قالت تفائل لا تحطم قدرنا ! = مد الوصل واصبر ترى الصبر محمود
قلت الصبر محمود ، لكن كبرنا = العمر راح وكثرة الشيب منقود
قالت تحمل ! قلت محدن جبرنا = قالت هوانا ماله ابعاد وحدود
قلت المدى؟ قالت كثر ما عمرنا = قلت النتيجه؟ قالت الحب موجود
قلت الهوى موجود لوهو هجرنا = قالت بليا وصل ما في الهوى فود
بالوصل ، ينور ليلنا لا سهرنا = وبالهجر ، كل ايامنا تستوي سود
والهجر يا فهاد يمحي اثرنا = والنار في لحظات تقضي على العود
قلت القدر لو يشتهيينا دمرنا = من يشتهيه الوقت ...عدَوه مفقود
قالت اليا منا خذينا حذرنا = نقدر نفل الحبل لا صار معقود
كم حاجزٍ لأجل المحبة عبرنا = كم من حسودن مات بالغيض مجحود
واللي امرنا بالمحبة سترنا = والساتر المعبود هو خير معبود
قلت اننا لله هذا قدرنا = صاحت ( نعم ) هذا الحجي يا ابوحمَود