ياهجوسـي لانخيتـك تعالـي ياهجـوس=جيبي الجزلـه وخلـي دوينـات الكـلام
ودي اتجيبين قافي علـى كـل الطقـوس=مـن تسمـع لـه يقـول الله الله ياسـلام
خابرك ياهاجسـي ماتعـودت الجلـوس=خابر(ن) هامتك تاصل الى حـد الغمـام
ارق للعليا وبعطيك مـن عنـدي دروس=تستنير ابها على طول في جنـح الظـلام
خلك مثل الصيرم الزير في حرب البسوس=يوم اخوه اكليب ينخـاه يالزيـر الهمـام
بس انا لازلت حيٍ علـى الدنيـا وادوس=واطلب الله ينصر الديـن ويعـز الامـام
والله ان الشعر غايه تطيب بهـا النفـوس=خص لاجت من فهيمٍ بجوف الغـب عـام
لانـوى ياتيبهـا مايـدور ولا يـحـوس=يضمن الجوده وقسمه من شعوث السنـام
مايدور مـن ورى كلمتـه عـد الفلـوس=همه الجمهور يرضيـه والربـع الكـرام
لابتي خيالة الخيل فـي اليـوم العبـوس=من ظنا فروان والجد مـن صبيـان يـام
لابتي يـام العريقـه تطمـن كـل روس=فـي مياديـن الوغـى ماتليـن ولاتظـام
من يعاديها تحده علـى حـر الشمـوس=يشهد التاريـخ لفعولهـا فـي كـل عـام
ومن يصافيها تداري عليه من الحسـوس=تحشمـه وتقـدره وتحميـه مـن اللئـام
عائشين بحكم سيفيـن والنخلـة غـروس=والشريعه منهج الحكـم وزمـام النظـام
مملكتنا كل عامٍ زهـت مثـل العـروس=في حمى حكـام نجد(ن)رفيعيـن المقـام
والملك فيها زعيمٍ كمـا النمـر الفـروس=خادمٍ مسجد نبيـه مـع البيـت الحـرام