انابـادي رجـمٍ ماذبـه قليـل الحيـل=صعيب وياكـم واحـد عجـز ماذبـه
بديت الحجيه فيه واخيل نجـم سهيـل=واشاهد نجـوم الليـل بتقـول منشبـه
تذكرت انا ماضي مضا في ظلام الليل=وزادت هموم الليل من كثـر مااسبـه
بعد موجز القصه انا بسـرد التحليـل=واحاول اجيب الموقف اللي رحل طبه
رحل من امامي بس لازال قربي حيـل=شفوقٍ على شوفه ولاشـك ذي صعبـه
احب الفضول اللي يوضح لي التفصيل=واحب الصعوبه في قراري وبجهر به
وكل(ن)يقول الصعب لابد لـه تسهيـل=ولكن معي باسٍ رضا الصعب ويحبـه
يحب الصعوبه بالمواقف بـلا تعليـل=وباس الرجل في هامته دوم تقـدح بـه
ولاهم سوى يانـاس كـل الرجاجيـل=بعظهم خفيف الوزن هبت وهفهف بـه
وبعظهم لما ثقلت تركى لهـا ويشيـل=يشيل الثقـال ولابتـه دوم تفخـر بـه
وبعظهم ردي الجاه وتقول ذا حلحيـل=ولما انك قربته تطفش النفس من قربـه
تغرك ملامح صورته في صدى التبجيل=ولاجيت عنده قالت النفـس بنـذر بـه
وذي قصة اللي تجرباته تجـي بالكيـل=وهمه تسدح وسط روحه علـى جنبـه
لما قال ياهم انقلـع يرفـض الترحيـل=يقول اكره الفرقا ويرجـع مـع دربـه
وذي عادته دايم يحب الغـوى والميـل=وكـل المنايـا فـي حقيبتـه منكبـه
ونـا زبنتـي بالله يذلـه لنـا تذليـل=يطهر قلوب الناس من غـدره وكذبـه
الا يالله يامسقي ديارك غزيـر السيـل=تفرج لرجل ماحدٍ غيـرك اعلـم بـه