جيت أبا أكتب جيت أغني جيت اوصف باللحون=بالذي أطرب هجوسي وأنعش القلب بنباه
في ملكنا اللي وصـوفه عـاليه ماهيـب دون=فأبـو متعب صقرنا اللي مانبا قـايــد ســواه
نسل أبو تركي صليب الراي غلاب الظنون=قاهرٍ يقهـر عدوه فـالزحام إليــا نصــاه
صيرميٍ يـصـرم القـاسي يهـين ولا يهـون=ومن تعـدى عـن حدوده دايــم ٍ يلعـن ثواه
ما يهاب ولا يـبالي مـن خصـوم ومتـدعـون=وان حكى قـدام خصمه برد الدم فيشـواه
ونخوته لها جميع الشعب دايم ينتخـون=كانســر وكان ضر الكل يـا مبعـد هُـقــاه
كلهم شجعان خلفه ماش خبل وماش دون=سكنه ربي بقلب الشعب وأيضاً فـي دماه
قايدٍ قلبه حنـون وكلبونا مـشـتـرون=نشتــريه بمالنــا وأرواحـنا ونبقى فـداه
كم عطانا وكم عطانا وكم ذبح غبن مغبـون=وكم رفع صرحٍ طريح ورجعه في مستواه
وكم قومٍ إرتقوا وقبله من أول منتحون=وأصبحوا في خير حال وشافوا الأرض وسماه
وكم أدب بـالـشرع والدين قـومٍ يفسقون=وأصبحوا بأفضل عمل بيــن التجاره والصلاه
قـومٍ من أول عملهم يجهلـون ويرفثون=وإتركـوا درب الرذيله وإتبعـوا كامل نــداه
وكم عطانا من يمينه والأوادم ينظـرون=وحكمته نحسـد علاها بكل يـم وكل جاه
وكم سجينٍ من قيوده اطلقه من دون لون=اطلق الأسرى وربي مرسلـه إلهم نجاه
وأفرح أبناءه وزوجه ولعيون الأقـربـون=ووقفــوا يدعـون ربي يحفظـه ويبقى ولاه
وكم عاجز راتبه شهري مسمى بأسـم شـون=وكل شايب حقق أهدافـه وحقـق مبتغاه
بالعـدد يصرف علاهم لـوهـم لا يحسبون=الله عزهـم بـالقـايـد اللي ذا عـطـاه
وكم منازل للبدو بنيت بها يستوطنون=ومن فضل ربي وفضله ودعــوا دار الفلاه
وأصبحوا بين القـرى والمدن جمعاً ينزلون=هــاديٍ هـاديه ربي وللمخاليـــق مهداه
والبدوا قامت تطور والبني يتعلمـون=ياعسى ربي يمـده بالعـــــوافي والحيــــــــاه
وكم عداةٍ ناويه موته بغــدرٍ يزحفـون=بـس ربي كاد كيـد إعداه وأمسوا في يداه
وسرح المرسول منهـم بلغ اللي مرسلون=الخطاء ما نقبله وأنتم لهــم مني زكاه
مثـل جده يـوم جات الليبيه بما يطحنون=العفـو طبعه وربي عله هذه عــداه
وكم دوله مزعـت وقال لازم تجمعون=والسلاح اللي قتلكم مـن يـداكم فالغــزاه
التعاون والتكاتف والتعاون منه قوه تصنعون=ولاتحلوا مجزرتكم ولا حدٍ يتبع هـواه
ووسط مكه جاب إبن عباس واللي ينكرون=وحـد الكلمه وقال القــدس صفوا في حماه
وكم تفكك إجمعه ولافيه غيره يصملون=وإعتزا بان الخطا ما حرك جبال السـراه
في نهارٍ به فـؤاد يون من كثر الطعون=وكن قلبه في يــد العــدوا يشـواء كالشواه
يوم حل الكفر بأرضه يقتلون ويهـدمون=جالها صقر العروبه دام ربي هو رجاه
وشال من أزر العـرب واللي لـداره يلتجون=لين شد إحزامها وأمست على الغاشم ولاه
سيدي عبدالله مـن مـلــوكٍ يرحمون=ولا حدٍ يقـدر يهـوزه ولا حـدٍ شاقر عصاه
سادتٍ ما يظلمون ولا هـم اللي يظلمون=دايمٍ مع الـرعيه والـرعيــه مع الـرعاه
الله يعـزه بعـزه للعرب والمسلمون=وياعسى ربي يكثر فافئـدتـنا من غلاه
والله يثبت خطاه أمـام كفر ومعتدون=وتسهل دروبه ويفرح مشيها دايـم خطاه
هــو سيدنا وحنا تحت أمرالسيـدون= ان زعل معه زعلنا ونفرح بضحكة جماه
إبن أبوتركي ترى الكايد لها دوم الزبون=موحد الدوله بسيـف هوالرجال اللي وراه
يوم جوها مع صلاه الصبح وإبها ملتوون=من الكويت اول مسيره والرياض اول مُناه
يوم باليمنى الذريفه ساق خصمه فالمتون=براس شلفاً من تصيبه دايمٍ يعرف وفــاه
ثم صبح كل قـوم وكـل جمعٍ يعبثون=وحرم القتـل الحرام وبـان نوره من سناه
وحرم السلب الحرام وعاقب اللي يسرقون=وكل فاسق بالجزيره صار مبـذوذٍ خفاه
قومٍ من أول عملهم ينحرون ويجزرون=ولاينومسهـم يا كود الـرجل يـرفس في دماه
جاهليه يهجدون أقـرابهــم ويصبحون=وكل واحد ان فسـق تقــول قـومه ما علاه
ثم صخـرهـم وعلمهـم لمن هــو يعبـدون=وحدهـم حـدالحيــــود لسيل مقوى منتحاه
ثم حكم بالعـدل فيهـم ثم صاروا يبصرون=وإنقرض فعل الفساد واصبحـوا قـومٍ هُـداه
هكذا حاكم وحكام العيال المفلحون=عياله اللي خالقي دايــم تـدور له رضاه
لين عبدالله حكمها عاش دايـم فالعيـون=عاش عبدالله وعاشوا أخوان تركي إسنداه

الشاعر : فواز علي سريع الروقي