى للسما ثمّ حامها***حوران حومه ما يشابه عقابها ما ينكر المعروف يا كود من هفا ***واخلف مواثيق الرجال وغدى بها لك راية(ن) بيضا ويمناك سالمه*** وما لك ومال اللي يبدّل ثيابها من باع يبشر بالخسارة وعقبها ***يجلا النهار عيونْها عن حجابها نشهد على فعلك وتشهد قرومها *** كم حملة(ن) جهّزتها مع زهابها انا فدى ونات صدرك ومدمعك ***للي زهت من سترها في حجابها والله يلوم اللي بحبك يلومها *** لو زوّدت يالضيغمي في عتابها بنات حوا خوفها شرّ كيدها *** تخاف من عفراء(ن) زهت في شبابها لا تلومها يابدر واسمع نصيحتي --- يتبع

]]> http://albwady.com/articles-action-show-id-54.htm Sat, 20 Dec 2008 06:53:14 +0300