أعتر فلي جايز أوهامي تزول= اعترف يافيه يا مابه امل
لا وصال ولا خصام ولا قبول = حرت أنا وياك قلي شالعمل
شك ! وهم ! وخوف ! وإحساس الذهول = من ظروف الوقت والصبر الممل
إن بغيت الصدق اتعبني الفضول= ولا لقيت لحيرة افكاري جمل
ما ابيك تعالج انصاف الحلول= يا نعم،، يالا،،، ما بي محتمل
ابعد الأوهام والشك الخجول = اعترف لي خل ذاتي يكتمل
قل احبك وأدمر أحلام العذول = قل أبيك ويكتمل لم الشمل
لا تخليني مع اليأس معزول= قولي عندك أمل وآنا احتمل