قصيدة عميقة في معانيها , وذات نظرة متفكرة إلى الحياة

للشاعر مبارك بن مويم آل راكان الدوسري

فكّـرت الـى نـور الديـار رجالهـا=هـم نـورهـا وثغـورهـا وجمالـهـا
هم سترها الـى لفـوا اهـل النضـا=لا جـنّ مــع فــجٍّ تـسـوج احبالـهـا
يثنـي عليهـا لاجـل خطـو الخـيّـر=ويكسونـهـا بـالـذمّ لـجـل ارذالـهـا
ان كـان هـم فيهـا كسـوهـا بالثـنـا=والاّ كـسـوهـا بـالـمـلام انـذالـهــا
ادخل على الله عن ملامـة معسـر=لي عـــاد مـالــه حـيـلـةٍ يحتـالـهـا
مـا يستحـقّ الـذم كود امتّلك = تقصـر يـده والمرجلـة مــا نالـهـا
بالناس من حطٍّ الصخا لـه قسمـة=خذا السميـن وكـبّ عنه اهزالهـا
وبهم من اخذ الـراي واقفـى رابـح=يامـا يـسـدّد مــن دروب خمالـهـا
وبالناس من حـطّ الشجاعـة مغنـم=نعـمٍ بمـن يصبـر عـلـى غربالـهـا
وبالنـاس مـن حـطّ النميمـة مقسـم=خـــذا الـرذالــة كـلّـهـا بحثـالـهـا
امــا الشجـاعـة قسمتـيـنٍ شـاعـن=عليـا وسفـلا واخبـرك باحوالـهـا
القسمة العليـا شجـاع علـى العـدا=يرخص ذبيـل الـروح عنـد قتالهـا
والقسمة السفلى شجاع على الدنا=شلفـا قصيـرة فـي نـحـر نقّالـهـا
هذا فـلا تجزع عليـه إلـى ذهـب=نفسه على الـربّ الكريـم زوالهـا
هـذي تواصيـف الرجـال ابديتـهـا=وامّـا الديـار اخبـرك انـا باحوالهـا
قـس الديـار علـى الوقـار براحـة=مستبطـنٍ فــي جـودهـا وخمالـهـا
قـيّـس بفهمك لا تقـيـس بغـيـرك=ولا يـغــرّك كـلـمـةٍ مـــن قـالـهـا
إن كــان حـكـام الـديـار فهـودهـا=واســودهــا وكـبـارهــا عـقّـالـهـا
فــــلا تـبـدّلـهـا بـمـنــزل غــيــرها=العـزّ تهـيـا لــه وهــو يهـيـا لـهـا
وان كـان حكـام الـديـار قـرودهـا=ونجوسـهـا وخسـاسـهـا عقّـالـهـا
اقـــول بـدّلـهـا بـمـنــزل غــيــرها=ولا تـسـيـّع فـــي يـــدى نـزالـهـا
دع ذا وقافيـهـا ثــلاث خـصـايـل=خـصـايـلٍ يـمــدح بـهــا فـعّـالـهـا
الاولــة فـكّة ذويـــد الـصـاحـب=مــن الحفـيـف وصـايـرٍ عقـالـهـا
والثـانـيـة توجـيـهـتة فـــي زلـّـــة=طمرتهـا واقفـى بـهـا مــن جالـهـا
والثـالـثـة عـــزٍّ لــجــارٍ نــــازل=لـو عيـالـه مكثـريـن خمـالـهـا
هـذي تقاسيـم الرجـال افـهـم لـهـا=وامّـا الحريـم اخبـرك انـا بشكالهـا
منـهـن مدلّـهـة الـفـواد مطـيـعـة=وجـــهٍ سـمـيـحٍ دلـّهــا ودلالــهــا
ومنـهـنّ خـضـرا جـنـب عـنـويّـة=بحفـظ الحـلال لرجلـهـا وعيالـهـا
ومنهنّ عـذرا مـن الدنـس محميّـة=عنـد المحاضـر يقلـطـون رجالـهـا
ومنـهـنّ مصـبـاح البـيـوت عفيـفـة=زينٍ على عقل وصـار احلا لهـا
منـهـن عـفــرا زيـنــةٍ مـشـهـورة=مـاقـت ونـــادا زيـنـهـا لخمـالـهـا
ومنـهـنّ مكـمـلـة الـعـبـاة برجـلـهـا=تعـدي ومـرٍّ بالحكـي يعـدى لـهـا
ومـنـهـنّ فاقـعـة الـنـظر لـغـويـّة=مخلـوقـةٍ مــن (لا) وخلـقـة لا لـهـا
ومـنـهـنّ عـوبـا عـاهــرٍ مـلـويــّة=قـطـع بـشـوف اقفايـهـا واقبـالـهـا
ومـنهـنّ دويـبـقـةٍ فـويــرة مـنــزل=تخـشّ عنـد النـاس قـوت عيالـهـا
اختر علـى مـا لاق لـك يـا سامـع=ومن هو برك للحمل شال اثقالهـا
والختم صلوا للنبي يا اللي حضر=عـدّ النـبـات وعــد وبــل خيالـهـا