الأمير سلمان بن عبد العزيز

سلام ياللي مضربه فالعداء سام=وألطف من الريحان على الموالين
يانسل من ريخ مواقيف وزحام =بحزمه وعزمه كلبونا متخاوين
وصرنا بدين الله صيام قيام =والأمن تب ومحتسين المعادين
وقمنا على بني العلاء والعلاء قام =وعلى صروح المملكه له عناوين
وعشنا سواء مافيه خاسي ونمام =ولايستوي عاقل وناسٍ مجانين
نمشي على متن الطويلات قدام =قدام في قدام تمش الضواعين
ونبني من التعليم إقصور وخيام=وصرنا على العالم نسود وسلاطين
وقمنا نغيث الأرض عامٍ ورى عام =وحسادنا إلنا ماقالوا مساكين
نعطي وناخذ فالميادين حشام =نحشم ونحشم وللمنادي مناجين
ورفعه بلدنا عز وعزن للأعلام =وسماء علمها فوق بتطوير بانين
سباقةٍ للريح والغير نيام =ولكل ذربه وغانمه لامتراخين
سواء سواء وحكامنا خير حكام =وفبلادنا حنى الجميع متعافين
ومن الكتاب العدل وإنصاف الأحكام=ويفرق مابين اللي على الشر ناوين
أمن وأمان وديننا دين الإسلام=اللي به الله طالبينه وراجين
ولوي أبكتب إفتحت كل الأقسام =وصرنا عن الغايه بعيد متناحين
الغايه اللي أمرها كلها هام =وأهم من فتح الكتب والدواوين
وأحق بالإخلاص إبلاد الإمام =اللي بها حكامنا والقوانين
إملوكنا اللي مادعموا أي ظلام =وراع الظليمه ماوجدله معاوين
واليوم جيتك يابعد كل مقدام =ياللي لك الصعبات تغدي تهاوين
ياقاهر الطاغي وواصل للأرحام=يامهجدن من يكثرون الأكاوين
ياراعي الجزلات ياميرنا العام =ياللي عليك الناس دوم متوالين
وورود صدارٍ على كل مرسام=وكل إله مقصد وفيك متوارين
أمير راسي ماتحركه الألغام =ويرخي بنانه روس قوم شياطين
ومعروف إن الراي لن قال له دام =ولايخلف أمره لادروع وبلادين
فهيم واعي وسطوته لخصمه إرغام=وعليه ماتعلب اسود وثعالين
خبير فالتدبير سريع الإلهام=وحنى على دربه ودونه مفادين
يكسر ويجبر ماإنهزم دوم هزام =ويشيل حمل ماتشيله بعارين
صليب راي ويكرب انفاس وانسام =وفي نظرته صفق الفخر من نياشين
رفيع نفس وخافقه كنه إحرام=طاهر نزيه ورادع للملاعين
يعطي وكفه مدها عنه ماصام =دايم تجود ولاتونت لباغين
والرفق والرحمه لها دوم زمام =وتضفي على العالم رشاش وتغاشن
والله جعله رحمت بغيره إرحام =وتزود دايم مغبنوه المغابين
والدين والتقيا لها دوم لزام=وليا دعاء المعبود لدعاه آمين
متواضعٍ للشعب وللحكم شكام=وإرسانها في ساعده يامضاهين
وشاق الرياض ونجد وبحبها قام=ورمم جميع إفتوقها والقطاعين
وفي حبها يصحي وفي حبها نام=وأمسى غلاها بالدماء والشرايين
ماله مثيل اقولها واقسم إقسام=أللاء الذي اخذ صفاته ياغافين
ابوه اللي عالج اسقام واسقام=اللي فعوله ماهي بحكي حاكين
سرى بسيفه ليل مع كل مرزام =وروض صعايبها حضر والبداوين
وصفه عجيب ومذهل لكل فهام=حر مضاريبه تفوق الشياهين
عبد العزيز اللي له المجد سوام =ويمناه ماترحم غريم ومثارين
ومن صابته طيره على جثته حام =وبالسيف أفعاله عليها البراهين
لينه بلعب السيف ماهر ورسام =وفي رسمته تلقى الخصوم مترامين
عبدالعزيز اللي قتل كل الاورام =وخلاء الخلاء يصبح بيوت ودكاكين
مليك عز وللمعاين هدام =ويمناه تعلوا فوق كل الميامين
وخلف لنا اللي للرفيعات وسام =سلمان زبن أهل الفقر والصواوين
حرٍ وبأرقامه حجب كل الأرقام=وملك سمو المجد بليا محامين
صليب رايٍ وللجزيلات همام =وللغانمات يسوق بأغلى التثامين
وماتكسب الزانه وسلمان قدام =والطيب والذربه إله فعل دارين
كريم مايبخل على الكل قوام =ولروسنا تاج وفيه متضاهين
فخر فخر ابو الكراسي والاقلام=ريف الضعوف اللي من الثوب عارين
وستر النساء طنخه ولاهيب بالخام=ووفي حقوق الرجل وايضا النساوي
يحل مثل الغيث أرزاق وانعام=ويروح والعالم تباكى محازين
ومن دونه الهقوات ماتن بأوهام=وتمسي هقاو الغير جمعا تهاوين
ووالله لو اكتب بيمناي والشام =إني موصف له بكل الموازين

الشاعر
فواز علي سريع الروقي