بعض النساء ودك على الراس تكويه= عشان متزوج ضعيف الرجالي
يبيع نفسه والمخاليق تشريه= ملاك راضيٍ بالدني المثالي
باع الحياه الهانيه بالمشاريه= ويعيش عيشة ذل زين الدلالي
حرام هيك الحال والطرف تبكيه= حرام ترضى بالمذله ياغالي
مثلك ملاك وكلبوا الخلق تتليه= ومثلك رفيع إليا طراله مجالي
لاتبتسم مبسمك خاطي لاتبديه= وضحكك بدون اسباب ضعفٍ يقالي
ارديت منزالك وماالله مرديه= لاكن صبرك فاق كل إحتمالي
عذبت فكرك مسندٍ به ومنحيه =مدري تجاهل واقعك ام مبالي
وبنت الردي منزلك ماترتضي فيه= ولاتشرب الماء دام صفوه حثالي
متحشمه والضعف ماتحتمي بيه =وشموخها يبقى وتفنى الليالي
أميرةٍ بفعالها وقول تلقيه= وبحسمها للشي قبل الجدالي
وأنتي على حسنك شموخك قتلتيه =وذبحتي الماخوذ ذبح الجمالي
يرجيك وانتي بالخناجر طعنتيه= وقتله حرام ولايسمى حلالي
وحظك دفنتي هامته بمافعلتيه= وامسى عديم الحس وأيضا القتالي
وش فيك ماتكسر هوانك وتلغيه= وتشرب بدال المر حلوٍ زلالي
وتشطب على وجه الكره مع اوانيه= وتبدل الشانات جمعاً جمالي
وتفك نفسك من عذابٍ مهاويه= مدام نفسك ماتبدل بدالي
مالك ومال الهم والغم تحييه =مالك ومال الهون في كل حالي
مالك ومال العمر بالوجد تفنيه= وتدفن وجودك بالصخر والرمالي
واعرف ترى مالك قريبٍ توصيه= اوتنتخي به عند دور المحالي
واقرب قريبلك عذابك يسليه= ويفرح ليا شافك تحت هم صالي
وإليا لقاك بخير يطلب وتديه= وليا لقاك بشر يقول مالي
وينساك لوك بالهقاوي مهقويه= ماكنه مغربلك اول وتالي
دنياً دنيه خبلها مانقهويه= وعلاه مانرهي بصفر الدلالي
ولوه يوالينا ترى مانواليه= ولانحتزم به فالرخاء والسؤالي
مدام زين الطبع فالنار يشويه= ولاخيره بين البقاء والرحالي
ومن غير ماقلنا كيانك مشقيه= ويقسمه تقسيم فكرٍ خيالي
مره صباح الهم ومره مضويه= ومعذبك تعذيب قاسٍ نكالي
وخاصتك قامت جسدها تخليه= مدام شافت هون حتى الموالي
ناسٍ طبايعها سواتي تبكيه= والعمر واحد مايبدل بدالي

الشاعر
فواز علي سريع الرقي