كل ما زاد التحدّي زدت قوة=عادةٍ لابوي وجدي من قديم
حاملين المصحف وهدي النبوة=والسيوف إذا انتهى حلم الحليم
من قديم سنينها ماهوب توه=اسأل الدرعية وركن الحطيم
السعودي له مع القوة مروّة=ان ضرب يقطع واذا استولى كريم
وان رحل قرمٍ ظهر قرم مفوه=ماسدة أبطال معظمهم عظيم
يا العدوّ ما كان في نيتك سوّه=نستعين الله على حرب الخصيم
كل ما شب العدو نيران ضوه=نسكب من مزننا سيلٍٍ وديم
تجرف سيول الغضب قوة عدوه=وتجعل اقصيرات هقواته هشيم
والمنابت تزدهر من ديم نوه=ما يميل بزهرها غير النسيم
ناصع (ن) تاريخنا ما قد تشوّه=ما يضيره جاحدٍ ولاّ لئيم