السلام عليكم ورحمة الله وبركاته
الحمد لله والصلاة والسلام على رسول الله

هذه قصيده تعبر عن نفسها :
آمل أن تحوز على رضى القارئ الكريم

يا خالق الوديان وبحور وجبال=الواحد الديان ولا أحد خشيره
يارب وفقنا لحسنات الأعمال=وأجعل لنا من كل ذنبٍ ستيره
قم يا غلامٍ دايم الدوم رحال=شيك على الجمس وتفقد اسبيره
أركب على اللي للثقيلات شيال=توه مورد من وكاله شهيره
ثم هاك ظرفٍ به عذيات الأمثال=وده على ابو ربعةٍ مستنيره
كزه على معوض وبين له الحال=ثم قله إبراهيم حاله خطيره
من سبة هموم على القلب تجتال=ما ظن يبريها العلاج وخبيره
وأعلوم تطري لي وتكدر البال=وسط الحشا مثل السيوف الشطيره
وقله يجيب الرد عجلٍ وعجَال=مصانع القيفان تسكن ظميره
يا خوك ذا وقتٍ به أرخوم وأنذال=ويش العمل والراي نفسي حسيره
ولا نفع يا خوك قريبين عقال=كلٍ له أعذاره ولا من بريره
أحدٍ يقول البنت يبغى لها مال=وأحدٍ يقول البنت توه صغيره
وأحترت أنا ما بين بايع ومطال=وابا أتصبر وأطلب الله خيره
وصلاة ربي عد راحل ونزَال=على النبي وعداد ما طار طيره