حبيبي لا تقول ارتاح وقلبي يحترق بالنار = تبيني ارتاح قلّي عن سبب هجرك وتأويله
تعال اجلس معي واشرحلي الموضوع واللي صار = مع اني مستحيل اقنع ولو زادت تعاليله
لان الهجر ماله عذر أنا في واقعي محتار = ولأن الهجر طعمه مرّ انا محتاج تحليله
يهون الهجر لا منه ثبت في كفة الاقدار = نقول ان القدر حاكم ولالك بالقدر حيله
ولكن الامر لا صارلك به حيلت(ن) وافكار = فلا تجعل غيوم الياس تنهش بالقمر ليله
لأن الياس لا عشعش بجوفك يطفي الانوار = لو إنك بالضحى كنك بوسط الليل توميله
حبيبي لو يكون العذر كايد مستحيل انهار = لان الهجر زادك قدر بقلب(ن) فاتر(ن) حيله
حبيبي لو يكون العذر تافه او يكن جبار = يزيد الشوق في وصلك ويزيد اكثر باتأجيله
انا ماسمح لعذّالي يلوموني على الاصرار = ولابه قوت(ن) تمنع غرامي من بوديله
انا مازال حبي نهر نابع جارف التيار = من اللي يوقف المجري بمنخل او طرف شيله