كلٍ يبا قسمه من النفس مامت =ووده يناول حاجته للحبايب
حتى ردي الحظ هقواه وصلت =ووصلت كما تاصل بقايا الجلايب
ووده يسير سلعته يوم خسرت =السلعه اللي كسروها القرايب
كني ضعيفٍ للرديات جهزت =ولكل خسرانه أشد الركايب
ماني على الشانه شفوقٍ ولاحمت=على مراعيها شبابٍ وشايب
ودوم الرديه للضعيفين لو قلت =بأنها هي الربح والكسايب
ويأهل التجاره عاركم فيه ماهمت =ولاهمني لو كان وصفه عجايب
وعلى المنازل أعرضوا عندكم بنت =وعلى جميع مدربات الكتايب
يمكن يجيكم طايش لعينه أغرت=وأطلق جباير عاصبين العصايب
ولاني بللحاير بناقل ولو عزت =والرزق عند اللي يدير الهبايب
الواحد المنان بأسمه تعبدت =أللي خلقني عابدله وصايب
منزلٍ نوره على تتبعت =محمد أللي حط بين النصايب
وبنتك مريضه والمرض منه ذلت=ودوم المريضه ماتوف الطلايب
ولنكان تونس بالنيابه لي أثبت =وأبرد أللآهب وأكون الطبايب
ولافيك خير ولاتكرمت وأذنت =تعرف بشباب الفتن والحرايب
وأثرك مامثلك من الناس منصت =ولالك شبيهٍ يوم رمي الضرايب
فتال وأيضا الزور في وصفه أبدعت=ونشرات اذاعاتك ملت للحقايب
تمشي مابين الناس تنشر لما جبت=كنك على العربان وآل الحسايب
تجمع علومٍ صدقها إله ماصبت =والصدق يبغاله رجالٍ حضايب
أما عدوٍ مرمسن لي ولانمت =وألاء شريكي يالعين الصلايب
تبدع لزورك تالي العمر ماتبت=والكذب واضح ياوزير الكذايب
من الغبن جاني كلامك وعلمت =بأنك تمنالي قوي الغلايب
ودك أعيش ضعيف كما تكلمت=وهذا صحيح القول فالك ترايب
الحسد طبعك مفضله دون فضلت=وحبلٍ بليا حسد من يدك سايب
وولدك ابدالي على كل ماشعت=وأبداء علي علوم فيها الغرايب
وسفكت أبشع مابقى لك وماحزت =بأني بغيض وفزت والإبن عايب
وسعى ورى الغايه وأنا لحاله أعجزت=دامه شفوقٍ للنهب والسلايب
كم من دهر وأنا عن وجيهكم شمت=وأصبح يجي من يمك العلم خايب
وماني بتال القوم والبيت إبه طفت=تالٍ عمل ربي ولاني بهايب
خلك على صيغه قتالك وحرمت =على لذيذ النوم عمرك نشايب
فاهم شاطر للدقاقات تممت =واليوم عزز ماقفك للكرايب
ولابيننا ياكود شيءٍ إبه قمت=وشين العمل ضده بياض السحايب
والعمر واحد عن دناياه كفرت =واللي بقت تلحق بحام الغصايب
ولنكان تذكر منوتي وويش خربت=أنته عدوي محضرن لك رقايب
والعاليه وقفت من دونها ونلت =مقصودك أللي منه سقت الذرايب
وقفت في وجهي بمابه تحمست =وشربت من شين العمل والصرايب
تفرح ليامني انا ماتسنعت =واكبر فرح لن كان بعت النجايب
وبلواك كانني لخيرٍ توفقت =ولارحت بين اللهو والاء اللعايب
ويابوك يالمسكين مهما تكبرت=والله ماتكسر لواف الحضايب
منته بكفوي لو تفرقعت ثم طرت=ولاأنته بعالي لو تعلى الهضايب
انا مسند وانت خبلٍ ماسندت =وجدي وجدي ماضروا بالندايب
والناس ماقالوا عن افعالها غبت =وتشهد بفعلٍ يجعل الدم رايب
وأمحق مناسب فالملاء هي ماناسبت=ولانته بوافٍ للعدل والوجايب
نباح للطرقي عن الواجب ابعدت =كانك من افعالك وكيلٍ لنايب
مكروه من كل المخاليق لادمت=ملعون واللعنه علاكم سكايب
مشرك بإشراكك على الجن وكلت=تتبع بليس اللي بيده الكلايب
تقول في عالمك صالح وأصلحت =وأنته عن الشانات منته بتايب
خايب وخايب ليه لله ماصمت =ثم قلت حق ولاتلحقت غايب
ودارك بعد فقدك ترى كيف سوت=بلاه قلي ياقوي النسايب
ويالعنبو رجلٍ حباله تطوت=ولاأبدى لحاجات البني والرعايب
لعاب للميسر على دربها شبت =وأفنيت عمرك خلفها بالهذايب
تمرح عباد الله وانته تنشطت =مع كل شيطانٍ تجيد الغرايب
كانك أسير الهند والصن والبنت=ومن دونها حالك تجر النحايب
ولالك مرام ولاتعلمت وأعلمت =مع أصحابك أللي مسنده كالخشايب
ضعيف نفس ولاتكرمت وأكرمت=دايم تدسس بالشجر والزرايب
بالخوف يالمسكين نفسك تعبت=ودايم ترى تملاك كل الشوايب
كم من ليالٍ سجلت فيك إرهبت=وأللي سواتك يلبسونه نقايب