الحسد ولحقد

الحسد في قلب المساكين موجود=والحقد بين مايباله دلايل
وكل بغبنه جايك يشود ويعود=ومن حرته كنه بمسعاه نايل
يسعى وشيطانه على المخ بيسود =وجدي عنه لو قال قاسي بلايل
ولو كان بيده غير بنود ببنود =ونزل حمايل ناس وحمل حمايل
جوفه سواده مانقص دايم يزود=ونار الغبن فالقلب سوت هوايل
خبيث نيه لو تقول إله محمود=حتى صلاته للرياء قدم قايل
وجهه ليا شفته يبدل هواء النود =بضيق وكآبه وإنتحار الاصايل
وإن جاك وانته داله وامرك سهود=ملاء صفاء جوك بحزن وغلايل
يطرق لباب الشين لو كان مسدود=وعنده مقام الشين جزل الجزايل
خبلٍ ماهو على الرذيلات محدود=ولاله بها مكسب ولاهي فضايل
لاكن وجه الشين بالشين موعود=وبليس عن هاويه ماهو بزايل
وإن شاف حظك بالرفيعات معدود =غنا على قطع المنى والعقايل
ومن كثر مايبغالك الهون والكود =يدور قطع رزقك بوسط القوايل
يمشي ورجله تقطع إحدود وحدود=ونفسه معنيها تضد الجمايل
وحبل الغدر قدم الميامين ممدود=والضعف كاسن حالته والهزايل
خبلٍ علاه من المخاليق منقود=ومذموم بأقواله وأيضا الفعايل
وضيع واطي فوقه العالم إشهود =تشهد علاه اهل القلوب النبايل
ضايع وغادي ماهواء انمور واسود=مثل الثعل وافكار راسه خبايل
وماهو بكفو ويمه العلم مردود=ولايعتمد علمه حبيب الفشايل
ولاهو نهار الكون بسلاحه يجود=وإن صالت العدوان ماهو بصايل
وعمره ضياع وللدنيات مشدود=وماتت سلوم الدين وأيضا الخصايل
ونفسه وحاله والقدم كنها جنود=دايم معنيها سواة الرحايل
عايش بها الدنيا على الذل ملهود=ويقول انا حرٍ مع الجو جايل

الشاعر
فواز علي سريع الروقي